Naval basant beach vrindaavan mohan raas rachaayon ..

नवल बसंत बीच वृन्दावन मोहन रास रचायौं ॥ सुर बिमान चढि देखन आए निरखि निरखि सुख पायौं ॥१॥ नॉचत्ति लाल पत्र नूपुर बाजैं मुरली सन्द सुहायों || ताल मृदंग, झांझ, ढफ बाजति सब इक तार मिलायौं ॥२॥ साँवल, स्याम, गौर हैं प्यारी मिलि रससिंधु बढायों ॥ गोपी ग्वाल परसपर नाँचति अदभुत रंग जमायोौं ॥३॥| कहा कहां लीला राधा बरकी किनहुं अंत न पायौं ॥ या लीला पै वार वारनैं 'रामदास' जस गायौ ॥४॥

Basant Rajbhog Khel ( Mahs Sud 6 se Falgoon Sud 15)

Part3-032

Basant

Vrindaavan biharati basant chali dekhon nand dularo ..

वृन्दावन बिहरति बसंत चलि देखों नंद दुलारो ॥ नटवर भेष सज्यों रंग भीनों सोभित सीस टीपारो ॥ १॥ सेंग सखा सोभित रँग भीनें रैंगन रगमगे ग्वाल ॥ सुनति चली उठि धाई लाडिली सँँग लीए ब्रज बाल ॥२॥ साजि सिंगार बनी अति सुंदर इक बेष इक सार ॥ कोकिल कैसें कंठ हि गावति मंगल गीत सुढार ॥३॥ बाजति ताल मृददंग झांझ ढफ लागति परम सोहाये ॥ जूथ परस्पर टोल दोऊन कै सबहिन कै मन भाये ॥४॥ चोवा चंदन अगर कुँमकुमा छिरकति अरु छिरकावें ॥ लाल गुलाल अबीर घुंघरि में तन अभिलाष बढावें ॥५॥ भली भई आयों बसंत नर नारीन अति सुख पायौं ॥ आनँद भयो गयो दुःख अब पसु पंछीन मन सरसायौ ॥६॥ गोपीजन फूले समात नहीं ब्रज सुख कहति न आवें ॥ “नंददास” ब्रज बास बसे अरु जो देखे सौं गावें ॥॥७॥।

Basant Rajbhog Khel ( Mahs Sud 6 se Falgoon Sud 15)

Part3-032

Basant

Kalindi key teer manohar, kreedat hain douu bhaiya ..

कालिंदी के तीर मनोहर, क्रीडत हैं दोऊ भैया ॥ मल्लकाछ कांटे सीस टिपारो देखत अति सचु पैया ॥ १॥ वृन्दावन रमनीय भूमि अति कूजत मोर पपैया ॥ राग रागनी तान सरस सुर कोकिलनाद सुहैया ॥२॥ संग राधिक ललितादि अष्ट सखी कुंकुम कलस भरैया।| छिरकत श्यामस्याम कुंजनमें रूचिर गुलाल उडैया || ३॥| बरखत कुसुम कुसुम देवमुनि नारद आनन्द अति हरखैया ॥ कृष्णदास प्रभु यह सुख बिलसत निरखत लेत बलैया ॥४॥

Basant Rajbhog Khel ( Mahs Sud 6 se Falgoon Sud 15)

Part3-033

Basant

Vrindavan rahey seedhaay biharat row syamasyam

वृंदावन रहे सीधाय बिहरत रो स्यामास्याम मल्लकाछ फेंट बांधी खेलत बसंत | जटित टीपारो ससि नृतत अनेक रंग उपजावत सप्तमान कोकिला हंसत | बाजत्त मृदंग ताल सहनाइ ढोल ढमक गावत हिंडोल राय भये मदनमोहन गिरिवरधर राधा भूले गुलाल बरखावत गगन सघन भयो सूर छिपंत ॥

Basant Rajbhog Shehra ( Mahs Sud 6 se Falgoon Sud 15)

Part3-033

Basant

Or raag sub bhaye baaraati doolhe raag basant ..

ओर राग सब भये बाराती दूल्हे राग बसंत ॥ मदन महोच्छक आज सखिरी बिदा भयौ हेमंत ॥१॥ मधुरे सुर कोकिल कल कूजत बोलति मोर हँसत ।| गावति नारि पंचम सुर ऊँचे जैसें पिक जुनवंत ॥ २॥ हाथन लई कनक पिचकाई मोहन चाल चलंति ॥ 'कुंभनदास' श्यामा प्यारी कों मिलयो हे भाँमतो कंत ॥३॥

Basant Rajbhog Shehra ( Mahs Sud 6 se Falgoon Sud 15)

Part3-033

Govardhanaki shikharpen thaado nrityat kunwar kanhaiya ..

