Kesarison bhijyovano bharchohe gulal .. kahankahun

केसरिसों भीज्योवाणो भरचोहे गुलाल ॥ कहंकहूं कृष्णागर सोहेतन मोहे मन अतिही सुंदरवर बने मंदलाल ॥ १॥ सरस फुलेल अरणजा भीने कच ढरकि रही जो पाग अर्धभाल || जगतराय के प्रभु मुखहितं बोलछवि उरसि वनी सोहे सुमन माल ॥१२॥

Basant Mangala ( Mahs Sud 6 se Falgoon Sud 15)

Part3-024

Basant

Ritubasant shyam ghar aayo tunn munn dhana sub

ऋतुबसंत श्याम घर आयो तन मन धन सब वारों॥ लेयुलाल ऊपरअंगन छिरकों पलकनिसो मगझारों ॥|१॥ चोवाचंदन ओर अरगजा सब सखीयन पै डारों ॥ उडति गुलाल लालभयेबादर भरि पिचकारी मारों ॥ २॥ खेलोंगी मेंचतुर पियासों आय बसंत संवारों ॥ सूरदास अनहि तनके मुख सबभूषण भरिडारों ॥३॥

Basant Mangala ( Mahs Sud 6 se Falgoon Sud 15)

Part3-024

Basant

Sahaj preeti gopale bhaave . mukh dekhein sukhhoy

सहज प्रीति गोपाले भावे । मुख देखें सुखहोय सखीरी प्रीतम नैनसों नैन मिलावे ॥ १॥ सहज प्रीति कमल ओर भानें सहज प्रीति कुमोदनी ओर चंदे ॥ सहज प्रीति कोकिला वसंते सहज प्रीती राधा नंदनंदे ॥२॥ सहज प्रीति चान्रक ओर स्वांते सहज प्रीति धरनी जल थारे ॥ मन क्रम वचन दास परमानंद सहज प्रीति कृष्णअबतारे ॥३॥

Basant Mangala ( Mahs Sud 6 se Falgoon Sud 15)

Part3-024

Basant

Aeka boll bolo nandanandan tokhelon tum sanga ..

एक बोल बोलो नंदनंदन तोखेलों तुम संग ॥ परसो जिन काइूकों प्यारे आन अंगनाअंग ॥१॥ बरजतिहों बीरी काइकी जसुमति सुत जिनलेहु ॥ परिरंभन आलिंगन चुंबन नेन सेन जिनदेहु ॥२॥ मेरे खेल वीच कोऊ भामिनी आयलाल कों भरिहे ॥ प्राननाथहों कहे देतिहों मोपे सहीन परिहे ॥ ३॥ प्रभु मोहि भरो भरोंहों प्रभु कों खेलो कुंज विहारी ॥ अग्रस्वामीसों कहत स्वामिनी रंग उपजेगो भारी ॥४॥

Basant Mangala ( Mahs Sud 6 se Falgoon Sud 15)

Part3-024

Basant

Sakhee vraj phoole vividh basant .. phoole morr,

सखी ब्रज फूले विविध बसंत ॥ फूले मोर, कमुद, सरसी अरू, फूले अलि, जल जंत ॥१॥ फूले द्वूम बेली फूले द्विज गावत गुनवंत ॥ '्रजाधीस” जन फुले लखि अति सुख फूले मिलि हरि कत ॥२॥।

Basant Mangala ( Mahs Sud 6 se Falgoon Sud 15)

Part3-025

Basant

Jasoda naheen varaje apnobal .. apano baal

जसोदा नहीं वरजे अपनोबाल ॥ अपनो बाल रसिया गोपाल ॥ध्रु०॥| स्नान करन गई जमुनातीर ॥ करकंकन अभरन धरेचीर ॥ मेरी जल प्रवाह तन गई दीठि ॥ पाछेतें कान्ड मेरी मलत पीठि ॥१॥ यह अन्न न खाय मुख पीवे नखीर ॥ यह केतीक वार गयो जमुनातीर ॥ होंवा रोरी ज्वालिन तेरो ग्यान ॥ यह पलना झूले मेरो वारो कान्ह ॥२॥ बुंद्ावन देखेमे तरून कान्ह ॥ घर आये केसें भये अयान ॥ उठि चलीरी ग्वालि जिय उपजी लाज ॥ सुरदास ये प्रभुके काज ॥३॥

Basant Palane ( Mahs Sud 6 se Falgoon Sud 15)

Part3-025

Basant

Khelati saras basant syaam brishbhanu key aanei

खेलति सरस बसंत स्याम बृषभानु के आँए देखें री ॥ चलौं सिरावन नैन सखी री जनम सुफल करि लेखें री ॥१॥ सौंधे भीने केस साँवरो मदन मनोहर भेरैं री ॥ कृपावंत रस नैन चूहचूह़े कछुक उठत मुख रेखें री ॥२॥ ब्रज बनिता बनि बनि आँई सब स्यामसुँदर मुख पेखें री ॥ कहि भगवान हित राम राई प्यारी राधाकौ भाग बिसेखें री ॥३॥

Basant Mangala ( Mahs Sud 6 se Falgoon Sud 15)

Part3-025

Basant

Aise reejhe bheejhe aae ree laal gawat haye dhamaari ..

