Gopan key anand vraj faag ramano ..shru0.. fagun

गोपन के आनंद ब्रज फाग रमानो ॥श्रु०॥ फागुन अतिबड भागन क्रतु वसंत के आगम ॥ पून्यों और गुरुवार मघा ऋतु शिशिर समाजम ॥ गर्ग आपले ग्वेडें होरी डांडो रोप्यो आय ॥| कुशल बखाने देश की विप्रकझ्ओो समझाय ॥| ६॥| वासरगत रजनी जब आई घरघर बालक सिमिट मदन की फिरी दुहाई ॥ गारी देत निसंक व्हे ओर आरज पंथ छुडाय ॥ मुखकर सबे लजावही उर आनंद न समाय ॥२॥ स्याम सुबल सो मतो मत्यो दाबजों पाऊं ॥ बड़े भोर वरसाने होरी खेलन जाऊं ॥ भली बात सबहीन कही रवि के उदय प्रमाण ॥ कनक कलश केसर भरे भई चलन की ठान ॥३॥ बलमोहन मिल सखन सहित बनबाजे साजे ॥ रुंज मुरज सहनाई झांझ झालर डफ बाजे ॥ आनंद भेरि मृदंग मिल गावत गोप धमार ॥ नंदीश्बरतें उतरत देखें सुख सागर की वार ॥४॥ नाचन स्वांग बनाय योग मुद्रा वलिलीयें ॥ तांडव नृत्य कराय मत्त बारुणीसी पीयें || जाय सिमिट इकठोरे भये वृष भान की पोर श्रवण सुनत प्यारी राधिका गई अटापेदोर ॥४५॥ उझक झरोखा झांकत कोटिक चंद लजाहीं ॥ रसिक कुंवर जहाँ आय निरख परसत पर छांहीं नयना सों नयना मिले कोऊन पावे पार ॥ श्री श्यामाजू रीझकें डारबो पियपें हार ॥६॥ मृगमद साखजवाद कुंकुमा अति घुसघोरी ॥ हरि पिचकाइन छिरकत बोलत हो हो होरी ॥ उडत गुलाल अबीर में बासर गयो छिपाय ॥| राधा ललिता सेन दे बल पकराये जाय ॥७॥ चन्द्रभगा मुख मांडत ललिता लोचन आंजत ॥ इंद्रा वृंदा प्रेम कलश भर सिरतें ढारत ॥ पढ़कालियो उतार कें मानो आवत्त गजराज ॥ स्याम सखन सो कहत हैं भलेबने दाऊ आज ॥८॥ मेवा बहुत मंणाय दीन न्हे फमुबा दीनों ॥ पढ़का लियो उतार मनोरथ सबको कीनो ॥ कीरतिजू आनंद भर चितेस्याम की ओर ॥ कछुमन में वांछित भई कर अंचल की छोर ॥९॥ जिनके मन हर लिये संग लागी फिरें भामिनि ॥ ख्रेलत नांडिनकोऊ राधाजू की कामिनि || मुरली मधुर बजाइयो मनमोहन मधुरीतान ॥ रही चित्र कीसी लिखी अब कोन कहे घर जान ॥१ ०॥ रातद्योस के खेल महीना जात न जान्यो ॥ नरनारी बड़ छोट सुफल जीवन कर मान्यो ॥ सांझ परी दिन आंथयो होरी पोोंचेग्वाल ॥ तहां रोक ठाड़े भये मध्य नायक ननन्‍्दलाल ॥१ १॥ घर घरते सब सिमिट हितू देखन कों आईं ॥ रेसम पाट पुआय माल गूलरी बनाईं ॥ आनंदगारी गावहीं अपने अपने अगबार ॥ होरी कोई जान न पावें रोके सिंघ दुवार ॥ १ २॥ एकन के कर बांस एकलीने सिर झारें ॥ होरी पूजन चले ध्यान सिद्धन के टारें ॥ नवल कुंवर पोरिन रुपे करजेरिन की ओट ॥ कपट मार छबि चारु दे दीनी काम करोट ॥ १ ३॥ घरी मद्दरत सोध नंद सबहितू बुलाये ॥ अक्षत पानी दूब सहित होरी पें आये ॥ नर नारीयों भेट हीं सब दिन आनंद जाय ॥ वेद ऋचा विप्रन पढी घृत आइहती कराय ॥१४॥ कुदुंब सहित सिरनाय सबन परिक्रमा दीनी ॥ कुशलमान जियजान धूरिकी वंदन कीनी ॥ बायस ओर भली भई भैया कहत सयाने लोग ॥ बलमोहन होरीमगारियो अजर अमर संयोग ॥१५॥ ब्रजवासिन की चरणरेणु ब्रह्मा शिव यांची ॥ अष्ट सिद्धि नवनिधि छार घर घर प्रंतिनाची ॥ ब्रज रानो ब्रज जन सहित गये भीतरी षोर || रानी जसुमति कियो' आरतो जुगल कुंवर परदोर ॥१६।॥| गज मोतिन को हार डोरीकर कंकण दींने ॥ गोपी ग्वाल वुलाय दान विप्रन कों कीने ॥ देत असीस घर को चले आनंद सिंधु बढाय ॥ रसिक कुंबर नंदलाल पें जनदयाल बल जाय ॥१७॥

