Hari sanga horry khelani aanee .. chandrabhaga, chandravali

हरि सँग होरी खेलनि आँई ॥ चंद्रभगा, चंद्रावलि भांमा, राधा परम सुहाई ॥१॥ चोवा चंदन अगर कुँमकुमा सुरँग गुलाल उड़ाई ॥ रतनजटित पिचकाईन भरि भरि छिरकति कुँवर कन्हाई ॥२॥ ताल मृदंग, पटह ढफ बाजै, घोष नगारे धाई ॥| श्री मंडल सहनाई सुंदर बिच बिच बैनु बजाई ॥३॥ अरस परस खेलति पिय प्यारी, उपमा बरनि न जाई ॥ सूरदास” बलि जाई बदन की निरखि निरखि मुसिकाई ॥४॥

Dhamar-Mangala

Part3-082

Khat

Khelati faag baney gopal atee rung bheene ..

खेलति फाग बने गुपाल अति रंग भीने ॥ मुरली धरे हो हो कहि बोले कोटि मदन छबि छीने ॥ १॥ हाथन बनी कनक पिचकाई ग्वाल बाल सँग लींने ॥ तकि तकि छिरकति फिरति गोपिन कों गोकुल सदन अरुन कीने ॥२॥ रंग रंगीली ब्रज की ललनाँ निरखति स्याम ही मन दीने ॥ “राम राई' प्रभु सोभा सागर हित भगवान नैन मीने ॥३॥

Dhamar-Mangala

Part3-083

Lalit

Tum cone key vas khele hoe rangeele hoe hoe horiyaan ..

तुम कोन के वस खेले हो रंगीले हो हो होरियां ॥ अंजन अधरन पीक महावीर नेन रंगे रंग रोरियां ॥१॥ बारंबार जुंभात परस्पर निकसि आईं सब चोरियां ॥ नंददास प्रभु उहांई वसो किन जहां बसेवे गोरियां ॥२॥

Dhamar-Mangala

Part3-083

Lalit

Horry khele laal langarwa abb toye jaani naan

होरी खेले लाल लंगरवा अब तोए जानि न दैहो ॥ गहि बैयाँ इहि कुंज-भवन में, भुगरि-भुगारि रस लैहों ॥१॥ करों न संक अंक भरि भेटों कंकन पीठ बने हों ॥ न्है जु रहौं उर मांझि लाल के अबीर गुलाल उड़े हो ॥२॥ पीतम सौं अनुराग मिलि नोंतन नेह बढ़े हों ॥ “दास गुपाल' प्रभु प्यारे सौं इहि बिधि फागु खेलै हों ॥३॥

Dhamar-Mangala

Part3-083

Lalit

Aaju bhor hii nandpauri vrajnarin dhoom machaai ..

आजु भोर ही नंदपौरि ब्रजनारिन धूम मचाई ॥ पकरि पानि गष्डि मारि पौरीया जसुमति पकरि नचाई ॥ १॥ हरि भागे हलधर हू भागे नंद महर हूहेरे || तबही मोहन निकसि द्वार न्हे सखा-नामले टेरे ॥३२॥ द्वारपुकार सुनत नहीं कोऊ तब हरि चढे अटारी ॥ आओरे आओ सखा सब संजके घर घेरद्यो ब्रजनारी ॥३॥ सुनत टेर संगी सब दौरे जब अपने अपने धाम अजुन तोक कृष्ण मधु मंगल सुबल सुबाहु श्रीदाम ॥४॥ ग्वालिनिदौरि पौरि जब रोकी आनन पाये नेरे ॥ चंद्रावलि ललितादि आदिदे स्यथाम मनोहर घेरे ॥५॥ कित जेहो वसपरे हमारे भजि नसको नंदलाल ॥ फगुवामें मुरली हमलेहें पीतांबर वनमाल ॥६॥ केसरि डारी सीसतें मुखपर रोरी मांडत राधे ॥ विष्णुदास प्रभु भुजग हि गाढे मनवांछित फल साथे ॥७॥

