Abjin mohibharo nandanand houn vyakul aibhari ..

अबजिन मोहिभरो नंदनंद हों व्याकुल अईभारी ॥ कहत ही कहत क्यो नहीं मानत देखे नये खिलारी ॥१॥ काल्हि गुलाल परच्ो आंखिनमें अजहून भई पियसारी ॥ परमानंद नंद के आंगन खेलत ब्रजकीनारी ॥२॥

Vasant Panchami

Part3-018

Basant

Lalyupal gulal hamari aankhin mein jinn

लालयुपाल गुलाल हमारी आंखिन में जिन डारोजू ॥ बदन चंद्रमा नैन चकोरी इन अंतरजिन पारोजू ॥१॥| गाओ राग वसंत परस्पर अटपटे खेल निवारोजू। कुंकुम रंगसों भरि पिचकारी तकिनेनन जिनमारोजू ॥२॥ वंकविलोचन दुःख के मोचन भरिकें दृष्टि निहारोजू ॥ नागरी नायक सब सुखदायक कृष्णदास कोंतारोजू ।॥॥३॥

Vasant Panchami

Part3-018

Basant

Aavo ree aavo sub millie gaavo ree basant raag

आवो री आवो सब मिली गावो री बसंत राग बधावो री कलश ले सब भाम ॥ मौर बांधि दुल्हे राज बैठ्यौ घर सिंघासन प्रफुलित भये तब रूप लाल सुन्दर स्याम ॥१॥ छिरक्‍यो री नवल लाल चोवा मृूगमद गुलाल सोंधो ले परसो री मुदित भयो काम ॥ बजाओ री अनेक बाजे सुर मंडल बीना नाद मदन मोहन वृन्दावन बृज धाम ॥२॥

Vasant Panchami

Part3-019

Basant

Neeki aaju basant panchami khelati kunjavihari ..

नीकी आजु बसंत पंचमी खेलति कुंजविहारी ॥ संग सखी रंग भीनी लीनी श्रीव्रषभानु दुलारी ॥१॥ बूका बंदन केसर चंदन छिरकति पियकों प्यारी ॥ अरस परस दोऊ भरति भरावति रंग बढ्यौं अति भारी ॥२॥ बाजत ताल मृदंग मुरज ढफ बिच बिच बेनु उचारी ॥ कुंज कुंज में केलि करौ मिलि ललितादिक बलिहारी ॥३॥

Vasant Panchami

Part3-019

Basant

Radha giridhar biharati kunjan aaeen hoe basant

राधा गिरिधर बिहरति कुंजन आईं हो बसंत पंचमी ॥ बन बन द्रम प्रति कोकिला कूजत मीठे वचन अमी ॥१॥ गावत तान तरैंग अगनित गति मृदंग सौं राग जमी ॥ इहि समै हिलमिल “गोबिंद! प्रभु सौं सब ही भाँति रमी ॥२॥

Vasant Panchami

Part3-019

Basant

Phir busson‍tta ritu aaee sajani brindaban sukhdai ).

फिर बसन्‍्त ऋतु आई सजनी ब्रिंदाबन सुखदाई )। चली जँह तँह बंसीबट श्री नंदकुमार कन्हाई ॥१॥ कोकिल कीर मराल मंडली रंग-भोमि मन भाई ॥ ठोर-ठोर बेली द्वुम फूले अबीर गुलाल सोंधाई ॥२॥ कहा बरनौं कुंजन की सोभा कानन्‍्ह कुंवर मिलि खेलें || करत बिहार चले जमुना तट अंस-अंस भुज मेलें ॥३॥ नीलांबर पीतांबर सोह्े चंदन बंदन अति घोरी ॥ कही न जात दुह्ुन की सोभा स्यामा स्याम की जोरी ॥४॥ मंद सुगंध चल्यों मलयानिल सीत पवन सुखरासी ॥ “मान दास! बलि यह गिरिधर प्रभु ब्रिंदा बीपिन बिलासी ॥५॥

Vasant Panchami

Part3-019

Basant

Aaj panchami shubhdin neeko kaam janam dinn

आज पंचमी शुभदिन नीको काम जनम दिन आयो ॥ रुकमनि कौंखि चंद्रमा प्रगट्यों सब जादौं मन भायौं ॥१॥ बाजत ताल पखावज आवज उड़ति अबीर गुलाल ॥ फूले दान देति जादौं पतति मागन भए निहाल ॥। २।॥| हरखि देवता कुसमन बरखति फूलि सब बन राई ॥ परमानंद, मोद अति बाढ्यों जग सबके सुखदाई ॥३॥