Hori Danda -Mahas Sud 15

Part3-094

Gouri

Ranganrang hoe hoe horry khenle ladillo vrajrajko .. saanvaregaat kamaldal lochan naayak prem samajko ..1.. prathamahin ritu vasant

रंगनरंग हो हो होरी खेंले लाडिलो ब्रजराजको ॥ सांवरेगात कमलदल लोचन नायक प्रेम समाजको ॥१॥ प्रथमहीं ऋतु वसंत बिलसे हुलसे होरी डांडो रोप्यो ॥ मानो फाग प्राणजीवन धन आनंदित सब ब्रज ओप्यो ॥ २॥ मृगमद मलय कपूर अगरकेसर ब्रजपति बहुघोर धरे ॥ सरस सुगंध संवार संग दीये रंगन कंचन कलश भरे ॥ ३॥ प्रेमभरी खिलवारन के हित सुखके साज सिंगार कियें ॥ भाग्य अपार जसोदा मैया बारबार जलवार पियें ॥४॥ भईहै रंगीली भीरद्वारन प्रीतम दरशन कारनें ॥ अब बन ठन निकसे मंदिरतें कोटि मदन कीये बारनें ॥५॥ फेंट भराय लई जननीपें आज्ञालई ब्रजईंशतें ॥ नंदराय तब रत्न पेंचरचि बांध्यो गिरिधर शीशत्तें ॥६॥ तापर मोर चंद्रिका सोहे ग्रीव ढरन लहकात हैं ॥ मदनजीत को बानो मानो रूपध्वजा फहरातहें ॥७॥ तेसेई सखा संग रंग भीने हरख परस्पर मन मोहे ॥ वरणवरण युवतिन के कमल मानों अंबरदिन मणि संगसोहे ॥८॥ आनंद भर बाजे बाजत हैं नाचत मधु मंगल रंगकिये ॥। हरिकी हसन दशनन की किरण नयनन की ढरन मन मोहि लिये ॥%॥ कोऊ द्वारे कोऊ चढ अटा कोऊ खिरकिन वदन सुहाये ॥ गोकुलचंद्रमा देखनकों मानो चंद्र विमानन चढचढ आये ॥१०॥ अबीर गुलाल उडाय चले देखत जेसें सब कोऊ हरखे ॥ छिरकत फिरत छेल नवरंगी कहा कह्िये रस नव घन वरखे ॥११॥ राधा दृष्टि परत नहीं मोहन निरख नयन मन घूमेंहों ॥| सनन्‍्मुख व्हेय पिय कल्प तरूवर महाभाग्य रस फल झूमेडो ॥| १ २॥ प्रमदा गण मणि स्यामा रसिक शिरोमणि सों रवेलन आई ॥ दुहूंदिश शोभा उमग रंग मच्यो मान वेणु ध्वनि लाई ॥१३॥ नयनन बेन न खेलत वधू गेंदुक नवलासिन मारमची ॥ कमल नयन कर ले पिचकाई मृग नयनन सेनन भ्रैंहनची ॥ १ ४॥ छिरकी छेल छबीली भांतन मनहरणी जोबन बारी ॥| सब अंग छींट बनी पिय वसनन फुलीं छबि फुलवबारी ॥ १ ५॥ पहोप पराग उडाय दाव रचि अछन अछन नेरे आई ॥ दौर दामिनीं घनघेरग्यो पिय बात बनीं सब मन भाई ॥१६॥ कोऊ मुख मांडत दे गलबइयां कोऊ पोंछत आछी छबिसों ॥| अलकन ओहन मूल रंगरह्ो शोभा कहियन जाय कविसों ॥१७॥ कोऊ रचिरुचि पान खबावत पुलकित अधरन परस किये ॥ कोऊ भुज गड्डि डहकाय मागत पिय नयनन चेन दिये ॥१८॥ राधा नागरि स्याम सुंदरपर प्रीत उमग केसर ढोरी ॥ महामनोहर ताको राजा अभिषेक किये कहें हो हो होरी ॥१९॥ सरस्वती सहित महामुनि मोहे यह शोभा दंपति हेरे || कहि भगवान्‌ हित रामराय प्रभु हस चितवन बसी मन मेरे ॥२०॥