Dhamar-Mangala

Part3-083

Khat

Horry kheliye chita chaai .. baajat taal mridang

होरी खेलीए चित चाई ॥ बाजत ताल मृदंग झांझ ढ़फ रसीली धँवारन गाई ॥ केसर आदि अरगजा सौंधो अबीर गुलाल उडाई ॥ “कृष्ण जीवन लछीराम' कैं पीय की लीजे रीझि बलाई ॥१॥

Dhamar-Mangala

Part3-083

Lalit

Dekhodekho vrajki veethani veethani khelat hain hari

देखोदेखो ब्रजकी वीथनि वीथनि खेलत हैं हरि होरी ॥ गीत विचिन्न कोलाहल कौतिक संग सखा लख कोरी ॥९॥ आईं झूमि झूमि झुंडन जुरि अगनित गोकुलगोरी ॥ तिनमें जुबती कदंबसिरोमनि राधा नवलकिशोरी ॥२॥ छिरकत ग्वालबाल अवलनपर बूकावंदनरोरी ॥ अरून अकास देखि संध्याभ्रम मुनिमनसा भइबौरी ॥|३॥ रपटत चरन कीच अरगजा की केसरि कुंकुमघोरी || कहीनजाय गदांधरपे कछु बुधिवल मति भरई थोरी ॥७॥

Dhamar-Mangala

Part3-084

Pancham

Mohan khelat aaye faag .. praat samey uthhi

मोहन खेलत आये फाग ॥ प्रात समे उठि लटकि आये ढरकि टेढी पाग ॥१॥ अंजन अधर गुलाल भाल पर अद्भुत भेख सुहात ॥ केसर छींट कट्ं कं उर पर अरगजा भींजे गात ॥२॥ बोलत मुखतें होरी होरा सुरत समागम रात ॥ रसिकराय रैन सब जागे समर सुमर मुसिकात ॥३॥

Dhamar-Mangala

Part3-084

Lalit

Hoe hoe horry khelan jaiye.. aajbhalo dinahe merrie pyaari

हो हो होरी खेलन जैये।। आजभलो दिनहे मेरी प्यारी नितही सुहाग बढैये ॥ १॥ सोवत जाय जगाई सुंदरी करि उबटनों सीस नहवैये ॥ सादा चूरी खुभी नकवेसरि राधा कुंवरि बनैये ॥|२॥ चोवा चंदन ओर अरगजा अबीरगुलाल उडैये ॥ नव मढुकी भरि केसरि घोरी प्रथम कुंज छिरकैये ॥३॥ धावत सब इततें ब्रजनारी कमलन मारमचैये ॥ ताल मृदंग ढोलडफ महुवरि झांझन झमक मिलैये ॥४॥ इतराधा उतमोहन प्यारो मुरली शब्द सुनैये ॥ कूंज ओट ललिता हरीदासी राग दामोदर गैये ॥५॥

Dhamar-Mangala

Part3-084

Pancham

Horry khelati nandadularo mohan pitchkine rung

होरी खेलति नंददुलारो मोहन पिचकाईन रंग बरखत ॥ सुगंध अबीर अरगजा कुँमकुमा छिरकति नव पिय सरसत ॥ १॥ मृगमद अगर घोरि ज्वालिनी लै ललिता कपोलन परसत | सुठ सोभा मुख भरचो लाल को धनि 'ब्रजजन”ः सुख दरसत ॥२॥

Dhamar-Mangala

Part3-085

Sughrai

Fazuwa key missi chhalbal lalco rannan

फजुवा के मिसि छलबल लालको रंणन रणमगोकीजे || यह औसर होरी को गोरी सुखलेसुख किनदिजे ॥|१॥ करत सेंत को संकोच सकुचजिय इनसकुचन कहीधोंकहाकीजे ॥| धरकोछांडि धायगिरीधर पियको निधरक व्है रसपीजे ॥२॥

