Barasaane kii gopi mangan faguwa aaee .. keeyo

बरसाने की गोपी मांगन फगुवा आई ॥ कीयो है जुहार नंदजूकों भीतर भवन बुलाई ॥१॥ एक नाचत एक गावत एक बजावत तारी ॥ काहे मोहन राय दुरि रहे मैया यदि वावत गारी ॥२॥ आदर देत ब्रजरानी अबनिज भागणि हमारे ॥ प्रीतम सजनकुलवधू पायेदरस तुहारे ॥३॥ सुने कुंवरि मेरी राधे अबही जिन मुख मांडो ॥ जेवत श्याम सखन संग जिन पिचकाई छांडो ॥8॥ केसरि बहोत अरगजा कित मोहन परडारो ॥ सीतलगे कोमल तन तुमही चित्त विचारो ॥५॥ अंचल ऊपर देरही दोऊ मैया त्रनतोरी ॥ बरजत भर कुंकुमा निर्भय नवल किसोरी ॥६॥ कहत रोहिनी जसोदा ओली ओडति आगें ॥ जायभरो ब्रजराजे मोहन दीजे मांगें ॥७॥ मोहन मांगे पैयें तो दिन दसहमहिं देहो ॥ गोपकुंवर के पलटें जो चाहो सो लेहो ॥८॥ सुबल सुबाहु श्रीदामा सुनतत अचानक आये ॥ कंचन माट भरे दघ्ि लें गमोपिन सिरनाये ॥९॥ ग्वाल गुपाल सखा सब हँसत करत किलकारी ॥ दूध लीयो भीतरते छिरकीं सब ब्रजनारी ॥१०॥ जो सुख सोभा बाढी कहत कहा कहि आबे ॥ ललिता कुंबरि कुंवर को अंचल गष्ठि गहि लाबे ॥ १ १॥ भये निरंतर अंतर तजि वल्लभ ब्रजबाला ॥ गिरि गिरि परत गलिनमें हारतोरि मनिमाला ॥१२॥ प्रभु मुकुंद ब्रजवासी अटक कोनकी माने ॥ कहत भैया माधोजन चलो भरो वृषभाने ॥१३॥ इतनो मांग्यो पांऊं देहु बूंदाबन वासा ॥ कुंवर कुंवरि तहां विहरत चरन कमलकी आसा ॥१४॥

Fagan Sud 15 - Dhamar ke

Part3-112

Bilawal

Parivaar pratham kunwar atee viharat gopin sangaa ..

परिवार प्रथम कुंवर अति विहरत गोपिन संगा ॥ तालमुरज बहुबाजे ओर आनक मुख चंगा ॥१॥ ढोल भेरि ढोलक छबिवेन मृदंग उपणा ॥ रुज मुरज ओर दुंदभी झालरि तरूलतरंगा ॥२॥ विविध परखावज आवज झांझबीना डफजोरी | विचविच गोमुख सुनीयत विच मुरली की घोरी॥ ३॥ ग्वाल परस्पर राजें मनिमय जेरी हाथा।| वूका कनिक पिचकाई भरि भरि छिरकत गाथा ॥७॥ चलो सखी देखन जैयें विहरत सिंघढवारा ॥ सुनिमन हरखि सकल त्रिय लागीं करन सिंगारा ॥|५॥ नील वसन तनसारी लहेंगा लालसुरंगा ॥ कंचुकी ललित कुचनपर मानो लजित अनंगा ॥६॥ सोंधे सीस सरस करिवेनी सुमन संभारी ॥ मानो कनिक खंभलगि झूमत पन्नणनारी ॥७॥ सीसफूलर चितिलक भुकुटी बिच बंदन रोप्यो ॥ मानों सरासन साजि वानमनमथ कोप्यो ।|८॥ वंदन मांगन मधि अति राजत कच सुढारे ॥ मानों शेष सीसपर ठाडो अक्षत डारें ॥९॥ नेनकुरंग श्रगनजुग चारुचक्र बिराजे ॥ मानहं शशिअबनि पर देखियत रविरथ साजे ॥१०॥ नखसिखतें जुबति बनि गई सब सिंघ ढुवारा ॥ हमारो फगुवा देह मोहन नदकुमारा ॥११॥ काह़े मोहनराय भाजो काहे ओले लेहो ॥ कुमुद बंधु जो निकसत नेंकु दिखाईदेहो ॥१२।॥ फणजुवा को मिसझूंठो हरि दरसन की आसा ॥ देखन कों जीय तरसत लोचन मरत पियासा ॥१३॥ सुनिमन हरषि जसोमति उनकों आसन दीनो ॥ कुंकुम जलसो घोरि सबन मुख मंजन कीनो ॥|१४॥ वरन वरन पटदीये गोदन भरी जु मिठाई || यह विधि नंद घरनी ब्रज की तरुनी पहराई ॥१५॥ गान करत मनहरत मुदित मनदेत असीसा ॥ तुम्हारो कुंवर जसोमति जीवो कोटि वरीसा ॥१६॥ जिन देस्ते नेंन सिरात अघातन पीवत प्यासा॥ तिनकी चरन कमल रज पावे माधो दासा ॥१७॥

