Bunny bunny khelani chully kamal cully vikas

बनि बनि खेलनि चली कमल कली विकास लस ब्रजनारी ॥ अपने अपने ग्रेष्ठ तैं निकसी एक ठौर भई सकल फूलि मनौं बारी फूलवारी ॥१॥ तरु तमाल लाल ढिण ठाढे राजत चहुं दिस तैं कनक बेलि गोपी भरति भाजत्ति मनौं पवन डुलाए आगे पाछे होत जोबन बारि ॥ सूरदास” मदनमोहन अँग संग बसंत सोभित अनंग अद्भुत वारि सँवारि ॥२५॥

Basant ( Mahasud 6 se mahasud 14 tak)

Part3-064

Basant

Umangi vrindavan dekhon naval-badhu aabai .. aaj

उमँगी वृंदावन देखों नवल-बधु आबै ॥ आज सखी ब्रजराज कौ बसंत लै बधावे || १॥| चारु चंदन चरचित अरचित तिलक दे सिर नावै ॥ देखति सुख लागति नीकौं बुँद बूँद गावे ॥|२॥ कुंज भवन ठाढे हरि सुनि सुनि सचु पावै ॥ 'छीत स्वामि” गिरिधरन श्रीविद्वल ब्रजजन मन भावें ॥३॥

Basant ( Mahasud 6 se mahasud 14 tak)

Part3-064

Basant

Vrindavan biharati vraj jubati juth sanga fagu

वृंदावन बिहरति ब्रज जुबती जुथ संग फागु ब्रजपति ब्रजराज कैंवर परम मुदित ऋतु बसंत ॥ चोवा मृगमद अबीर, छिरकति भरि कुसुम नीर, उडवति वंदन गुलाल निरखि निरखि मुख हसंत ॥१॥ फूल बन उपबन लखि वृक्ष बेलि पुहुंष पुंज गावति पिक, मोर, कीर उपजति अति सुख लसंत ॥ करति केलि ऋतु बिलास “छीत स्वामी”! गिरिवरधरि श्रीविट्ठलेस पद प्रताप सुमरतति दुःख नसंत ॥२॥

Basant ( Mahasud 6 se mahasud 14 tak)

Part3-064

Basant

Adbhut sobha vrindavanaki dekho nand kumar ..

अद्भुत सोभा वृंदावनकी देखो नंद कुमार ॥ कंत वसंत आवत जानि बन बेलीन कीये हैं सिंगार ॥१॥ पल्‍लव बरन बरन तन पहरे बरन बरन फल फूल ॥ ऐतो अधिक सुहाए लागति मन अभरन समतूल ॥२॥ बालक बिहँग अनंग रँग भरि बाजति मनौं बधाई ॥ मंगल गीत गाइवेकौ जानो कोकिल बधु बुलाई ॥३॥ बहति मलय मरूत परिचारक सबके मन संतोषे ॥ द्विज भोजन सौं होति अलीनकै मधु मकरँद परोसे ॥४॥ सुनि सखी बचन “गदाधर' प्रभुक चलो पीतमपै जइ॒ए ॥ नव निकुंज महल मंडप मैं हिलिमिलि पंचम गैंए ॥५॥

Basant ( Mahasud 6 se mahasud 14 tak)

Part3-065

Basant

Kridati vrindavan chand vraj jubtin sange .. bhaav

क्रिडति वृंदावन चंद ब्रज जुबतिन संगे ॥ भाव पूरि भरित नैंन सुचित भुव भंगे ॥ १॥ इक रूप सुधा सिंधु नैन खची पीवे ॥ इक अंग रस भरि भुजा लाई रही ग्रीवे | २॥ इक लेति तँबोल अधर छुवाबैं ॥ इक ऑअँक भरति इक आप ऑक आवेँं ॥३॥ इक बेन सुर समान उघटि तान गाबै || इक कुचन मँडलमें चरन कमल जावें ||४॥| चुंबति इक बदनकमल चिबुक गहे बाला ॥ इक उरज कुँमकुमतें चरचत बन माला ।। ५॥| इक नीबी मोचन भए सचिकित भए नैंना ॥ इक नैंन देति पैलैं इक कहति बेना ॥६॥ इक चलित पवन ललित आअँचरन सह्ायारै इक ॥ सिथल बसन केस लाज तजि निहारै ॥७॥ स्याम द्रुम रसाल बाला कोकिल श्रम कुंजे ॥ 'रसिक' मनोरथ राधे राधे सम पूजे ॥८॥

Basant ( Mahasud 6 se mahasud 14 tak)

Part3-065

Basant

Mohyau munn aaju sakhee mohan balveer .. madhuramurali

मोह्यौ मन आजु सखी मोहन बलवीर ॥ मधुरमुरली सुर गाबति सकल जमुना तीर ॥१॥ कनक कपिस अति सौभित कटि तट वर चीर ॥ मानिकि हृति ओढनी साँवल सरीर ॥२॥ सखि सिखंड सिर सिंधु मुदित भेष अभीर ॥ मुकलित नव बृंदावन कूजति पिक कीर ॥३॥ “कृष्णदास' प्रभु के हित त्रिगुन बहै समीर | गिरिवरधर जुक्तीन सँग बिहरति रति रनधीर ॥४॥

Basant ( Mahasud 6 se mahasud 14 tak)

Part3-065

Basant

Khelati basant srivrindavan main mohan kain sanga pyaari ..

