Ranga hoe ranga hoe piyaa pai daraungi .. syaam sunder

रँग हो रँग हो पिया पै डारौंगी ॥ स्याम सुंदर अविलोकि वदन छबि, तन मन धन सब बारौंगी ॥ १॥ अतर गुलाब अरगजा सब मिलि भरि भरि डारौंगी ॥ 'सूर' के प्रभु साँवरे कारन हैंसि हँसि घुंघट टारींगी ॥२॥

Dhamar-Mangala

Part3-079

Ramkali

Houn hari sanga horry khelongi .. chova chandan

हों हरि सँग होरी खेलोंगी ॥ चोवा चंदन अबीर अरणजा पिचकाईन रंग मेलौंगी ॥ १॥ लोक लाज कुल कानि सब तजि पतिवृत् पाँडन पेलौंगी॥ “सूरदास' स्वामी की बाँह द्वै पकरि कै झेलौंगी ॥२॥

Dhamar-Mangala

Part3-079

Ramkali

Khelan aaee dhamaar naval taruni gopkumari ..

खेलन आई धमार नवल तरूनी गोपकुमारी ॥ सहचरी में चोप चटकीली देत रसीली गारी ॥१॥ कोऊ बनी नंद कोऊ बलदाऊ बहुत ढीठ बरसाने वारी ॥ जसुमति सों गठजोरी कीन्ही कृष्णदास हितकारी ॥२॥

Dhamar-Mangala

Part3-079

Malkos

8 (raag lalit [shchh) aho hari horry mein jabjo gaye tum bhaaji ..

८ (राग ललित [ष्छ) अहो हरि होरी में जबजो गये तुम भाजि ॥ गारी देहूँभरू भराऊं मुख मांडोंगी आज ॥१॥ हो अपनों मनभायो करिडों सुनि ब्रज राजकुमार ॥ जगन्नाथ कविराय के प्रभुमाई सकल घोख सिरताज

Dhamar-Mangala

Part3-079

Ramkali

Syaam sanga kheleri horry .. pichkai drig sainn

स्याम सँग खेलेरी होरी ॥ पिचकाई दृग सैंन इत उत रैंग प्रीतम को चित चोरी ॥९१॥ उड़ति गुलाल अनुरागनि बादर छयौ री ॥ “ब्रजाधीस' प्रभु गावति बहु धुनि कमल मुखी ब्रज खोरी ॥२॥ ॥२॥

Dhamar-Mangala

Part3-079

Ramkali

Madanmupal lalson rasbhari khelat gokul

मदनमुपाल लालसों रसभरि खेलत गोकुल नारी ॥ ऊंचेसुर गावत मन भावत लोकवेद डरडारी ॥१९१॥ चोवा मेद जवादसाख गोरा मृगमद घनसारी ॥ मथिमांडत मुख मुरलीधरको हंसत्देत करतारी।।५॥ कनिक कचोल कुसम वारि घसि घोरि कुंकुमा रंग ॥ रतनजटित पिचकाई भरिभरि छिरकत प्रीतम अंग ॥|३॥ अति सौरभ बूकावंदन रज डारत सुभग अबीर || सुरंग गुलाल उडाबत लालन मुख पोंछति अंचलचीर ॥४॥ मोहनलाल नवल नागरके मंडित करत कपोल ॥ उरश्रीफल कुंकुमसों चरचित क्रीडत मदन कलोल ।।५॥ तृनतोरत सहंचरी ब्रजपति कीं अद्भुत सोभा देखि | कोटिमेन रतिमति भुलत हें हाव भाव उर लेखि ॥६॥

