Daau kii sou mohi ahohari tumheen chhandongi ..

दाऊ की सो मोहि अहोहरि तुमहीन छांडोंगी ॥ होरी सो दिन पाइ धाइ जाइ हों मुख मांडोगी ॥१।। अब केसें छूटि हे मोपे विहसिर हसि गारिनभाडोंगी ॥ कृष्णजीवन लछीरामके प्रभु को रंगले डारोंगी ॥२॥

Dhamar-Mangala

Part3-085

Sughrai

Maaee barsaanete nandgam prohit vrishbhan koo aayo ..

माई बरसानेते नंदगाम प्रोहित वृषभान को आयो ॥ नंदभवन को वैभव अद्भुत निरख परम सुख पायो ॥१॥ पायध्बायकें जल अचवायो घिरआई ब्रजनारी॥ पा लागन कहि फूलफूल गावत होरीकी गारी ॥२॥ एकन चोवा आनसान ब्राह्मनके मुख पटायो ॥ एककपोलन मारते हम न भये ब्रज ब्राह्मम निरखनिरख मनमे पिछाई ॥२३॥ भई विमान भीर ब्रज ऊपर पड्लोपन वृष्टि करावें ॥ निरखनिरख यह सुखन नयनन सुरबनिता मंगलगावें ॥२४॥ धन्य ब्राह्मन धन्य धन्य नंद सुत धन्य ये ब्रजकी नारी ॥ धन्य धन्य ब्रजके ब्रजवासी धन्य स्यथाम बलहारी ॥२५॥

Dhamar-Pande

Part3-086

Kafi

Maaee samadhyaaneten brahmam aayo bhar chhori key beach

माई समध्यानेतें ब्राह्मम आयो भर छोरी के बीच भरूवा ॥ घेर लियो घर मांझ लुगांइन मूंड लगाई कीच ॥१॥ काहूलई खसकाय परदनी काहूकियो कजरारो || पिसीपिठी गोंछन लपटाई ब्राह्मनको कहाचारो ॥२॥ काहूगुदी झणजुला पहेरायो काहू गूलरी माला ॥ तारीदेंदे महीगन गावें हँसिहँसि ब्रजकी बाला ॥३॥ जसुमति लियो बचाय बापरो निरमल नीरन्हवायो ॥ नयेवसन पहेराय गुदीते झगुला आनि छिडायो ॥४॥ तव ब्राह्मन निधरक व्हे बेठ्यो पहरि ऊजरेकपरा ॥ एक ग्वालिनि ने आनि उलेड्यो सरीकीचको खपरा ॥५॥ देख विमल गद्यो चतुरंगने भरलेंभलें करिगाबें ॥ अति खिलवार मोधुवा पांडे खेलेंहीं सुखपावें ।|६॥ पेजबांधिजो सुरपति नाचे तो ऐसी फागन माचे ॥ पेट फुलाय बदन टेढोकर विफरद्यो ब्राह्मग नाचे ॥७॥ गहने जोई माई दे पांडे हमतो फगुवा चाहें ॥ एकन कान पकर गुलचायो काहू ऐंठी बांहें ॥८॥ जानि सासुरे को यह ब्राह्मन मोहन कछु बन कहहीं ॥ कृष्णजीवन लछीराम के प्रभुह्रि सकुच सकुच जिय रहहीं ॥९%॥

Dhamar-Pande

Part3-088

Kafi

Prohit vrishabhaanu kau hoe aayou nandrai darbar ..|dhru0..

प्रोहित वृषभानु कौ हो आयौ नंदराई दरबार ॥|ध्रु०॥ सिंघ पौरि खेलैं ब्रजबाला छिरकति कुँमकुम नीर ॥ ब्रज की बीथिनि खेल मच्यौ हो भई परसपर भीर || १॥ घरि लयौ बाश्नन चहेँ दिस तें लीने बसन उत्तारि॥ नेन आँज कें दयौ दिठौंना बैंनी गुही संबारि ॥|२॥ तन सुख चीर, लाह को लहिंगा, अँगिया बनी कटाब ॥ कंठ पोति, कर पौहोंची सोहे, बाजू बंद जड़ाव ॥३॥ तिया-भेष अद्भुत जु बन्यौ है कट्दति सबैं ब्रज- नारि ॥ दै पटतार नचावें पांड़े, गावति हैं मिलि गारि ॥७॥ उत तें आवति हैं नैंद-नंदन, गोप सखा सँग जोरि ॥ प्रोहित की गति देखि साँवरो हँसति, मुक्ति मुख-मोरि ॥५॥ तब मोहन जुवतिन मधि आए पांडे दियो छुड़ार्ई ॥ फणुवा बहुत मँगाई सबन कौं देति है हरखि बुलाई ॥६॥ देति असीस चलीं ब्रज-बनिता, चिर जियौ ब्रजराई ॥ जाके राज सदाँ इह्ि बिधि सौं, खेलति है हम आई ॥७॥ तिहिं औसर पांड़े कों दीने, नौतन बसन मँगाई चल्यों बहुरि वृषभान पुरा को फूल्यों अंग न माई ॥८॥ ब्रह्मादिक, सनकादिक, नारद, रहे बिमानन छाई ॥ यह छबि निरखि बारि तन, मन, धन, 'विष्नुदास! बलि जाई ॥%॥

