Navrangilal vihariho .. terein kachhle baap dwemahataari

नवरंगीलाल विहारीहो ॥ तेरें कछ्ले बाप द्वेमहतारी ॥भ्रु०॥ नवरंगीले नवल विहारी ॥ हम देंहि कहा कहट्ठि गारी ॥१॥ द्वेबाप सबे जगजाने ॥ सोतो भेद पुरान बखानें || वसुदेव देवकी जाये ॥॥ सोतो नंदमहरकें आये ॥२॥ हम बरसानेकी नारी ॥ तुहेदेहें हँसिहँसि गारी ॥ तेरी भूआ कुंतीरानी ॥ सोतो सूरज देखि लुभ्यानी ॥३॥ तेरी बहनि सुभद्राक्वारी ॥ सोतो अर्जुन संग सिधारी ॥ द्वुपद सुतासी तेरी भाभी ॥ सोतो पांचपुरुष मिलि लाभी ॥४॥ हमजाने जू हमजाने ॥| तुम उषल हाथ बंधाने ॥ हम जानी बात पडचानी ॥ तुम कबते भये दधिदानी ।॥|५॥ तेरी मायानें सब जग ढूंढ्यो ॥ कोई छोड्योन बारो बूढ्यो | जनकृष्णा गारी गावे ॥ तब हाथ थारकों लावे ॥६॥

Gaari Ke Dhamar

Part3-103

Bihaag

Nandgam koo pandey vraj varasaane aayo || atee

नंदगाम को पांडे ब्रज वरसाने आयो || अति उदार वृषभान जानि सनमान करायो ॥१॥ पांडेजू के पायन कों हँसिहँसि सीस नवायो ॥ पायधुवाय न्हवाय प्रथम भोजन करवायो ॥२॥ धाय आईं प्रजनारी जिन यह सूधोपाया । भानभवन भई भीर फाणको खेल मचायो ॥३॥ सीसी सरस फूलेल अंग्अंगन झलकायो ॥ हनूमान की प्रतिमा मानों तेल चढायो ॥॥४॥ काजरसों मुखमांडि बदन विंदाजु बनायो ॥ कारे कलस श्रवत मानों चपरा चिपकायो ॥५॥ गज गामिनि गोंछनसों तुकमैया लपटायो ॥ देहधरें मानों फागुन खेलन ब्रज में आयों ॥६॥ कह्डंचंदन कहंवंदन कहंचोवा लपटायो ॥ ऋतुवसंत जानों केसूकोद्रम नवफूलन छायो ॥७॥ काह्दू गूलरी माला काह्दू झंगला पहरायो ॥ मानोगज घंटानवीच गजगाह बनायो ॥८॥ रंग रह्मो चहोंटियन अंगरातो ब्हे आयो ॥ गुंजन को गहनो मानो प्रोहित पहरायो ॥९॥ माथेतें मोहनीनें छाछको माट ढरायो ॥ मानो काचे दूध सों गिरि गोवर्धन न्हायो ॥ १ ०॥ चोरभोर भई खोर मानो गंगाजल ढायो ॥| महादेव की जटा चूरिचरनोदिक आयो ॥११॥ लगत दंत सोंदंत गिडिगिडी अंग लगायो मानोहो सुघर संगीत ताल कठतार बजायो ॥१२॥ श्रीराधा राधा कह्नि अपनों बोल सुनायो ॥ अरी भानकी कुंवरि सरनिहों तेरी आयो ॥१३॥ सुनिकें प्रेमवचन गरो राधाभरि आयो ॥ वावाजू को दणलाले प्रोहित पड़रायो ॥१४७॥ कीरतिजू पांय लाभि तातोपय प्यायो ॥ तोलों खेलत होरी ब्रज में दूल्हे आयो ॥१५॥ साचे स्वांगन सजिकें सबे समूह सुहायो || तपा व्यास कोपूत धुत सुकदेव बनायो ॥ १ ६॥| सनकादिक चारथों निस ज्यों सन्‍यास सुहायो ॥ घूमत आयो इंद्र स्वांग उनन्‍्मत्त नचायो ॥१७॥ ब्रज की बीथनि बीच कीच में लोट पुटायो ॥ चारिवदन को स्थांग चतुर चतुरानन लायो ॥१८॥ पंचानन पांचों मुखसों संगीत बजायो ॥ हरिकोव्हे जुवाबरो नारद नाचत आयो ॥ १ ९॥ देखि नंद के लाल जंत्र धरिगाल बजायो || महादेव पटतारदेत यह पट प्रभु भायो ॥२०॥ हो हो हो होरी हरि हांसीनहँसायो ॥ माया निपुन भई सोनार दहलहुलरायो ॥२१॥ कामकाम नीभयो सवन को चित्त चुरायो ॥ ललिता जोरी गांठि लाल को व्याह रचायो ॥२२॥ गठजोरो वृषभान कुंवरि सों जाय जुरायो | नवलअंब के मोर को मोरी मोर बनायो ॥२३॥ पीत पिछोरी तानि छबीलो मंडप छायो || फागुन की गारीन को साखा चार पढायो ॥२४॥ डोरी की अग्यारी करि दूल्हे परनायो ॥ होरी को पकवान सो भरिभरि झोरिन खायो ॥२५॥ फूलि फाग की फाग फल्योजिन यह जसगायो ॥ जन हरीया घनस्याम वास बरसानें पायो ॥२६॥