गोवर्धनकी शिखरपें ठाडो नृत्यत कुंवर कन्हैया ॥ काछनि बनी हे ललित मनोहर टीपारो सुरंग धरैया ॥| १॥ चलो सखी देखनकों जइये, राधा नवल दुलैया ॥ राग बसंत आलाप गावत मधुरे मृदंग बजैया ॥२॥ नाचत मोर कोकिला कूजत रुचिर गुलाल उडैया ॥ मच्यो खेल अद्भुत अपार सखी ब्रजाधीस बल जैया ॥३॥

Basant Rajbhog Khel ( Mahs Sud 6 se Falgoon Sud 15)

Part3-033

Basant

Gopijan valal‍labh jayamukund .. mukh murlinad

गोपीजन वलल्‍लभ जयमुकुंद ॥ मुख मुरलीनाद आनंदकंद ॥ध्रु०.॥ जयरास रसिक रबनी सुवेस ॥ सिखिन शिखंड विराजे 'केस ॥ गुजान वनधातु विचित्र देह || दरसन मनहरन बढावेनेह ॥ १॥| जयसुंदर मंदिर धरन धीर ॥ वृंद्वावन बिहरत गोपवीर ॥ वनिता सत्तजूथहें पर्मधाम ॥ लावन्यकलेवर कोटि काम |।२॥ जयजय वैजंतीवनी माल ॥ जयकमल अरुन लोचन विसाल ॥ कुंडल मंडित भुजदंड मूल ॥ निर्तकरत कालिंदी कूल ॥३॥ जयजय पुलकित खण मृगमराल ॥ सुरनर मुनिध्यानी ध्यानटाल ॥ सारसपिक मूर्छित सुतान॥ थकित भए सुरमुनि विमान || 8॥ जयजयश्रीकृष्ण कलानिधान ।। करूनामय जदुकुल जलजभान ॥ भगवंत अनंत चरिजत्नतोर ॥ कहें माधो दास मनमगन मोर ॥५॥

Basant Rajbhog Shehra ( Mahs Sud 6 se Falgoon Sud 15)

Part3-034

Dekho rasiklal vaano rasal .. khelat vasant piya rasik baal ..shru0-.. ghoshghosh kii sudhar naari || roop rung sub aeka

देखो रसिकलाल वाणो रसाल ॥ खेलत वसंत पिय रसिक बाल ॥श्रु०-॥ घोषघोष की सुधर नारि || रूप रंग सब एक सारि॥ गावत जुरि मिलि मीठी गारि ॥ हसत कुंकुमा सीसडारि ॥१॥ नववसंत अभरन अमोल ॥ सारीमें झलमल झकोल ॥ द्रग अंजन भरि मुंख तंबोल ॥ हुलसत विलसत भई लोल ॥२॥ एक कृष्णागर लेरही हाथ ॥ लेपति उरसि भुज प्रिया साथ ॥ सोंधे में बोरे मिरिधरन नाथ ॥ चोवा वह चल्यो कच पाण माथ ॥३॥ एक कंज परागण लगाबे गाल ॥ एक गूंधि कुसम पहरावे माल ॥ गहि रही कटितट जटित लाल ॥| मानों निकरिनील तरुकरमृनाल || ४॥ उडतहें वंदन ओर अबीर | अरुन पीत भयो श्यामचीर ॥ सुबल वगर में बढोत भीर ॥ वरघत पिचकारिन रंगधीर ॥५॥ कौस्तभ मनि कोंधत भीजगात ॥ वंदन भीतर सगबंगात ॥ पानखात मुसिकात जात ॥ किलकि किलकि सखी करत बात ॥६॥ वाजत ताल मृदंग चंग ॥ सारंणी सुरवीन संग ॥ भरत भरावत नेन रंग ॥ निरखत बनि आवे मोह भ्रंग ॥७॥ सिंघ पोरि ओर ब्रज अवास ॥ चंदन वादर कियो निवास ॥ फेलि रह्यो सौरमा सुवास ॥ रसमें रसमय पिय विलास ॥ ८॥ एक श्रवननि कहत चोख ॥ स्यामलाल अंगअंगपोख ।॥ हसत श्रीदामा सखातोक ॥ फागुन की हमें कछून धोख ॥९॥ रति नायक छबि अति अनूप ॥ नवपलल्‍लब अभिनव ब्रज स्वरूप ॥ श्रीभट परमानंदजूप ॥ आनंदित श्रीनंदराय भूप ॥१०॥