Hori Danda -Mahas Sud 15

Part3-095

Bihag

Russ saras baso barsanonju .. raajat ravani

रस सरस बसो बरसानोंजू ॥ राजत रवनी करबानों ॥ मनिमय मंदिर तहां सोहे॥| रविशशि उपमाकों कोहे || १॥ वृषभान गोप तहां राजें ॥ ताकी कीरति जगमें गाजें ॥ नितपरम कुलाहल भारी | जावत गारी ब्रजनारी ॥२॥ जब दिन होरी को आयो ॥ न्योंतो नंदगाम पठायो ॥ सुनिकें मनमोहन धाये | सब सखा संग ले आये ॥३॥ जब जसुमति न्‍योति बुलाई | समधिन समध्यानें आई ॥ कीरति आदर कर लीनी ॥ मनुहार बहोत विधि कीनी ॥॥४॥ अतिकृपा अनुग्रह कीने ॥ हमतो अपने करिलीने ॥ गुनगनेन परें कछू गाथा ॥ कीनों ब्रज सकल सनाथा ॥५॥ तुमतो सबकी सुखरासी ॥ ये सुफल किये ब्रजवासी ॥ आवो निज भवन बिराजो ॥ बरसानों सकल निवाजो ॥६॥ तुमतो सबकी सुखदाई ॥ मुखकीजे कोन बडाई ॥ तुमतो यह निजब्रत लीनों || जिनजो जाच्यो सोदीनों ॥७॥ यह जस तुमारो जगजानें || मुखपर कहि कोन बखानें ॥ तब करगहि ढिंग बेठारी ॥ जावत मंणल ब्रजनारी ॥८॥ तुमसों पूछें एक बाता ॥ तुम सांची कहो सब गाता ॥ जबगर्ग तिहारे आये ॥ वोहो नाम कृष्णके गाये ॥%॥ मुनि बासुदेव करिलेखे ॥ वसुदेव कहां तुम देखे ॥ यह सुनिसुनि बात तिहारी ॥ अचरज उपजे जीयभारी ॥१०॥ ओरोसंका जीय आवे ॥ ये भेद कोऊ नहीं पावे ॥ पति साधु परम तुम पायो ॥ यह पूत कहां ते जायो ॥११॥ याके गुन रूप नियारे | यह मिलेन कुलहि तिहारे ॥ कछू कह्मों हमारो कीजे ॥ वसिकें सबकों सुखदीजे ॥१२॥ रहियें कछू दिवस हमारे ॥ हम तोहें सकल तिहारे ॥ यह दोऊ एक करि जानों ॥ नंदगाम सोई बरसानों ॥१३॥ जानत ज्यों नंद तिहारे ॥ तेसेई वृषभान हमारे ॥ ये दोऊ परम सनेही ॥ ये एक प्रान द्वे देही ॥१४॥ सुनिसुनि जसुमति मुसिकानी ॥ बोली मधुरी एकवानी वसियें कछू दिवस तिहारे कीरति चलि बसो हमारे ॥ १ ५॥ तब हंसी सकल ब्रजनारी ॥ जसुमति की ओर निहारी ॥ ब्रजभयो कुलाहल भारी ॥ नांचत दे दे करतारी ॥१६॥ यह रस बरसे बरसाने ॥ विन कुंवरि कृपा को जाने ॥ कीरति जसुमति जसगायो ॥ ब्रजवास माधुरी पायो ॥१७॥

