Myrie neenken laagai dulahe dulhani slelati fagu ..

माइरी नींकें लागै दुलहे दुलहनि स्लेलति फागु ॥ जाकों नाम राधिका गोरी ताकों नित सुहाग ॥१॥ बाजें ताल मृदंग झांझ ढ़फ गाबैं राणिनि राग ॥ अद्भुत तान जम्यों सुर टोडी उरप तिरप गति लाग ॥२॥ अगर जवाद कुँमकुमा चोवा छिरके चंद्रावलि ललिता || बहुत सुगंध कहाँलों बरनौं उमैंगि चली रस सलिता ॥३॥ मुक्ता हार उरज कुच अंतर घन दामिनी की छबि छलिता ॥ रस भरि “गोविंद' प्रभु सँग खेलति मदन नृपति की सेना दलिता ॥४॥

Dhamar Shehra

Part3-130

Todi

Madan-mohan kunwar vrishabhaanu-naindini subhag nava

मदन-मोहन कुँवर वृषभानु-नैंदिनी सुभग नव कुंज में खेलति होरी ॥ गोप कुमार सैंग एकु दाई बने उत सकल ब्रज- बधू एकु जोरी ॥ १॥ बाजति बीना, मृदंग झांझ, ढफ, किन्नरी, चैत, झूमकि गान करति गोरी ॥ उड़ति बंदन नव अबीर बहु अरगजा अरु बिनिधि रैंगन गुलाल झोरी ॥श॥ तब ही सब सखी जन मतौ करि धाँई गिरिधर गही नील, पीत पट सौं गाँठि जोरी ॥ एकु सखी स्याम के सीस बैंनी गुही, एकु दृण आँजि मुख माँड़ि रोरी ॥ ३॥ तब हि ललिता दौरी झटकि कैं मुरली गहि सब हिं नँद-लाल सौं करि ठठोरी ॥ एकु नव कुँमकुमा कनक गागरि भरि ऑनि कै दोऊन के सीस ढ़ोरी ॥४॥ तब सबन अपुनो फगुवा माँगि लीनौं, दई मुरली अरू गाँठि छोरी ॥ “दास गुपाल' बलि जाई यह छबि निरखि रहो हरि चरन मन दृढ़ मोरी ॥५॥

Dhamar Shehra

Part3-130

Bibhas

Nandkishore kishori kii jory hoe hoe hoe kahi

नंदकिशोर किशोरी की जोरी हो हो हो कहि खेलत होरी ॥ ग्वाल बजावत डफ मृदंग मोहन मुरली ध्वनि थोरी ॥१॥ इत ब्रजनारी गारीदेत परस्पर रंगबढ्यो दुहुँओरी || गिरिधरदौर आय बदन लगावत चंदन बंदन रोरी ॥२॥ वचन बांध के छलकर लाई गांठ स्याम सों जोरी ॥ तेल चढावत गीत व्याहके सबे सयानी भोरी ॥३॥ मोरमुकुट को मोर बनायो दई है चंद्रिका की मोरी ॥ दूल्हे पर्वतसेन को प्रभु दुलहनि राधा गोरी ॥४॥

Dhamar Shehra

Part3-131

Sarang

Merrie aalee bhanusuta key teer abir udaavahin ..

मेरी आली भानुसुता के तीर अबीर उडावहीं ॥ मिलि गोपी मोपकुमार मधुर स्वर गावहीं ॥१॥ बाजत मधुर मृदंग वेनु सुहावनी ॥ आबवज सरस उपंग चंण मनभावनी ॥२॥ नाचत गोपीग्वाल ताल बजावहीं ॥ मधुर भाभती गारी सबे मिलि गावहीं ॥३॥ भाल सुभग मध्य विशाल मुलाल विराजहीं ॥ चिंबुक चारु अबीर अधिक छबि छाजहीं ॥४॥ कृष्णागरकोपंक बदन लपटावडीं ॥ सुरंग गुलाल उडाय गगन सब छावहीं ॥५॥ केसर भर पिचकारी परस्पर मारहीं ॥ केसू कुसुम निचोय सीसपर ढारहीं ॥६॥ पियके सीस सेहरो सब मिलि बांधही ॥| चपल नयन की चोट मेंनसर सांधही ॥७॥ प्यारीकों ऊबट नहवाय वसन पहरावहीं ॥ मधुर व्याह के गीत सबे मिलि गावहीं ॥८॥ करत ब्याह को खेल सकल मिल भामिनी ॥ विविध सुगंध उडाय कियो दिन यामिनी ।।९॥ दूल्हे दुलहनि जोट बनी मन भामनी || राजत मंडल मांझ परम सुहावनी || १ ०॥| यह विधि नित ब्रज मांझ परम सुख वरखही ॥ ब्रजयुवतिन मुखनिरख अधिक मन हरखटही ॥११॥

