Navavasant aagamani koo laagat naval phool pall‍lava vanaye ..| naana varan sakal vrindavan jahaan tahaan drum prafulit bhaye .. 1..

नववसंत आगमनी को लागत नवल फूल पल्‍लव वनये ॥| नाना वरन सकल वृंदावन जहां तहां द्रुम प्रफुलित भये ॥ १॥ प्रगट्यो रति पति बसंत सुखद ऋतु हैमकाल कलहजु गये ॥ गुंजत मधुप कीर पिक कूजत ठोरठोर आनंदठये ॥२॥ जमुनातट रमनीक परमरूचि कुंज वितान ललित छये ॥| तहां साज नटबर नंदनंदन बैठि रहे नेरें जु लये ॥३॥ जानि सुसमय चत्रभुज प्रभु पिय आतुर संदेस तोकों जुदये ॥ वेणि चलिहि मिलि गिरिधर पिय संग सवसुखकरि बिलसो जु नये ॥४॥

Basant ( Mahasud 6 se mahasud 14 tak)

Part3-059

Basant

Navavasant aagam navnagari navnagar giridhar sanga khelat ..

नववसंत आगम नवनागरी नवनागर गिरिधर संग खेलत ॥ चोवा चंदन अगर कुंकुमा ताकि ताकि पियसन मुख मेलत॥१॥ पोहोपांजुलि जब भरत मनोहर बदन ढांपि अंचल गति पेलत ॥ चत्रभुज प्रभु रस रास रसिक को रीझि रीझि सुख सागर झेलत ॥२॥

Basant ( Mahasud 6 se mahasud 14 tak)

Part3-059

Basant

Aayo aayo piya yeh ritu vasant .. dampati mansukh

आयो आयो पिय यह ऋतु वसंत ॥ दंपति मनसुख विरहिन अंत ॥ फाग खिलावो संगकंत ॥ हाहाकरि तृन गहतदंत ॥१॥ तुरत गये हरिलई मनाय ॥ हरखि मिले हरि कंठलाय || दुःख डारचो तुरतहि भुलाय ॥ सोसुक दोउनके उरनमाय ॥२॥ ऋतु बसंत आगमन जानि ॥ नारिन राख्यो मात बानि ॥ सुरदास प्रभु मिले आनि || रस राख्यो रतिरंग ठानि ॥३॥

Basant ( Mahasud 6 se mahasud 14 tak)

Part3-059

Basant

Piya dekho vanchhavi nihaari .. barwar yeh kahit

पिय देखो वनछवि निहारि ॥ बारवार यह कहित नारि ॥ श्रु ॥ नवपलल्‍लव बहू सुवन रंग ॥ द्वमवेली तन भयो अनंग ॥ भभरा भभरी भ्रमत संग ॥ जमुना करत नाना तरंग ॥१॥ त्रिविधि पवन महा हरखदेन ॥ सदां वहत तहां रहतचेन ॥ सूर प्रभु करि तुरतगेन ॥ चलो नारि मन सुखद मेन ॥२॥ .

Basant ( Mahasud 6 se mahasud 14 tak)

Part3-059

Basant

Dekho pyaari kunj bihaari mooratibant basant ..

देखो प्यारी कुंज बिहारी मूरतिबंत बसंत ॥ मोरी तरून तरूुलता तनमें मनसिज रस वरसंत ॥१॥ चलि चूरन कुंतल अलिमाला मुरली कोकिल नाद ॥ देखत गोपीजन वनराई मदन मुदित उनमाद ॥श। अरून अधर नवपल्‍लव सोभा विहसन कुसम विकास ॥ फूले विमल कमलसे लोचन सुचित मन उल्लास ॥३॥ सहज सुवास स्वास मलयानिल लागत परम सुहाये ॥ श्रीराधा माधवी गदाधर प्रभु परसत सुखपाये ॥४॥

Basant ( Mahasud 6 se mahasud 14 tak)

Part3-059

Basant

Teree naval tarunta navavasant ..| nabanav vilas

तेरी नवल तरूनता नववसंत ॥| नबनव विलास उपजत अनंत ॥ध्रु०)॥ नवअरुन अधर पल्‍लव रसाल ॥ फूले विमल कमल लोचन विशाल ॥ चलि भृकुटी भृंग भृंगनकी पांति ॥ मृदु हसन दसन कुसमनकी भांति ॥१॥ भई प्रगट अल्प रोमावलि मोर ॥ स्वास सौरभ मलय पवन झकोर॥ चल फलउरोज सुंदर सुठान॥ बोले मधुरमधुर कोकिला जान ॥२॥ दुरि देखत ब्रज कुंवरराय ॥ बाढ्यो मममथ मन चोगनों चाय ॥ तोहि मिलि विलस्यो चाहतहें स्याम || जाहि देखत लज्नित कोटिकाम ॥ ३॥। तब चली चरन मंथर विहार ॥ बाजे रुनन झुनन नूपुर झंकार ॥ सुनि पुलकित गोकुल पत्ति कुमार ॥ मिलि भयो गदाधर सुख अपार ॥४॥

Basant ( Mahasud 6 se mahasud 14 tak)

Part3-060

Basant

Phoole phooleri chalidekhanjaiye navavasant dwumveli ..