Fagan Sud 15 - Dhamar ke

Part3-113

Bilawal

Naidgam kii gopi barsaanain chali aanee .. maangati

नैदगाम की गोपी बरसानैं चलि आँई ॥ माँगति फगुवा कुँवरि पै कीरति जू लेति बुलाई ॥|१॥ इक गौरी इक साँवरी देति वृषभानु जु कों गारी ॥ झील सरस सुर गावति हैँँसि हँसि दे तब गारी ॥१५॥ नाँचति करति कुलाहल तन की दिसा बिसारी ॥ भीजि रही उर अंतर विकल भई अति भारी ॥ ३॥ लीए गुलाल अरगजा करन कनक पिचकारी ॥ तन तनसुख पहिरे अति रैंगरँग रंजित सारी ॥४॥ स्यामा जु निकसो बाहिर हम तुम खेलैं होरी ॥ कमलन मार मचाई गई वृषभानु की पौरी ॥५॥ सुनि मनमोहन धाए जहैँ जुबती समुदाई ॥ देखि नंद के लाले स्यामा जू बुधि उपाई ॥६॥ हाटक घट केसरि भरि लै मोहन सिर नावैं ॥ भए निरंतर अंतर रीझि रीझि सुख पावें ॥ ७|। सरबसु बारे बारनैं तन मन धन बिसरावैं ॥ चञोबा आदि साख मोरा मृगमद बरसावै ।|८॥ चंदन बंदन बूकाल श्रीमुख लपटाबे ॥| मोहन बदन निहारी कैं अपुनें दृगन सिरावैं ॥९॥ इक सखी उठि दौरी कीरति जु गही लींनें ॥ हम तुम खेलै फागु आजु अपुनें कर लीनें ॥१०॥ एकु सखी लै धाँई कें कुंमकुम घट भरि लींने ॥ कीरति जु पै डारति रँग रँग में अति भीने ॥११॥ फणुबा दीयै हिं बने सुनहु कीरति माई ॥ पट दुकूल आभूषन देति सबन मन भाई ॥१२॥ यह बरसानें को सुख कहति कहा बनि आबै ॥ निरखि निरखि सुर जन सबै लै पुहुपन बरखावैं ॥१ ३॥ ब्रज जुबति प्रफुलित मन निकसि देति असीसा ॥ कीरति जु तुमारी सुता जीवहु कोटी बरीसा ॥१४॥ इह्ि बिधि होरी खेलि ही ब्रज बासीन सुख पायौ ॥ फागु बडो त्यौहार हैं सबह्िन मिलि के मनायों ॥ १ ५॥ जुगल किसोर भाव तैं बनी हैं अनुपम जोरी ॥ “गोबिंद” अपुनों तन मन धन बलि बलि कींनों री ॥१६॥

