Ritu vasant bundavan phooledrum bhaanti-bhaanti sobha

ऋतु वसंत बुंदावन फूलेद्रुम भांति-भांति सोभा कछुकही नजात्ि बोलतपिक मोर कीर ॥ खेलत मिरिधरन धीर संग ग्वाल वृंदभीर विहरत मिलि जमुनातीर बाढ़ी तनमदनपीर ॥ १॥ आईं ब्रज नवलनारि संग राधिका कुमारि कीने नवसत सिंगार साजे नववसन चीर ॥ बदन कमलनेन भाल छिरकत केसरि गुलाल बूकाचोवा रसाल सोंधो मृगमद अबीर ॥२॥ बाजत वीनामृदंग बांसुरी उपंग चंग मदन भेरि महु वरि डफ झांझ झालरी मंजीर ॥ निरखत लीला अपार भूली सुधिबुधि संभार बलिहारी कृष्णदास देखत ब्रज चंदधीर ॥३॥

Basant ( Mahasud 6 se mahasud 14 tak)

Part3-056

Basant

Khelekhel kanhar trian phulwari mein chhiraki

खेलेखेल कान्हर त्रियन फुलवारी में छिरकि छिराकि रंग भरतयो सुखकरे ॥ अति उत्तम चंदन बंदन लावे और अरगजा करिकें ऐसे अनुराग छिरका छिरक तरुणी बिरह हरे ॥ १॥ एक करपो होप माल गरेमेलत दूजेमोर धरावत कोऊ धूप अगरले सुवा सकरे ॥ हरीदास के स्वामी स्यामा कुंज बिहारी तीन लोकजाके वससो राधाके मुखपर अबीर डपके धरे ॥२॥

Basant ( Mahasud 6 se mahasud 14 tak)

Part3-056

Basant

Kusamit vann dekhan chaloaaj .. tahaan pragatbhayo

कुसमित वन देखन चलोआज ॥ तहां प्रगटभयो रति रंगराज ॥ अति गुंजत कोकिल कलसमेत || जुवतीजन मन आनंददेत ॥१॥ राधिका सहित राजत निकुंज तहां मदन मोहन सुंदरता पुंज ॥ दंपति रतिरस गावें हुलास ॥ यह सदां वसोमन सूरदास ॥२॥

Basant ( Mahasud 6 se mahasud 14 tak)

Part3-057

Basant

Aayo ayori yeh ritu vasant .. madhukaran munn madhuban vasant .. dendetari jiyaman hasant .. malay mrigaj kesari ghasant ..1..

आयो आयोरी यह ऋतु वसंत ॥ मधुकरन मन मधुबन वसंत ॥ देंदेतारी जियमन हसंत ॥ मलय मृगज केसरि घसंत ॥१॥ खेल मच्यो ब्रजपुर के मांझ ॥ कोऊ गिनतन भोर मध्यान सांझ ॥ गिरिघरपिय जल जंत्र हाथ ॥ वललब वललवी भोर साथ || गावत गुन मधु माधों गाथ ॥ निरखि मुरझि परचो रतिकोनाथ ॥ ३॥ नितउठि चोस विनोदबात ॥ पशुपंछी फूलेनमात ॥ प्रतिबिंबत रवि शशि पातपात ॥ विष्णुदास बलि जातजात ॥४॥

Basant ( Mahasud 6 se mahasud 14 tak)

Part3-057

Basant

Vasant rituaai angang sarsai khelati rasik

वसंत ऋतुआई अंगअंग सरसाई खेलति रसिक गिरधरपिय भाई ॥ बनबन फूलि रही बनराई मंद पवन लगत सुखदाई ।॥। १॥ बिहरति लाडिली लाल मनोहर मह्ुबर मृदंग धुनि गतीयन भाई ॥ यह ऋतुराज केलि रस रह्यो ब्रजपे सरस रंग अद्भुत छबि छाई ॥२॥

Basant ( Mahasud 6 se mahasud 14 tak)

Part3-057

Basant

Ritu vasant mukalit vann sajani suban juthika

ऋतु वसंत मुकलित वन सजनी सुबन जूथिका फूलीरी ॥ युनन गुनन गुंजत दुह्ुुंदिश मधुप मंडली झूली ॥१॥ गोवर्धन तट कोकिला कूजत वचननिकर रस मूली ॥| खेलत निरखि छेल नंदनंदन भई उडपति गति लूली ॥२॥ क्रतु कुसमाकर राका रजनी विरहनि नितप्रति कूली ॥ कृष्णदास हरिदास वर्यधर केलिकला अनु कूली ॥३॥