Dhamar Shehra

Part3-131

Dhnashri

Nandmahar koo kunwar kanhaiya horry khelan jaane

नंदमहर को कुंवर कन्हैया होरी खेलन जाने हो ॥ रसमें विरसकरे अरबीलो लघुदीरघन पहेंचाने हो ॥९१॥ अंगुरी गहत गहेकर पोंडोंचो भुज मूलन लग आबे ॥ देख विराने श्रीफलऊपर लालची मन ललचावबे ॥२॥ आंज्यो चाहे ओर के नयना अपने नयन दुरावे ॥ पकरदयो चाहे सुधा निधि हाथन अधर सुधा क्‍यों पावे ॥|३॥ तेतफुलेल उलेंडे सिरतें ग्रंथदुकूलनजोरी ॥ बहुत गुलाल डार आंखन में हस लंगर झकझोरी ॥४॥ कमल पत्रकार चेकपोलन मरूबवट मुखहि बनावे ॥ दुलहनी सीकर पठबत उततें दूल्हे आप कहावे ॥५॥ जो हम रूठ जांय घर बैठें तो सखी हम हि मनावे ॥ सकत सनेह करे युवतिनसों सेनन अरथ जनावे ॥६॥ राजा मित्र सुन्यों नहीं देख्यों भयो ऊपखानों सांचो ॥ मुरारीदास प्रभु सोंजिन बोलो कोटिक नांचकिन नांचो ॥७॥

Dhamar Shehra

Part3-131

Sarang

Maadho chanchar khelahi kheltari yamuna key teer

माधो चांचर खेलही खेलतरी यमुना के तीर ॥ध्रुण.। बीचबीच गोपी बनी विचविचरी वे बने हें मुरारि ॥ मरकत मणि कंचनमणी मालारी जानों गुही संवारि ॥१॥ कुंकुम वरनी गोपिका केसोरी घनस्याम शरीर ॥ नीलपीतपट मंडिता नाचतरी वे प्रेमगंभीर ॥|२॥ करतल ताल बजावहीं गावेंरी वे गीत रसाल ॥ मदनमोहन मन हरच्यो लीला सागर गिरिधरलाल ॥३॥ किंकिणी नूपुर बाजही शब्दवरी कोलाहल केलि ॥ क्वणित वेणु मधिनायका लटकत लाल भुजागलमेैलि ॥४॥ एकजु पान खबावही एकजु मांगे देह उगार ॥ एकजु मुख चुंबन करे एकजो वीने टूटेहार ॥५॥ चंदभूल कौतुक रह्यो हरणारीबे मोहेनाद || थाक्यो रथ केसें चले ब्रजयुवतिनरी वह लाये वाद ॥|६॥ चढ़ विमान सब देवता बरखनरीबे लागे फूल ॥ जय जय जय यदुनंदना रास रच्यो रतिनायक भूल ॥७॥ जो प्रसाद उनकों भयो हरि पररंभण बाह पसारि ॥ परमानंद प्रभु श्रीपती पुण्यपुज कृत गोकुल नारि ॥८॥

Dhamar Mukut

Part3-132

Sarang

Dulhe shree vrajraj dularo dulhani bhaanu kisori ..

दुल्हे श्री ब्रजराज दुलारो दुलहनि भानु किसोरी ॥ सीस सेहरो सोभित नीकों भली बनी यह जोरी ॥९१॥ राजति रंग भरे दोऊ रस रस में आई जुरी ब्रज नारी ॥ गावति मंगल गीत बधाए हँसि हँसि देति परस्पर तारी ॥२॥ बूका बंदन चोवा चंदन गुलाल अबीर उड़ावे ॥ मृगमद केसर ले लै छिरकति सबहीन के मन भावे ॥ ३॥| आरति वार करति न्योछावर ब्रजनारी सुख पायो || जुगल रूप मन माँही बसो 'रघुनाथदास' मन भायी ॥४॥|