Dhamar-Pande

Part3-088

Kafi

Horry kheliye sunderlal .. chanchal naine

होरी खेलिये सुंदरलाल ॥ चंचल नेन विसाल ॥ तुम ब्रजजन के प्रतिपाल ॥ तुम लीला नट गोपाल | गहि ठोडी जसुमति कह्े तुम संग लेहु ब्रजबाल ॥|१॥ विविध सुंगध नउबटनों सब अंग बेठि उबटाऊं ॥ चंदन अंग लगायकें फिरिताते नीरन्हवाऊं ॥२॥ अंग अंगोंछों प्रीतिसों घसि मृगमद तिलक बनाऊं ॥| अंजन नेन न आंजिकें अरुमसिविंदुका भुलाऊं ॥ ३॥ अलकावलि अति सोहनी मोतिन लर सरस गुथाऊं ॥ मधि लटकन लटकायकें हों देखत अति सुख पाऊं ॥४॥ पगणिया पेच बनायकें खिरकिन की सीस धराऊँ ॥ मोर चंद्रिका तनकसी हों दिसदाहिनी ढराऊं ॥।५॥ झीनी झंगुली अति वनीसोतो स्याम अंग पहराऊं ॥ अति सुगंध पहोषन बस्यो वरफुलेल चुपराऊं ॥६॥ सूथन गाढे अंगकी लाल चरन पहराऊं ॥ फेंटाकंटि तट बांधिकें ओर सुरंग गुलाल भराऊं ॥७।॥ आभूषन बहु भांतिके पहराऊं तिहिंतिहिं ठाऊं ॥ फूलनकी माला गरेधरि देखत नेन सिराऊं ॥८॥ घरघरते सब गोपके लरिकनकों पठे बुलाऊं ॥ केसरि के मदुका भरों पिचकारी हाथ धराऊं ॥५९॥ सिंघद्वार ठाडे रहो तुमें संग देहुं बलदाऊं॥ आगे ब्हेमेरे लाडिले ललना सबहिन को छिरकाऊं ॥१०॥ बड्डे मोप बुलायकें रखवारे संग रखवाऊँ ॥ मनमानें तहाँ खेलिये सब ब्रजजन संग नचाऊं ॥११॥ विविध भांति ब्रजराज सों कहि बाजे बजवाऊँ ॥ फगुवा देवे झुं अबे बहुुभूषन वसन मंगवाऊं ॥१२॥ सब ब्रज युवतिन को अब घरघरतें पठे बुलाऊं ॥ मेरे लालके चाबसों फणुवाके गीत गवाऊं॥ १ ३॥ रणमगे बागे देखिके अपने द्रगन सिराऊं ॥ मुक्ताफल थारीभरों होले आरती उतराऊं ॥१४।॥ आंकों भरिले गोदमें घर भीतर ले जाऊं ॥ ब्रजयुवतिन में बेठिकें नेंक फूली अंगन माऊं ॥१५॥ माय मनोरथ यों करे जाको हे जसुमति नाऊं ॥ दीये यह फल रसिक को हों श्रीवललभ गुनगाऊ ॥१६॥

Hori Danda -Mahas Sud 15

Part3-089

Sorat

Anandarai khele faag soho hoe horry aaee ..

