Shree vallabhakul mandan pragate srivitthalnath ..|

श्री वल्लभकुल मंडन प्रगटे श्रीविद्डलनाथ ॥| जेजन चरणन सेवत तिनके जन्म अकाथ ॥ १॥ भक्ति भागवतसेवा निशदिन करत आनंद ॥ मोहन लीला सागर नागर आनंदकंद ॥२॥ सदा समीष बिराजेंश्रीगिरिधरगोविंद ॥ मानिनी मोद बढ़ावें निजजन के रविचंद ॥३॥ श्रीबालकृष्ण मनरंजन खंजन अंबुज नयन ॥ मानिनी मान छूडावे बंक कटाक्षनसेन श्री वललभ जग बल्‍लभ करुणानिधि रघुनाथ ॥ ओर कहां लगि बरनों जगवंदन यदुनाथ ॥५॥ श्रीघनश्याम लाल बल अविचलकेलिक लाल ॥ कुँचित केश कमल मुख जानों मधुपन केटोल ॥६॥ जो यह चरित्र बखाने श्रवण सुने मन लाय ॥ तिनकें भक्ति जु बाढे आनंद द्योस विहाय ॥७॥ श्रवण सुनत सुख उपजत गावत परम हुलास ॥ चरण कमलरज पावन बलहारी कृष्णदास ॥८॥

Shree Gusaiji Bhadre Khel

Part3-043

Gouri

Valal‍labhlal rasal key khelat rung rahyo .. aeka

वलल्‍लभलाल रसाल के खेलत रंग रह्यो ॥ एक छिरकत एक रही झुक एकन अरगजा कर लद्यो ॥१॥ सब मिल अबीर उडावबें जो परस्पर नयनन नेह नयो ॥ पिचकाई भर भर जु चलावत वल्लभदास प्रभु रस ठयो ॥२॥

Shree Gusaiji Bhadre Khel

Part3-043

Kalyan

Ringan karat kaanh aangan mein karaliyen navneet ..

रिंगन करत कान्ह आंगन में करलीयें नवनीत ॥ सोभित नील जलद तन सुंदर पहरें झंगुलीपीत ॥१॥ रुनझुन रुनझुन नूपुर बाजत त्यों पण ठुमकि भरें ॥ कटिकिंकिनी कलरब मनोहर सुनि किलकार करें ॥२॥ दुलरीकंठ कनिक दुई कानन दीयो कपोल दिठोना भालविशाल तिलक गौरोचन अलकावलि अलिछोना ॥ ३॥ लटकन लट किरयो भ्रुवअपर कुलह सुरंग बनी ॥ सिंघ पोरितें उम्कि उझकि छबि निरखतहें सजनी ॥४॥ नंदनंदन उनतन चितबत प्रेम मगन मन आईं ॥ कंचनथार साजि घरघरवतें बोहो विधि भोजन लाईं ॥५॥ मनिमंदिर मूढापे सुंदरि आछेवसन बिछावें || बालकृष्ण कों जो रुचि उपजे अपने हाथ जिमावें ॥६।| जलअचवाई बदन पोंछत ओर वीरी देत सुधारी ॥ हियें लगाय बदन चुंबनकरि सर्वस डारत वारी ॥७॥ नेनन अंजनदे लालनकें मृगमद ख्ोरकरें || सुरंग गुलाल लगाय कपोलन चिबुक अबीर भरें ॥८॥| चोवाचंदन छिराकि अबीर गुलालन फेंट भराई ॥ तनक तनकसी मोहनकों भरिदेत कनिक पिचकाई ॥९%॥ आपु समांझ परस्पर छिरकत लालन पे छिरकावें ॥ न्हेंनीन्हेंनी मुठी भराई रंगनसों सेनन नेनभरावें ॥ १ ०॥ निरखि निरखि फूलति नंदरानी तनमन मोदभरी ॥ नित्यप्रति तुम मेरे घर आबो मानो सुफलघरी ॥|११॥ देतअसीस सकल ब्रजवनिता जसुमति भागि तिहारो ॥ कोटि बरस चिरजीयो यह व्रजजीवन प्रानहमारों ॥१२॥

Basant ( Mahasud 6 se mahasud 14 tak)

Part3-043

Basant

Dekhat vann vrajnath aaj atee upajatahe anurag ..

