4 (cuck raag bhairav eeth) pichhvaare tain chhaan oodaabai horry kaun khilwari ..

४ (कक राग भैरव ईथ्) पिछवारे तैं छान ऊडाबै होरी कौं खिलवारि ॥ सास बुरी मेरी नँनंद हठीली कंथ सुनें देह गारि ॥१॥ गारी गावैं ढ़फ हि बजाबैं धुम मचावैं द्वारि ॥ “द्वारिकेस' प्रभु की छबि निरखति बार-बार बलिडारि ॥२॥

Dhamar-Mangala

Part3-074

Bhairav

Bhor bhayein nandlal sanga leeyen gwalwal fenton bhari

भोर भयें नंदलाल संग लीयें ग्वालवाल फेंटन भरि लियें गुलाल बोलत मुख होरी ॥ केसरि भरि कलस साथ पिचकाई लियें हाथ छिरकतहें सोंधो बहु डारत ब्रजखोरी ॥१॥ युवतिनके यूथ मांह धसि काढत पकरि बांह मनमें कछु सकुच नांहि लीने भरि झोरी ॥ बाजें डफ मुदंगताल कूजत मुरली रसाल झुंडन मिलि गावत विच महुबरि धुनिथोरी ॥२॥ यहविधि हरि करत केलि वरन्यों नहीं जात खेल अनुरागे पामे सव आए नंद पोरी ॥ निरख मुसकानी आरती वारती नंदरानी छवि पर वारि डारों हरिजीवन तृणतोरी ॥३॥

Dhamar-Mangala

Part3-074

Bhairav

Praat samai nandlal khelati hoe hoe horry .. sees

प्रात समै नंदलाल खेलति हो हो होरी ॥ सीस पाग जु कर हि भरे रंग बोरी ॥१॥ सब नारि जुरि कैं आई नंद जु की पोरी ॥ हाथन पिचकाई लीये अबीर भरि झोटी ॥२॥ राधा जु खेलति खेलति साँकरी की पौरी ॥ सूरदास मदन मोहन भली बनी जोरी ॥३॥

Dhamar-Mangala

Part3-074

Bhairav

Aeye suni sajani fagun mein haan kabahuun naan rahaati jaanati

ए सुनि सजनी फागुन में हाँ कबहूँ न रहाति जानति जु गोकुल नगर होरी ऐसी ॥ औरन की नारि अपुनी कर मानति ऐसे लंगर ढ़ीठ गुरुनन लोक लाज जानति कैसी ॥ १॥ मुँह आई गारि गाबति है देखति सब काह्ु लगति अनैसी ॥ “कृष्ण जीवन लछीराम' कैं प्रभु की रीति अटपटी कहति न बनि आवें निरखत्ति हीं जैसी ॥२॥

Dhamar-Mangala

Part3-075

Bhairav

Apane piyaa sanga khelaun horry .. ghar ghar tain baanak

अपने पिया सँग खेलौं होरी ॥ घर घर तैं बानक बनि आईं, साँवरी, सलौंनी, सुँदरि भोरी ॥१॥ बाजत ताल, मृदंग मुरज, ढ़फ, बिच मुरली धुनि धोरी ॥ चोवा चंदन औरू अरगजा, अबीर लिए भरि झोरी ॥२॥ मैं अपुनो मन भायौ पायोौ बंधी प्रेम रस डोरी ॥ “सूर स्याम' प्रभु रस भरे खेलति मदन मोहन राधा जु गोरी ॥३॥

Dhamar-Mangala

Part3-075

Bhairav

Peetam pyaari kai sanga horry garey-laag piya khelain ..