आंनंदराय खेले फाग सोहो हो होरी आई ॥ लाल गिरीधरके काज अपने ग्रह्व न्योति बुलाई ॥१॥ कोया को आदर देड़े कोयाकों बैठन वेडे ॥ जसुमति आदर देहे फूलदेवे ठन कहेहे ॥२॥ कासों राची आनितो काके संग खेलिहें ॥ गिरधर सोराची आनि तो दाऊ संग खेलिहें ॥|३॥ डांडो रोपन चले नंदओर गिरिवर धारी ॥ वाजे वहोत वजावत ताल पखवाज थारी ॥४॥ नदी जमुनाके तीर जायरोपीहे होरी ॥ कुंवर धरी बनाय सबनता बपाछें जोरी॥ ५॥ पूजा करि पाय लागि ओर परिक्रमा दीनी ॥ विप्रन वेद पढाय बेठिस बही विधि कीनी ॥६।॥ खेलतहें नंदलाल कमल हाथ गहिलीने ॥ सुंदरि लईहें बुलाय रहसि उनके करदीने ॥७॥ अबीर गुलाल उडावत ब्रजरानीके लाला ॥ सुंदर मुख झलकत पहरें उर फूलन माला ॥८॥ केसरि सोंधे भीजी पहरें झूमक सारी ॥ गिरिधर पिय संग खेलें घोष सकल ब्रजनारी ॥९॥ होरी धरि घर आए नंदराय ब्रजवासी ॥ गोप ग्वाल सब भीने ओर लालन सुखरासी ॥१०॥ रानीजू देखि सिहाय करत नोछावरि भारी ॥ धन्य जन्म करि मान्यो वारति नौतन सारी ॥ १ १॥ अंद्रावलि राधाजू भीजि रही रसहीयें ॥ एकोपल नहीं छांडत डोलत लालन लीयें ॥ १२॥ यह जो बडो त्योहार तोनि तनित तुमही आवो ॥ सकल घोषके राय नंद गिरिधारी कहावो ॥१३॥ चिरजीओ ब्रजराज देरिब ढोटन सुख पावो ॥ श्रीविट्ठल गिरिधर कों हसिहसि फाग खिलावो ॥१४॥

Hori Danda -Mahas Sud 15

Part3-090

Bilawal

Ghosh nripati suta gaaiyen jaake vasiyen gaam ..

घोष नृपति सुत गाइयें जाके वसियें गाम ॥ लालवलि झूमिकाहो ।। वहोरि सुहागिनि गाइये जाको श्रीराधा नाम ॥ लाल ॥१॥ चलीहें सकल ब्रजसुंदरी नवसत साजि सिंगार ॥ गावत खेलत तहां गई जहां घोषराय दरबार ॥२॥ जाय नेन भरि देखिये सुंदर नंदकुमार ॥ नीलपीतपट मंडिता उर गजमोतिन हार ॥३॥ सखा संग अति रस भरे पहरे विविध रंगचीर ॥ गीत विचिन्न कोलाहला ओर ब्रजवासिन भीर ॥8॥। डिमडिम दुंदुभी झालरी रुजमुरज डफताल ।। मदन भेरि राय गिडगिडी विचविच वेन रसाल ॥५॥ अति रसभरी ब्रजसुंदरी देत परस्पर जारि ॥ अंचलपट मुखदे हंसी मोहन वदन निहारि ॥६॥ पहलो झूमक ताही को जाको श्रीमोहन पूत देखि परोसिर मोहनी युवती जनमन धूत ॥७॥ दूसरो झुमक ताही को जाकी श्रीराधा नारि ॥ पिय प्यारी रोके गये मनमें चोकि बिचारि ॥| ८॥ जुवति कदंव सिरोमनी श्रीराधा वरस कुमारि ॥ उतब्रज सिसुगन नायका बलि ओर गिरिवरधारि ॥१९॥ एकन कर बुका लिये एक गुलाल अबीर ॥ प्रमदा गन पर वरखही कूकेंदेत अहीर ॥१०॥ रतन खचित पिचकाइयां नवकुंकुम जल सोंघोरि बरखही कूकेंदेत अहीर ॥१०॥ रतनखचित पिचकाइयां नवकुंकुम जल सोंघोरि ॥ पियसन सुखब्हे छिरकहीं तकितकि नवल किसोरि॥ १ १॥ श्याम सुभगतन सोहही नवकेसरि के बिंदु ॥ ज्यों जलधर में देखिये मानो उदित बहुइंदु ॥|१२॥ युवतियूथ मिलि धाइयो पकरेवलि मोहन जाय ॥ नवकेसरि मुख मांडिकें छांडे आंखि अंजाय ॥१३॥ यह विधि होरी खेलहीं ग्याति बंधु संग लाय ॥ पूरण शशि निस डहडही पून्यो होरी लगाय ॥१४॥ परिवा सकल घोखजन भानुसुता चले नहान ॥ अरणजा अंग चढाइयों विमल वसन परिधान ॥१५॥ दुतिया बंदन बांधियो सिंघासन युवराज ॥ छत्रचंवर गोविंद गहे श्रीवललभकुल सिरताज ॥१६॥

Hori Danda -Mahas Sud 15

Part3-090

Bilawal

Vandon munsai nankke juvati jhandaa kesein lehoju ..

