Ritu basant kusumit navbakul maalati .. kurbak

ऋतु बसंत कुसुमित नवबकुल मालती ॥ कुरबक मल्लिका गुंजत बहुअलिपांति ॥ १॥ कूजत कलकल हंसके की मिथुन कीरा ॥ बहत पवन मलय विमल सुरभि जमुना तीरा ॥२॥ गावति कलगीत युवती बोलत होहोरी ॥ केसरि मृगमद कपूर छिरकति नवमोरी ॥३॥ मनि नूपुर कांटे किंकिनी कंकनधुनि झोह़े | हरि जीवन प्रभु गिरिवरधर त्रिभूवन मन मोहे ॥४॥

Basant ( Mahasud 6 se mahasud 14 tak)

Part3-053

Basant

Khel khelri kanhar trian phulwari main chhiraki

खेल खेलरी कान्हर त्रियन फुलवारी मैं छिरकि छिरकि रंग भरतयोंसुखकरे ॥ अतिउत्तम चंदनबंदन लीने ओर अरगजा करिकें ऐसे अनुराग छिरकि छिरकि तरुनी बिहरें ॥१॥ एक कर पहुप माल गलेंमेलति दूजे मोर धरावति कोऊ धूप अगरले सुबास करें हरिदास के स्वामी स्याम कुंजबिहारी तीन लोक जाके बस सो राधाके मुखपै अबीडरपकैं धरें ॥२॥

Basant ( Mahasud 6 se mahasud 14 tak)

Part3-053

Basant

Aaj saanvaro ghosh galinmein khelati mohan horry ..

आज सांवरो घोष गलिनमें खेलति मोहन होरी ॥ संग सखी लीयें राधिका बनीहै अनूपम जोरी ॥१॥ बाजति ताल मृदंग छंदसों बिच मुरली धुनि थोरी ॥ अरस परस छिरकति छिरकावति मोहन राधा गोरी ॥२॥ अबीर गुलाल उडति बुकारंग भरिभारे धरी कमोरी ॥ केसरि रंगसों भरि पिचकारी मारतिहैं मुखरोरी ॥| ३|| छलबल सोंकरिआंख अंजावत लोकलाज सब तोरी ॥ लुटति सुख कीसीवां सब मिलि परमानंद करति निहोरी ॥४॥

Basant ( Mahasud 6 se mahasud 14 tak)

Part3-053

Basant

Udat bandan navabir bahu kumkuma khelat vasant

उडत बंदन नवअबीर बहु कुमकुमा खेलत वसंत बन लाल गिरिवरधरन ॥ मंडित सुअंग सोभा श्याम सोभित ललन मानो मनमथ बान साजि आये लरन ॥ १॥ तरणि तनया तीर रमनीक वनद्गुम लता कुसुम मुकलित सुनाना वरन ॥ मधुर सुर मधुप गुंजार करें पिक शब्द रस लुब्ध लागे दशों दिश कुलाहल करन ॥२॥ आईं वनिवनि सकल घोखकी सुंदरी पहरि तन कनिक नवचीरपट आभरन ॥ मधुर सुर गीत गावें सुधर नागरी चारु निर्तत मुदित कुनित नूपुर चरन ॥३॥ बदन पंकज अधर बिंब शोभित चार झललकत कपोल अति चपल कुंडल करन ॥ दास कुमननिनाथ हरिदास वर्यधर नंदनंदन कुंवर युवतिजन मनहरन ॥४॥

Basant ( Mahasud 6 se mahasud 14 tak)

Part3-054

Basant

Khelat vasant gokulke naayak jubati janake

खेलत वसंत गोकुलके नायक जुबती जनके मंडलवीच ॥ सुरंग गुलाल उडाय अरगजा कुंकुमकी जहांकीच ॥१॥ हाथन लिये कनिक पिचकाई छिरकत आपुस मांझ ॥ तेसोई सुरंग रंग केसरि को मानों फूली सांझ ॥२॥ श्रीमंडल आवज डफ वीना झांझ झालरी ताल ॥ पटह मृदंग अधोटी महुवारि बाजत वेनुरसाल ।।३॥ रविकल कुल कोकिल अतिकूजत चहट्टूं ओर द्रमफूले ॥ तेसोही सुभग तीर कालिंदी देखत सुरनर भूले ॥४॥ यह विधि सब मिलि होरी खेलें मनमें अति आनंद ॥ गोवर्धनचर रूप पर जन वलिवलि गोकुलचंद ॥५॥

Basant ( Mahasud 6 se mahasud 14 tak)

Part3-054

Basant

Kabaki houn khlelat mohison artahon saban chhaandi

कबकी हों ख्लेलत मोहीसों अरतहों सबन छांडि मेरी आंखिन भरतहो ॥ रहो हो रहो हो हरि होंडूंन ओर त्रिय नेंकुनटरतहो ॥१॥ नेनमींडि फिरिफिरि मुसिकात जात होंहूं जानत तेसी मोहीसों करतहो ॥ कल्यानके प्रभु गिरिधरपति विवस न्हैन डरतहो ॥२॥

Basant ( Mahasud 6 se mahasud 14 tak)

Part3-054

Basant

Aise reejhe bheeje ayerilal gaavtahain dhamaari ..