Dhamar-Mangala

Part3-085

Sughrai

Nandgam koo pandey vraj barasaane aayo .. atiudar

नंदगाम को पांडे ब्रज बरसाने आयो ॥ अतिउदार वृषभान जानि सनमान करायो ॥१॥ पांडे जूके पायनकों हसिहसि सीस नवायो ॥ पाय धुवाय नहवाय प्रथम भोजन करवायो ॥२॥ धाय आई ब्रजनारी जिन यह सूथो पायो ॥ भानभवन भईभीर फाम को खेल मचायो ॥३॥ सीसी सरस फूलेल अंगअंगन झलकायो ॥ हनूमानकी प्रतिमा मानों तेल चढायो ॥४॥ काजर सों मुख मांडि बदन विंदाजु बनायो ॥ कारे कलस श्रवत मानों चपरा चिपकायो || ५|| मजगामिनि गोंछनसों तुकमैया लपटायो ॥ देहधरें मानों फागुन खेलन ब्रज में आयों ॥६॥ कह चंदन कहुं वंदन कहंचोवा लपटायो ॥ ऋतु वसंत जानों केसूकोद्रम नवफूलन छायो ॥७॥ काहू गूलरी माला काहू झंगला पहरायो ॥ मानोगज घंटान बीच गजगाह बनायो ॥८॥ रंग रह्मो चहोंटियन अंगरातो ब्हेआयो ॥ गुंजनको गहनो मानो प्रोहितपहरायो ॥९॥ माथेतें मोहनीनें छाछ को माट ढरायो ॥ मानो काचे दूधसों गिरिगोवर्धन नहायो ॥१०॥ चोर भोर भई खोर मानो गंगा जल ढायो ॥ महादेवकी जटा चूरि चरनोदिक आयो ॥११।॥ लगतदंत सोंदंत गिडिगिडी अंग लगायो ॥ मानोहो सुघर संगीत ताल कठत्तार बजायो ॥१२॥ श्रीराधा राधाकहि अपनोंबोल सुनायो॥ अरीभान की कुंवरि सरनिहों तेरी आयो ॥ १ ३॥ सुनिकें प्रेम वचन गरो राधा भरि आयो ॥ बावाजूको दणगला ले प्रोहित पहरायो ॥१४७॥ कीरतिजू पांयलामि तातो पय प्यायो ॥| तोलों खेलत होरी ब्रजमें दूल्हे आयो ॥१५॥ सांचे स्वांग न सजिकें सबे समूह सुहायो ॥ तपा व्यास को पूत धुत सूकदेव बनायो ॥१६॥ सनकादिक चारथोंनिस ज्यों सन्‍्यास सुहायो ॥ घूमत आयो इंद्र स्वांय उन्‍्मत्त नचायो ॥१७॥ ब्रजकी बीथनि बीच कीचमें लोट पुटायो ॥ चारि वदनको स्वांग चतुर चतुरानन लायो ॥१८॥ पंचानन पांचों मुखसों संगीत बजायो ॥ हरिको ब्हे जु बावरो नारद नाचत आयो ॥१९॥ देखि नंदकेलाल जंत्रधरि गाल बंजायो ॥ महादेव पटतारदेत यह पट प्रभु भायो ॥२०॥ हो हो हो होरी हरि हांसीन हँसायो ॥ माया निपुन भई सो नारद हल हुलरायो ॥२१॥ कामकनी भयो सबन को चित्त चुरायो ॥ ललिता जोरी गांठि लालको न्याह रचायो ॥।२२॥ गठजोरो वृषभान कुंवरिसों जाय जुरायो ॥ नवल अंबके मोरको मोरी मोर बनायो ॥२३॥ पीत पिछोरी तानि छबीलो मंडप छायो ॥ फागुन की गारीनको साखा चार पढायो ॥२४॥ होरीकी अग्यारी करि दूल्हे परनायो ॥ होरी को पकवान सो भरिभरि झोरिन खायो ॥२५॥ फूलि फाग की फाग फल्यो जिन यह जस गजायो ॥ जन हरीया घनस्याम वास बरसानें पायो ॥२६॥

Dhamar-Pande

Part3-085

Bilawal