Gaari Ke Dhamar

Part3-097

Bilawal

Sunder syaam sujan siromani deh kahakahi

सुंदर स्याम सुजान सिरोमनि देह कहाकहि गारीजू ॥ बडे लोगके औगुन बरनत सकुच होत जिय भारी ॥ १॥ कोकरि सके पिता को निर्णय जाति पांति को जानें ॥ जिनके जिय जेसी बनि आवे तेसी भांति बखानें ॥२॥ माया कुटिल नटी तन चितयो कोन बडाईपाई ॥ उन चंचल सब जगत विगोयो जहां तहा भई हंसाई ॥|३॥ तुम पुनि प्रगट होई बारेंतें कोन भलाई कीनी ॥ मुक्तिवधू उत्तमजन लायक ले अधमनकों दीनी ॥४॥ वसि दस मास गर्भ माताके उनआसा करिजाये ॥ सोघर छांडि जीभ के लालच व्हे गये पूत पराये ॥५॥ बारेंहीतें गोकुल गोपिन के सूने ग्रह तुम डाटे ॥ है निसंक तहां पेठि रंकलों दधिके भाजन चाटे ॥६।॥| आपु कहाय बडेके ढोटा भातकृपन लों मांज्यो ॥ मान भंगपर दूजें जाचत नेंक संकोचन लाग्यो ॥७॥ लरिकाईतें गोपिन के तुम सूने भवन ढंढोरे ॥ जमुना नहात गोप कन्‍्यनके निपट निलज पटचोरे ॥८॥ बेनुबजाय विलास कियो बन बोली पराई नारी ॥ वेबातें मुनिराज सभामे व्हे निसंक विस्तारी ॥९%॥ सब कोऊ कहत नंद बाबा को घर भरच्चो रतन अमोले ॥ गरे गुंजा सिरमोर पखौबा गायन के संग डोले ॥१०॥ राज सभा को बेठन हारो कोन त्रियन संग नाचे ॥ अग्ज सहित राज मारण में कुबिजा देखत राचे || १ १॥ अपनी सहोद्रा आपुही छलकरि अर्जुन संग भजाई ॥ भोजन करि दासी सुत के घर जादों जाती लजाई ॥१२॥ लेले भजे राजन की कन्या यह धोंकोन भलाई ॥ सत्य भामाजु गोतमें व्याही उलटी चाल चलाई ॥|£१३॥ बहिन पिताकी सास कहाई नेकहु लाज न आई ॥ एते पर दीनी जु विधाता अखिल लोक ठकुराई ॥ मोहन वसीकरन चटचेटक जंत्रमंत्र सब जानें ॥ तातें भलेभले करिजाने भलेभले जममानें ॥१५॥ बरनों कहा यथा मति मेरी बेदह्दू पार न पावे ॥ दास गदाधर प्रभु की महिमा गावत हीं उरआवे ॥१६॥