Gaari Ke Dhamar

Part3-103

Bilawal

Maaee barasaane tey nandgam prodhit vrishbhan koo

माई बरसाने ते नंदगाम प्रोढित वृषभान को आयो ॥ नंदभवन को वैभव अद्भुत निरख परम सुख पायो | १॥ पायध्बाय के जल अचवायो घधिर आईं ब्रजनारी ॥ पालागन कहि फूलफूल गावत होरी की मारी ॥२॥ एकन चोवा आनसान ब्राह्मनके मुख लपटायो ॥ एक कपोलन मारत मींडत करत आपमन भायो ॥ ३॥ एकघर धसी घोर अरगजा पाछेते गहिनायो ॥ एकतो पकर फेंट झकझोरत इकलोकर कें पायो ॥४॥ एक चोंडहोंटियालेत चोरचित एकजु तारी बजाबे | एकतो पकर पोतिया झटकत हंसिहंसिवाख चढावे ॥५॥ एक अचानक व्हे पाछेते आंखिन में दियो हे गुलाला ॥ मींडतदृग यों कहत लुगइन मेरोपारथ्योचाला ॥६॥ एकनवासी खाटी छाछिते माथेते गहिनाई ॥| इत यह एक उतेवे अनगिण ब्राह्मम कीनबस्याई ॥७॥ गिडगिडात मारच्ो जाडे को चितवत भ्रोहेतान ॥ हाह्ाहों हारचो तुम जीती छांडिदेहु जिजमान ॥८॥ एक कहेयाहि पकरटकियाके श्रवनन को सुखदीजे ॥ एक कहेहा हानीके व्हे घरी एक गहिलीजे ॥९॥ कहत परस्पर ए ब्रजनारी ॥ सबमिल यह बिचारी ॥ इतनी सुतन अथांई तेचलि आये कुंजबिहारी ॥ १ ०॥ जोदेखेतो पांडेकों यहीं घेर रहीं ब्रजबाला ॥ मुख पठुकादे निरख निरख मुसिकाने नंदकेलाला ॥ १ १॥ भलीमानसहो भलो आदरकियो ॥ भलोभोजन करवायो ॥ सुनों हो कुंवरजू सगरी लुगाईन होंतो नाचचायो ॥१२॥ एकनगुल गुलाय गुलचायो एकन कोहंनीदीनी ॥ जानत हों अपने जीय में जेसी पोहों नाई कीनी ॥१३॥ किचकिचाय मेरे लियो चोहोंटिया पीठ न्है गई राती ॥ इननवरजी इनते हों डरपत धुकरपुकर करे छाती ॥ १ ४॥ तब ललिता गदगदगणद कायो स्याम स्याम कहिटेरच ॥ पांडेजू की ललित पीठ पर लालकमल कर फेरदो ॥१५॥ एकन मोकों नयनसेनदे एकन अंजन कीनों ॥ एक नमन हरिलियोचितें आंखिन में बूकादीनों ॥ १ ६॥ क्यो श्याम अजड्ृबकसो तिहारे बहुत सुख पेह़ें ॥ जो चाहोसोई तुमकों मनभायो फगणुबा देहें ॥१७॥ तुम तो अति उदार हो ढोटा तुम से तुम ही दानी ॥ जानजाउ जियमे जगजीवन चीरहरण सुधि आनी ॥ १ ८॥ जोसासुरे की दया की जेतो हाहा खाय छूडावो ॥ तो हमछांडें पांडे कों पांडेनाचे तुमगावो ॥१९॥ काहेन पांडेगुन प्रगटो हरिसेन दर दूग मोरी ॥ मणन भयो तब नाचन लाग्यो बोलत हो हो होरी ॥२०॥ बांधत रोटी पेट फुलायो यों टेढी पाग बनाई | अधिकवार बहा नेंटानरोत्तन अद्भुत फाग मचाई ॥ २ १॥ जान बूझ अनबोली न्हे के दुरदेखत नंदरानी ॥ निरख निरख नयनन कौतूहल मनहीं मन मुसिक्यानी ॥२२॥ इंद्रादिक ब्रह्मादिक शंकर ये सब रहे लुभ्याई हम न भये ब्रज ब्राह्मन निरख निरख मनमे पछिताई ॥|२३॥ भई विमान भीर ब्रज ऊपर पहोपन वृष्टि करावें॥ निरख निरख यह सुख नयनन सुरबनिता मंगलगावें ॥२४॥ धन्य ब्राह्मन धन्य धन्य नंदसुत धन्य ये ब्रज की नारी धन्य धन्य ब्रज के ब्रजवासी धन्य स्याम बलहारी ॥२५॥