Basant Rajbhog Shehra ( Mahs Sud 6 se Falgoon Sud 15)

Part3-034

Khelat vasant srinandlal .. bharey rung sub gwalwal

खेलत वसंत श्रीनंदलाल ॥ भरे रंग सब ग्वालवाल ॥ध्रु०॥ जूथजूथ सव नवलवाल ॥ सजिसमाज उडवत गुलाल ॥ गावत पंचम सरस राज ॥ रूपसील भरी सब सुहाग ॥१॥ नवकेशरि भाजन भराय ॥ चंदनसों मृगमद मिलाय ॥ बहुगुलाल छिरकें फुलेल ॥ कुंबर कुंबरि रंग वढीकेलि |॥२॥ लालहिं ललना भरें धाय ॥ मुखरोरी मांडें बनाय ॥ भलेंजुकहें तारी बजाय ॥ भले त्रियन वस परेहीो आय || ३॥ अंगअंग रंग सब सुहाय ॥ पियलोचन निरखें अघाय ॥ विलसत सुख बडभाग वाम ॥ सुखी भये तहां सूरस्याम ॥४9॥

Basant Rajbhog Shehra ( Mahs Sud 6 se Falgoon Sud 15)

Part3-035

Bandee padpankaj nandlal.. jey bhavtaran pooran kripal chita chintat hott budhi visal | kripakaran or deenpal | sadaa

बंदी पदपंकज नंदलाल॥ जे भवतारन पूरन कृपाल चित चिंतत होत बुधि विसाल | कृपाकरन ओर दीनपाल | सदा वसो मेरे हृदय माय ॥ कुंबर माधुरी चितष्ठि धाय ॥१॥ तिमर हरन सुखकरानंद ॥ मुनिवंदन आनंदकंद ॥ स्याम मुकटमनि कमलनेन ।। छबि समूहपर लजितमेन ॥२॥ गोकुलपति गुन नांहिनपार ॥ श्रीनंद सुबन सुमिरों उदार ॥ निगमागम सब ओघसार ॥ सोई वृंदावन प्रणट्यो बिहार ॥३॥ ऋतुबसंत पंडहलो समाज ॥ तहांतमुदित जुवतिजन सजजुसाज ॥ मुदित चले जहां सूरस्याम ॥ वसंत वधावन नंदधाम ॥५॥

Basant Rajbhog Shehra ( Mahs Sud 6 se Falgoon Sud 15)

Part3-035

Harijuke aavan kii balihari .. vaasaranati denkhatihen

हरिजूके आवन की बलिहारी ॥ वासरणति देंखतिहें ठाड़ी प्रेम मुदित ब्रजनारीं ॥१॥ ऋतु बसंत कुसमितवन देखियत मधुपवृंद जसगावें ॥ जेमुनिआय रहत वृंदावन श्याम मनोहर भावें ॥२॥ नीको भेष बन्‍्यों मनमोहन राजमणि उरहार ॥ मोरपक्ष सिरमुकट विराजत नंदकुमार उदार ॥३॥ घोष प्रवेस कियोह़े संग मिलि गौरज मंडित देह ॥ परमानंद स्वामी हित कारन जसुमति नंदसनेह ॥४॥

Basant Rajbhog Shehra ( Mahs Sud 6 se Falgoon Sud 15)

Part3-036

Khelein fagu jamunatat nandkumar .. tummore vipin

खेलें फागु जमुनातट नंदकुमार ॥ ट्ुममोरे विपिन अठार भार ॥भ्रु०॥ हलधर गिरिधर ज्वाल संग ॥ मिलि भरत परस्पर करत रंग ॥ बाजे मृदंग उपंग चंग ॥ राजे सुंदर विचित्र अंग ॥१॥ तालमुरज उपंग ढोल ॥ बहुवंदन उडत गुलाल रोल ॥ वास लुन्ध आये मधुपटोल ॥ तेऊ अरून भये अलिवर निचोल ॥ २॥ बहुरि मधुष गये अपने ठांय।। भरतारन भमरी नहीं पत्यांय ॥ तुम राते भये पति कोन भाय ॥ कोऊ कपट रूप मति बैठो आय ॥३॥ खट पद कहें तुम भूलीवाल ॥ जहां धराणिरि अंबर भयो गुलाल ॥ तहां ऋतु वसंत विहरत गुपाल ॥ जाडा कृष्णा को प्रभु मोहनलाल ॥४॥

Basant Rajbhog Shehra ( Mahs Sud 6 se Falgoon Sud 15)

Part3-036