देखत वन ब्रजनाथ आज अति उपजतहे अनुराग ॥ मानों मंदन वसंत मिले दोऊ खेलत डोलत फाग ॥१॥ द्रमगन मध्य पलाश मंजुरी उठत अगिन की न्यांई ॥ अपने अपने मेल मनोहर होरी हरखि लगाई ॥२॥ केकी कीरकपोत ओर खज करत कुलाहल भारी ॥ जनपद लज्ना तजी परस्पर देत दिवावत जारी ॥३॥ झीली झांझ निर्झर निसान डफभेरि भमरणगुंजार ॥ मानो मदन मंडली रची पुरवीथनि विपिन विहार ॥४॥ नवदल सुमन अनेक वरन वर विटपन भेखधघरे ॥ जनोराजत ऋतुराज सभामें हँसि बहुरंगन भरे ॥५॥ कुंजकुंज कोकिल कलकूजत वानी बिमलवंढी ॥ जानों कुलवधू निलज भईहें गावत अटनचढी ॥६॥ कुसमितलता जहां देखत अलि तहींतहीं चलिजात || मानों विटप सवन अवलोकत परसत गनिकागात ॥ ७॥ लीने पुष्प पराम पवनकर फिरतचहंंदिशधाये ॥ तिहिं ओसर संयोगिनि विरहनि छांडत कर भर भाये ॥८॥ और कहांलों कहों कृपानिधि वृंदाविपिन समाज ॥ सुरदास प्रभु सब सुख्र क्रीडत कृष्ण तुमारेराज ॥९॥

Basant ( Mahasud 6 se mahasud 14 tak)

Part3-044

Basant

Lalansang khelan fagchali .. chova chandan aggar

लालनसंग खेलन फागचली ॥ चोवा चंदन अगर कुंकुमा छिरकत घोषणली ॥१॥ ऋतुबवसंत आगम नवनागरि जोवन भार भरी ॥ देखन चली लाल गिरिधरकों नंदजूके द्वारखरी ॥। २॥ रातीपीरी चोली पहरें नौतन झूमक सारी ॥ मुखहिं तंबोल नेन में काजर देत भामती गारी ॥३॥ बाजत ताल मृदंग बांसुरी गाबत्त गीत सुहाये ॥ नवल गुपाल नवल ब्रजवनिता निकसि चोहंटे आये ॥|४॥ देखो आई कृष्णजुकी लीला विहरत गोकुल माहीं ॥ कहतन बने दास परमानंद यह सुख अनतजु नाहीं ॥५॥

Basant ( Mahasud 6 se mahasud 14 tak)

Part3-045

Basant

) juvatin sanga khelat faghari .. balakvrind karat

) जुवतिन संग खेलत फागहरी ॥ बालकवृंद करत कोलाहल सुनतन कानपरी ॥ बाजत ताल मृदंग बांसुरी किन्नरसुर कोमलरी ॥ तिनहूं मिले रसिक नंदन मुरली अधरधरी ॥२॥ कुंकुम वारि अरगजा विविध सुगंध मिलाय करी ॥ पिचकाईन परस्पर छिरकत अति आमोद भरी ॥३॥ टूट्तहार चीर फाटत गिरी जहां तहां ढंरनढरी ॥ काहू नहीं संभार क्रीडारस सब तन सुधि बिसरी ॥४॥ अतिआनंद मगन नहीं जानत बीतत जाम घरी ॥ कुमनदास प्रभु गोवर्धनधर सर्वस दे निवरी ॥५॥

Basant ( Mahasud 6 se mahasud 14 tak)

Part3-045

Basant

Mohan vadan vilokat alian upajatahe anurag ..

मोहन वदन विलोकत अलियन उपजतहे अनुराग ॥ तरनि त्तप्त तलफत चकरो शशि पीबत पीयूष परागण ॥१॥ लोचननलिन नयेराजत रति प्रेमधुकर भाग ॥ नानों अलिआनंद मिले मकरंद पिवत रस फाण ॥२॥ भमरीभाग भृकुटी पर चंदन वंदन बिंदु बिभाग ॥ तातकि सोम संक्यो घनघनमें निररित्र तज्यो वैराग ॥ ३॥ कुंचितकेश मयुर चंद्रिका मंडित कुसुम सुपाग ॥ मानों मदन धनुष सरलीने बरखतड़े बन बाग ॥8॥ अधराबिंबते अरून मनोहर मोहन मुरली राग ॥ मानो सुधा पयोध घोरबर ब्रजमपर वरखनलाग ।|५॥ कुंडल मकर कपोलन झलकत श्रमसी करके दाग ॥ मानों मीन कमलबर लोचन सोभित सरदत डाग ॥६॥ नासातिल प्रसून पदवीतर चिबुक चारू चित खाण ॥ दारदयों दशन मंद मुसिकाबनि मोहत सुरनर नाग ॥७॥ श्रीगोपाल रस रूप भरेये सूर सनेह सुहाग ॥ नानों सोभा सिंधु बढ्यो अति इन अखियन के भाग ॥८॥

Basant ( Mahasud 6 se mahasud 14 tak)

Part3-045

Basant

Khelat vasant giridharanlal .. jahaan lagyo abir gulal bhaal .. 1..