Gaari Ke Dhamar

Part3-098

Bilawal

Chhel chhabili samdhin hoe yeh chhabi cone kii

छेल छबिली समधिन हो यह छबि कोन की छलि लाई ॥ साच कहो हमसों समधिन तुम कोहे राम दुहाई ॥ १॥ समधिन सों समधोरो कीजे कीरति मनयों आई ॥ नंद गामतें महरि जसोदा समधिन न्योंति बुलाई ॥ २॥ गिरिधारी जूकी महतारी सबही बिधि सुखदाई ॥ ब्रजनारी गारी गावत सारी बहु पहराई ॥३॥ चंदवदन तेरो चित्तचोरे नयन घने नटरारे ॥ भारे पलकन में अति सोहे तेरे चंचल तारे ॥४॥ कज्जल रेख सहित सोहे लोचन मोचन जुललोहे ॥ हाहा नें कहेरि मोतन तोहि मेरे गरे की सोहे ॥५॥ भोंह धनुष नासा चंपकली बेसरिकी छबि न्‍्यारी ॥ मुख देखें चकचोंधि रहत तेरी बेंदीकी बलिहारी ॥६॥ अर्धचंद तेरो बेंदा बन्यो बेनी बरनी न जाई ॥ मानो इंदुपे त्रिया फनिगकी अमृत अचवन आई ॥७॥ मानो मदनकी चपल चामठी कनिक खंभ लटकाई ॥ मानों निसा पतिके सुखलूटी होत प्रात उठिधाई ॥८॥ दारच्योंद्सन हसनिचोकाकी अधरनकी अरुनाई ॥ ठोढी गाढू गढ्यो मनमेरो तेरो संगन छोड्यो जाई ॥९॥ ललित कपोल अमोल गोल गोरे गोरे चितचोरें || निरखि निरखि मुख छबि मृगनेनी रीझि रीझि तृनतोरें ॥१०॥ कानन करन फूलफवे कंठ मोतिन सरीसोहें ॥ कोन कोन उपमादीजे जु समधिन पटतर कोह़े ॥११॥ अति उतंग कुंचन पर कंचुकी खयनवनी अतिगाढी ॥ कंचन कुंभन पर मनमथने मानोंसांचे ढारी ॥१२॥ बांये कर पल्‍लवन मुद्रिका खयेनबरा अतिगोल ॥ श्रवन सिरात्त सुनत समधिन तेरे मीठे मीठे बोल ॥१३॥ कर कंकन चुरोगजदंती गजरन फोंदा सोहे॥ दुरिमुरिकें घूंघट जब काढै चितेचिते मनमोहे ॥ १ 8॥ कटिलंडणा पचरंगी तन सोहे झूमक सारी ॥ कदली खंभ जे हरिराय की पायबनी अतिभारी ॥ १ ५॥ पायल ओर बिछीयाजु छबीले नखनमहाबरिदीनों || अटकि रहे उरमें अनबट समधिन सर्व सुहरिलीनों ॥|१६॥ गति गयंद कटि किंकिनी बाजेमकर मधुर मनमीना ॥ धुनिसुनि थकित रहे मुनिमन नगर भयो आधीना ॥१७॥ सोंधे में सगवगी सदां सोहत समधिन सकुमारी ॥ मोहि रहे मकरंद बासरस भमर करें गुंजारी ॥६८॥ पानखात अलसात सखिनमें हंसत सहजहांसीरी ॥ जगमगात जोवनमदाती ओढें पावरी पीरी ॥१९॥|। चंद्रभगा चंद्रावलि ललिता हसत देदे करतारी || कोकिल केसे कंठ सबे गावति समधिन कों गारी॥|२०॥ कोमल कपोलनमें समचिनजू दसन चिन्ह किनदीने || पलकन पीक कीलीक ललित लोचन रसमसे कहां कीने ॥२१॥ हृदेनखरेख कंचुकी दरकी अंग अंग अलसाई मरगजी माल सिथल कटि पटलों पलपल लेत जुंभाई ॥२२॥ रस निधान रसरास रसिली रसिकन रसिक पियारी ॥ रसिक सबे रसबस करिलीने महामोहनी डारी ॥२३॥ सुनि सबही के ललित बचन समधिन जू तब हैंसि दीनो ॥ हावभाव द्रणकरि कटाक्ष सबहिनको मन हरिलीनो ॥२४॥ भोंहकमान तमकि तरुनी द्रग बानता कही डारे ॥ जिनके लाभे ते रसपाणे द्रगते टरे न टारे ॥२५॥ समधिनजू तुम्हारो रूपरंग रस मोपे कह्मो न जाई ॥ धन्य धन्य बिधिना बिचितन्न जिन तोसीन्रिया बनाई ॥२६॥ देत असीस स्यामघन अलि श्चववनन विनती सुनि लीजे ॥ परमउदार सदां समधिनजू हमही दरसन दीजे |॥२७॥

