Foolyon bunn ritu raaj aaju chali dekhiye vrajraj

फूल्यों बन ऋतु राज आजु चलि देखिए ब्रजराज ॥भ्रुण॥ निरखति सोभा कही न आवै मनौं उनयौ अनुराग ॥ उत राधिका सरबी सब सँग लै स्वेलनि निकसी फाग || १॥ बह सुगंध बह अबीर कुँमकुमा लिए है सखन समाज ॥ झांझ मृढंग झालरि ढफ बीना किन्नरि महवरि साज ॥२॥ जुरै टोल जहँ दौऊ जाय कें भयौ परम हलास || खेलति प्यारी परम रस उपजति बह विधि करति बिलास ॥३॥ सिव विरंचि नारद सब गावैं लीला अमृत सार ॥ श्रीविट्ठलनाथ प्रताप सिंधु कौ किन हू न पायौ पार ॥४॥

Basant ( Mahasud 6 se mahasud 14 tak)

Part3-067

Basant

Phir basant kratu aaee sajani vrindavan sukhdai ..

फिर बसंत क्रतु आई सजनी वृंदावन सुखदाई ॥ चली जहैँँ तहँ बंसीबट श्री नंदकुमार कन्हाई ॥१॥ कोकिल कीर मराल मंडली रंग भोमि मन भाई ॥ ठोर ठोर बेली द्रुम फूले अबीर गुलाल सोंधाई ॥२॥ कहा बरनों कुंजन की सोभा कान्ह कुंवर मिलि खेलें || करत बिहार चले जमुना तट अंस अंस भुज मेलें ॥३॥ नीलांबर पीतांबर सोहे चंदन बंदन अति घोरी ॥ कही न जात दुहुन की सोभा श्यामा स्याम की जोरी ॥४॥ मंद सुगंध चलयों मलया निल सीत पवन सुख रासी ॥ 'मान दास' बलि यह गिरिधर प्रभु ब्रिंदा बीपिन बिलासी ॥५॥

Basant ( Mahasud 6 se mahasud 14 tak)

Part3-067

Basant

Khelati nand mahari koo dhota thaadau sinh dubari

खेलति नंद महरि को ढोटा ठाड़ौ सिंह दुबारि होरी ॥ बालक सँग बुलाई घोष के कीन्‍्हें बिबिधि सिंगारि होरी ॥॥१॥ सूथन लाल बागणौ सेत पणिया केसर रैंग बोर होरी ॥ फैंटनि पटका तार जरकसी, सीस चंद्रिका-मोर होरी ॥२॥ केसर रंग निचोई भरे घट मृगमद अतर फुलेल ॥ करन कनक-पिचकाई छिरकति कीच म्ची सब गैल होरी ॥१॥ दुंदुभि ढोल भेरि सहनाई बाजति मधुर मृदंग होरी ॥ झाँझि ताल महुवारि किन्नरी ढफ सुर मधुरे मुख चँग होरी ॥४॥ धुनि सुनि के घर- घर तें निकसी ब्रजनारी सिंगार बनाई होरी ॥ तिन मधि कुँवरि राधिका राजति पिय-चित लेति चुराई होरी ॥५॥ प्रमुदित मन खेलन कौ आवति गाबति सरस धमार होरी ॥ सैंननि सैंन मिलाई लाल सौं देति भाँवती गारी होरी ॥६॥ छूटन अब न पाओगे मोहन बलदाऊ लेऊ बुलाय होरी ॥ फगुबा के मिस धाई गहे हरि मुरली लई छिनाई होरी ॥७॥ चंद्रावलि चोबा चंदन लै छिरकति मदन गुपाल होरी ॥ करत मनोरथ मन के भाए बिबिधि भाँति के ख्याल होरी ॥८॥ तब हलधर सखन लै धाई घेरीं सब ब्रजबाल होरीं ॥ केसर कलस नवाई सीस तैं डारति सुरंग गुलाल होरी ॥%॥ तब नंदरानी बहु बिधि भूषण मेवा दयौ मंगाई होरी || चिरजीयौ ब्रजराज लाड़िले कहैं असीस सुनाई होरी ॥१०॥ दोउठ हाथ मुख परसि स्याम कौ, पुनि- पुनि लेति बलाई होरी ॥ रस बस मगन भई ब्रज सुंदरि, चली संकेत बताई होरी ॥११॥ या बिधि राज करीं दंपति नित-प्रति रास बिलास होरी ॥ श्री विड्डल पदरज प्रताप तें गावत यह जसु दास” होरी ॥१२॥

