Khelat vasant giridharanlal .. manmohan sohan

खेलत वसंत गिरिधरनलाल ॥ मनमोहन सोहन दृगविशाल ॥।भ्रु०॥ संगसोहत सुंदर अनंग ग्वाल ॥ भीने रंगकेसरिे करत ख्याल ॥ उडत अबीर पचरंगुलाल ॥ वाजत मृदंग डफ झांजताल ॥१॥ आईं बनिबनि मिलि ब्रजकीवाम ॥ श्रीराधा ललितादिक सुनाम ॥ गाबत पंचम वंधीप्रेमदाम ॥ सोभा पावत भयो नंदधाम ॥२॥ रंग भरत भरावत करत रंग ॥ रंग भरे बसन राजतसुअंग ॥ लुब्धे सुगंध भये मत्तमूंग ॥ मृुदुबोलत डोलत संगसंग ॥३॥ भरिलयो अबीर मुठीसुहेत ॥ दोऊ तज्यो चाहत पुनिराखिलेत ॥ दूँगमूंदन चमकनि है सुचेत ॥ बाढत छबि सोगुनी सुखनिकेत ॥४।॥ लेवरन वरन बररंग अमोल ॥ छिरकत हितुव पिय हितकलोल ॥ फविरहीवूंद सोहतदुकूल ॥ मानों फूलि रहे बहुबरन फूल ॥५॥ भरे नवल वाम गिरिधरहि धाय ॥ रहे विविध भेद अंग्रअंग छाय ॥ जहां निरखत सोभा कहीन आय ॥ तहां स्याम रंग जान्यों न जाय ॥६॥ भई मोहित सुर वनिता विमान ॥ मोहे गंधर्व सुनि मधुर गान ॥ रंग भर्यों पिय अति सुजान ॥ यह राखि हिये कृष्णदास ध्यान ॥७॥

Basant Rajbhog Shehra ( Mahs Sud 6 se Falgoon Sud 15)

Part3-036

Phool key singar phoolan kii saaree paihare tunn ..

फूल के सिंगार फूलन की सारी पैहरे तन ॥ फूलन की कंचुकी फूलन की ओढनी, अंग अंग फूले ललना कै मन ॥ ९॥ फूलन के नवकेसरि फूलन की माला फूलन के आभरन केस गूँथे फूलन घन ॥ फूलन के हाव भाव फूलन के चोज चाउ बिबिधि बरन फूल्यों ब्रिंदाबन ॥२॥ श्रीगिरिधारि पिय के फूल नाहीं कोऊ समतूल गाबति बसंत राम मिलि जुवति जन ॥ 'कृष्णदास” बलिहारी छिनु छिनु रखवारी अखिल लोक जुबति राधिका प्रान पतिन ॥३॥

Basant Sandhya Aarti

Part3-036

Vividh basant banaaen chalaun sub dekhan kunwar kanhai ..

विविध बसंत बनाएं चलौं सब देखन कुँवर कन्हाई ॥ गिरिघटीयां द्रमलता सुगंध अलि ठाडे सजि सुखदाई ॥१॥ बागों केसरी चोवा सोहै सुरँग गुलाल उडाई ॥ ब्रजबालक गावति कोलाहल धुनि ब्रजाधीस” मन भाई ॥२॥

Basant Sandhya Aarti

Part3-036

Nandanandan nabal naagar kisor barr khelati basant banyon rung atee bhaari ..

नंदनंदन नबल नागर किसोर बर खेलति बसंत बन्यों रंग अति भारी ॥ राग हिंडोल गावति नवल नागरी अति हिं रस भीज रही है दति तारी ॥१॥ लाल गुलाल रह्यो गगनलों घुमडि कैं केसरि कुँमकुमा भरि हो पिचकारी ॥ ताल किन्नर मुरज बीन ढफ बाज हीं बिचमोहन मुरली सप्त सुर धारी ॥२॥ सुभग जमुना तीर ठौर ब्रिंदा बिपुन बाल सुक कोकिला कीर किलकारी ॥ गहे द्वरुम डार ठाढे नंद लाल जहाँ राधिका सब सरिब मधि सुकुमारी ॥३॥ बढ्थों दुहूँ दिस खेलि अधिक सोहावनी हँसति मुसिकाय यौं ब्रज नारी ॥ मदन मोहन गिरिधर वर पीय जु देव मुनि करति कुसुम बरखा री ॥४॥