Gaari Ke Dhamar

Part3-104

Kafi

Prohit vrishabhaanu kau hoe aayou nandrai darbar

प्रोहित वृषभानु कौ हो आयौ नंदराई दरबार ॥ध्रु०॥ सिंघ पौरि खेलैं ब्रज-बाला छिरकति कुंमकुम नीर ॥ ब्रज की बीथिनि खेल मच्यौ हो भई परसपर भीर ॥१॥ घेरि लयौ ब्राह्मन चह्-ुँदिस तैं लीने बसन उत्तारि ॥ नैन आँजि कें दयौ दिठौंना बेंनी गुही सँबारि ॥२॥ तन सुख चीर, लाह कौ लहिंगा, अँगिया बनी कटाब ॥ कंठ पोति, कर पौहौंची सोहै, बाजूबंद जड़ाब ॥३॥ तिया-भेष अद्भुत जु बन्यौ है कहति सबें ब्रज- नारि ॥ दै पट तार नचावें पांडे, गावति हैं मिलि गारि ॥७॥ उत तें आवति हैं नंद-नंदन, गोप सखा संग जोरि ॥ प्रोहित की गति देखि साँवरो हैँसति, मुदित मुख-मोरि ॥५॥ तब मोहन जुबतिन मधि आए पांडे दियो छुड़ाई ॥ फगुवा बहुत मँगाई सबन कौं देति है हरखि बुलाई ॥॥६॥ देति असीस चलीं ब्रज-बनिता, चिर जियौ ब्रजराई ॥ जाके राज सदाँ इहि बिचि सौं, खेलति है हम आई ॥७॥ तिहिं औसर पांडे कौं दीने, नौतन बसन मँगाई ॥ चल्यौं बहुरि बृषभानु-पुरा कौं फूल्यो अंग न माई ॥८॥ ब्रह्मादिक, सनकादिक, नारद, रहे बिमानन छाई | यह छबि निरखि बारि तन, मन, धन, 'विष्नुदास! बलि जाई ॥%९%॥॥

