Jaago krishna khelo rung horry .. abir gulal

जागो कृष्ण खेलो रंग होरी ॥ अबीर गुलाल लियो भरि झोरी ॥ ब्रज नव वधू ख्लेलन कों निकसी घोषराई जु की पौरी ॥१॥ कछु खाओ और सुगंध फैंट भरि करो रगणमगो राम तुम जोरी ॥ संग सखा खेलन को जैहो “दास” निरख्ि बोलत मुख होरी ॥२॥

Basant Jagave( Mahasude 6 se Falgoon Sud 15)

Part3-021

Bibhaas

Karo kaleu kahati jasauda, sunder merey

करो कलेऊ कहति जसौदा, सुंदर मेरे गिरिधरलाल ॥ दूध, दही, पकवान, मिठाई, माखन, मिसिरी, परम-रसाल ॥१॥ पाछैं खेलनि जाऊ लड़ैते, संग लेह सब ब्रज के बाल ॥ चोवा, चंदन: अगर, कुंमकुमा, फैंटन भरौ अबीर गुलाल ॥२॥ कीयो कलेऊ मन कौ भायौ, हलधर संग सकल मिलि ग्वाल ॥ कीयौ बिचार फागुन खेलनिकौ 'परमानँंद' प्रभु नैन-बिसाल ॥भ॥।

Basant Kaleoo ( Maha Sud 6 se Falgoon Sud 15)

Part3-021

Basant

Bhaare bhaye merey laal horry khelo gope baal utho

भारे भये मेरे लाल होरी खेलो गोप बाल उठो जुपाल लाल दुह्लो धोरी गैया ॥ उस्नोदक अभ्यंग स्नान करि हो कलेउ कान्ह सजो बिबिधि बान कहति मैया ॥ १॥ केसर के कलस भरौ पिचकारी कर धरो अबीर गलाल लेह्दू रे संग बल भैया ॥ इंडुरी पिंडरी वारु आरति मंगल वारू राई लोंन उतारूं बार डारू 'सूर' बल जैया ॥२॥

Basant Jagave( Mahasude 6 se Falgoon Sud 15)

Part3-021

Bibhaas

Karo kaleu madan gopal .. madhu, meva, pakwan,

करो कलेऊ मदन गोपाल ॥ मधु, मेवा, पकवान, मिठाई, भरि-भरि राखे कंचनथाल ॥ १॥ माँखन, मिसिरी, सद्चय-जम्यौ-दघि, औट्यो दूध, अरू सरस मलाई ॥ आप हु खाओ ग्वालन सँँग लैकैं, पाछैं खेलोौ सघन-बन जाई ॥२॥ करत कलेऊ रामकृष्ण दोऊ, औरहु संग लये सब ग्वाल ॥ करहि बात फागु-खेलनि की, 'कृष्णास” मनमोहन लाल ॥३॥

Basant Kaleoo ( Maha Sud 6 se Falgoon Sud 15)

Part3-021

Basant

Srigiridharlal kii baanik oopar aaj sakhee

श्रीगिरिधरलाल की बानिक ऊपर आज सखी तृन टूटेरी || चोबा चंदन अगर कुंकुमा पिचकाइन रंगछूटेरी ॥१॥ लालके नैेन रणमगे देखियत अंगअनंगन लूटेरी ॥ कृष्णदास धनि धन्य राधिका अधर सुधारस घाूँटेरी ॥२॥

Basant Kaleoo ( Maha Sud 6 se Falgoon Sud 15)

Part3-022

Basant

Curry hoe kaleu balram krishna tum mill vraj

करि हो कलेऊ बलराम कृष्ण तुम मिल ब्रज की नारि सिमिट सब आई ॥ चोवा चंदन अगर कुँमकुमा साज फाग कौं सब लाई ॥ १॥ कछू खायो कछू धरनि गिरायो उमँगे आनंद उर न समाई ॥ 'सूर श्याम' होरी रस पाजे उठे अचवन करि बीरा खाई ॥२॥

Basant Kaleoo ( Maha Sud 6 se Falgoon Sud 15)

Part3-022

Basant

Jagolal basant badhaavan aavegi vrajnar ..