Basant Sandhya Aarti

Part3-037

Milli raag hindol .. pancham swar lealapat uchatatahai saptataan maan

मिलि राग हिंडोल ॥ पंचम स्वर लेअलापत उचटतहै सप्ततान मान थेईताथेईता थेईथेई कहति बोल ॥|१॥ कनकवरन टिपारोसिर कमलबदन काछिनी कि छिरकत राधा करत कलोल ॥ कृष्णदास नदबत गिरिधरपिय सुरबनिता बारत अमोल ॥३॥

Basant Sandhya Aarti

Part3-037

Chalari naval nikunj mandir main bunn basant baithe

चलरी नवल निकुंज मंदिर मैं बन बसंत बैठे पिय प्यारी ॥ बागो पीत रँग बन्यों भूषन लाल रँँग छबि न्‍्यारी ॥१॥ सारी सुरंग, सोहै छबि नीकी कँचुकी पीत प्रीति अति भारी ॥ करि दरसनसुख केलि 'सरस रंग” कुसल बिचिन्न रँजीत सुखकारी ॥२॥

Basant Sandhya Aarti

Part3-037

Sub mill gawat raag hindol baaje bajawant

सब मिल गावत राग हिंडोल बाजे बजावंत घन सुं बरसे मिलि बधावन चली बसन्‍्त ॥ बरन-बरन आभरन पछहेरे नौतन हाथ लिये गड्डवा चलत चाल गजगंत ॥१॥ एकजु नाचत देती सुधंग लाग दाट उरप तिरप दूर जाई सो मिलि पोहोप मंजरी भर केसर कुमकुमा अबीर छिरकती ॥ चिरजीयो “तानसेन' के प्रभु राजा राम देत मुक्ताहल नग कचनबरखत खतपति ॥

Basant Tipare

Part3-037

Hindool

Khelat vasant vall‍labh kumar .. sobha samudra baadhyo apaar ..1.. srigiridhar giridharan saath .. rangbharat kanik pichkai haath

खेलत वसंत वल्‍्लभ कुमार ॥ सोभा समुद्र बाढ्यो अपार ॥१॥ श्रीमिरिधर गिरिधरन साथ ॥ रंगभरत कनिक पिचकाई हाथ ॥२॥ श्रीमोविंद बालकृष्णजू संग || छिरकत डारत बहुभांति रंग ॥३॥ रस खेलत खेलत गोकुलके नाथ ॥ केसरि रंग सोहत पागणमाथ ।।४॥ श्रीरघुपति जदपति अतिसुदेस ॥ घनस्याम सुभग सुंदर सुवेस ॥५॥ श्रीकल्यान राई लीला रसाल ॥ मुरलीधर दामोदर कृपाल ॥६॥ श्रीगोपीनाथ बालक विनोद ॥ सेवकजन निरखत मन प्रमोद ॥।७॥ श्रीगोकुल परम सुदेश धाम ॥ मिलि गाबत गीत विचित्र वाम ॥८॥ बाजत मृदंग मुख चंगरंग ॥ वीना कठताल पिनाक उपंग ॥९%॥ केसरि चोबा मृगमद फुलेल ॥ व्रजभामिनि छिरकत रेलपेल ॥ १ ०॥ झोरी भरिभरि उडवत गुलाल | मुख बोलत होहोहोरी ग्वाल॥ १ १॥ यह सुख सोभा मोपे कही न जाय ॥ जनदास निरसि बलिहारी जाय ॥१२॥

Shree Gusaiji Bhadre Khel

Part3-038

Hindool

Khelat basant vervitvalesh .. anandkand gokul

खेलत बसंत वरविट्वलेश ॥ आनंदकंद गोकुल सुदेस ॥धृ०॥ श्रीगिरिधर गोविंद संग ॥ श्रीबालकृष्ण लज्नित अनंग ॥ श्री गोकुलनाथ अनाथ नाथ ॥ रघुनाथ नवल जदुनाथ साथ ॥ १॥ श्रीघनश्याम अभिराम धाम ॥ कल्यानराय परिपूरनकाम ॥ मुरलीधर आदि समस्त बाल ॥ सेवक विचित्र सेवा रसाल ॥२॥ तहां बाजत ताल मृदंग चंग ॥ जहां उडत गुलाल अबीर रंग ॥ श्रीगिरिवरधारी जहां खेलत आई ॥ तहां लघुगुपाल बलिहारी जाई ॥३॥