Gaari Ke Dhamar

Part3-106

Dhamar

Maaee samadhyaanten brahmam aayo bharhori key beach

माई समध्यानतें ब्राह्मम आयो भरहोरी के बीच भरूवा॥ घेरलियो घरमांझ लुगांईन मूंडलगाई कीच ॥ १॥ काडू लई खसकाय परदनी काहू कियो कजरारो ॥ पिसी पिठी गोंछन लपटाई ब्राह्मन को कहा चारो ॥२॥ काहू गुदीझगुला पहेरायो काहू गूलरी माला ॥ तारी देदे महीगन गावें हँसि हँसि ब्रजकी बाला ॥३॥ जसुमति लियो बचाय बापरो निरमल नीर न्हवायो ॥ नये वसन पहेराय गुदीते झगुला आनि छिडायो ॥४॥ तब ब्राह्मग निधरक व्हे बेठ्यो पहरि ऊजरे कपरा ॥ एक ग्वालिनि ने आनि उलेड्यो सरीकीचको खपरा ॥५॥ देख विमल गह्मो चतुरंग ने भलें भले करि गावें ॥ अति खिलवार मोधुवापांडे खेलेंहीं सुख पावें ॥६॥ पेजबांधि जो सुरपति नाचे तो ऐसी फागणन माचे ॥| पेट फुलाय वदन टेढोकर विफरदो ब्राह्मग नाचे ॥७॥ गहेन जोई माई देपांडे हमतो फणुवा चाहें ॥ एकनकान पकर गुलचायो काहू ओंठी बाहें ॥८॥ जानि सासुरेको यह ब्राह्मन मोहन कछु बन कहहीं ॥ कृष्ण जीवन लछी राम के प्रभु हरि सकुच सकुच जिय रहहीं ॥९॥

Gaari Ke Dhamar

Part3-106

Kafi

Sabdin tum vrajmein raho hari horihe .. tapa sanyami ..