एसे रीझे भीजे आयेरीलाल गावतहैं धमारि ॥ होंजु गईरी भोर वृंदावन भरलीनी अंकवारि ॥९॥ सुधरी अलक बदनपर बिथुरी निजकरसों अली आपस कोरि ॥ हरिदास के स्वामी स्यामा कुंज बिहारी मिली है बिरह हिर दोरि ॥२॥

Basant ( Mahasud 6 se mahasud 14 tak)

Part3-054

Basant

Nandanandan vrishbhan nrip nandini saras rituraj

नंदनंदन वृषभान नृप नंदिनी सरस ऋतुराज 'बिहरत वसंते ॥ इत सखा संग शोभित श्रीगिरिवरधरन उत्तजुबति जनमध्य राधा लसंते ॥१॥ सूरजा तट सुभग परम रवनी यबन सुखद मारूत मलय मृदुबह॑ते ॥ प्रफुल्लित मल्लिका मालती माधवी कुहु कुह्डु शब्द कोकिल हंसते ॥२॥ विविध सुर तीन गावत सुघर नागरी ताल कंठ ताल बाजत मृदंगे ॥ वेनवीना अमृत कुंडली किन्न॑री झांझ बहु भांति चंग उपंगे ॥३॥ चंदनसु वंदन अबीर नव अरणजा मेदगोरा साख बहु घसंते ।| छिरकत परस्पर सुदंपति रसभरे करत बहुकेलि मुसकनि हसंते ॥४॥ देखि सोभा सुभग मोहे सिव विविध तहां थकित अमरेश लजित अनंगे ॥ गोविंद प्रभु पिय हरिदास वर्यधर घोषपति युवतिजन मानभंगे ॥५॥

Basant ( Mahasud 6 se mahasud 14 tak)

Part3-055

Basant

Ritu vasant brindavan viharat vrajraj kaaj saaje dwum

ऋतु वसंत बृंदावन विहरत ब्रजराज काज साजे द्वुम नवपलल्‍लब प्रफुल्लित पोहो पन सुवास॥ कलापी कपोत कीर कोकिल कमनीय कंठ कूजत श्रवनन सुनत होत है हो हिय हुलास॥| १॥ तेसोई त्रिविधि पवन बहत तेसोई सीतल सुगंध मंदरंग उपजत है हो अति उजास ॥ प्रभु कल्यान गिरिधर उत्त जुबति जूथ मध्य राधा केसारि छिरकत अबीर गुलाल उडाबत आवबत हे हो करें रंग रास ॥२॥

Basant ( Mahasud 6 se mahasud 14 tak)

Part3-055

Basant

Dekhari dekh rituraj aajam sakhee sakal banful

देखरी देख ऋतुराज आजम सखी सकल बनफूल आनंद छायो ॥ ताल कदली धुजा उमगि अति फरहरे संग सब आपुनी फोज लायो ॥१॥ कोकिला कीर कलगान आगें करे भृंग भेरी लीयें संग धायो ॥ घुरत निशान घनघोर मोरन कीयो करत पिक शब्द गजअति सुहायो ॥ उडत बंदन बहु कुमकुमा केसारि तियनके कुचन तकि तमकरायो ॥३॥ पंचले बान चहुंओर छाये प्रथम चांपले आपु हाथन चलायो | दौर कर शोर धपधाय लरति अततििघेरि चहुओर गढमान ढायो ॥ 8॥| परी खलबली सब नारिमुर मदन की मिलन मनस्याम अंचल फिरायो ॥ जिति सब सुभट कृष्णदास बुंदा विषिन आय गिरिधरन को शीसनायो ॥५॥

Basant ( Mahasud 6 se mahasud 14 tak)

Part3-055

Basant

Ritu vasant taroo lasant manhasant kamini bhamini

ऋतु वसंत तरू लसंत मनहसंत कामिनी भामिनी सब अंगअंग रमत फागरी ॥ चर्चरी अति विकट ताल गावत संगीत रसाल उरप तिरप लास्थ तांडव लेत लागरी ॥१॥ बंदनबूका गुलाल छिरकत तकि नेन भाल लाल गाल मृगज लेप अधरदागरी || गिरिवरधर रसिकराय मेचक मुदरी लगाय कंचुकी पर छापदीनी चकित नागरी ॥२॥ बाजत रसना मंजीर कूजत पिक मोर कीर पवन भीर जमुनातीर महल वागरी ॥ विष्णु दास प्रभु प्यारी भेटत हँसि देत तारी काम कला निपट निपुन प्रेम आगरी ॥३॥

Basant ( Mahasud 6 se mahasud 14 tak)

Part3-056

Basant

Laal lalit lalitaadik sangaliyen vihartari

लाल ललित ललितादिक संगलियें विहरतरी बरवसंत ऋतुकला सुजान ॥ फूलन की करगें दुकलियें पटक तपट उरजछियें हंसत लसत हिलिमिलि सव सकल गुन निधान ॥१॥| खेलत अति रसजो रह्यो रसना नहीं जात क्यो निरसिर पररित्र थकित भये सघन गगन जान ॥ छीत स्वामी गिरिवरधर श्रीविड्ठल पद पद्मरेनु वरप्रताप महिमातें कियो कीरति गान ॥२॥

Basant ( Mahasud 6 se mahasud 14 tak)

Part3-056

Basant