Basant ( Mahasud 6 se mahasud 14 tak)

Part3-057

Basant

Kahaan iree taraki abahiju khelat hii preetam

कहां आईरी तरकि अबहीजु खेलत ही प्रीतम संग एक कर अबीर दूजेकर फेंटाकर ॥ जब उनभुजन जोरि मुसिक्याय वदन मोर्यो तें जान्यों ओरन तन चित एसो यह न होय जिनभरे इन नेनन यही डर || १॥ जबहीतू उठचली तबही लालन उझकि रहे बूझन लागे ओरनसों में कछु न कह्यो झुकिगई कोन बात पर॥ उठिचलि हिलमिल तोही सोरंगरस और नसूं और सब लागत चूनी समान तुब मधिनायक संग सोहे लाल गोपाल गिरिघर ॥२॥

Basant ( Mahasud 6 se mahasud 14 tak)

Part3-057

Basant

Abaken vasant nyaroi khelein merison naan milli

अबकें वसंत न्यारोई खेलें मेरीसों न मिलि खेलें नारी तेरीसों ॥ दुचितहोत कछुन सुख पईयतु काहूसों न मिलि मेरीसों॥ १॥ देखेंजी जोरंग ऊपजेगो परस्पर राग रंग नीके करि फेरीसों ॥ हरिदास के स्वामी स्यामा कुंज बिहारी रंगही में रंज उपजे केरीसों ॥२॥

Basant ( Mahasud 6 se mahasud 14 tak)

Part3-057

Basant

Chalori vrindavan vasant aayo .. phooli rahey phoolanke

चलोरी वृंदावन वसंत आयो ॥ फूलि रहे फूलनके झोंरा मरूत मकरंद उडायो ॥ १॥| मधुकर कीर कोकिला ओर खणग कोलाहल उपजायो ॥ नाचत स्याम नचावत श्यामा राधाजू राग जमायो ॥२॥ चोबाचंदन बूकाबंदन लालगुलाल उडायो॥ व्यास स्वामिनी की छबि निरखत रोमरोम सुख पायो ॥३॥

Basant ( Mahasud 6 se mahasud 14 tak)

Part3-058

Basant

Naval vasant naval voondaavan khelat naval govardhan bhaari ..

नवल वसंत नवल वूंदावन खेलत नवल गोवर्धन भारी ॥ हलधर नवल नवल ब्रज बालिक नवल नवल बनी गोकुल नारी॥१॥ नवल जमुनातठ नवल विमलजल नौतन मंद सुगंध समीर ॥ नवल कुसम नवपल्‍लव साखा कूजत नवल मधुप पिककीर ॥२॥ नव मृगमद नवअरगजा वंदन नौतन अगर सुनवल अबीर ॥ नवचंदन नवहरद कुंकुमा छिरकत नवल परस्परनीर ॥३॥ नवलवेनु महुवरिबाजे अनूपम भूषन नौंतनचीर ॥ नवलरूप कृष्णदास प्रभु को नौतन जस गावत मुनिधीर ॥४॥

Basant ( Mahasud 6 se mahasud 14 tak)

Part3-058

Basant

Aaj madanmohan baney upmaakon kohe .. rati

आज मदनमोहन बने उपमाकों कोहे ॥ रति पति राजा पाय बांध्यो हू न सोहे ॥१॥ कोटि सुधानिधि सीतल जोड़े ॥ देखत बदन त्रैताप नसोहे ॥२॥ ऐसी कोन नागरी जो निमिष बिछोहे ॥ प्रभु रघुनाथदास ब्रजजन मोड़े ॥३॥

Basant ( Mahasud 6 se mahasud 14 tak)

Part3-058

Basant

Naval vasant naval vrindavan navlahi phoole phool ..

नवल वसंत नवल वृंदावन नवलही फूले फूल ॥ नवलही कान्ह नवलवनी गोपी निर्तत एकहीतूल ॥१॥ नवल गुलाल उडे रंग बूका नवल वसंत अमूल नबलही छींट बनी केसरि की मेटत मनमथसूल॥२॥ नवलही ताल पखावज बाजत नवल पवनके झूल ॥ नवलही बाजे बाजत श्रीभट कालिंदी के कूल ॥३॥

Basant ( Mahasud 6 se mahasud 14 tak)

Part3-058

Basant