सबदिन तुम ब्रजमें रहो हरि होरीहे ॥ तप संयमी ॥ धर्मधीर आचार ॥ छिरकें जाय निशंक व्है ॥ तोरें पकर किवार ॥१॥ जे कबहू देखी नहीं ॥ कबद्ू सुनी नहिं कान ॥ तिनकुल वधू नारीनके ॥ लागे पुरुष पराण ॥॥ धायघधरे बलकुल वधु ॥ पर पुरुष नहिं पहिचान ॥ मातपिता पति बंधुकी ॥ छूट गई सब कान ॥२॥ भस्मभरें अंजन करें ॥ छिरकत चंदन वार मर्यादा राखें नहीं ॥ कटिपटलेहिं उतार ॥३॥ तेरस चौदस मासमें || जग जीत्यो डरडार ॥ शठ पंडित वेश्या बधू ॥ सबे भये एक सार ॥॥ पून्यो प्रकट प्रतापते दुरो मिले पालाग ॥ जहां तहां होरी लगी ॥ मानोमवासिन आग ॥३॥ सब नाचें गावें सबें सबह्ठि उडावें छार ॥ साधु असाधु न पेखही बोले बचन विकार ॥४॥ अतिअनीत मतिदेखकें परिवा प्रकटी आन ॥ विमल बसन ज्यों स्यामको मर्यादा की कान ॥५॥ आवतही बिनती करी उठजोरे इंस हाथ ॥ बरण धर्म सब राखिये कृपा करह्ुु रतिनाथ ॥६॥ आज्ञा दई रतिनाथने नृप समुझो मनमांह ॥ जायधर्म अपुने चलो बसो हमारी यांह ॥७॥ सूर कहाँ लग वरणिये मनसिजके गुणग्राम ॥ सुनो स्याम यह मांसमें कियोजु कारण काम ॥८॥ कान्ह कृपा कर घररह वरजेमथुराजात ॥ सरस रसिक मणि राधिका कही कृष्ण सोंबात ॥९॥ कबहुन मथुरा जाओ ॥ परब करो घर आपने ॥ कुशल केलि निबाहो ॥१०॥ घपरवा पिय चलिये नहीं ॥ सब सुखको फलफाग ॥ प्रकट करो अब आपनो अंतरको अनुराग ॥११॥ मानो क्लेनज दिन सोधके भूपति कीयो काम ॥ शशि रेखा सिर तिलकदे सब कोऊ करे प्रणाम ॥ १२॥ कनक सिंहासन बैठकें युवतिन के उर आन ॥ अलक चमर अंचल ध्वजा घुंघट आत पतान ॥१३॥ फागुन मदन महीपति इह्वि क्धि करहे राज ॥ पंद्रह तिथि भरबरण हूं सादर क्रिया समाज ॥१५॥ तीज तिहूं पुर प्रगटियो अपनी आन नरेश ॥ सुन मगमग डफ दंदुभी सोई करिये सवेदेश ॥१६।| चोथ चहंंदिशन चालिये यह्ठ अपनी इकरीति ॥ मेरे गुण कहे निर्लज्न व्है छांड सकुच कुलनीति ॥१७॥ पांचें परमित परहरो चलट्ठु सकल इकचाल ॥ नारी पुरुष एकत्र करो ॥ वचन प्रीतिपाल ॥१८॥ छटिछे रागछे राणिणी ताल तान बंधान ॥ चदुलचरित्र रतिनाथके सिखवो अति अभिधान ॥१९॥ सातें सुन सब सजचले राजाकी रूचि जान करत क्रिया तैसीसबे आयुष मांथे मान ॥ २०॥ आठे डर उनमानकें सबन मतो मत्यो एक ॥ नृपजु कहे सोई कीजिये क्‍यों राखिये विवेक ॥ २१॥ नवमी नवसत साजके कर सुगंध उपहार | मानो चले मिल मेरकें मनसिज भवन जुहार ॥२२॥ दसेंदसो दिश शोधकें बोले राजाराय जगजीत्यो बल आपने ज्ञान वैराग्य छुडाय ॥२३॥ सुन आई एकादशी ॥| बोले सबसिर नाय ॥ ढोल भेरि डफ बांसुरी ॥| पटह निसान बजाय ॥१४॥ देखभले भटू आपने ॥ द्वादशी द्योस विचार ॥ काज करो रुच आपने ॥ ब्है निशंक नरनार ॥१५॥ रथरावक पावक सजे ॥ ख़रन भये असवार ॥ धूर धातु घट रंणभरे || करण यंत्र हथियार ॥|१ ६॥ जहां तहां सानेचली ॥ मुक्त कच्छ शिरकेश ॥ आप आप सूझे नहीं ॥ राजारंक आवेश ॥२७॥ जहां सुनत

Fagan Sud 15 - Holi Utsav

Part3-107

Gouri

Dhota douu rayake laal khelat dolat fagho ..

ढोटा दोऊ रायके लाल खेलत डोलत फागहो ॥ लालेजो देखे सो मोहियो ओर प्रतिकछ्ििन नव अनुरागहो ॥१॥ सखा संग सबबोलकें घरघरते दे तब गारी || सुनत कुंवर कोलाहडला निकसी घोषकुमारी ॥२॥ भूषण बसन जो साजियो उरगज मोतिन हार ॥ झूमक चेतव गावही घोषराय दरबार ॥३॥ बाजे बहुत बजावहीं डफ दुंदुभी कंठताल || बलमोहन मध्य नायका चहंदिश नाचत ग्वाल ॥४॥ पिचकाई कर कनककी अरगजा कुंकुमघोर ॥ बलराम कृष्ण कों छिरकहीं हसवचली मुखमोर ॥५॥ कोलाहल सुन आइयो बलल्‍लभ कुलके राज ॥ सिंघद्वारपें बैठियो बडरे गोप समाज ॥६॥ ब्रजरानी तहां आइयो जहां बैठे नंद उपनंद ॥ सोंधे ठोडी लीपियो आंजत आंख सुछंद ॥७॥ यह बविध होरी खेलही अरणजा पंक सुगंध ॥ विधसों होरी लगाइयो पून्यो पूरनचंद ॥ ८॥ परिबा वबसन जो साजियो न्हाय धोय आनंद ॥ गोविंद बल वंदन करे जय जय गोकुलकेचंद ॥९॥

Fagan Sud 15 - Holi Utsav

Part3-108

Gouri

Horry key rangeele laal giridhar rung machaayo ..