ऐसे रीझे भीझे आए री लाल गावत हे धमारि ॥ होंजु गई री भोर ब्रिंदाबन भरि लिए अकवारि ॥ १॥ सुधरी अलक बदनपर बिथुरी निज करसों अली आप सकोरी ॥ हरिदास के स्वामी श्यामा कुंज बिहारी मिली हे विरह हिरदैरी ॥२॥

Basant Mangala ( Mahs Sud 6 se Falgoon Sud 15)

Part3-025

Basant

Srigovardhan kii sikhar charupar phooli navmadhuri

श्रीगोवर्धन की सिखर चारूपर फूली नवमाधुरी जाई ॥ मुकलित फलदल सघन मंजुरी सुमन सुसोभा बल्लेतभाई ॥१॥ कुसमित कुंज पुंज द्वुमवेली निर्झर झरत अनेक ठांई ॥| छीतस्वामि ब्रजजुबति जूथमें विहरत हैं गोकुलके राई ॥२॥

Basant Mangala ( Mahs Sud 6 se Falgoon Sud 15)

Part3-025

Basant

Atee sunder mani jatit palno jhoolat laal

अति सुंदर मणि जटित पालनो झूलत लाल विहारी ॥ खेलत फाग सखा संगलीनो नाचत दे करतारी ॥ १॥ घर घरतें आईं बनबनके पहरें नौतनसारी ॥ तनक गुलाल अबीर नलेले छिरकत राधा प्यारी ॥ २॥ गावत गारी आनंद में प्रमुदित फूलीं अंगसुकुमारी ॥ चोबाचंदन अगरकुमकुमा देत शीसतें ढारी ॥३॥ लपटरंहे तन वसन रंगमें लागतहे सुखकारी ॥| देख विवशमये मोहन पीय भरलीनी अंकवारी ।।8४॥ मिसडीमिस ढिंगआय पालनो झुलवत वृजकीनारी ॥ अबीर गुलाल लगाय कपोलन हंसत देदे करतारी ॥।५॥ तनमन मिली प्रान पीयासों नौतन शोभा वाढी ॥ शिधिल वबसन मुकुलित कच कबरी प्रेमसिंधुतें काढी ॥६।॥| यह सुख रितु वसंत लीलामें बालकेलि सुखकारी ॥ सरबस देत वारप्यारे पै जनगोविंद बलिहारी ॥७॥

Basant Palane ( Mahs Sud 6 se Falgoon Sud 15)

Part3-026

Basant

Dekh sakhiri palana jhoolat sundarshyam salauna ..

देख सखिरी पलना झूलत सुंदरश्याम सलौना ॥ चकई भौंरा फिरकनी लहेंद़ खेलत विविध खिलौनां ॥ ९॥ हाथनलईं कनक पिचकाई छिरकत नंदललौना ॥ अबीर गुलाल उडावत सबष्लिन नागर नंदनंदौना ॥ २ मालतिलक गोरोचन अतिछबि चितवनमें कछुटौना || रूप अनूप अलक घुंघरारी मृगमद आड डिठौना ॥|३॥ देखतरूप ठगोरीसी लागत अंग अनंग लजौना ॥ घरमें देखे पलना झूलत बाहिर तरुन तरोना ॥8॥ घटरस व्यंजन स्वाद सलोनी इनबिन सबही अलौना ॥ रह्यो न परे मृहछिन मेरी आली कुंजन केलि करौना ।। ५॥ गिरिधरलाल की लीला अद्भुत मुनिजन ध्यान धरत धरमौना ॥ अतुलप्रताप अभय पददायक सो जसुमति को ये छोना ॥६॥| लोकलाज कुलकानि तज्यो में अब होनी होय सो हौना ॥ दासनके प्रभु गोवर्धनधर सब सुख फलन फलौना ॥७॥

Basant Palane ( Mahs Sud 6 se Falgoon Sud 15)

Part3-026

Basant

Rattan khachitako palno sunder jhoolat nandkelala ..

रतन खचितको पालनो सुंदर झूलत नंदकेलाला ॥ नवसत साज सिंगार सुंदरी झुलवत हैं जोपाला ॥ १॥ कोऊ गावत कोऊ झांझ बजावत ढफ लेकोऊ बजावे ॥ धिधिकट धि६घधिकट मृदंग करत है गतिमेंगति ऊपजाबे ॥२॥ चोवाचंदन छिरकि छिरकि कें लाल रणमणो कीनो ॥ अबीर गुलाल उडाय खिलावत पिचकाई भरिलीनो ॥३॥ लाल लाल बदरा छाये नभमें देखतही बनिआवे ॥ चुचुकारत मुख मांडत सब मिलि मनहीमन मुसक्‍्यावे ॥ ४॥| निरखि निररि मुख कमल मनोहर प्रेमविवश भईं गोपी॥ मजन भईं तनकी सुधिभूलीं कुलमरजादालोपी ॥ ५॥ केशर कलश शीश पैढोरत हो हो कहि बोलें ॥ ग्वाल बाल उनमत्तव्हेनाचें गारी गावत डोलें ॥६॥ प्रफुल्लितमन यह फागु खेलमें चह्ंदिश आनंद छायो || कुंभनदास लाल गिरिधर को यह विधि लाड लड्यायो ॥६॥

Basant Palane ( Mahs Sud 6 se Falgoon Sud 15)

Part3-027

Basant