पीतम प्यारी कै सँग होरी गरे-लाग पिय खेलैं ॥ चोवा चंदन अरूु अरगजा अबीर गुलाल उडाबैं केसरि रँग पिचकारी भरि भरि पीया पिय पै मेलैं ॥१॥ ताल परव्रावज बीन बाँसुरी ढ़फ मुख चँग बजावें तारी दै दे गारी गाबवै करति परसपर केलैं ॥ हाथ जोरी करि नाँचें सगन मन माँही मोह़े ॥ सुर नर “ब्रजपति' की छबि निरखि अति छबिली छेले ॥२॥

Dhamar-Mangala

Part3-075

Bhairav

Laalan sanga raachi hoe khelati faanu praveeni .. raing

लालन सँग राची हो खेलति फाणु प्रवीनी ॥ रैंग भीनीं आभूषन दुति तन झलकति सारी झीनीं ॥ १॥ बीना मृदंग मधुर धुनि गावति दृणगन नचावत नेह नवीनी ॥ “ब्रजाधीस' प्रभु बिनिधि गुलालन घुमडिन मन की फीनीं ॥२॥

Dhamar-Mangala

Part3-075

Bhairav

Khelat nandanandan saghan kunj horry ..dhru0.. mohan

खेलत नंदनंदन सघन कुंज होरी ॥ध्रु०॥ मोहन छबि बरनू कहा कोटि काम मोरी ॥ श्री राधाजूकी वदन जोति चंद हु तें गोरी ॥१॥ उलट पुलट ताल लेत मान तान तोरी ॥ उरप जित गति गावे वृषभानकी किसोरी ॥२॥ बाजत मृदंग ताल झांझ नादसों री ॥ ता थेई ता थेई थेई कोकिला गति थोरी ॥३॥ ललितादिक हरखि निरखि संग लागे दोरी ॥ 'केसोदास' गावे अब नये नेह चाह जोरी ॥४॥

Dhamar-Mangala

Part3-075

Bhairav

Hoton horry nandlalason khelongi .. bharoon bharaaun

होतों होरी नंदलालसों खेलोंगी ॥ भरूं भराऊं गत्ति उपजाऊं जग उपहास संकेलोंगी ॥ नाचूं उघरि बजाऊं गाऊं पतिब्रत पायनोंपे लोंगी॥ कृष्णजीवन लछीराम के प्रभुसों रीझि मालगूलरी मे लोंगी ॥२॥

Dhamar-Mangala

Part3-076

Bhairav

Brindavan bansibat key tata vrajbhushan khelat haye horry ..

बृंदावन बंसीबट के तट ब्रजभूषण खेलत है होरी ॥ अगर अबीर गुलाल उडावत नंदलाल वृषभान किशोरी ॥१॥ अपनेअपुने गृहत्तें निेकसी आली सास ननद की चोरी ॥ ओर सखी सब छांडि स्याम मेरो कर मरोड पहोंची गहितोरी ॥ सूरदास प्रभू सब सुखदायक कंचन अरू पारस की जोरी ॥३॥

Dhamar-Mangala

Part3-076

Bhairav

Praat kaal nandlal kunjan madhi dolai .. saanware

प्रात काल नंदलाल कुंजन मधि डोलै ॥ सांवरे तन अलक मानों अलि बोर कमल नैंन देखत दमकि मधुरे बैन हो हो होरी बोले ॥ १॥ बाजत बीना मृदंग अधवट आवज उपंग संख बंसी अमृत कुंडली झांझ झनक डोलै ॥ हँसि हँसि डारति बूका बंदन रसिकराई नँद नंदन करति है प्रेम फंदन कंचुकि बंद खोले ॥२॥ छांड़ि लोक बेद भ्रम करनि बिबिध नेम केंधो मंजन करति सूर सुता रसमसे सुख सों ले 'कहि भगवान हित रामरई प्रभु कं ऐसौ खेलि अपने ठाकुर और नंद कौ बस करत बिनु मोले ॥३॥

Dhamar-Mangala

Part3-076

Bhairav

Aaj tou chhabilo laal praatahi khelan chalyo sakhaa sanga laay leeyen prem gaari gayaken || khelat khelat brashbhan joo kii

आज तो छबीलो लाल प्रातही खेलन चल्यो सखा संग लाय लीयें प्रेम गारी गायकें || खेलत खेलत ब्रषभान जु की पौरी आये हो हो-होरी बोले प्यारो मनभायकें ॥१॥ छबीली रच्यो उपाय स्याम को लीने बुलाय मैया की दृष्टि बचाय लीने उरलायकें ॥ अरसपरस दोऊ महारस भीने सहचरी सुख पावें रसिक मुख गाइकें ॥२॥

Dhamar-Mangala

Part3-076

Bhairav