खेलति बसंत श्रीवृंदावन मैं मोहन कैं सँंग प्यारी ॥ गौर श्याम सोभा सुख सागर प्रीति बढी अति भारी ॥१॥ चोवा चंदन बूका वंदन अबीर गुलाल उडावति न्यारी ॥ कंचन कलस लियैं जुबती, कर मारति भरि पिचकारी ॥२॥ ताल मृदंग झांझ ढफ बाजति बीना धुनि रस सारी ॥ खेलति फागु भाग भरि गोपी रसिकराइ गिरिधारी ॥३॥ स्थांम सुभग तन नील सरोवर कमल फूली सब ब्रजकी नारी ॥ 'कृष्णदास' प्रभु या छबि उपर त्रिभुवन कौं सुख बलिहारी ॥४॥

Basant ( Mahasud 6 se mahasud 14 tak)

Part3-066

Basant

Chali dekhani jaiye nandlal ..shru0.. bunny thhani

चलि देखनि जैए नंदलाल ॥श्रु०॥ बनि ठनि आई सब ब्रजकी बाल ॥ आज क्रतु बसंत गावहु रसाल ॥१॥ चली राधे कुँवरि सहचरिस संग ॥ लीए ढफ आवज किजन्नरी मृदंग ॥ बिच महुवरि मधुर बाजै उपंग ॥ लै मिली स्यामा जू कौं राग रंग ॥२॥ रँँग रँंगी भूमि भवन पच रँग अबीर ॥ आए करति कुलाहल जमुना तीर || ठाडै मधूसूदन रसन गोपी नीर ॥ नव केसरि कें रँग रँँगे है चीर ॥३॥ जिह कुंज मधुप गुनी बास ॥ बोलै अंब डार कोकिल प्रकास ॥ जहँ स्याम सुंदर करैं बिलास ॥ श्रीजगन्नाथ भजि 'माधौदास' ॥४॥

Basant ( Mahasud 6 se mahasud 14 tak)

Part3-066

Basant

Gurujanmain thaadai dauu preetam senan khelati horry ..

गुरुजनमैं ठाड़ै दौऊ प्रीतम सेनन खेलति होरी ॥ नैनन वेनन कह जू परसपर परम रसिकनी जोरी ॥ १॥| पिचकाई दृण छुटति कटाच्छन ढोरें अरुन रँँग रोरी ॥ छिरकति रस सौं छेल छबीलौ कुंवरि छबीली गोरी ॥ २॥ लसति दसन तँबोल रस भीनै हँसि निरखति पिय ओरी ॥ मनौ सुरंग गुलाल उडावति सुंदर नवल किसोरी ॥३॥ छुटी अलक वदन छबि लागति बरनि सके कवि कोरी ॥ मनौं कनक कुपी चोवा की, कुंवरि सीस पै ढोरी ॥४॥ कठिन उरोज गाढी जू कैंचुकी अरू अँचल ओट अगोरी ॥ सँकेत कुँजन जानि रसिक पिय नैन निमेष न मोरी ॥५॥ ललितादिक सखी पिय प्यारी अरूगिरिधारीकी चोरी ॥ 'गोकुल बिहारी! कौ मुख निरखति प्रेम समुद्र झकौरी ॥॥६॥

Basant ( Mahasud 6 se mahasud 14 tak)

Part3-066

Basant

Bhaanmini champeki cully .. badan parag madhur russ

भाँमिनी चंपेकी कली ॥ बदन पराग मधुर रस लंपट नव र₹ँग लाल अली ॥ १॥ चोवा चंदन अगर कुँमकुमा करि जू सिंगार चली ॥ खेलति सरस बसंत परसपर रविकी कांति मली ॥२॥ ताल मृदंग झांझ ढफ बीना बीच बीच मुरली | 'कृष्णदास' प्रभु नव र₹ँग गिरिधर हिलि मिलि रैँग रली ॥३॥

Basant ( Mahasud 6 se mahasud 14 tak)

Part3-067

Basant

Hoe hoe hari khelat basant mukalit bunn kokil

हो हो हरि खेलत बसंत मुकलित बन कोकिल कल कूजत प्रमुदित मन राधिका कंत ॥ १॥ विविधि सुगंध छींटनी सोहंत ॥ सुरति केलि लीलाधर लसंत ॥ 'कृष्णदास' प्रभु गिरिधर नागर ब्रज भामिनी हिलीमिली हसंत ॥२॥

Basant ( Mahasud 6 se mahasud 14 tak)

Part3-067

Basant

Phooli jhoomi aaee basant ritu .. jamuna tata naba

फूलि झूमि आई बसंत ऋतु ॥ जमुना तट नब कान्हर बिहरति नँद कुमार घोख जुबतिन बितु ॥१॥ गिरिधरि नागर तोहि बुलावति वऊ बिधान सखी कहा कहूं हितु ॥ 'कृष्णदास' प्रभु कौतिक सागर तुम उपरि चलि धरैं चपल चितु ॥१२॥

Basant ( Mahasud 6 se mahasud 14 tak)

Part3-067

Basant