Bunn phoole dram kokila bollie madhoop jhankaaran

बन फूले द्रम कोकिला बोली मधूप झँकारन लाभे ॥ सुन भयों सोर रोर बंदीजन मदन महीपति जागे ॥१॥ तिनहु दिनें अंकुर पल्‍लव जे द्वुम पेलैं लागे || मानौ रति पति रिझ जाचकन बरन बरन दिये बागे ॥२॥ नए पात नई लता पोहप नए नए रस पाणे ॥ नवल केलि विलसति मोहन सँग 'सूर” रंग नए अनुरागे ॥३॥

Basant ( Mahasud 6 se mahasud 14 tak)

Part3-062

Basant

Brindavan khelati hari jubati jooth sanga liye

ब्रिंदावन खेलति हरि जुबति जूथ संग लिये हो हो हो हो होरी सुहाई ॥ दुंदुभी, मृदंग, चंग, आवज, बीना, उपंग, ताल, झांझ, मदन भेरि, मुरली, मुखचंग, ढोल महूबारि गोमुख, सहनाई ॥१॥ म्रममद चोवा गुलाल केसू केसर रसाल, छिरकति किलकारि देति, गावति जारी सुहाई ॥ निरखति सोभा अपार भूले सुधि बुधि सँभार सिव विरंचि सनकादिक बरखति गजुन 'कृष्ण दास' बसंत ऋतु सुहाई ॥२॥

Basant ( Mahasud 6 se mahasud 14 tak)

Part3-062

Basant

Brinda bipin naval basant khelati tarun nabal

ब्रिंदा बिपिन नवल बसंत खेलति तरुन नबल बलबीर ॥ ब्रज बधू संग मुदित नाचति तरनि तनया तीर ॥१॥ अरून तरू मुकलित मनोहर विविध द्वुम गंभीर ॥ मधुप बिहंग करत कुलाहल, मलय बहै समीर ॥२॥ अगर कुँमकुम बहुत सौरभ, लसत भुषन चीर ॥ “कृष्ण दास' बिलास सुखनिधि गिरिधरन गुन गंभीर ॥३॥

Basant ( Mahasud 6 se mahasud 14 tak)

Part3-062

Basant

Khelati basant aae mohan apane rung .. kartal

खेलति बसंत आए मोहन अपने रंग ॥ करतल ताल कुनित बल अबलि जुबति मंडलि संग ॥ १॥ मुरज, मंजरी, चंग, मह॒वरि, बैन, विषान, म्रदंग ॥ झालरी, जंत्र, उपंण, यंत्र, धुनि उपजत तान तरंग ॥२॥ उडति अबीर गुलाल कुँमकुमा केसारे छिरके अंग ॥ गलित कुसुम सिर पागु लट पटी नाँचति ललित त्रिभंग ॥३॥ कोउ किन्नरि सरस गति मिलवत कोउचंग ॥ “जन त्रिलोक' प्रभु बिपिन बिहारी चितवत उदित अनंग ॥४॥

Basant ( Mahasud 6 se mahasud 14 tak)

Part3-062

Basant

Saras basant sakhaa mill khaile adbhut gati

सरस बसंत सखा मिल खैले अद्भुत गति नंद नंदनकी ॥ केसरि ग्रगममद और अरणजा बनी कीच सुभ बंदनकी ॥ १॥ निरतति मुदित मंडलि कैं मधि कोटि मैंन दुःख खंडनकी ॥ 'सूर' स्याम छबि कहाँलों बरनौ नंद लीला जग बंदनकी ॥२॥

Basant ( Mahasud 6 se mahasud 14 tak)

Part3-063

Basant

Aaj giriraj sub saaji saajain .. naval navroop dhari daras kaajain .. 1..