Dhamar-Mangala

Part3-080

Devgandhar

Ravijaatat kunjan mein giridhar khelat faag

रविजातट कुंजन में मिरिधर खेलत फाग सुरंग ॥ गोपबाल गोकुलके सबही लये जोरि सबसंग ॥१॥ श्रीवृषभान सुतासों प्रमुदित चले करनडितजंग || सोभा अद्भुत बनी सबन की निररि लज्यो अनंग ॥२॥ नवसत्तसाज सिंगार राधिका सनमुख आई दौरि ॥ प्रेम सहित नेनन अवलोकत साथ सखी सब जोरि ॥३॥ पिचकाई भरि लई कनिक की केसरि रससों घोरी ॥ छिरकत चोंप परस्पर वाढ़ी हंसत मृदुल मुख मोरि ॥४॥ चोवामेद फुलेल अरगजा लीयो सुभग बनाय ॥ भरिभरि वेला सब छिरकतडें उर आनंद न समाय ॥५॥ सरस सुगंध उड्यो अतिबूका दिनमनि लख्यो नजाय ॥ चहूं ओर रस सागर उमडलयो श्रुतिपथ गयो वहाय ॥६॥ बचन बिवेक ना बोलत तिहिछिन सुधि भूली सवचेत ॥ सोर करत सबही धावतहें हो हो शब्द समेत ॥॥७॥ राधा लाल गुलाल मुठीभरि डारत अति सुखहेत ॥ बाहिर उर अनुराग दुहुन को प्रगट दिखाई देत |८॥ पटह झांझ झालरि डफ आबज वीना सुरकल मंद ॥| ताल परवावज मुरली मह॒वारि बाजत मुरज सुछंद ।।९|| गारी ब्रज ललना मिली गावत मनमें अति आनंद ॥ फगणुवा मनभायो सब मांगत पकरे आनंद कंद ॥१०॥ उलदि सखन तन चितये मोहन बाढ्यो रंग अपार ॥ भयो मूढमन शेष कहन को राधाकृष्ण विहार ॥११॥ सिव समाधि भूल्यो विध मनमें पछि तायो वहवार ॥ जों माग्यो फणशुवा सो हसिकें दीनो नंदकुमार ॥|१२॥ कुसमित विपिन सुबल वहु विधिसों दरस करन कोंआयो ॥ ऋतु क्संत केकी शुक पिक मिलि मधुपन बोल सुनायो ॥१३॥ थके देव किन्नर सुर वनिता अति मनमें सुख पायो ॥ गोकुलचंद सरूप सुखदको गुन संभ्रमसो गायो ॥१४॥।

Dhamar-Mangala

Part3-080

Devgandhar

Aaj maaee mohan khelat horry .. nautanvesh

आज माई मोहन खेलत होरी ॥ नौतनवेष काछि ठाडे भये संग राधिका गोरी ॥१॥ अपने भामते आईं देखन कों जुरिजुरि नवल किसोरी ॥ चोवाचंदन ओर कुंकुमा मुखमांडत ले रोरी ॥२॥ छूटी लाज तब तनन संभारत अति विचिन्न बनी जोरी ॥ मच्यो खेल रंजण भयो भारी या उपमा को कोरी ॥ ३॥ देत-असीस सकल ब्रज वनिता अंगअंग सब भोरी ॥ परमानंद प्रभु प्यारी की छबि पर गिरिधर देत अकोरी ॥४॥

Dhamar-Mangala

Part3-080

Devgandhar

Hoe hoe horry khelati giridhari .. ita sub

हो हो होरी खेलति गिरिधारी ॥ इत सब बालक उत ब्रज जुबती सँग वृषभानु दुलारी ॥ १॥ आँई जुरि सब नंद पौरि पै भीर भई अति भारी ॥ बाजति ताल मृदंग झांझ डफ गाबति दै कर तारी ॥२॥ चोवा चंदन औरू अरणजा केसरि रंग संभारी ॥| रतन खचित पिचकाई कर लै छिरकति हैं पिय प्यारी ॥|३॥ सुरैंग गुलाल अबीर उड़ाबति हो हो सबद उचारी ॥ बरन बरन भये वसन सबन के भीजि रही रँग सारी ॥४॥ सब सखियन मिलि मोहन पकरे कर जु गड्ढे सुकुमारी ॥ नैंन आँजि छीनि लई मुरली, देति भाँवती गारी ॥५॥ फगुवा देहु हमारो लालन, मोहन मदन मुरारि ॥ मेवा बसन अभूषन दीने, देति असीस ब्रजनारी ॥६।। निरखि बिनोद हरखति सुर पति, जिय पुहुप वृष्टि करि भारी ॥ श्री विद्ल गिरिधरन लाल की तन मन धन बलिहारी ॥७॥