Fagan Sud 15 - Dhamar ke

Part3-113

Bilawal

Faguwa mogan aanee ghosh sabai vrajnari ..| chandravali

फगुवा मॉगन आँई घोष सबै ब्रजनारी ॥| चंद्रावलि ब्रज मंडल मधि राधिका प्यारी ॥१॥ देहु राई जु फगुवा कुँवरि सब माँगन आई ॥ जसुमति गहने देहु हमें वृषभानु पठाई ॥२॥ मिरिधर तुझहारी जु मैया आजु वृषभानु बुलाई ॥ आनँदराई बिछौना कीने सब मिलि गारी गाई ॥३॥ यह सुनि आन॑ँद राई हँसे औरु हँसि हँसि फूले ॥ फगुवा देन कों आछे आछे सँचोना खोले ॥४।। बहु मोलिक अभूषन सारी बहुत मँगाई ॥ जसुमति अति प्रमुदित मन ब्रज-तरुनी पहिराई ।॥|५॥ चिर जीबौं ब्रजराज कुँवर बलि जु गिरिधारी ॥ रानी जसुमति चिर व्है रहो, नित अबिचल भारी ॥६॥ ऐसैई फगुवा दै दै हिं सबन ऐसें पहिराबों || चंद्रावलि राधा जु कौं ऐसैई लाड़ लड़ावों ॥७॥ रतन जटित सिंघासन अपुनो कुँवर बेठायो ॥ 'श्रीविद्टल भिरिधर' कों हँसि हैँसि फागु खेलायो ॥८॥

Fagan Sud 15 - Dhamar ke

Part3-114

Bilawal

Pariva praan samaan radha juu jory bunny ree ..

परिवा प्रान समान राधा जू जोरी बनी री ॥ दूज दमन अति लाल अधर प्रवाल सनी री ॥१॥ तीज तुलनी है गुपाल परम सिंगार धरे री ॥ चौथ चमर जू धाई और फूल गुल भरे री ॥२॥ पाँचे पंचक बैन नैन कौं रंग रचे री ॥ छठे छले बनमाल राधा सेज सचे री ॥३॥ सातैं सुंदर श्याम नटबर भेख धरें री ॥ आठौं अंग लगाबो बाकी सामल देह री ॥8॥ नौमी नवल किसोर न आयो चंद धरै री ॥ दसमी दसो अवतार घर-घर बाजि रहे री ॥५॥ एकादसी मोतिन हार लटकन लटकि रहे री ॥ द्वादसी तिलक लिलाट हीरा लाल बने री ॥६॥ तेरस तरुनी गुवाल अंगो अंग चीर दए री ॥ चौदस लीऐ लीर सब नंद भवन गए री ॥७॥ पून्यों होरी लाल खेले तन-मन स्याम लए री ॥ नंद जू दे बहु दान जसुदा चीर दए री ॥८॥ मन में अति आनंद सबन तन साज सजे री ॥ जन 'परमानंददास” हरि के चरन भजे री ॥९॥

Fagan Sud 15 - Dhamar ke

Part3-115

Bilawal

Gwalini fagunwa maangani aaeen .. aaju chalau

ग्वालिनी फग॒ुवा माँगनि आईं ॥ आजु चलौ नैंद जू की पौरी अद्भुत खेलि मचाई ॥|१॥ सुरंग गुलाल अबीर उड़ाबति, करन कनक पिचकाई ॥ झाँझ झालरी रबाब किन्नरी बाजे बहुत मँगाई ॥२॥ भरे अरगजा केसू, केसर सौंधो बहुत सुहाई ॥ ताल, मृदंग, उपंग, चँँग, रंग, भेरि दमाम बजाई ॥३॥ या विधि तैं नंद जू के द्वारै बहू विधि खेल मचाई ॥ देखि जसोमति मन अति प्रफुलित अंग-अंग सुख पाई ॥४॥ सब मिलि आई धाई महरि पै मोहन देंओ बताई ॥ सुनि बलबीर आई ठाढ़े भए चंद्रावलि पकराई ॥५॥ तब नँद लाल धाई जुवतीन पै चहूँ दिसि तैं जुरि आई ॥ मोहन पकरि स्यामा बस कींनौं होरी बोलि सुनाई ॥६॥ यह संकरषन देखि हँसे मन, मोहन पकरयों जाई || एकनु घेरि लेति मुख चुंबन, एकनु, काजर ल्याई ।|७॥ या बिधि होरी खेलति हैं जु भेट परसपर माई ॥ नंद-नैंदन वृषभानु किसोरी गोपी मन हुलसाई ॥८॥ अब हीं फगुवा देहु लाल जू तौई छूटन पाई || तब हीं मान लियौ नँद लाला कियौ सबन मन भाई ॥९॥ एकु हि नैन आजि बृजनाथ हि एकनु पान खवाई ॥ एकु हि बाम भाग होई ठाड़ी मुरली लेत छिड़ाई ॥१०॥ एकु हि केसर घोर सुरंगी सौंधों सिस नाई ॥ एकुई अंगिया झटकति पटकति तारी दै दै नँचाई ॥१ १॥ तब हि नारी को भेख बनायौ सैंदुर मांगि सुहाई ॥ सारी सुरँंग रँगी बहु रँग तें पुहुप माल पहिनाई ॥१२॥ श्री राधा नैँद लाल भई नव सखि एक लईं बुलाई || उन बलबीर कौ भेख कियों है श्री स्यामा मुरली बजाई ॥१३॥ यह मुख लखि सुर नर मुनि मोहे, कोटि अनंग लजाई ॥ जोरी अद्भुत लीला-सागर, 'सूरदास” बलि जाई ॥१४७॥