Basant ( Mahasud 6 se mahasud 14 tak)

Part3-068

Basant

Khelat basant vrajraj aaj pyaari radhaju key

खेलत बसंत ब्रजराज आज प्यारी राधाजु के संग ॥ उत जुबती इत ग्वालबाल संग करत रति केल भुव अभंग ॥१॥ गावत चाचर बाजत डफ ढोलक बीना ताल उपंग ॥ झांझ मुरज भेरी सहनाई महुवर मुरली मृदंग ॥२॥ युलाल अबीर ले भरि-भरि झोरी घोरी केसर रंग ॥ हो हो हो हो बोले डोलत सोंधे भीने अंग ॥३॥ छिरकत फिरत सबे मिल मच्यो अरगजा पंक ॥ उत नवलासीन मारी गारी होरी को देत नीसंक ॥४॥ थाई लई भुज भरी सांवरो मानो चंदन लपटे भुजंग ॥ पीय सारंग रस सलिल मिल गई बाढी प्रेम तरंग ॥५॥ खेलत बाम बडभागिन पियसंग अति अनुराग उमंग ॥ बिष्णुदास श्री गुपालजु को कौतुक निरखी लजत कोटी अनंग ॥६॥

Basant ( Mahasud 6 se mahasud 14 tak)

Part3-068

Basant

Khelani aaneen humm mohan tum sanga .. begi mangaao

खेलनि आँईं हम मोहन तुम सँग ॥ बेगि मँगाओ जु अबीर अरगजा और केसरि कौ रैंग ॥१॥ धाई गहि बैयाँ गिरिधर की चोवा चंदन लपटाबति अंग ॥ “हरि वल्‍्लभ' प्रभु दिजै फगुवा जानति तुम्हारे ढग ॥२॥

Basant ( Mahasud 6 se mahasud 14 tak)

Part3-068

Basant

Kokil bollie bunn-bunn phoole, madhup gunnaaran

कोकिल बोली बन-बन फूले, मधुप गुँनारन लागे ॥ सुनि भौ भोर, रोर बन्दनिको, मदन-महीपति जागे ॥१॥ ते दूने अंकुर द्वुम-पल्लव, जे पहिले दब दागे ॥ मानहु रतिपति रीि जाचकनि, बरन-बरन दिय बागे ॥२॥ नवल प्रीति, नव लता, पुहुप नव, नवल नयन रस-पागे ॥ नवल नेह़, नव नागरि हरषित, सूर, सुरंग अनुरागे ॥३॥

Basant ( Mahasud 6 se mahasud 14 tak)

Part3-068

Basant

Chatur naari naagar naayak soun khelani aaee

चतुर नारि नागर नायक सों खेलनि आई हो ! होरी ॥ अंग-अंग भूषन अति राजत दियें ललाट बेंदी रोरी ॥१॥ सौंधें भीनी सारी सौहै नील कंचुकी कसी डोरी ॥ उड़त गुलाल अरगजा छिरकत केसर की छूटी कमोरी ॥ २।। ताल-मृदंग उपंग-बांसुरी द्वार निसान घन घोरी ॥ नवल बसंत होत 'परमानद” नवल-नवल पिया जोरी ॥३॥

Basant ( Mahasud 6 se mahasud 14 tak)