होरी के रंगीले लाल गिरिधर रंग मचायो ॥ केसरि सुरंग गुलाल अरगजा मदन वसंत जमायो ॥१॥ तालमूदंग झांझ डफ बीना होरी राग बनायो ॥ सुनि निकसी ग्रहग्रहते सुंदरि हावभाव फलपायो ॥२॥ आवत्त भावत गारिनगावत रसभरि लाल खिलायो ॥ श्रीविट्ठ ल गिरिधर युवतिन सों होरी त्योह्ठार मनायो ॥३॥

Fagan Sud 15 - Holi Utsav

Part3-109

Dhanashri

Rangan rung hoe hoe horry khenle ladillo vrajrajko ..

रंगन रंग हो हो होरी खेंले लाडिलो ब्रजराजको ॥ सांबरे जात कमल दल लोचन नायक प्रेम समाजको ॥१॥ प्रथमहीं ऋतु बसंत बिलसे हलसे होरी डांडो रोप्यो ॥ मानो फाग प्राण जीवन धन आनंदित सब ब्रज ओप्यो ॥२॥ मृगमद मलय कपूर अगर केसर ब्रजपति बहुघोर धरे ॥ सरस सुगंध संवार संग दीये रंगन कंचन कलश भरे ॥३॥ प्रेमभरी खिलवारनके हित सुखके साज सिंगार कियें ॥ भाग्य अपार जसोदा मैया वारवार जलवार पियें ||४।। भई हे रंगीली भीरद्वारन प्रीतम दरशन कारनें ॥ अबबनठन निकसे मंदिरतें कोटि मदन कीये बारनें ॥५॥ फेंट भराय लई जननीपें आज्ञा लई ब्रजईशतें ॥ नंदराय तब रत्न पेंचरचि बांध्यो गिरिधर शीशतें ॥६॥ तापरमोर चंद्रका सोहे ग्रीवहरन लहकात हें ॥ मदनजीत को बानो मानो रूप ध्वजा फहरातहें ॥७॥ तेसेई सखा संगरंग भीने हरख परस्पर मनमोहे ॥ वरण वरण युवतिन के कमल मानों अंबर दिन मणि संग सोहे ॥८॥ आनंदभर बाजे बाजत हैं नाचत मधुमंगल रंगकिये || हरिकी हसन दशननकी क्िरिण नयननकी ढरनमनमोदि लिये ॥९॥ कोऊ द्वारे कोऊ चढ अटा कोऊ खिरकिन वदन सुहाये ॥ गोकुल चंद्रमा देखन को मानो चंद्र विमानन चढचढ आये ॥|१०॥ अबीर गुलाल उडाय चले देखत जेसें सब कोऊ हरखे ॥ छिरकत फिरत छेल नवरंगी कहा कहिये रस नवघन बरखे ॥ १ १॥ राधा दृष्टि परत नहीं मोहन निरख नयन मन घूमेंडों ॥ सनन्‍्मुख व्हेय पिय कल्प तरूवर महाभाग्य रसफल झूमेहो ||१ २॥ प्रमदा गण मणि श्यामा रसिक शिरोमणि सों खेलन आईं॥ दुद्ेंदिश शोभा उमग रंग मच्यो मानवेणु ध्वनि लाई ॥१३॥ नयनन बेनन खेलत वधू गेंदुक नवलासिन मारमची ॥ कमल नयन करले पिचकाई मृगनयन सेनन भ्रृंडनची ॥|१४॥ छिरकी छेल छबीली भांतन मनहरणी जोबन बारी ॥ सब अंग छींट बनी पिय वसनन फुलीं छबि फुलवारीं ॥|१५॥ पहोप पराग उडाय दाव रचि अछन अछन नेरे आई ॥ दौर दामिनीं घनघेरच्यो पिय बात बनीं सब मनभाई ॥१६॥ कोऊ मुख मांडत देगलबईयां कोऊ पोंछत आछी छबिसों ॥ अलकन भ्रोहन मूल रंग रह्मो शोभा कहियन जाय कविसों ॥१७॥ कोऊ रचि रूचि पान खबवावत पुलकित अधरन परस किये ॥ कोऊ भुज गह्हि डहकाय फगणुवा मागत पिय नयन चेन दिये ॥|१८॥ राधा नागरि स्याम सुंदरपर प्रीत उमग केसर ढोरी ॥ महामनोहर ताको राजा अभिषेक किये कहें हो हो होरी ॥ १ ९॥ सरस्वती सहित महामुनि मोहे यह शोभा दंपति हेरे || कहि भगवान्‌ हित रामराय प्रभु हँस चितवन वसीमन मेरे ॥२०॥