खेलत वसंत गिरिधरनलाल ॥ जहां लाग्यो अबीर गुलाल भाल ॥ १॥ केसरि छिरकत नवलवाल || लपटावत चोवा अतिरसाल ॥२॥ रही पागढरकि अर्धभाल ॥ देखत मनमथ अतिभयो विहाल ॥३॥ चंदन लाग्यो दुहुुंगाल ॥ तव मुरलीधर रिझवत गोपाल ॥ ४॥ श्रीगोवर्धनधर रसिकराय ॥ चनत्रभुजदास बलिहारी जाय ॥५॥

Basant ( Mahasud 6 se mahasud 14 tak)

Part3-046

Basant

Phuli dwamveli bhantibhanti .. navavasant sobha kaheen

फुली द्वमवेली भांतिभांति ॥ नववसंत सोभा कहीन जात ॥ अंगअंग सुख विलसत सघन कुंज ॥ छिनछिन उपजत आनंदपुंज ॥ १॥ देखि रंगरंगे हरखेनेन || श्रवनन पोषत पिक मधुपवेन | सुख दायक नासाअति अमोद ॥ रसना बहुस्वादन बहुविनोद ॥२॥ कुसुमन कुसुमाकर सुहाय ॥ त्रिविध समीर हृदो सिराय ॥ दास चत्रभुज प्रभु गुपाल ॥ वनविहरत गिरिधरन लाल ॥३॥

Basant ( Mahasud 6 se mahasud 14 tak)

Part3-046

Basant

Khelat madan gopal vasant ..

खेलत मदन गोपाल वसंत ॥ नागर नवल रसिक चूडामनि सव विधि सुघर राधिका कंत ॥ १॥ नेन नेन प्रति चारु विलोकन बदन बदन प्रति सुंदर हास ॥ अंगअंग प्रति प्रीति निरंतर रति आगम निसजाई विलास ॥ २॥ वाजत ताल मृदंग अधोटी डफवांसुरी कुलाहलकेलि || परमानंदस्वामीके संगमिलि ॥ नाचत बागत रंगरेलि ॥३॥

Basant ( Mahasud 6 se mahasud 14 tak)

Part3-046

Basant

Giridharlal russ bhar khelat vimal vasant radhika

गिरिधरलाल रस भर खेलत विमल वसंत राधिका संग ॥| उडत गुलाल अबीर अरगजा छिरकत भरत परस्पर रंग ॥ १॥ बाजत ताल मृदंग अधोटी वीना मुरली तानत रंग ॥ कुंभनदास प्रभु यह विधि क्रीडत यमुना पुलीन लजावत अनंग ॥१॥

Basant ( Mahasud 6 se mahasud 14 tak)

Part3-046

Basant

Madan gopal laal sub sukh nidhi khelat vasant

मदन गुपाल लाल सब सुख निधि खेलत वसंत निकुंजदेश ॥ जुवतीजन सोभित समूह तहां पहरें भूषन नानावेष || १॥ मुकलित द्वुम नवमंजुरी साखा कोकिल कल कूजत बिशेष ॥ फूली नवमालती मनोहर मधुप गुंजारत तामधेस ॥२॥ वाजतताल मृदंग झांझडफ आबज वीना किन्नरेस ॥ निर्तत गुनी अनेक गुनभरे आवत जीयब्हेन्हे आवेस ॥३॥ कुंकुमरंगसों भरि पिचकाई तक तनेन ओर सीसकेस ॥ रंगरंग सोभा अंगअंग प्रति निरखि विरह भाज्यो विदेस ॥४॥ जानत नहीं जाम घरी वीतत अति आनंद हदें प्रवेस || दास चन्नभुज प्रभु सब सुखनिधि गिरिवरधर जुबतीन रेस ॥५॥

Basant ( Mahasud 6 se mahasud 14 tak)

Part3-047

Basant