Part3-069

Basant

Bunny bunny khelani chali kamal cully vikas

बनि बनि खेलनि चलि कमल कली विकास लस ब्रजनारी ॥ अपने अपने गह सैें निकसी एक ठौर भई सकल फूलि मनौं बारी फुलवारी ॥१॥ तरू तमाल लाल ढिंग ठाढै राजत चहूँ दिस तें कनक बेलि गोपी भरति भाजति मनौं पवन डुलाए आगे पाछें होत जोबन बारि ॥ सूरदास” मदनमोहन अँग संग बसंत सोभित अनंग अद्भुत वारि सँवारि ॥२॥

Basant ( Mahasud 6 se mahasud 14 tak)

Part3-070

Basant

Vividh basant banaaen chalon sub daikhan kunwar kanhai .. mirighatiyan dramalata sugandh alie thaade saji sukhdai .. 1..

विविध बसंत बनाएँ चलों सब दैखन कुँवर कन्हाई ॥ मिरिघटियां द्रमलता सुगंध अलि ठाडे सजि सुखदाई ॥ १॥ बागों केसरी चोवा सोहै सुरंग गुलाल उडाई ॥ ब्रजबालक गावति कोलाहल धुनि “ब्रजाधीस' मनभाई ॥२॥

Basant ( Mahasud 6 se mahasud 14 tak)

Part3-070

Basant

Vrindavan kreedati nand nandan sanga brashbhan dulari ..

वृंदावन क्रीडति नंद नंदन संग ब्रषभान दुलारी ॥ प्रफुलित कुसुम कुंज द्रम वेली कोकिल कूजति मधुप गुँजारी ॥१॥ चोबा चन्दन अगर कुँमकुमा मृगमद केसरि सुगंध संवारी ॥ अति आनंद परसपर छिरकति हाथन लै कनक पिचकारी ॥|२॥ बाजति ताल मृदंग झांझ ढफ बीन रबाब मुरली धुनि प्यारी ॥ अबीर गुलाल उडावति गावति नॉँचति हंसति दै दै कर तारी ॥ ३॥। चिरजीयौों सकल सुखदाइक लाल गोवरधनधारी ॥ श्रीबल्लभ पदरज प्रताप तें “हरिदास' बलिहारी ॥४॥

Basant ( Mahasud 6 se mahasud 14 tak)

Part3-070

Basant

Douu navallal khelati basant .. anandkand

दोऊ नवललाल खेलति बसंत ॥ आनंदकंद गिरिधरनचंद ।॥|भ्रुव०॥| नवल कुंज द्रम नवल मोर || नवल कुसुम सम मधुप सोर ॥१॥ नव लीलाँबर नवल पीतपट नवल अधर मुख बीरी दंत || नवरस केसरि नवल अरगजा नवल गुलाल अबीर उड़ंत ॥२॥ नवल गुपाल नवल ब्रज जुबती नवल परस्पर सुख अनन्त ॥ “चत्रभुजदास” दरस दृगलोभी नवल रूप गिरिधरनचंद ॥३॥

Basant ( Mahasud 6 se mahasud 14 tak)

Part3-070

Basant

Jadupati jall kreedat juvati-sanga, sagar sakuchit

जदुपति जल क्रीड़त जुवति-संग, सागर सकुचित तजियत तरंग ॥ षोडस सहस सत अष्ट नारि, तिनमैं अति सोभित श्री मुरारि॥ उड़गन समेत ससि सिंधु-बारि, मनु पुनि आयौ चित हित बिचारि ॥ मृगमद, मलयज, केसरि कपूर, कुमकुमा, कलित कृत अगरू चूर ॥ छूटत काटाच्छ सर भ्रकुटि पूर, मनु धनुष निपुन संग्राम सूर ॥ चंचल मलयानिल चलत सीर, अरू जलद-बुंद छित भित्त समीर ॥ बर बदन निकट कचचुबत नीर, मकरंद निमित मधुकर अधीर ॥ तहँँ नारदादि मुनि करत गान, जग पूरत हरि जस सुचि बितान ॥ सुर सुमन सुधन बरषत विमान, जै जे सूरज प्रभु सुख निधान ॥

Basant ( Mahasud 6 se mahasud 14 tak)

Part3-070

Basant