Gaari Ke Dhamar

Part3-099

Dhanashri

Mohan vrishbhan key aiju .. tahaan atiras

मोहन वृषभान के आएजू ॥ तहां अतिरस न्योंति जिमाए ॥१॥ वृषभानपुराकी गारी ॥ श्रीराधाकृष्ण पियारी ॥२॥ चढि दूल्हे व्याहन आये || सिंघासन दे वेठाये || ३॥। नानाविधि भई है रसोई ॥ तहां जेंबत अति सुख होई ।।४॥ तहां मिली युवती वड॒ भागी ॥ गावें कृष्ण चरित्र अनुरामी ॥५॥ तहां बोली एक ब्रजनारी ॥ आवो देंहिं कृष्णकों गारी ॥६॥ इने गारि कहा कहि दीजे ॥ गुन ओगुन सरस लहीजे ॥७॥ डेवासबे कोउ जाने ॥ जिनेवेद पुरान बखाने ॥८॥ वसुदेवके सुत जु कहाये ॥ तुम नंद गोपकें आये ॥९॥ तेरी मैया आनआनजाती ॥ वेहिलि मिली बेठें पाती ॥१०॥ तेरी फूफी पंच भरतारी ॥ जाको जस पावन कारी ॥१ १॥ पतिपांड सबे जग जानें ॥ सुत आन आनके आनें ॥१२॥ तेरी द्रपद सुत्तासी भाभी ॥ वष् पंच पुरुष मिलि लाभी ॥१३॥ जाकी जगवदत बडाई ॥ सोतो भक्त सिरोमनि गाई ॥ १ 8॥ तेरी बहनि सुभद्रा कुमारी ॥ सोतो अर्जुन संग सिधारी ॥१५॥ श्रीकृष्ण तेरी महतारी ॥ वह पहरें तमसुख सारी ॥१६॥ रानी रातो लहंगा सोहे | तेरी चितवनिमे जगमोहे ॥ १ ७।। तुम कहीयत हो ब्रह्मचारी ॥| जाके सोल सहस्र ब्रजनारी ॥१८॥ तुम कहीयतहो दघ्थिदानी ॥ जिनकृवि जासों रतिमानि ॥ १९॥ श्रीकृष्णजू तेरो बलबीरा ॥ जिनकरष्यो कालिंदीनीरा ॥२०।॥| अहो तुम वनवन थेनुचराई ॥ भये घोख सकल सुखदाई ॥२१॥ वृंदावन वेनु बजायो ॥ ब्रजसुंदरि रास खिलायो ॥२२॥ सूने भवन पराये आये ॥ चोरी करि माखन खाये ॥२३॥ गारीं गावें हरिजूकी सारी ॥ वेहँसिहँसि देहें तारी ॥२७॥ गारी गाबें हरिजूकी सासू ॥ वे ढरत प्रेमके आंसू ॥२५॥ गाबो गावो सबेमिलि गारी ॥ तुम सुनहं लालबिहारी ॥२६॥ तुम करिकरि अपनों भायो अपनों जस जगत सुनायो ॥२७॥ वें हँसिहँसि गादवे गोरी ॥ पटओट हंसी मुखमोरी ॥२८॥ छांडे दुरग्योधनसे राजा ॥ तेरे कुलहिन आवेलाजा |।२९५॥| ललिता यह मंगल गायो ॥ सुनि सूरस्याम सचुपायो ॥३०॥

Gaari Ke Dhamar

Part3-099

Bilawal

Rahasi ghar samdhin aaee .. aeye sub sajanan

रहसि घर समधिन आई ॥ ए सब सजनन के मनभाई ॥ध्रु०॥ समधिनसों समधोरो कीजे कीरति यह मन आई ॥ नंद गामते महरि जसोदा समधिन न्‍्योति बुलाई ॥१॥ समधिन आई सब मन भाई निस समधी संग खेली ।| खोलि हुलास आय ढिंग बेठी मोहोरन कीसी थेली ॥२॥ अति सुरंग सारी समधिनकी लडेंगा अतिही सुढार ॥ फाटि रही सगरी समधिन की चोली जोबनभार ॥३॥ समधिनकों हाथी को भावे आछो नीको पूरो ॥ रंग रंगीलो ओर चटकीलो हाथ भरे को चूरो ॥७॥ समधिन तो दीयोई चाहे खोलि डवाकी गांठि ॥| अपने समधिनके नेगिनकों हीरा पन्ना वांठि ॥५॥ समधिन कीहे गली सांकरी समधि आवन जोग ॥| आधो बाहिर आधो भीतर बहोत बराती लोग ॥६॥| समधिनकें मेल्यो ही चाहे गलफूलन को हार ॥ काढन कहे समधिन समथीसों डोलाकेजुकहार ॥७॥ यह लीला सुरनर मुनि गाई देखत रहे लुभ्याय ॥ चिरजीवो दुलहे ओर दुलह्दिन सूरदास बलिजाय ॥८॥

