Aabo vasant vadhaavo vrajki naari.. sakhee singhpori thaade murari ..|shru0..

आबो वसंत वधावो ब्रजकी नारि॥ सखी सिंघपोरि ठाडे मुरारि ॥|श्रु०॥ नौतन सारी कसूंभी पहरिकें नवसत अभरनसजियें ॥ नवनवसुख मोहन संग विलसत नवल कान्ह पियभजियें ॥१॥ राधा चंद्रभगा अंद्रावलि ललिता भाम सुसीले ॥| संजावली कनिकघट शिरपर अंबमोर जब लीले ॥२॥ चोवा चंदन अगरकुंकुमा उडत मुलाल अबीरे ॥ खेलत फागभाग बड गोपी छिरकत स्याम शरीरे ॥३॥ वीनावेन झांझ डफ बाजे मृदंग उपंगन ताल ॥ कृष्णदास प्रभु गिरिधरनागर रसिक कुंवर गोपाल ॥४॥

Vasant Panchami

Part3-015

Basant

Gawat vasant chalivanevir baage.. bal‍labh reejhaayve

गावत वसंत चलीवनेवीर बागे॥ बल्‍लभ रीझायवे को मिली अनुरागे ॥ १॥ एकतो पहरावे वागो एकसोंधोलावे ॥ एकतो वंदन छिरके एक अबीर उडावे ॥२॥ एकतो पान खवाबे एक दरपन दिखावबे ॥ एकतो पंखाकरे एक चमर ढुरावे ॥३॥ आरती करिकेंसबव किये मनभाये ॥ बृंदावन चंद बहुभांति रिझाये ॥४॥

Vasant Panchami

Part3-016

Basant

Jaavat chully vasant vadhaavan nandrai darbar ..

जावत चली वसंत वधावन नंदराय दरबार ॥ वानिक वनिठनि चोखमोखसों ब्रजजन सब इकसार ॥१॥ अंगिया लाल लसत तनसारी झूमक नवउरहार ॥ वेनीग्रथित रुरत नितंबपर कहाकहूं वडेडबार ॥२॥ म्रगममद आड बडेरी अखियां आजीअंजनपूरि ॥ प्रफुलित बंदन हंसत दुलरावत माहेन जीवनमूरि ॥ ३॥ पगजेहरि के हरि कटि किंकिनि रह्यो विथिकि सुनिमार || घोषघोष प्रति गलिन गलिन प्रति विछुवनके झनकार ॥७॥ कंचन कुंभसीस परलीने मदन सिंधुतें भरिकें | ढांपेपीत वबसन जतनन रचिमोर मंजुरी भरिकें ॥५॥ अबीर गुलाल अरणजा सोंधो विधिनजात विस्तारी ॥ मेनसेन जोनारदेनकों कमलनकमल निथारी ॥६॥ पोहोंची जाय सिंघ पोरीजव विपुल जुवति समुदाई ॥ निजमंदिरतें निकसिजसोदा सनमुख आगेआई ॥७॥ भईभीर भीतरे भवनन में जहां ब्रजराज किसोर ॥ भरत भावते प्रान पियाकों घेरिफिरि चहंंओर ।|८॥ ब्रजरानी जब मुरिमुसिक्यानी पकरन भई जबकरकी ॥ लेसंग सखी लखी कछुबतियां मिसही मिस उतसरकी ॥९॥ कुमकुम रंगसों भरे पिचकारी छिरकें जे सुकुमारी ॥ वरजत छीटें जात द्रजनमें धनि वे पोंछनहारी चंदन वंदन चोवा मधिकें नीलकंज लपटावे ॥ अलक सिथल ओर पाग सिथल अति पुनि वे बांधि बंधावे ॥ १॥ भरत निसंक भरे अकवारी भुजनवीच भुजमेलें ॥ उनमद ग्वाल बदत नहीं काहू झेलखेल रसरेलें ॥ १ २॥ कियो रगमगो ललित त्रिभंगी भयो ग्वालिनी सनभायो ॥ टकझकमें झुकि एकही विरियां लालन कंठ लगायो ॥१३॥ ताल मृदंग लीयें श्रीदामा पोहोंचे आय सहाई || हलधर सुवल तोक मधुमंगल अपनी भीर बुलाई ॥१४।॥ खेल मच्यो मनिखचित चोक में कव्िपि कहा कहि जावे ॥ चतुर्भुज प्रभु सिरिधरनलाल छबि देखेंही बनिआबे ॥१५॥