Fagan Sud 15 - Dhamar ke

Part3-115

Bilawal

Nandrai lalaa vrajaraay lalaa tum radha russ

नंदराय लला ब्रजराय लला तुम राधा रस बस किनेहो ॥ नंदराय लला ब्रजराय लला गुन प्रेम रूप रस भीनेहो ॥१॥ यह सुरति समागम नीकी ॥ हों कहत तिहारे जीकी ॥२॥ यह कोक कला सबजाने ॥ ताते तुमरे मनमाने ॥३॥ यह प्रति छिन नौतनलागे ॥ भयो मदन विकल फिरिजागे |४॥ यह गौर वरन तन सोहे ॥ मुरलीधरको मनमोहे ॥५॥ नखसिख परमसुदेसा ॥ यह मदन मनोहर वेसा ॥६॥ यह भागि सुहागकी पूरी ॥ घनस्याम सुजीवनमूरी ॥७॥ यह खेलत पियसंग होरी ॥ बरसंग लिये सतगोरी ॥८॥ मिलि बंसीवट तर आई॥ सबसोंज फागकीलाई ॥९॥ तब पुलिन तिरोंछी धाई ॥ करलियें कनिक पिचकाई ।। १ ०|। गिरिधरन कल्प तरुतीरा || संगगोप कुंवर बलवीरा ॥११॥ डफताल वांसुरी बाजे ॥ कोऊ खेलत हँसत न लाजे ॥ १ २स॥ नवसतसजि आंई गोरी ॥ पति मातपिता की चोरी ॥|१ ३॥ कलगावत मीठी गारी ॥ रस खेल मच्यो अतिभारी ॥ १ ८॥ तहां ऊडत गुलाल अबीरा ॥ चोवा चंदन अरगजा नीरा ॥१५॥ तहां भरत भराबत नारी ॥ रंगरंजित भीनी सारी ॥१६॥ एक हो होरी बोलें ॥ लटकत पियकेसंगडोलें ॥१७॥ एकनाचत गाबतधावें ॥ पकरन पियकों नहीं पावें ॥१८॥ चंद्रावलि पीय संग दौरी ॥ राधा पकरे भरि कोरी ॥१५॥ श्रम छूटि गई उरणाती ॥ सुंदरमोहन रंग राती ॥२०॥ तब सुगह गहे गोपाला ॥ छीनी मुरली ओर माला ॥२१॥ नैना आंजि मांडि मुखरोरी ॥ हँसि तारी देतकिसोरी ॥२२॥ एक कुचक पोल कर परसे ॥ सब सुख पिय प्यारी विलसे ॥२३॥ एक अंचल सों पटजोरे ॥ ललितादि सखी त्रनतोरें ॥२४॥ मनको मान्यों हम करिहें ॥ नही लोक वेदतें डरहें ॥२५॥ तुम इन नेनन के तारे ॥ धनजीवन प्रान हमारे ॥२६॥ सब सखा छुड़ावन आए || मिलि सुबल श्रीदामा धाये ॥२७॥ फगुवाले मोहन मेले ॥ मिलि फाग भली विधि खेले ॥२८॥ वृखभान कुमारी जीती ।| यह्ट प्रगट प्रेम रस रीती ॥२९॥ विथुरी मनि मोतिन माला ॥ फिरि मुदित मर्दन गोपाला ॥|३०॥ कंचुकी कसि टूटी लर छूटी ॥ मानो मदन सुरति पथलूटी ॥३१॥ अंगअंग अनंगन मोहे ॥ ललिता प्रियके संग सोहे ॥ ३ २॥ ब्रजगोपिनको धनजीयो ॥ राधाबस मोहन कीयो ॥३३॥ यह लीला त्रिभुवन भावे ॥ जनमाधथो जुगजुण गावे ॥३४॥

Fagan Sud 15 - Dhamar ke

Part3-116

Bilawal

Faag khelan vrajasundari nandrai ghar aanee ..