Shree Gusaiji Bhadre Khel

Part3-038

Hindool

Vando pada pankaj whitudlesh .. srivallabh kull deepak

वंदो पद पंकज विट्उडलेश ॥ श्रीवल्लभ कुल दीपक सुवेस ॥१॥ जिनकी महिमा जे कहें उदार ॥ अतिजस प्रकट कियो संसार ॥२॥ अनुसरन नीचजेतजि विकार ॥ तिनें भव निधि तरत न लगतवार ॥३॥ करिसारअरथ श्री भागवत प्रमान ॥ किये खंडन पाखंड आन ॥४॥ बांधि मर्यादा समवेद मान ॥ जन दीन उद्धरन सुख निरवान ॥ तिषहिवंस परम आनंद देन ॥ श्री पुरुषोत्तम सब सुखके एन ॥५॥

Shree Gusaiji Bhadre Khel

Part3-038

Hindool

Khkelat basant varr vidlesh .. milli rasikrai

ख्केलत बसंत वर विद्लेश ॥ मिलि रसिकराय गोबर्धनेश ॥ध्रु-॥ मृगमद कपूर केसरि सुरंग ॥ अति सोंधो सान्‍्यों कुसुमरंग ॥ दोऊ भरि पिचकाई अति उमंग ॥ तकिभरत परस्पर सुभग अंग।॥ १॥ भरिनव अवीर नौतन गुलाल॥ अरगजा लगावत अललित गाल ॥ दोऊहसतलसत आनंद ख्याल ॥ पहराबत सवन सुगंध माल ॥२॥ चमेली फुलेल सरायवेलि || मच्यो खेल अजर रंग रेलि ॥ सब गोकुल ॥ सौरभ रहो फेलि॥ मधुमत्त मधुप रस रह्यो झेलि ॥ ३॥ तहां बाजत चंग मृदंगताल ॥ सुर मिलत मुरली गावे गुपाल ॥ ब्रजजन रीझे जिय अति रसाल || सुखदेत सबन गिरिधरनलाल ॥४॥

Shree Gusaiji Bhadre Khel

Part3-038

Hindool

Kesari uparna odhain kesar kii dhauti ..

केसरी उपरना ओढ़ैं केसर की धौती ॥ केसर को तिलक सोड़े श्रीविड्जल छबि जौती ॥१॥ खट मुद्रा सोभित माला उर आभूषन भूषित सब अंग ॥ नख सिख निरखति श्रीवल्लभ सुत लजित भयों अनंग | २॥ आयों ऋतुराज परम रमनीक अति सुखकारी फागुन मास ॥ अति सुखदाइक कृष्ण सप्तमी ब्रजपति पूरी आस ॥३॥ आजु बडो दिन महा महोच्छव करत श्रीविद्वलनाथ ॥ गिरधर आदि प्रभृति सप्त सुत निजजन कीए सनाथ ॥४॥ कीए सुगंध फूलेल उबटनो कीए जु केसरि स्नान ॥ कीए सिंगार मनोहर सब अँग पीत बसन परिधान ॥५॥ नख सिख विविधि भाँति आभूषन सोभित गिरिधर लाल ॥ कुलह केसरी सीस विराजीति मृगमद तिलक सुभाल ॥ ६।॥। खट रस विंजन विविधि भाँति के कीए पकवान रसाल ॥ आदर सौं जिमावति भावति गोकुल के प्रतिपाल ॥७॥ दे बीरा छिरकतिचोवा चंदन कुँमकुम अबीर गुलाल ॥ ज्यों गुलाब कुसुम अति सोभित,सोभित सुंदर भाल | ८॥ गावति गुन गंधर्व गलित मन बाजति सरस मृदंग ॥ ताल रबाब झांझि ढफ महृवरि राजत सरस सुधंग ॥९॥ अति आदर सौंकरि न्‍्योछाबर आनंद उर न समाई ॥ आरति वारत श्रीमुख उपर 'गोविंद' बलि बलि जाई ॥१०॥

Shree Gusaiji Bhadre Khel

Part3-039

Hindool