Vasant Panchami

Part3-016

Basant

Shyam subhagatan sobhit chheenten nikilagi chandan

श्याम सुभगतन सोभित छींटें नीकीलागी चंदन की ॥ मंडित सुरंग अवीर कुंकुमा ओर सुदेस रजबंदन की ॥ १॥ कुम्हनदास मदन तनमन बलिहारकीयो नंदनंदन की ॥ गिरिधरलाल रची विधिमानो युवतिजन मनफंदनकी ॥२॥

Vasant Panchami

Part3-017

Basant

Kesari chheent ruchir bandanraj syathaam subhag tunn

केसरी छींट रूचिर बंदनरज स्यथाम सुभग तन सोहें ॥| बिचबिच चोवा लपटानों उपमाकों कहि कोहें ॥१॥ यह सुख नव वसंत के ओसर राधानागरि जोहें ॥ चन्नभुजप्रभु गिरिधरन लालछबि कोटिक मन्मथ मोहें ॥२॥

Vasant Panchami

Part3-017

Basant

Sub anga chheete laagi neeko banyon baan .. goraa

सब अंग छीटे लागी नीको बन्यों बान ॥ गोरा अगर अगरजा छिरकत खेलत गोपीकान्ह || १।| हाथन भरें कनिक पिचकाई भरिभरि दंतसुजान ॥ सुरनर मुनिजन कौतिकभूले जयजय जदुकुल भान ॥२॥ ताल परावज वेनुबांसुरी राग रागिनी तान॥ विमलानंद दासवलिवंदित नहीं उपमाकों आन ॥३॥

Vasant Panchami

Part3-017

Basant

Chhirkat chhintachhabili raadhe chandan bharibhari borire ..

छिरकत छींटछबीली राधे चंदन भरिभरि बोरीरे ॥ अबीर गुलाल बिविधरंग सोंधो लोचन परिगईरोरी ॥१॥ सर्व सब सकियो रसिक कुमारी प्रेमफंद हिंडोरी ॥ सूर प्रभु गिरिधरनलाल कों देरही प्रेम अकोरी ॥२॥

Vasant Panchami

Part3-017

Basant

Laal rung bheene vaage khelat hengilalan laahako

लाल रंग भीने वागे खेलत हेंगीलालन लाहको सिरपेच बांधे | केसरि आड अगर चंदन की पिचकाई भरिभरि सांधें ॥१॥ एक गावत एक तालदेत एक रवाव बजाबत कांधे ॥ सुघरराय को प्रभु रसबस करिलीनों धाधिलंग धूंधे धांधें ॥२॥

Vasant Panchami

Part3-017

Basant

Chatkili choli paharen beachbeach chova laptano ..

चटकीली चोली पहरें बीचबीच चोवा लपटानो ॥ परम प्रिय लागत प्यारी कों अपने प्रीतम को बानो ॥१॥ देखत सोभा अंगअंगकी मनसिज मनहिल जानो ॥ सुघरराय प्रभु प्यारी की छबि निरखत मोह्यो जोवर्धनरानो ॥२॥

Vasant Panchami

Part3-018

Basant

Chheent chhabili tunn sukh saaree pyaari pahare sohe

छींट छबीली तन सुख सारी प्यारी पहरे सोहे नवल लाल रस रूप छबीलो निरखत मनमथ मोहे ॥१॥ केलिकला रस कुंज भवन में क्रीडत अतिसुख होहे ॥ हरिदास के स्वामी स्यामा कुंज विहारी उपमा को कहियेकोहे ॥२॥ -

Vasant Panchami

Part3-018

Basant

Ritubasant key aagam aalee prachuramadan koo jore ..

ऋतुबसंत के आगम आली प्रचुरमदन को जोर ॥ कैसें धरें कुलबधू धीरज खेलत नंदकिशोर ॥१॥ तेसीये गिरि गोवर्धन पर नूत मंजुरी मोरी ॥ सुनसुन चलीं लालभिरिधरपे बनबन नवल किशोरी ॥२॥ जायमिली अनुराग भरी रस फाग श्यामसों खेली ॥ व्रजपति श्यामत मालहिं लपटी मानों कंचनबेली ॥|३॥

Vasant Panchami

Part3-018

Basant

Aroon abir jinn daroho lalana dookhat aankhi

अरून अबीर जिन डारोहो ललना दूखत आंखि हमारी ॥ काल्हि गुलाल परचो आंखिनमें अजहू नभई पियसारी ॥१॥ सब सखियन मिलि मतोमत्योहे अबकीबेर देहूं गारी ॥ हाहा खात तेरे पैयां परतिहूं अबहोंचेरी तिहारी ॥२॥ हिलिमिलि खेलो हो पिय हमसों मानों सीख हमारी ॥ धोंधीके प्रभु तुम बहुनायक निसदिन रहत डंकारी ॥३॥

Vasant Panchami

Part3-018

Basant