Fagan Sud 15 - Holi Utsav

Part3-109

Bihagaro

Bheri baajai bharuva naanchai aagai gathaiya daure juu ..

भेरि बाजै भरुवा नाँचै आगै गथैया दौरे जू ॥ ता पाछे सब गोप के लरिका हो हो होरी बोले जू ॥१॥ कमर हलावें बाँह मरोरे अधरन कौ रस लेबे जू ॥ नेन नचावैं बगल बजावबै मुख पै गुलचा देवेजू।।२॥ भरुवाजी को मूँड़ मुंडायो निलज निपट अंग खोले जू॥ “रामदास' प्रभु या होरी में ढोल ढोल की बोले जू ॥३॥

Fagan Sud 15 - Holi Utsav

Part3-109

Sarang

Nandasuban krajbhaavate faag sanga milli kheloju ..

नंदसुबन क्रजभावते फाग संग मिलि खेलोजू ॥ आज हमें तुमें जानवी जों जुबती दल पेलोजू ॥ १॥॥ रसिक सिरोमनि सांबरे श्रवन सुनत उठिधाए ॥ वलिसमेत सब टेरिकें घरघरते सखा बुलाये ॥२॥ बाजे बहु विधि बाजहीं ताल मृदंग उपंगा ॥ डिम डिमि दुंदुभी झालरी आबज कर मुख चंगा ॥ ३॥| उतते नवसत साजिकें निकसी सकल बव्रजनारी ॥ झुंडन आई झुमिकें कलगावत्त मीठी गारी ॥४॥ केसरि कुंकुम घोरिकें भाजन भरि भरि लाई ॥ छूटी सनमुख स्यामके करन कनिक पिचकाई ॥५९॥ उतहिं समाज गोपालसों भरेमहारस खेलें ॥ चोवा मृगमद सानिकें युवती यूथ पर मेलें ॥६॥ सोभित बालिक वृंद में हरि हलधर की जोरी ॥ उतहि चतुर चंद्रावली सबगुन निधि राधा गोरी |॥७॥ सोंहवदे ललिता कड्े कोऊपगनपि छोंडे डारे | इतनायक उतनायका कोजीते कोहारे ॥ ८॥ टिके परस्पर देखिके खेल मच्यो अति भारी ॥ इतउत्त ओटनमानही चौंकिपरे नरनारी ॥९॥ युवतियूथ दल पेलिकें छेकिसुबल महिलीनो || कंठ उपरना मेलिकें खेंचि आप वसकीनो ॥ १ ०॥ सुनो सुबल साचीकहूं तो भलें छूटन पाओ || छलबल वानिक वानिके नेंक हलधरकों पकराओ ॥१ १॥| बहोरी सिमिटि ब्रजसुंदरी संकरषण गहिघेरे ॥ फेंट गही चंद्रावली तब उलटिे सखन तनहेरे ॥१२॥ सोंधों नावें सीसते ॥ एक काजर लेकें आई ॥ मोहन हंसि मुरियों कल्यो देखो दाऊ जू आंखि अंजाई ॥१३॥ फिर प्यारी नामरि राधिका तके स्याम जहां ठाडे ॥ ओर सखिन की ओट ब्हे गहे ओचका गाढे ॥ १ ४।॥| देखसखी चहूंओरतें दौरि आय लपटानी ॥ अंगअंग बहुरंग सोंरंगे करत बात मनमानी ॥१५॥ केसरिसों पटवोरिके श्रीमुख मांड्यो रोरी ॥ तारी हाथ बजायके बोलत हो हो होरी ॥१६। मगनभई ब्रज सुंदरी नवरस भीज्योहीयो ॥ इत अग्रज उत स्यामपे दुहंदिस फगुवा लीयो ॥१७।|॥ परसि परम सुख उपज्यो भयो त्रियन मन भायो ॥ सादर चारू चकोर ज्यों मानो विधु प्रीतम पायो ॥१८॥ नागरि अति अनुराग सों मुदित बदन तनहेरें ॥ सर्ब खबारें वारनें एक अंचल हरिपर फेरें ॥१९॥ चन्नभुज प्रभु संग स्वेलहीं यह विधि घोषकुमारी ॥ सब द्रजछायो प्रेमसों सुखसागर गिरिधारी ॥२०॥