जागोलाल बसंत बधावन आवेगी ब्रजनार ॥ उठ हो लाल तुम करहो कलेऊ खेलनको होत अवार ॥१॥ माखन मिश्री दघि मलाई भर भर राखे कंचन थार ॥ इतनी सुनत तुरत उठे बैठे जसोमती बदन निहार ॥२॥ दोऊ भैया करत कलेऊ पाछे मैया करत सिंगार || फगुवामें मेवा धर राखे ओर धरे मोतियन के हार ॥|३॥ इतने में ब्रजबाल सबे मिल आई नंदजुके द्वार ॥ करत कुलाहल सुनत ही आतुर आए नंदकुमार ॥४॥ केसर अगर श्यामापर डारत हँसत दे दे करतार ॥ मिसही मिस अंक भरत स्यामको फणुवा दे दे नंदकुमार ॥५॥ फगुवा दिये आनंद मन मानत यह होरी को बड़ो त्योहार ॥ देत असीस सबें ब्रजवनिता हरिदास बलिहार ॥६॥

Basant Kaleoo ( Maha Sud 6 se Falgoon Sud 15)

Part3-022

Basant

Khelat basant niss piya sanga jaagi .. sakhee brind

खेलत बसंत निस पिय संग जागी ॥ सखी बृंद मोकुल की सीमा गिरिधर पिय पदरज अनुरागी ॥१॥ नवल निकुंज में गुंजत मधुप पिक विविध सुगंध छींट तन लागी ॥ कृष्णदास स्वामिनी जुबति जूथ चुडामनि रिझवत प्रान पति राधा बडभागी ॥२॥

Basant Mangala ( Mahs Sud 6 se Falgoon Sud 15)

Part3-023

Basant

Aaj kachhu dekhiyat orhi baanik pyaari tilak

आज कछू देखियत ओरही बानिक प्यारी तिलक आधे मोती मरणजीमंग ।॥ रसिक कुंवर संग अखारे जागी सजनी अघर सुखे निस बजावत उपंग ॥१॥ नवनिकुंज रंग मंडपमें नृत्यभूमि साजि सेज सुरंग ॥ तापर बिनिध कलकूजित सखीसुनत श्रवण वन थकित कुरंग ॥२॥ कृष्णदास प्रभु नटवरनागर रचत नयन रति पतिब्रतभंग ॥ मोहनलाल गोवर्धनधारी त्ोहि मिलन चलि नृत्यक अनंग ॥३॥

Basant Mangala ( Mahs Sud 6 se Falgoon Sud 15)

Part3-023

Basant

Saanchi kaho manmohan moso tou khelon tum sanga

सांची कहो मनमोहन मोसो तो खेलों तुम संग होरी ॥ आजु कि रैन कहाँ रहे मोहन कहां करी बरजोरी ॥१॥ मुख पर पीक पीठिपर कंकन हियें हार बिन डोरी ॥ जियमें ओर ऊपर कछु औरे चाल चलत कछु ओरी ॥२॥ मोहि बतावत मोहन नागर कहा मोहि जानत भोरी ॥ भोर भये आये हों मोहन बात कहत कछु जोरी ॥३॥ सूरदास प्रभु एसी न कीजे आय मिलो कहा चोरी | मनमानें त्यों कत नंदसुत अब आई डे होरी ॥७॥

Basant Mangala ( Mahs Sud 6 se Falgoon Sud 15)

Part3-023

Basant

Tere nain uneede teen prahar jaage kaahe koun sowat

तेरे नैन उनीदे तीन प्रहर जागे काहे कों सोवत अब पाछली निसा॥ कछू अलसात बीच श्रम लागत श्रमितन जाय अधिक रिसा ॥१॥ गिरिधर पियके बदन सुधारस पान करत नहीं जानत तृसा ॥ एत्तेकहत होयजिन प्रगटित रतिरसरिपु रवि इंद्रदिसा ॥२॥ तुवमुखजोति निरखत उडपति मगन होत निरखि जलद खिसा || कृष्णदास बलिबलि वैभवकी नवनिकुंजग्रह मिलत निसा ॥३॥

Basant Mangala ( Mahs Sud 6 se Falgoon Sud 15)

Part3-023

Basant

Dekhiyat laal laal drinn dorre .. kaake sanga khele

देख्ियत लाल लाल दृण डोरे ॥ काके संग खेले बसंत करि निहोरे ॥ १॥ सजलताई प्रणट मानों कुंकम रस बोरे || अरुनताई भई गुलाल वंदन सित छोरे ॥२॥ अंजन छबि लागत मानों चोवा छबि चोरे ॥ वरुनी मानों नूतन पल्‍लव अधर भये सिधोरे ॥३॥ कबह्दू रस मत्त नाचत दोऊ कटाक्षन कोरे ॥ गान सुरति भई मानों विविध तान तोरे ॥४॥ देखियत अति सिथिल ताई मांझु झकझोरे ॥ काहेकूं कहत कछु जाने मन मोरे ॥५॥ सनमुख व्हे कबहूँ मुख फेरिजात लजोरे ॥ रसिक प्रीतम मेरे तुम आए काके भोरे ॥६॥

Basant Mangala ( Mahs Sud 6 se Falgoon Sud 15)

Part3-023

Basant