Dhamar-Mangala

Part3-081

Devgandhar

Barsaanain tain vrishabhaanu puraa kii horry khelani niksi

बरसानैं तैं वृषभानु पुरा की होरी खेलनि निकसी हो ॥ बरन बरन बन ठन आभूषन कनक बेल सी बिणसी हों ॥१॥ जोबन रूप मदन मनमथ कौं उर मोहन मदमाती हो ॥ ऐंड़त चले चाल गरबीली मंद मंद मुसिंकाती हो ॥ २॥ झोरी भरि अबीर कुँमकुमा करन कनक पिचकाई हो ॥ आवति चंग उपंग बजावति गाबति हरि कौं गारी हो ॥३॥ ठाड़े जहाँ सखा संग लीनें चतुर खिलारि कन्हाई हो ॥ सीस नवाइ दूर भई ठाड़ी हँसि हँसि निकट बुलाई हो ।॥४॥ उमड़े हैं गोपी ग्वाल परसपर भारी खेलि मचायौ हो ॥ उड़ति गुलाल अबीर अरगजा अति ही अंबर छायो हो ॥५॥ गोपीन मतो बनाई धाई कैं मनमोहन गहि लीनें हो। आँखि ऑजि मुख मॉँडि महावर हो करि तजि दीनें हो ॥६॥ अपुने दाव श्याम हु पाए तब गजहि लीने राधे हो ॥ जेतेक दाव चाब चित उपजे सकल मनोरथ साधे हो ॥७॥ बेनी गुही बनाइ उलटि कैं कछुक सेंधानी कीनीं हो ॥ दुईं और दिठौना दै कैं तब छॉडि रंग भीनीं हो ॥८॥ तारी दै दै ग्वाल हँसति है गोपिन मन मुसिकानी हो ॥ मन में मुदित भई बाहिर लैं राधा कछु कुमलानी हो ॥९॥ नँद नंदन वृषभानु लली की सोभा कहा बखानें हो ॥ 'ब्यासदास' प्रभु रीझि भिंजि स्रों वारति तन मन प्रानें हो ॥१०॥

Dhamar-Mangala

Part3-081

Khat

Horry kheli aae kahaan saun tum rasik saanvare

होरी खेलि आए कहाँ सौं तुम रसिक साँवरे रैंग भीनै ॥ फैंट गुलाल अबीर की झोरी कंचन पिचकाई कर लींने ॥१॥ पलकन पीक अधरन पै अंजन सिथिल गात मरगजा बागे कीने ॥ “सूरदास' प्रभु काहे कौ छिपाव हि साँची कहि अब हँसि दीनें ॥२॥

Dhamar-Mangala

Part3-081

Devgandhar

Kanak puri horry rachee mohan vraj baalaa .. mathura

कनक पुरी होरी रची मोहन ब्रज बाला ॥ मथुरा काढ्यों जाए सुंदर राधिका मोहन ब्रज बाला ॥ १॥ काहे की तुम ग्वालिनी ॥ मोहन ॥ का दथ्ि बेचन जाई ॥ सुंदर ॥२॥ गोकुल की हम ग्वालिनी ॥ मोहन ॥ मथुर दध्चि बेचन जाई ॥ सुंदर ॥ ३॥ काहे के तुम दानेया॥ मोहन ॥ काह्े कों जु मुरार ॥ सुंदर ॥४॥ गोकुल के हम दानैया ॥ मोहन ॥ श्री मथुराजी को मुरार ॥ सुंदर ॥५॥ लौंग सुपारी दानैया ॥ मोहन ॥ दचि कौ दानी होय ॥ सुंदर ॥६॥ जाई पुकरो कंस पे ॥ मोहन ॥ पकर मंगाउ तोय सुंदर ॥७॥ कंस को मार न सके ॥ मोहन ॥ करो मथुरा कों राज ॥८॥ सुंदर ॥ मैंन हमारे झूंड में || मोहन ॥ चोखी चोर मजीठ ॥ सुंदर ॥९॥ श्रीविद्डल पद पदम कै ॥ मोहन ।। पावन रैनु परताप ॥ सुंदर ॥१०॥ 'छीतस्वामि' गिरिधर मिलै || मोहन मेंट्यों तन को ताप ॥ सुंदर ॥११॥

Dhamar-Mangala

Part3-082

Khat