वंदों मुनसाई नंक्के जुवती झंडा केसें लेहोजू ॥ ये सब सुंदरि घोखकी क्‍यों परिरंभन देहो ॥१॥ फाणुन मास देत फगुवा अति क्रीडा रस खेलो ॥ तनकी गति ओरें भई बोली ठोली मेलो ॥॥२॥ काहेकों अकुलात हो हम मन को भायो करिहें ॥ हों भैया बलदेवको पृथक पृथक करि धरि हें ॥३॥ पांच सखी मिलि एक न्है बीच झंडा ले रोप्यो ॥ फरहर रति पति ऊपरे बहोत नगन जट ओप्यो ॥४॥ सुनों पिया सांची कहूँ जो तुम्हारे जिय भावे ॥ अपने छलबल प्रेमके जीतेसो कह्हा पावे ॥५॥ हम समेत सब ताहीको यामें कहा कछू लालो ॥ अब जीतो तो जानिहें पानधरें प्रतिपालो ॥६॥ पटह निसान मृदंगसो दुहढुदिस दुंदुभी बाजें ॥ इत जुबती बर जोर में उत्त श्याम सखन संग भ्राजें ॥७॥ गावें चेत सुहावनें बिचबिच मीठी गारी ॥ चंग उपंग मधुरमुरली राग मिलयो करतारी ॥८॥| केसरि कुंकुम घोरिकें नवकिसोर परधाई ॥| नायक घेरी नायका चोली वसन रंगाई ॥९॥ काहूसों मिलवत सखनदे काहूसों मिलवत बोली ॥ काहूकों परिरंभनदे काहूकी झटकत चोली ॥१०॥ रवकि रंगीली राधिका पीतांबर गह्टि झटक्यो ॥ हो हो हो कहि सुंदरी गहि करसों कर पटक्‍यो ॥१३१॥ उतवर सुंदर लाडिलो इत वृषभान किसोरी इत पिचकाई उत पिचका पियसन मुख लेदोरी ॥१२॥ सुरंग लाल अबीरसों व्योम रसातल छायो ॥ रसमें नायक नायका करत आप मन भायो ॥१३ ॥ गुलाल जंगाली छबि राजहीं दंपति प्रेम प्रसंसा ॥ उपमाकों कोऊ नहीं क्रीडत हंसीहंसा ॥|१४ ॥ झंडा लीयो ओर रसकीयो प्रान पिया रस पेख्यो ॥ गिरधर क्रीडा नित नई सगुनदास रस लेख्यो ॥६५॥

Hori Danda -Mahas Sud 15

Part3-091

Bilawal

Srilakshman kull gaaiye srivallabh suban sujan ..

श्रीलक्ष्मन कुल गाइये श्रीवल्लभ सुबन सुजान ॥ लाल मनमोहना हो ॥ गुन निधि गोपीनाथजू निर्गुन तेज निधान ॥१॥ पुरुषोत्तम आनंदमें श्रीविवल ब्रजके भूप ॥ कोटि मदन विधुवारनें मुख सोभा सुखरूप ॥२॥ भूतल द्विज वपु धारिकें श्रुतिपथ कियो प्रचंड ॥ मारण पुष्टि प्रकासिकें मायामत कियो खंड ॥३॥ श्रीमिरिधर गुन आगरे ॥ पूरन परमानंद ॥ राज सिरोमनि लांडिले करुनामय गोविंद ॥४॥ श्रीबालकृष्ण मुख चंद्रमा पंकन नेन विसाल ॥ श्रीवललभ गोकुलनाथजू प्रिय नवनीत दयाल ॥५॥ श्रीपत्ति श्रीरघुनाथजू जगजीवन अभिराम ॥ रूप रासि जदुनाथजू कमला पूरन काम ॥६॥ नवकिसोर घनस्यामजू अंगअंग सुखदाय ॥ बालक सब ब्रह्मजानिकें वेदबिमल जसगाय ।|७॥ बिंद्राविपिन सुहावनों ब्रजलीला सुखसार ॥ मानिक॑चंद्र प्रभु सर्वदा श्रीगोकुल करत बिहार ॥८॥

Hori Danda -Mahas Sud 15

Part3-092

Bilawal

Arie aaj kamal mukh dekhyon ree jaba tain ghar

अरि आज कमल मुख देख्यों री जब तैं घर अंगना न सोहाई ॥ हों जमुना जल भरन गई री बिसरी भरन जल माई ॥१॥ छोरी डॉडो रोपत देख्यों मूरति रही उर छाई ॥| तब तैं खान पॉन सुधि बिसरी मिलिवे कों अकुलाई ॥२॥ मेरे जान कछू परी ठगोरी मुरली तान सुनाई ॥ “सूर स्याम” सोई हितू हमारी जो कोऊ मोहि मिलाई ॥३॥

Hori Danda -Mahas Sud 15

Part3-092

Bilawal

Ritu basant sukh kheliyen hoe aayo fagun maas ..