फाग खेलन ब्रजसुंदरी नंदराय घर आंई ॥ जसुमति अति आदर देत रोहिनी लेत बुलाई ॥१॥ गावत गीत सुहावने हँसिहँसि देतवगारी ।| दुरियेन छोरी खेलिये नंदकुंवर गिरिधारी ॥२॥ सुनि मृद॒बचन त्रियनके निकसेहें मोहन लाला ॥ मनई कनिक कमल ढिंग आवत मधुप रसाला ॥|३॥ ताले मृंदंग उपंग चंग वीना डफ राजे ॥ दुंदुंभी डिमंडिम झालरी बिचबिच मुरली बाजे ॥४॥ कनिक कलस केसरि भरे संग लियें सतगोरी ॥ चोवा मृगमद गोरा चंदन वंदन रोरी॥ अरगजा भरिभरि पिचकाई फेंटन सुरंग गुलाला | छिरकत भरत परस्पर हो हो बोलत ग्वाला ॥६॥ मोहन गोपिन छिरकत केसू केसरि नीरा ॥ इतत्तें तकि तकि दृगन भरत मुठी अबीरा ॥७॥ घिरि आई ब्रजनारी नंदलाल गहिलीने ॥ एक अधर रस पीवी एक आलिंगन दीने ॥।८॥ प्यारी काजर देतहे ललिता गहे कर दोऊ ॥ चंद्रावलि मुख मांडत हँसत सखी सब कोऊ ॥९॥ हरद कपोल लगावत उढवत पीत पिछोरी ॥ हँसत देदे करतारी बोलत हो हो होरी ॥|१०॥ यह विधि पिय संग खेलहीं आनंद उर न समाई || देखत देव थकित भये पोहोपन वृष्टि कराई |॥११॥ नहान चले जमुना सब सोभा अति बनि आईं ॥ राधा गिरिधर देखिकें सूरदास बलिजाई ॥१२॥

Fagan Sud 15 - Dhamar ke

Part3-117

Bilawal

Hoe hoe bolat dolat mohan khelat horry ..

हो हो बोलत डोलत मोहन खेलत होरी ॥ सुरधुनि सुनि ब्रजसुंदरि ग्रहग्रहतें सब दोरी ॥॥१॥| नागरि गुन आगर रस सागर बेस किसोरी ॥ तिनमें सरस सुहाणिनि राजत राधा गोरी ॥२॥ उतबलिमोहन गोहन गोपकुंवर लखकोरी ॥ सबही तनतन रूपवेष भूषन सतनोरी ॥३॥ ताल मृदंग उपंग चंग सबही डफ होरी ॥ डिमडिम दुंदुभी मदनभेरि नांहिन धुनि थोरी ॥४।॥ चंदन वंदन बूका भरिभारि लीने झोरी ॥ भरत भरावत गावत मुख लपटावत रोरी ॥५॥ मृगमद मलयकपूर कुंडीसत केसर घोरी || अरगजा सोधे सींचि सुगंध करी त्रजखोरी ॥६॥ लाज गई सबभाजि सोगणा वे मारिन भोरी ॥ इत राधा ललितादिक उतवलि मोहन जोरी ॥७॥ भामा चंद्रभगा भाभा चंद्रभगा बलिजु पकरे भरी कोरी ॥ पकरि पेंज सों आयकरी झकझोरा झकझोरी ॥८॥ कुच कपोल कर परसत रज आरज की चोरी | गह्ढे गिरिधर श्रीराधाजु भुजबल बांह मरोरी ॥॥ छीनी मुरलि माला ओर कटि पीत पिछोरी ॥ मोपिन गोपहराय गह्ेबलि मोहन तोरी ॥१०॥ वंस लिये गोपी हाथ भरे रंग भाजन फोरी ॥ मारपरीमुरी आय टिके ब्रजराज की पौरी ॥ १ ९॥ बलिको बल जो विगोवे कोऊ वरज्यो न रहयोरी ॥ स्वांग सबेजु बनावें न पावें जान गहोंरी ॥१२॥ नेन आंजि मुख मांडि स्याम सिर गूंथी मोरी ॥ हो हो हो हो ब्हे रही उढवत पीत पिछोरी ॥१३॥ मोडन को पहरावत अपने भूषण छोरी ॥ वागो आप बनाय पाण बांधी तजि डोरी ॥ १ 8॥ भूलि रह्मो सब गोकुल लोचन लगी हे ठगोरी ॥ पलटे तन तन सुख अंग सब दीसत नोरी ॥१५॥ रह्यो रस खेलत फाग जुगल वर केलि करोरी ॥ संतत माधो को मन मदनगुपाल हरोरी ॥१४६॥