Dhamar Shehra

Part3-132

Sarang

Aho srigopal gwalini koo jhoomka hoe .. sughar

अहो श्रीगुपाल ग्वालिनी को झूमका हो ॥ सुघर सुर जावे चतुर ब्रज नार॥ अहो पिय चान्नक ज्यों किलकार ॥ फाग रस झूमका हो ॥ सीस मुकुट काछनी काछे पट औढे कनक अनुडारी ॥ करनकार के किरन वैजंती मुरली मधुर उचारी ॥ उघटत राग रागिनी अद्भुत नट ज्यों दै कर तारी ॥ त्रिबिध पवन जमुना तट उपवन ठाड़े लाल बिहारी ॥१॥ तरुनी अरुनी अनार मानौं दसन देह दुति गोरी ॥ केस सुदेस कुटिल अलकाबली भौंह धनुष ज्यों भोरी ॥ कमल गहे कमला लाजति रति रंभा रति की थोरी ॥ झुनकति कटि किंकिनि कटि तर नव दामिनी सी छिंग होरी ॥२॥ पढिरे सारी सब सुकुमारी केसर बरन सुरँग ॥ लहेंगा लाल नील अँगीया लसे सिंद्र पुरित मँग ॥ केहरी लंक मयंक मुखी सुठ कठिन उरोज उतंग ॥ चाल चले कल हंस विमोहे मद तजि मत्त मतंग ॥३॥ नैना चपल मीन खंजन के चित चौगुने चोभे || भाल दीये बंदन की बिंदुरी बीरी वदन मधि सोभे || चिबुक की चमक छबक ग्रीवा की मंद हँसन मन लोभे ॥ बैनी सिथिल डोलति नितंब पै मानों पन्नग छबि सोभे ॥9॥ नासा नथ जड़ाव मोती झलके पोत सुकंठ बधाई ॥| माला चंपकली त्रिवली चौकी चंदहार सुखदाई ॥ कर कंकन बाजुबंद पहौंची पण जेहरि सुहाई ।। रूप अनुप निहारी विवस भयै नंद किसोर कन्हाई ॥५॥ कुँमकुम जल पिचकारी भरि भरि अबीर गुलाल उड़ावै ॥ सोंधो घोरि अरगजा पीतम परसि गात लपटावै ॥ गुंजति अलि प्रफुलित बेलि द्रुम कुंज भुवन सचु पावै ॥ श्री विन्‍्ठल गिरिधरन कृपानिधि नित ही नाँच नंँचावें ॥६॥

Dhamar Mukut

Part3-133

Sarang

Bahori duff baajan laage hailey ..dhu0.. khelat mohan saanvaro hoe kihimmis dekhan jaay .. saas nanad varrin bhaee abkije cone

बहोरि डफ बाजन लागे हेली ॥ध्ु०॥ खेलत मोहन साँवरो हो किहिंमिस देखन जाय ॥ सास ननद वैरिन भई अबकीजे कोन उपाय ॥१॥ ओजत गागर ढारीये यमुना जलके काज ॥ यह मिस बाहिर निकसकें हम जाय मिलें तजि लाज ॥२॥ आओ बछरा मेलियें वनकों देहिं विडार ॥ वेदेहें हम ही पठे हम रहेंगी घरींद्वेचार ॥|३॥| हा हारी हो जातहों मोपें नाहिन परत रह्यो ॥ तूतो सोचतहीं रही तें मान्यों न मेरो कह्यो ॥४॥ राग रंग गहमड मच्यो नंदराय दरबार || गाय खेल हँस लीजिये फागग बडो त्योहार ॥५॥ तिनमें मोहन अतिबने नाचत सबे ज्वाल || बाजे बहुविध बाजही रुज मुरज डफ ताल ॥६॥ मुरली मुकुट बिराजही कटिपट बांधे पीत ॥ नृत्यत आबत ताजके प्रभु गावत होरी गीत ॥७॥

Dhamar Mukut

Part3-133

Nat

Kanhar mohe ghar zaan dailo .. hoe laal teree anga

कान्हर मोहे घर जान दैलो ॥ हो लाल तेरी अंग की लेहु बलाई ॥श्रु.। बहुत दिनन कौ गोकुल बसिबौ कब हु न दीनौ दान ॥ कहा जू भयो जो नंद भये नाहिन घाटि बृखभान ॥१॥ मातपिता की खरी री दुलारी श्री राधा मेरो नाम ॥ छांड दे कान्हर जान दे मो घर सुनि पायेगो वृषभान ॥२॥ पान खाय पिचकारी मारत मंद-मंद मुसिकाह ॥ “दास” बिराजत के प्रभु प्यारे इह ब्रज बसिबो न जाई ॥३॥

Dhamar Mukut

Part3-133

Kafi

Chhail chhabila mohana, (ree) ghoonghar baare cases ..