ऋतु बसंत सुख खेलियें हो आयो फागुन मास ॥ होरी डांडो रोपियो सब ब्रजजन मन उल्लास ॥ गोकुलके राजा ॥ १॥ रजनी मुख ब्रज आईयो गोधन खरिक मझार ॥ सखा नाम सब बोलकें घरघर ते देत बगार ॥२॥ बडेगोप वृषभान के आये सब मिल पोरि॥ श्रवन सुनत प्यारी राधिका चढि चित्र सारी दोरि |३॥ ऊझकि झरोखा झांकियो दोउन मन आनंद ॥ एसी छबि तब लागियो मानो निकस्यो घटातेचंद |।।8॥ वासर रेल मचाईयो नेरे आयो फाग ॥ झूमक चेतव गावही मनमोहन गोरी राग ॥४॥ नरनारी एकन्न भये घोषराय दरबार ॥ चहंंदिसते सब दौरियो भूषण वसन सिंगार ॥६॥ अगणित वाजे बाजहीं रुंजमुरज निसान ॥ डफ दुंदुभी ओर झालरी कछुबन सुनियत कान ॥७॥ पिचकाईं कर कनक की अरगजा कुंकुमघोर ॥ प्राणपिया कों छिरकही तकतक नवलकिशोर ॥ ८॥ बहुरि सखा सबदोरियो आगेंदे बलबीर ॥ युवतीजन परवरखहीं नवल गुलाल अबीर ॥९॥ ललिता विसाखा मतो मत्यो लीनों सुबल बुलाय ॥ चेरी तेरे बापकी नेंक मोहन कों पकराय ॥१०॥ तबें सुबल कौतुक रच्यो सुनों सखा एक बात ॥ इने भीतर जानदेहु बोलत जसोदा मात ॥११॥ हरेंहरें सब रेंगि चली नेरें निकसी आय ॥ सेन सबेंदे दोरियो पकरे बलमोहन जाय ॥१२॥ प्यारी को अंचल लियो और पियको पटपीत ॥ सकतहीं गठजोरो कियो भले बने दोउमीत ॥ १ ३॥ फणुवा में मुरलीलई ओर कंठ को हार।॥ श्रीराधाकों पहराईयो हसत देंदे करतार ॥ १ 8॥ मेवा मोल मंगाईयो फगुवा दियो निवेर ॥ मनभायो कर छांडियो हसत वदन तनहेर |।१५॥ यह विधि होरी खेलही ब्रजवासिन संग लगाय ॥ युगल कुंवर के रूपपें जन गोबिंद बलबल जाय ॥१६॥

Hori Danda -Mahas Sud 15

Part3-093

Gouri

Manmohan khelat fagri houn que‍yon curr nikason ..

मनमोहन खेलत फागरी हों क्‍यों कर निकसों ॥ मेरे संग की सबे गई मोहि प्रगट भयो अनुराग ।॥| १॥ एकरेन सपनों भयोरी नंदनंदन मिले आय ॥ में सकुचन घूंघट कढ्यो उन भेटी भुज लपटाय ॥२॥ अपनों रस मोंकों दियोरी मेरो लीयो घूंट ॥ वैरिन पलके उचघरतें मेरी गई आस सब छूट ॥३॥ फिरमें बहुतेरो कियोरी नेंकन लागी आँख ॥ पलक मूंदिपर चोलियो में जाम एक किलों राख ॥४५॥ तादिन द्वारें व्हे गयोरी होरी डांडो रोप ॥ सास ननद देखन गई मोहि घर रखवारी सोंप ॥५॥ सास उसासन त्रासहीरी ननद खरी अनखाय ॥ देवर ड्धर वोगजिने मेरो बोलत ना हरि स्याय ॥६॥ तिखने चढ ठाढी रहोंरी लेवो करों कनहेर ॥ रात दिवस हो हो रहे विचवा मुरलीकी टेर ॥७॥ एसी मन में आवहीरी छांड लाज कुलकान ॥ जाय मिलों ब्रजईश सों रतिनायक रसकी खान ॥८॥

Hori Danda -Mahas Sud 15

Part3-093

Sorat