Viharatavan saras basant syaam .. jubtijuth gaaven

विहरतवन सरस बसंत स्याम ॥ जुबतीजूथ गावें लीला अभिराम ॥्रु०॥ मुकलित नूतन सघन तमाल ॥ जाईजुही चंपक मुलाल ॥ पारजातही मंदारमाल || लपटात मत्त मधुकरन जाल ॥ १॥ कुटज कदंब सुदेश ताल ॥ देखिवन रीझे मोहनलाल ॥ अतिकोमल नौतन प्रवाल ॥ कोकिल कल कूजत अतिरसाल ॥२॥ ललित लवंग लता सुवास ॥ केतुकी तरूणी मानों करतहास ॥ इंह विधि लालन करें बिलास ॥ वारनें जायजन गोविंददास ॥३॥

Basant ( Mahasud 6 se mahasud 14 tak)

Part3-047

Basant

Khelat giridhar ranamage rung .. gope sakhaa banik

खेलत गिरिधर रणमगे रंग ॥ गोप सखा बनिक निआएहें हरिहलधर के संग ॥१॥ बाजत ताल मृदंग झांझडफ मुरली मुरज उपंग अपनी अपनी फेंटन भरिभरि लिये गुलाल सुरंग ॥२५॥ पिचकाई नीकेंकरि छिरकत गावत तान तरंग ॥ उत्तआई ब्रज बनिता वनिवनि मुक्ता फल भरिमंग ॥३॥ अचराउ रसि फेंट कंचुकी कसि राजत उरज उतंग ॥ चोवाचंदन बंदन ले मिलि भरत भामते अंग ॥४॥ किसोर किसोरी दोऊ मिलि विहरत इतरति उतही अनंग ॥ परमानंद दोऊ मिलि बिलसत केलिकलाजुनि संग ॥५॥

Basant ( Mahasud 6 se mahasud 14 tak)

Part3-048

Basant

Vrindavan fulyo navhulas .. govardhangiri key

वृंदावन फूल्यो नवहुलास ॥ गोवर्धनगिरी के आसपास ॥श्रु०। चलि सलज कदेली पुंजप ॥ तरूतरुल तरुनता अरूनकोप ॥ जुबतीजन विहरत मदनचोंप ॥ तनमन धन जोवन हरिहिसोंपि ॥१॥ सितअसित कुसम मंडपनछांह ॥ कलकमोद मंदार तांह ॥ खेलत वसंत गिरिधरन जांह || वृषभान सुताके कंठ वांह ॥२॥ भयो अनंग अंगविन सिबके ताप ॥ सोईफेरिअवधिर रहीथाप ॥ भई मगन मिट्यो अब सब संताप ॥ श्रीवल्लसुत पदरज प्रताप ॥३॥

Basant ( Mahasud 6 se mahasud 14 tak)

Part3-048

Basant

Madhu ritu bundavan anandthor .. raajat nagri

मधु ऋतु बुंदावन आनंदथोर ॥ राजत नागरी नबकिसोर ॥ जूथिका जुथरूप मंजुरी रसाल ॥ विथकित अलिमंधु लाल गुलाल ॥१॥ चंपकबकुल कुल विधि सरोज ॥ केतुकी मेदनी मुदित मनोज ॥२॥ रोचक रूचिर बहे त्रिविध समीर पुलकित निरतत आनंदीत कीर ॥|३॥ पावन पुलिन घनमंजुल निकुंज ॥ किसलयसेंन रचित सुख पुंज ॥४॥ मंजीर मुरजडफ मुरली मृदंग ॥ बाजत मधुर वीना मुखचंग ॥५॥ मृगमद मलयज कुंकुम अबीर ॥ चंदन अगर सोंर चितचीर ॥६॥ गावत सुंदर हरि सरस धमारि ॥ पुलकित खगमृगण वहतन वारि ॥७॥ हित हरिवंस हंसहंसनी समाज ॥ एसेंही करो मिलि जुगजुग राज ॥८॥

Basant ( Mahasud 6 se mahasud 14 tak)

Part3-048

Basant

Jubati vrindsang syaam manohar khelat basant

जुबति वृंदसंग स्याम मनोहर खेलत बसंत ओरहीभांति | अरुनहरित मुकलित द्रुमपल्‍लव मधुपहलावत अंकुरपांति ॥ १॥ तरणि तनया तट पुलिनरम्यमें जहंतह॑ बने कोकिल किलकांति ॥ पूरनकलारोहिनी वल्‍लभ उदित मदन कुसमा करिराति ॥२॥ बाजत ताल मृदंग अधोटी बीना वेनु मुरली सुरभांति ॥ उरप तिरपगति अभिनव ललना पणनूपुर सिंचित किलकांति ॥ ३॥ विविध मुगंध अरगजा छिरकत पिय वनिता वनिता पियगात ॥ विविध विहार विविधपट भूषन किरन लजावत उडणनकांति ॥४॥ मोहनलाल गोवर्धन धरको रूपनेन पीवतन अघात ॥ कृष्णदास प्रभु वानिक निरखत व्योमयान ललना ललचात ॥५॥

Basant ( Mahasud 6 se mahasud 14 tak)

