Basant panchami madan pragatbhayo sub tunn munn anand ..

बसंत पंचमी मदन प्रगटभयो सब तन मन आनंद ॥ ठोर ठोर फूले पलास द्वरुम औरमोर मकरंद ॥१॥ विविध भांत फूल्यो वृंदावन कुसुम समूह सुगंध ।| कोकिल मधुप करत गुंजारव गाबत गीत प्रबंध || २॥ सारस हंस सरोवर के तट बोलत सरस अमंद ॥ नानापहप परागन के भरी आवत पवन सुगंध ॥ ३॥ वैनु बजाय करीमन मोहित गोपीनको नंदनंद ॥ मिलधाई वृषभानु सुतापै परीप्रेमके फंद ॥४॥ गोवर्धनगिरि कुंज सदनमें करत विहार सुछंद ॥ दास निररिर बलिबलि शोभापै स्यामागोकुलचंद ॥५॥

Vasant Panchami

Part3-013

Basant

Aayo rituraj saaji panchami basant aaj moremdrum atee anoop ambarahe phooli ..

आयो ऋतुराज साजि पंचमी बसंत आज मोरेमद्रुम अति अनूप अंबरहे फूली ॥ वेली लपटी तमाल सेतपीत कुसमलाल उडबत सब स्याम भाम भमरहे झूली ॥१॥ रजनी अति भई स्वछ सरिता सब विमलपच्छ उडगन पति अति अकास बरखत रस मूली ॥ जती सती सिद्धसाध जिततित उठि भगे समाधि विमन जडित पसीभये मुनिमनगति भूली ॥२॥ जुवति जूथकरत केलि स्याम सुखद सिंधुझेलि लाज लीक दईपेलि परसिपगन मूली ॥ बाजत आवज उपंग बांसुरी मृदंग चंग यह सुख सब छीतनिरखि इच्छा अनुकूली ॥३॥

Vasant Panchami

Part3-013

Basant

Param puneet vasantapanchami murat shubh dinn

परम पुनीत वसंतपंचमी मुरत शुभ दिन साजेहो ॥ गोपीग्वाल मुदित मनमांहि खेलत बनवृजराजे हो ॥१॥ ब्रह्मादिक सनकादिक नारद सुरविमान चढआये हो ॥ अष्टसिद्धी नवनिधिह ठाडी लेकर कुसुम बधाये हो ॥२॥ फूल्यो वृंदावन फूल्यो गोवर्धन फूल्यो जमुना तीर ॥ रामदासप्रभु गिरीधर फूले नखशिख शोभा श्याम शरीर ॥३॥

Vasant Panchami

Part3-013

Basant

Banathan aaee sakal vrijalalana khelankoju basant ..

बनठन आई सकल वृजललना खेलनकोजु बसंत ॥ श्रीपंचमी परम महोत्सव परम मनोहर गोकुलकंत ॥१॥ शुभदिन सुभग सरोज प्रफुल्लित गुंजत भंवर सुबास || खेल मच्यो नंद आर्गन अद्भुत ब्रजजन नंदकुमर सुखरास ॥२॥ केसर की चमची मनि वोकमें केसकुसुम सुरंग ॥ अबीर गुलाल उडावति गाकत प्रगट्यो अंगअनंग ॥३॥ नीजकरसोंकरदेत पियनकोशोभा कहा कट्ठटि आवे ॥ सुरदास प्रभु सब सुख क्रिंडत ब्रजजन अंगलगावे ॥|४॥

Vasant Panchami

Part3-013

Basant

Aaee aaj vasant panchami khelan chalogopal ..

आई आज वसंत पंचमी खेलन चलोगोपाल ॥ संग्सखा लेडो मनमोहन हमलेहें ब्रजवाल ।|१॥ चोबाचंदन ओर अरगजा केसरि माटभराई || अबीर गुलाल की झोरी भरिभरि लेडोहाथ पिचकाई ॥२॥ छिरकत डंसत चलत वृंदावन करत कुलाहल देतहें गारी ॥ ग्वालन संग लिये नंदनंदन सखियन संग श्रीराधा प्यारी ॥३॥ एकनाचत एकधाय मिलावत एक मृदंग एकताल बजावत ॥ यह सुखदेखि सुरलोक आनंदित श्यामदास बलिहारी जाबत ॥४॥

Vasant Panchami

Part3-014

Basant

Aaj chalori vrindavan biharat vasant panchami pancham gawat ..

आज चलोरी वृंदावन बिहरत वसंत पंचमी पंचम गावत ॥ साजिले हुगडुवा भरि चंदन हरखि आनंद मृदंग बजावत ॥ १॥ कुसमित द्वरुमवेली आछी छबि कूजत कोकिल कीरमानों हम हि बुलावत ॥ कल्यान के प्रभु गिरिधरके परस्पर ये अखियां अतिही सुख पावत ॥२॥

Vasant Panchami

Part3-014

Basant

Yeh dekhi panchami rituvasant .. jahaan dramaru wellie sabfalatam ..1..