छैल छबीला मोहना, (री) घूंघर बारे केस ॥ मोर-मुकुट, कुंडल लसे, (री) कीन्‍्हें नटवर-भेष ॥ राखे भौंह मरोरिकै, (री) सुँदर नैन बिसाल ॥ निरख्वि हँसनि मुसुकानिकी, (री) अतिष्टि भई बेहाल ॥ कीर-लजावन नासिका, (री) अधर बिंबतें लाल ॥ दसन चमक दामिनि हूँ तैं, (री) श्याम हृदय बन-माल ॥ चिबुक चित्तको हरन है, (री) राजत ललित कपोल ॥ मारण गहि ठाढ़ौ रहै, (री) बोलत मीठे बोल ॥ चंदन खौरि बिराजई, (री) स्यामल भुजा सुचारू ॥ ग्वाल-सखा सब संग लिये, (री) करत गुलालनि मारु ॥ इक भाजत, इक भरत है, (री) कुसुम बरन रंग घोरि ॥ सौंधें कीच मची भली, (री) खेलत ब्रज की खोरि ॥ सुनत चलीं सब धाईकैं, (री) देखन नंद कुमार ॥ फागु साँझ-सी है रही, (री) उड़त गुलाल अपार ॥ मिलीं तरुनि तहेँ जाईकै, (री) जहेँ बिहरत गोपाल ॥ सूर, स्याम-सुख देखिके, (री) बिसरचौ तनु तिष्ठिं काल ॥८॥

Dhamar Mukut

Part3-134

Goud Malhaar

Gulal kii dhoondhar mein mukut jhalak tesi

गुलाल की धूँधर में मुकुट झलक तेसी भूषण बसन की ॥ सोंधो अरगजा अबीर की अँधियारी अरसपरस भरन में किलकनी दसन की ॥॥१॥ ब्रजभामिनी तामें दामिनी सी कोंधत छूटी चुति दशन की ॥ बरन-बरन रंग की बलि-बलि वल्‍लभ छबीली त्रियन पर बरखा होत कुँवर की ॥२ दान काहे को हो लागे ॥ चले जाहू अपने हो मग ॥भ्रु०)। आवत जात सदा रहीं कबह्दू सुन्यों नहीं कान | अब कछु नईये चलाइये दूध दहीकोदान ॥१॥ सदा सदा हम दान लियो सुनही नवल कुमारि ॥ ओर गले न्हे तुम गई दान हमारो मारि ॥२॥ ठालेठूले फिरतहो चलो हमें घरकाम || इनकी कछुन चलाइये ख्याली सुंदर स्याम ॥|३॥ स्याम सखन सोयों कश्यो घेरो सबनकों जाय ॥ ढीठ बहुत ये ग्वालिनी मटुकी लेहु छिनाय ॥४।॥| गोचारन मिस विपिनमें लूटतहो परनारि॥ कहेंगी जाय ब्रजरायसों ऐसो झगरो निवारि ॥५॥ मधु मंगल क्यो कृष्णसों दान लेहु कछु छाड॥ इनसों दिनदिन कामहे मति बलेह कछू आड ॥६।॥ सांची कहत के हसत हो हमकों होत अवार ॥ सब सखियन सेनावेनीकर गहने देहो मोती हार ॥७॥ मदनमोहन पिय हरखियो लीयो हस्त करहार || अपने कंठले पहरियो गजमोतिन अतिचार ॥८॥ सब सस्वियन मिल मतोमत्यो कीजे कहा उपाय ॥ राधा गहने दीजिये ओर नहीं कछुदाय ॥९५॥| ललिता विसाखा भाजियो राधा तजी है अकेली ॥ गोविंद प्रभु नवकुंज में पियप्यारी की केलि ॥१०॥

Dhamar Mukut

Part3-134

Goud Malhaar