Fagan Sud 15 - Dhamar ke

Part3-110

Bilawal

Gopiho nandrai ghar mangan faguwa aaeen ....8.. daras paras piya atisaya sundari sub laptai .. kuchbhuj weach kichamchi

गोपीहो नंदराय घर मांगन फगुवा आईं ॥॥८॥ दरस परस पिय अतिसय सुंदरि सब लपटाई ॥ कुचभुज वीच किचमची अतिश्रम की झपटाई ॥९॥ मंडित करहिं कपोल एक ले काजर आई ॥ आलिंगन चुंबन रस नहीं सुरझत सुरझाई ॥ १०॥ अंचल सों पटजोरें रीक्ि सकुच सिरनाई ॥ दंपति सौभग संपति कोऊ पीवत न अघाई ॥१ १॥ यह लीला अति ललित सोतो नंदरानी भाई ॥ हरषित उदित मुदित सबहिन की करत बडाई ॥१२॥ पटदुकूल आभूषन चोली दिव्य माई ॥ जसुमति अति प्रफुलित मन सुंदरि सब पहराई ॥६ ३॥| यह मेरे आंगन ग्रह आवोरी नितमाई ॥ नेन श्रवन सुखभयो लालजूकी कीरति गाई ॥१४॥ निकसी देत असीस जियो तेरो मोहनराई ॥ यड्ट ब्रज माधोदास रहो नितनंद दुहाई ॥१५॥ प्रमुदित करहिं कुलाहेल गावत गारि सुहाई ॥ १॥ अबला एक अगमनी आगे दईहे पठाई ॥ जसुमति अति आदरसों भीतर भवन बुलाई ॥२॥ तिनमें मुख्य राधिका लागत परम सुहाई ॥ खेलो हंसो निसंक संकमानों जिनकाई ॥३॥ बहुमोली मनिमाला सबन देहूं पहराई ॥ मनिमाला ले कहाकरें मोहन देह दिखाई ॥४॥ बिनु देखेंसुंदर मुख नाहिन परतहाई ॥ मात पिता पति सुतग्रह लागतरी बिषमाई ।॥।५॥ सुनिके प्रेम बचन दामोदर दई दिखाई ॥ घरमेतें घ्रनश्याम भुजा भरि भामिनि लाई ॥६॥ नवसिख सुंदरसींबा रूपलावन्य अधिकाई | रही ब्रजबधू निहारि रंकमानो निधिपाई |॥9॥| अरगजा चंदन वंदन चहुंदिसतें लेधाई ॥ भरति भांवते लाले करन कनिक पिचकाई

Fagan Sud 15 - Dhamar ke

Part3-111

Bilawal