फूले फूलेरी चलिदेखनजैये नववसंत द्वुमवेली ॥ नवरंग मदन गोपाल मनोहर नवराधिका नवकेली ॥ १॥ ऋतु वसंत कुसमाकर सजनी मत्त मधुप धुनि सुनि हेली ॥ कानन मुदित जुबती मंडलमें खरजादिक ताननमेली ॥२॥ विविध विहार विविध पटभूषन विविध भांति खेला खेली ॥ सुनि कृष्णदास सुरति रस सागर गिरिधर पिय विहरत जु पेली ॥३॥

Basant ( Mahasud 6 se mahasud 14 tak)

Part3-060

Basant

Kusumit kunj vividh vrindavan chaliye nandke

कुसुमित कुंज विविध वृंदावन चलिये नंदके लाला ॥ पाडर जाईजुडी केतुकी चंपक बकुल गुलाला ॥१॥ अंव दाख दारचों नारंग फल जांबू परम रसाला ॥ ओर बहोत फूले द्रुम देखियत कहत मुदित ब्रजबाला ॥ १॥ कोकिलकीर चकोर मोर खग जमुनातट निकट मराला ॥ त्रिगुन समीर बहत अलिगुंजत नीकीठोर गुपाला ॥३॥ सुनि मृदु वचन चले गिरिवरधर कटितटि किंकिनि जाला ॥ नानाकेलि करत सखियन संग चंचल नेन विसाला ॥|४॥ तहां वीनत कुसम राधिका भामिनि ग्रथित मनोहर माला ॥ कृष्णदास प्रभु के उर मेलत भेटत स्यामत माला ॥५॥

Basant ( Mahasud 6 se mahasud 14 tak)

Part3-060

Basant

Douu navallal khelati basant ..| anandkand

दोऊ नवललाल खेलति बसंत ॥| आनंदकंद गिरिधरन चंद ॥भ्रु०॥ नवल कुंज द्रुम नवल मोर || नवल कुसुम सम मधुप सोर ॥१॥ नव लीलाँबर नवल पीतपट नवल नवल अधर मुख बीरी दंत ॥ नवरस केसरि नवल अरगजा नवल गुलाल अबीर उडंत ॥२॥ नवल गुपाल नवल ब्रज जुवबती नवल परस्पर सुख अनंत ॥ “चत्रभुजदास' दरस दृगलोभी नवल रूप गिरिधरनचंद ॥३॥

Basant ( Mahasud 6 se mahasud 14 tak)

Part3-061

Basant

Nand nandan vrishabhaanu nandani sanga saras rituraj

नंद नंदन वृषभानु नंदनी संग सरस ऋतुराज बिहरति बसंते ॥ इत सखा संग सोभित श्रीगिरिवरधरन उत जुबति जन मधि राधा लसंते ॥१॥ सूरजा तट सुभग परम रमनीय बन सुखद मारुत मलय मृदुल बहंते ॥ प्रफुलित मल्लिका मालती माधवी कुहूँ कुहँ सन्द कोकिल हसंते ॥२॥| विविध सुर ग्राम तीन ग्राम जाबत सुघर नागरी ताल कठताल बाजति मृदंगे ॥ बैनु बीना अमृत कुंडली किन्नरी झांझि बहु भांति चंग उपंगे॥३॥ चंदन सु बंदन अबीर नव अरणजा मेद गोरा साख बहु घसंते ॥ छिरकति परसपरि सु दंपति रस भरे करतिं बहु केलि मुसकनि हसंते ॥४॥ देखि सोभा सुभग मोह़े सिव बिधि तहाँ थकित अमरेस लजित अनंगे ॥ “गोविंद' प्रभु हरिदास बर्य धरि घोष पति जुबति जन मान भंगे ॥५॥

Basant ( Mahasud 6 se mahasud 14 tak)

Part3-061

Basant

Khelat hain hari anand horry || kartal taal bajabant

खेलत हैं हरि आनंद होरी || करतल ताल बजाब॒त गावत्त रामकृष्ण की जोरी ॥१॥ ऋतु कुसुमाकर कामदेव पिय माखन दूध दही की चोरी ॥ जाके भवन कछु नहि पावत ताके चले उठि भाजन फोरी ॥२॥ देखत गोपी सुंदर लीला घूंघट और हँसि मुख मोरी ॥ 'परमानंद' स्वामी बहु रंगी सब थों सुख देखि कर पौंरी ॥३॥

Basant ( Mahasud 6 se mahasud 14 tak)

Part3-061

Basant

Dekhiri dekhi rituraj aagam sakhee sakal bunn

देखिरी देखि ऋतुराज आगम सखी सकल बन फूल आनंद छायो ॥ ताल कदली धुजा उमगि अति फरहरे संग सब आपुनी फौज लायो ॥१॥ कोकिला कीर गुनंगान आंगे करें भ्रम भेरी लीए संग आयो ॥ घुरत निसान घनघोर मोरन कीयो करत पिक सब्द गज अति सुहायो ॥२॥ फिरत तहां हंस पदचर चकोरन बहु सैल रथ चमक चढि धमक धायो ॥ उडत वारन बहु कुंमकुमा केसारे तियनके कुचन तकि तमकरायो ॥३॥ पंच ले बान चहुँ ओर छाए प्रथम चांपले आपु हाथन चलायो ॥ दोर कर सोर धप धाय लरति अति घेरि चहूं ओर गढमान ढायो ॥४॥ परी खलबली सब नारि उर मदनकी मिलन मन स्याम अंचल फिरायो ॥ जीति सब सुभट “कृष्णदास' ब्रिंदा विपिन आय गिरिधरन कौं सीस नायो ॥५॥

Basant ( Mahasud 6 se mahasud 14 tak)

Part3-061

Basant