Gaari Ke Dhamar

Part3-100

Dhanashri

Tum avori tum aabo .. mohanju koo gaari sunavo

तुम आवोरी तुम आबो ॥ मोहनजू को गारी सुनावो ॥ १॥ हरिकारो री हरिकारो ॥ यह द्ले बापन विचबारो ॥|२॥ हरिनट बारी हरिनटवा ॥ राधाजूके आगें लड्॒वा ॥३॥ हरि मधुकररी हरि मधुकर ॥ रसचाखत डोलत घरघर || ४॥ हरिखंजन री हरी खंजन ॥ राधाजु के मनको रंजन ॥५॥ हरिरंजन री हरिरंजन | ललिता ले आई अंजन ॥६॥ हरिनागर री हरिनागर ॥ जाकोबाबा नंद उजागर ॥७॥ हम जानेरी हमजाने ॥ राधा मोहन गह्ि आने ॥८॥ मुख मांडोरी मुखमांडो हरिहाहा खाय ॥ तोछांडो ॥९॥ हम भरिहेंरी हम भरिहें ॥ काइूते नेंक न॑ डरिहें ॥१०॥ हरि होरीहो हरि होरी॥ स्यामाजु केसरि ढोरी॥ १ १॥ डरिभावेरी हरिभावे।| राधा मनमोद बढावे ॥ १ २॥ रंगभीनो री रंगभीनो ॥| राधा मोहन बसकीनो ॥ १ ३॥ हरिप्यारो री हरि प्यारो ॥ राधा नयनन को तारो ॥ १४॥ हम लेहेंरी हमलेहें || फगुवाले गारी न हेहें ॥ १ ५॥ यह जस परमानंद गावे ॥ कछु रहसि बधाई पावे ॥१५॥

Gaari Ke Dhamar

Part3-101

Kaafi

Jaari hari deit diwawat .. vrajmein firat gopican

जारी हरि देत दिवावत ॥ ब्रजमें फिरत गोपिकन भावत ॥ १॥ दूधदडी कोमातो डोले ॥ काहेन होहो होरी बोले ॥२॥ बगलन में पिचकाई बागे ॥ बांधत फेंट संभारत पागें ॥|३॥ रुक गये बगरनर हे पेंडे ॥ नव केसरके माट उलेंडे ॥४॥ छाजनतें छूटें पिचकारी ॥ रंगगये बाखर भवन अटारी ॥५॥ चोवा चंदन कीच मचाई ॥ मानों द्रजमें वर्षा ऋतु आई ॥६॥ मोहन घेर भरीं व्रजनारी ॥ अबीर गुलाल रंगी रंग सारी ॥७॥ गोपी ज्वाल खबें रंग राचें ॥ वे सब सिंघ पोरिपेंनाचें ॥८॥ न्हान चले यमुनाके तीरा ॥ कृष्ण ओर हलधर दोऊ बीरा ॥५॥ प्रभु मुकुंद माधो सुख दायक ॥ युगल किशोर देखबे लायक ॥१०॥

Gaari Ke Dhamar

Part3-102

Nat

Bheri baajai bharuva naanchai aagein gachaiya daure juu ..

भेरि बाजै भरुवा नाँचै आगें गचैया दौरे जू ॥ ता पाछे सब गोप के लरिका हो हो होरी बोले जू ॥१॥ कमर हलावें बाँह मरोरे अधरन कौ रस लेवे जू ॥ नैन नचाबैं बगल बजाबै मुख पै गुलचा देवेजू ॥ २।। भरूवाजी को मूँड़ मुँडायौ निलज निपट अंग खोले जू ॥ 'रामदास! प्रभु या होरी में ढोल ढोल की बोले जू ॥३॥

Gaari Ke Dhamar

Part3-102

Sarang

Thu jinn boleri daine devaa hii jaari .. vaha helbar

तु जिन बोलेरी देन देवा हि जारी ॥ वह हेलबार जिंभार जगत को हमहें सुलक्षण नागरनारी ॥|१॥ वाके जिये आवे सोई गावे हम कहा करें लाज की मारी ॥ होरी में कहो कोन विगोयो कृष्ण जीवन लछीराम झंझारी ॥२॥

Gaari Ke Dhamar

Part3-103

Mari

Mohan hoho hoho horry .. called hamaare aangan

मोहन होहो होहो होरी ॥ काल्ड हमारे आंगन गारी देआयो सो कोरी ॥१॥ अब क्‍्योंदूर बैठे जसोदा ढिंग निकसो कुंज बिहारी ॥ उमगउमण आंई गोकुल की वे सब वाई दिन बारी ॥२॥ तबटही लला ललकार निकारे रूप सुधाकी प्यासी ॥ लपट गई घनस्याम लालसों चमक चमक चपलासी ॥३॥ काजर दे भजिभार भरूवाकें हँसहँस ब्रजकीनारी ॥ कहें रसखान एक गारीपर सो आदर बलिहारी ॥४॥

Gaari Ke Dhamar

Part3-103

Sarang