यह देखि पंचमी ऋतुवसंत ॥ जहां द्रमअरू वेली सबफलतं ॥१॥ तहां पठई ललिता करिविचार ॥ नवकुंजनमें करिहोंविहार ॥२॥ लेआई सब सिंगारसाज || हरिदोरिमिले मानों मदनराज ॥३॥ नवकेसरि चोवा अंगराग ॥ खेलत गुपाल वढ्यो अनुराग ॥४॥ कुलकोकिल कलरब सुखसमाज ॥ अलिगुंजन पुंजनकुंजगाज ॥५॥ रतिकुंभ लईठाडी निहारी ॥ मधिशाजत सरस सबवेरवारि ॥६॥ सखी ताल मृदंग बजायगाय ॥ तहां द्वारिकेश बलिहारी जाय ॥७॥

Vasant Panchami

Part3-014

Basant

Aaee hain humm nandke dwaaren ..

आई हैं हम नंदके द्वारें ॥ खेलन फाग वसंत पंचमी सुख समाज विचारें ॥१॥ कोऊ ले अगर कुंकुमा केसरि काहके मुखपर डारें॥। कोऊ अबीर गुलाल उडाबें आनंद तनन संभारें | २॥ मोहनकों गोपी निरखत सब नीकेवदन निहारें ॥ चितवनिमें सबही बसकीनी नागर नंददुलारें ॥३॥ ताल मृदंग मुरली डफबाजें झांझनकी झनकारें ॥| सूरदासप्रभु रीझि मगनभये गोपवधू तनवारें ॥४॥

Vasant Panchami

Part3-014

Basant

Kuchangarh bajo vanmore kanchukeevasan dhampile rakhyobasant ||

कुचणगड़ बाजो वनमोर कंचुकीवसन ढांपिले राख्योबसंत || गुनमंदिर अरुरूपबजीचा तामें बैठीहे मुखलसंत ॥१॥ कोटिकाम लावन्य विहारीजू जाहिदेखेंते दुखनसंत ॥ ऐसे रसिक हरीदासके स्वामी ताहि भरन आई प्रभु हसंत ॥२॥

Vasant Panchami

Part3-015

Basant

Aajavasant sabey milli sajani poojo mohanmati .. harad doob dii akshat lekein gaavo saubhagageet ..1.. chovachandan agarkunkuma

आजवसंत सबे मिलि सजनी पूजो मोहनमति ॥ हरद दूब दि अक्षत लेकें गावो सौभगगीत ॥१॥ चोवाचंदन अगरकुंकुमा पोहोपसेत अरुपति ॥ घरघरते वानिक वनिआए आप आपुनी रीति ॥२॥ मोहन कोमुख निरखिके करिटहों ब्रजकीजीत ॥ खेलत हंसत परमसुख उपज्यो गयोहे चयोस निसबीति ॥३॥ खेल परस्पर बढ्यो अति रंगसों रीझे मोहन मीत ॥ कृष्ण जीवन प्रभु सुख सागरमें छांडो नहीं पसीत ॥४॥

Vasant Panchami

Part3-015

Basant

Jovanmore romawali sufal fully kanchukivasant dhampilichali basant poojan ..

जोवनमोर रोमावली सुफल फली कंचुकीवसंत ढांपिलिचली बसंत पूजन ॥ बरनवरन कुसुम प्रफुल्लित अंबमोर ठौरठौर लागेरी कोकिला कूजन | १॥ विविध सुगंध संभारि अरगजा गावत ऋतुराज राग सहित ब्रजवधूवन ।। सूरदास मदनमोहन प्यारी ओर पियसहित चाहतकुसल सदां दोऊजन ॥२॥

Vasant Panchami

Part3-015

Basant

Manmohan sanga lalana viharat basant saras rituaai ..

मनमोहन संग ललना विहरत बसंत सरस ऋतुआई ॥ लेलेछरी कुंवरि राधिका कमलनेन पैंधाई ॥ १॥ द्वादसवन रतनारे देखियत चहुंदिस केसू फूले ॥ मोरेअंव ओर द्वुमवेली मधुकर परिमल भूले ॥२॥ सिसिर क़तुमें अति गयो सीत सब रविउत्तर दिस आयो ॥ प्रेम उमगि कोकिला बोली विरहनि विरह॒ज गायो ॥३॥ ताल मृदंग बांसुरी वीना डफ गावत मधुरी वानी ॥ देत परस्पर गारि मुद्धित न्हे तरुनीबालसयानी ॥४॥ सुरपुर नरपुर नागलोक जलथलक्रीडा रस पाबे ॥ प्रथमवसंत पंचमी लीला सूरदास गुनगावे ॥५॥

Vasant Panchami

Part3-015

Basant