आज गिरिराज सब साजि साजैं ॥ नवल नवरूप धरि दरस काजैं ॥ १॥ नवल नंदलाल सकल ब्रज बाल लीनै सँग खेलि रस फागु सुख सरस लीनौ ॥ नवल हरिदास छबि निरखि अति हरखि मन करखि “कल्यान” रस रँँग भीनौ ॥२॥

Basant ( Mahasud 6 se mahasud 14 tak)

Part3-063

Basant

Hoe hoe hari khelati basant.. mukilit bunn kokil

हो हो हरि खेलति बसंत॥ मुकिलित बन कोकिल कल कुजति प्रमुदित मन राधिका कँत ॥१॥ विविधि सुगंध छींट नीकी सोभित सुरति केलि लीला लसंत 'कृष्णदास' प्रभु गिरिधरि नागर ब्रज भामिनि हिलमिल हँसंत ॥२॥

Basant ( Mahasud 6 se mahasud 14 tak)

Part3-063

Basant

Khelati jugal kisor kisori .. chova chandan

खेलति जुगल किसोर किसोरी ॥ चोवा चंदन अगर कुँमकुमा अबीर गुलाल लिये भरि झोरी ॥|१॥ ताल मग्रदंग झांझि ढफ बाजति मुरलीकी थोरी ॥ राण बसंत दोहं मिलि गाबत यह सांवल यह गौरी ॥ रिझवत मोहन रैँग परसपर सब निरखति मुख मोरी ॥ दास “गोविंद” कलिंद सुता तट बिहरति अद्भुत जोरी ॥३॥

Basant ( Mahasud 6 se mahasud 14 tak)

Part3-063

Basant

Ghana bunn dwam phool sumukh nihaarai ..| ankur madhi

घन बन द्वम फूल सुमुख निहारै ॥| अंकुर मधि मदमत्त झुमति सख्री मिथुन मधुप कुल डारहि डारै ॥ १॥ कुहुकुह्ड पिक बोले मदन सिंधु कलोलै बऊ बिहँग गावति अति सारे ॥ जुबती जूथ प्रति बिंबति पिय उर मनिगन खचित बिमल बर हारै ॥२॥ गिरिधरि नवरँग सुनि सखी तुब सँग चाहति बसंत विहारै ॥ 'कृष्णदास' प्रभु माधव मन हरि जीति लैड रति मंत्र विचारै ॥३॥

Basant ( Mahasud 6 se mahasud 14 tak)

Part3-063

Basant

Itahi kunwar kaanh kamal nainn, utahi juvati

इतहि कुँवर कान्ह कमल नैंन, उतहि जुवती जहँ सकल ब्रजबासी ॥ खेलति वर बसंत बांनिक सौं, बरनौं कहा छबि प्रगट भई मनौं काम कलासी ॥ १।॥| भरि भरि गोद अबीर उडावति निविड तिमिर मैं यों राजति ठौर ठौर ससी प्रभा कलासी ॥ “कल्यान' कै प्रभु गिरिधरन रसिक वर तरू तमाल सँग लपटानि हैं कनक लतासी ॥२॥

Basant ( Mahasud 6 se mahasud 14 tak)

Part3-064

Basant

Naval basant unae megh morki kuhakani .. pick

नवल बसंत उनए मेघ मोरकि कुहकनी ॥ पिक बानी सरस बनी कुहु कुह् कुह्लोकनी ॥१॥ दंपति मधुपन की पाँति अंकुर महूकनी ॥ 'कृष्णदास' प्रभु गिरिधर मदन जिति कोकिला टहुकनी ॥२॥

Basant ( Mahasud 6 se mahasud 14 tak)

Part3-064

Basant

Dekhaun naval banein navrang .. naval giridharlal sunder naval bhamini sanga ..1.. nakal basant naval voondaavan naval haye pratham

देखौं नवल बनें नवरंग ॥ नवल गिरिधरलाल सुंदर नवल भामिनि संग ॥१॥ नकल बसंत नवल वूंदावन नवल है प्रथम प्रसंग ॥ नवल विटप तमाल कैं बीच नवल सुरत तरँँग ॥२५॥ नवल केसु फूल प्रफुलित नवल स्यामा अंग ॥| नवल ताल पखावज बाँसुरी नवल बाजति चँँग ॥३॥ नवल मुक्ताहार उर पै निरखि लजति अनंग ॥ “सूरः नवल गुपाल हि निरखति भई मनसा पंगण ॥४॥

Basant ( Mahasud 6 se mahasud 14 tak)

Part3-064

Basant