Fagan Sud 15 - Dhamar ke

Part3-118

Bilawal

Vadati naahinen gwalini jobanke gaaren .. yaa

वदति नाहिनें ग्वालिनी जोबनके गारें ॥ या ब्रजमें अंडीफिरे मनमथ उपचारें || १॥ पहरें रातोपोमचा लहंगा हरी किनारें ॥ अतिरसते निकरीफिरे अचराढिंग डारे ॥श॥ नकवेसरि गजरावने चोकी खगवारे ॥ अंगिया खमकिखयेंवनी कुचस्‌ भरवारें ॥ ३॥ फफुदी डोरी केझवा सोहें फोंद फुंदारें ॥ सोने की वांकी वेंदुली सोड़े ललित लिलारें ॥४॥ दीरघ लोचन छबिछटा कजरा अनियारे ॥ जगन्नाथ कविरायके प्रभु मोही कान्हर

Fagan Sud 15 - Dhamar ke

Part3-118

Bilawal

Agamasuni riturajko phooli sub vrajanariju ..

आगमसुनि ऋतुराजको फूली सब ब्रजनारीजू ॥ वबरनवरन सिंगारि कियें चंदन चरचित सारी. ॥ १॥ नवनवलासी फूलकीफूल लिये भरि झोरी ॥ अरगजा चंदन वंदन अरु घसि लीनी रोरी ॥२॥ मंगल साज सबे सजे तब निकट कुंवरि के आई ॥ प्रथमहि चोस वसंतहे मन हरखित देत बधाई ॥३॥ गांवें मारि सुहावनी अति प्रमुदित नवल किसोरी ॥ संग ब्रज कुसल समाज सो फिरि आई फागुन छोरी ॥9॥| ताल मृदंग बजावहीं रूंज मुरज सहनाई ॥ डफ दुंदुभी अर झालरी जनु बाजत मदन दुह्ाई ॥५॥ सुनि सुघोख कोलाहला जिय सबहिन को सरसानों ॥ गिरधरके अनुराग सों भीजि रह्यो बरसानों ॥६॥ यह विधि साज समाजले मिलि चली रायजू की पौरी ॥ श्रीराधाजू के लेनकों उठि नंदरानी दौरी ॥७॥ प्रथमही केसरि नीरले अंग चीर सबनके वबोरे ॥ केसरि अरगजा घोरि कें सिर भरिभरि जडूवा ढोरे ॥८।॥ सोंधो सुरंग गुलालले बह साखि जवाद मिलायो ॥ आनि अचानक लाडिली हंसि महारे वदन लपटायो ॥॥ छिरक्‍यो सब मिलि धायकें छलबल सों उठि दौरी ॥ जानि कुंवरि वृषभानकी तब महरिलई भरि कौरी ॥१०॥ चुंबत चांपति प्रेमसों पुनिपुनि कंठ लगावे ॥ जो कछु आनंदजीयको मुख कहत कझ्यो नहीं आवे ॥११॥ मनिमय नाना भांति के भूषन वसन मंगाये || तब हम इनकों लेंडगी कहो गिरिचर कहां दुराये ॥ १ २॥ कछु एक ओचकचाहिकें तब महरि बदन मुसिक्यानी ॥ नागरि सब गुन आगरी बात हिये की जानी ॥१३॥ तब युवततीजन धाई के चढ़ी जाय चित्रसारी ॥ सकुचत बदन द्रावहीं हँसिगहे जाय गिरिधारी ॥ १ 8॥ घेरिलिये चहंओरतें अब छूटो कहां पलाये ॥ क्‍यों युवतिन के क्सपरे तुम कहीयत अधिक बलाये ।।१५॥ काहद्दू बातें भेदकी कहि कानेन में उठि दौरी ॥ काहू अचानक आनिके लाल लिये भरि कौरी ॥१६॥ काइ्डू नाना भांतिसों रंगचित्र कपोलनकीयो ॥ काहूमरूबट मांडिकें मथिबेंदा रोरी दीयो ।| १ ७॥ काहू नीकी भांतिसों अंजननैन बनाये ॥ सहज ही चपल कुरंगसें ढरिकाननलों आये ॥१ ८॥ काहू गहिवेनीगुद्दी रचि मोतिन मांग सुढारी || तनसुख की सोंघेसनी सुठि सारी सरस संभारी ॥ १९॥ चंपकलता चली धायकें तब चिबुक दिठोना दीनों ॥ मोहि रही सब मोडनी व्रजरूप मोहनी कीनों ॥२०।॥| नाना वरन अबीरले मनमोहन बदन लगायो ॥ पूरनचंद मानोघनमें नवइंद्र धनकसो छायो ॥२१॥ केसरि ढोरी सीसतें बहिचले खार पनारे ॥ अरगजा ओर गुलालसों भरे घरनके द्वारे ॥२२॥ सनमुख मुखहि नीहारते सुखनिरखत कोऊन अघानी ॥ गारी देत सुहावनी अतिरस सों लपटानी ॥२३॥ आगें व्हे मोहन * लिये हँसत हँसत सब आई ॥ घूंघट सो मुख ढांकिकें पणन महरिके लगाई ॥२४॥ यह कन्या काद्दू रायकी सो आप समर्पन कीनी ॥ रूप बेसगुन स्याम के यह बिधाता दीनी ॥२५॥ हरखत मन आनंदसों तुम बांटो आज बधाई ॥ विधिते रूप उजागरी हम कोन वधूले आंई ॥२६॥ विंहसि वधू को नामले तब महरि गोद बेठारी ॥ प्रमुदित अति आनंदसों विधितन गोद पसारी ॥२७॥ घूंघट ओट उतारिकें तब युवती मुरि मुसिक्यानी ॥ हँसी परस्पर नागरी तब देखत महरि लजानी ॥२८॥ हो हो होरी बोलही नाचें देकरतारी ॥ प्रमुदित करहिं कुलाहल गावें मीठी गारी ॥२५९॥ यह ब्रज होरी खेलको सब सुखते सुख न्यारो ॥ यह समाज नित माधुरीके टरत न हियते ढारबो ॥३०॥

Fagan Sud 15 - Dhamar ke

Part3-119

Bilawal

Kajarwari gori jwaari .. yaa sanwaliya

काजरवारी गोरी ज्वारि ॥ या सांवलिया की लगवारि ॥ निसदिन रहेत प्रेमरंगभीनी ।। हरि रसिया सों यारी कीनी ॥ १॥ मदनगुपाल जानि रिझवार ॥ नानाविधिके करत सिंगार ॥ मिलनकाज रहे अंग अंगोछें || सरस सुंगधन तेल तिलीछें ॥ २॥ अंजन नाहि भटवेंदीये ॥ स्यामरंग ननन में पीये ॥ गावतद्दू जसुमति ग्रह आबे ॥ कृष्ण चरित्र बह गाय सुनावे ॥ ३॥ सुंदरस्याम सुनेंढडिगआय || चितवत ही चित हरि लेजाय ॥ कोऊ कहे काड्ू की न माने ॥ अपने मनकी गायवखाने ॥४॥ रामरायप्रभु योंसमुझावे || कहि भगवान्‌ कोऊनीके गावे || ५॥ लखिइनस्याम कहेनिरधार ॥ यह लगणवारिन यह लगवार ॥६॥

Fagan Sud 15 - Dhamar ke

Part3-119

Bilawal