Part3-048

Basant

Kheltavan saras basantlal .. kokil cull

खेलतवन सरस बसंतलाल ॥ कोकिल कल कूजत अतिरसाल॥ जमुनातट फूले नवतमाल ॥ केतुकी कुंद नौतन प्रवाल ॥ नवसत सजि आईं ब्रजकी बाल ॥ साजेभूषन वसन तिलक भाल ॥२॥ चोवा चंदन वंदन ओर गुलाल || छिरकत प्यारी तकितकि मुपाल ॥ आलिंगन चुंबनदेत गाल ॥ पहरावत उर फूलनकी माल ।|३॥ यह विधि क्रीडत ब्रजन नृपकुमार ॥| सुमन वृष्टि करें सुर अपार ॥ श्रीमिरिवरधर मनहरतमार ॥ कुमनदास बलिबलि विहार ॥३॥

Basant ( Mahasud 6 se mahasud 14 tak)

Part3-048

Basant

Sajisen palano madanrai .. abalay parr kopyohai

सजिसेन पलानो मदनराय ॥ अबलय पर कोप्योहै रिसान ॥१॥ कुंजरद्रम मदगज पलास ॥| भयभीत भयो नेकअति उदास ॥२॥ मोर महावत चढेहें धाय || ललित लाल पाखर बनाय ॥३॥ अंबसुभट पहरें सनाय ॥| बट बेरीया अंजानदाय ॥४॥ त्रिविध पवन चंचल तुरंग ॥ उडिरजपरत झुकि अतिउत्तंग ॥५॥ कदलीदल बेरख फरहरात ॥ सहचरीयां चालक धरपिपात ॥६॥ कमलनैन कोकिला अतिअनूप ॥ तूपकदार शुक कपट रूप ॥७॥ बाजे गाजे निर्शर निशान ॥ भ्रमर भेरि मिलि करत गान ॥८॥ ऋषिकेशके प्रभु बिनुगोपाल ॥ कैसें बिहाय यह कठिन काल ॥९॥

Basant ( Mahasud 6 se mahasud 14 tak)

Part3-048

Basant

Raho raho vihariju merrie aankhin mein vrukajin

रहो रहो विहारीजू मेरी आंखिन में वृूकाजिन मेलो अंतर व्हे मुख अबलोकनकों ॥ अरभामती तिहारी मिलल्‍यो चाहे मिसकरि पैयां लागों पलपलकों ॥१॥ गावत खेलत जो सुख्र उपजत सोनकोटिवल हेजुवतिनकों ।। हरिदास के स्वामी को हँसत खेलत मुख कहा पाइयतह़े यह सुख मनकों ॥२॥

Basant ( Mahasud 6 se mahasud 14 tak)

Part3-049

Basant

Rattan jatit pichkai karaliyen bharat lalakon

रतन जटित पिचकाई करलियें भरत लालकों भावे ॥ चोवा चंदन अगर कुंकुमा विविध वूंदवरखावे ॥ १॥ कबहंक कटिपट बांधि निसंक व्हे ले नवलासी धावे ॥ मानों शरद चंद्रमा प्रगट्यो ब्रजमंडल तिमरन सावे ॥ २॥ उडत गुलाल परस्पर आंधी रह्यो गगन सवछाई।॥ चत्रभुज प्रभु गिरिधरनलाल छबि मोपे वरनी नजाई ॥३॥

Basant ( Mahasud 6 se mahasud 14 tak)

Part3-049

Basant

Pyaare hoe kanhar joe tum aankhin bharoju ..

प्यारे हो कान्हर जो तुम आंखिन भरोजू ॥ एसें बदि खेलों खेल अबकें वसंत मोसों सोहें जु करोजू ॥१॥ हों कहे देत बात भूलि जिननाओ ओरके खिलायबे को हारजिनहरोजू॥ कल्यानके प्रभु गिरिधर निधरक काहू धायजिन धरोजू ॥२॥

Basant ( Mahasud 6 se mahasud 14 tak)

Part3-049

Basant

Khelat piya pyaari sondhen bharibhari leeyen kanik

खेलत पिय प्यारी सोंधें भरिभरि लीयें कनिक पिचकारी ॥ छलकर छिरकत्ति भरति परस्पर वेतदिवात गारी ॥१॥ छीनलई मुरली प्रीतम की रंग बढावत भारी ॥ चोवा चंदन बूकाबंदन कुंवरपैडारी ॥२॥ कैसरि आदि जवाद कुमकुमा भीजि रही रंग सारी ॥ देत नही डहकावति सुंदरि हंसति करति किलकारी ॥३॥ फयुवा देह लेड पियमुरली के कहो कुंमरि डाहारी ॥ बरनों कहा कहति नहि आबे बढ्यो सुख सिंधु अपारी ॥४॥ इतमोहन हलधर होऊ भैया उतललिता राधारी ॥ हित हरिवंश लेहु किन मुरली तुम जीते हम हमारी ॥५॥

Basant ( Mahasud 6 se mahasud 14 tak)

Part3-049

Basant

Mukh musakini manbasi nabalbar chitwan chita harilino .. kunjan keli rahasi russ barkhati or argaja meeno ..1..

मुख मुसकिनि मनबसी नबलबर चितवन चित हरिलीनो ॥ कुंजन केलि रहसि रस बरखति ओर अरगजा मीनो ॥१॥ अबीर अगरसतबरन बिराजति राग बसंते कीनो ॥ हरिदास के स्वामी स्यामा कुंज बिहारी देखो मैनमन हीनो ॥२॥

Basant ( Mahasud 6 se mahasud 14 tak)

Part3-050

Basant