Vasant Panchami

Part3-019

Basant

Khilawan aavengi vrajnari .. jaago laal chiraiyan

खिलावन आवेंगी ब्रजनारी ॥ जागो लाल चिरैयां बोलीं कहे जसुमति महतारी ॥१॥ ओट्यो दूधपान करि मोहन वेगि करो स्नान गुपाल ॥ करिशुंगार नवल बानिक बनि फेंटन भरो गुलाल ॥ बलदाऊले संग सखा सबखेलो अपनेद्वार ॥ कुंकुम चंदनचोवा छिरको घसि मृगमद घनसार ॥३॥ लेकनहेर सुनोमेरेमोहन गावत आवेंगारी ॥ ब्रजपति तबहीं चौंकि उठिबैठे कितमेरी पिचकारी ॥३॥

Basant Jagave( Mahasude 6 se Falgoon Sud 15)

Part3-020

Bibhaas

Jaagi hoe laal, gopal, girivardharan, saras rituraj

जागि हो लाल, गुपाल, गिरिवरधरन, सरस ऋतुराज बसंत आयोौ ॥ फूले द्वुमवेली, फल, फूल, बौरे, अंब, मधुप, कोकिला कीर सैन लायौ ॥१॥ जावौ खेलन, सबै ग्वाल टेरत द्वार, खाऊ भोजन मधु, घृत, मिलायौ || सखी-जूथन लीयें आईं है राधिका मच्यौं जहगडराग रंग छायौ ॥२॥ सुनति मृदु-बचन, उठे चौंक नंदलाल, कर लीयैं पिचकाई सुबल बुलायौ ॥ निरखि मुख, हरखि हियैं, वारि तन मन प्रान, सूर येह्टि मिसहि गिरिधर जगायौ ॥३॥

Basant Jagave( Mahasude 6 se Falgoon Sud 15)

Part3-020

Basant

Praat samain giridharanlal kau karati prabodh jasoda

प्रात समैं गिरिधरनलाल कौ करति प्रबोध जसोदा मैया ॥ जागौ लाल, चिरैया बोलीं, सुंदर मेरे कुँवर कन्हैया ॥१॥ हलधर संग लैहौ मनमोहन, खेलन जाउ ब्रिन्दाबन धाम ॥ क्रतु बसंत प्रफुलित अति देखियत सुंदर हे कालिंदी ठाम ॥२॥ जननि-बचन सुनति मनमोहन, आनँद उर न समाई ॥ “कृष्णदास' प्रभु बेगि उठे जब, जननि-जसोदा कंठ लगाई ॥३॥

Basant Jagave( Mahasude 6 se Falgoon Sud 15)

Part3-020

Basant

Jaagi kahyau januni saun mohan ..| aaju kahaa

जागि कह्यौ जनुनी सौं मोहन ॥| आजु कहा मोहे बेनि जगायों सों कारण सब कहिए सोहन ॥ तब जसुमति कटद्मों आजु पूरन दिन पून्यों सुख की रासी ॥ डांडो रोपन नंद जाईंगे सँग लीए ब्रज वासी ॥२॥ ऊत वृषभानु इतेई तैं नंदराई होड परेमी भारी ॥ इत प्यारो उत प्यारी कों दल को जीते को हारी ॥३॥ ताते बिच मोहन बलदाऊ सौं कही लीजे ॥ और गोप लेऊ रखबारी गोपी सब बस कीजे ॥४॥ यह सुनि रबंकि उठे गिरिवरधर तव मैया पय पान पिवाबै ॥| देखो आज खेलि होरी कों माखन मोहि खवाबे ॥॥५॥ तब जसुमती गुपाल लाल को ऊबट नहवायो प्रीत ॥ करि सिंगार परम रूचिकारी ब्रजवासीन के मीत ॥६॥ यह सब बात जानि ब्रज वनिता चली सींगमारि सिंगारी ॥ मन हरखित सोभित सुंदरि कोटी काम बलिहारी ॥७॥ सब मिलि इक ठौर न्हैं आई जसुमति ग्रह के द्वार ॥ भीतर जाई लाल मुख निरखति हरखें लोचन चार ॥८॥ सेन समै सब भेद कह्मौ तब मुसिकाई मोहन मन हर लियो ॥ 'रसिक' प्रीतम जानति अंतर गति मन भायों सब कियों ॥९%॥

Basant Jagave( Mahasude 6 se Falgoon Sud 15)

Part3-020

Bibhaas

Karo kaleu balram krishna tum mill vrajki naari

करो कलेऊ बलराम कृष्ण तुम मिल ब्रजकी नारी सिमीट सब आई ॥ चोबा चंदन अगर कुंमकुमा साज कामकी सब सज लाई ॥१॥ कछु खायो कछु धरनी गीरायो उमंग आनंद उर आनंद उर न समाय ॥ सूर स्याम होरी रस पामे उठे अचवन करि बीरा खाय ॥२॥

Basant Kaleoo ( Maha Sud 6 se Falgoon Sud 15)

Part3-021

Basant