Naval kanhai hoe pyaare .. esso jhagaro nivaar .. daan kaahe koo hoe laage .. chaley jaahu apane hoe mug ..bhru0). aavat jaat

नवल कन्हाई हो प्यारे ॥ एसो झगरो निवार ॥ दान काहे को हो लागे ॥ चले जाहू अपने हो मग ॥भ्रु०)। आवत जात सदा रहीं कबह्दू सुन्यों नहीं कान | अब कछु नईये चलाइये दूध दहीकोदान ॥१॥ सदा सदा हम दान लियो सुनही नवल कुमारि ॥ ओर गले न्हे तुम गई दान हमारो मारि ॥२॥ ठालेठूले फिरतहो चलो हमें घरकाम || इनकी कछुन चलाइये ख्याली सुंदर स्याम ॥|३॥ स्याम सखन सोयों कश्यो घेरो सबनकों जाय ॥ ढीठ बहुत ये ग्वालिनी मटुकी लेहु छिनाय ॥४।॥| गोचारन मिस विपिनमें लूटतहो परनारि॥ कहेंगी जाय ब्रजरायसों ऐसो झगरो निवारि ॥५॥ मधु मंगल क्यो कृष्णसों दान लेहु कछु छाड॥ इनसों दिनदिन कामहे मति बलेह कछू आड ॥६।॥ सांची कहत के हसत हो हमकों होत अवार ॥ सब सखियन सेनावेनीकर गहने देहो मोती हार ॥७॥ मदनमोहन पिय हरखियो लीयो हस्त करहार || अपने कंठले पहरियो गजमोतिन अतिचार ॥८॥ सब सस्वियन मिल मतोमत्यो कीजे कहा उपाय ॥ राधा गहने दीजिये ओर नहीं कछुदाय ॥९५॥| ललिता विसाखा भाजियो राधा तजी है अकेली ॥ गोविंद प्रभु नवकुंज में पियप्यारी की केलि ॥१०॥

Dhamar Mukut

Part3-135

Gouri

Madanmohan gahwar vann khelat saras dhamaar .. sendur

मदनमोहन गहवर वन खेलत सरस धमार ॥ सेंदुर भर बहु मंगे आईं सकल ब्रजनार ॥१॥ फूली लता चहूंदिश वरणवरण बहु भांत ॥ भहो हलास सब जंतही कोकिल कुलकलकांत ॥२॥ ग़ुंजत मधुप सुहाये श्रवण सुनत सुखहोय ।।| वैभव निरखन यो रंग उठधाये सबकोय ॥३॥ बाजत ताल परखावज आवज डफ मुख चंग ॥ वेणु मधुर ध्वनि सुनियत स्याम सुंदर ता संग ॥४॥ नृत्यत नानाबानी गानी सुघर सुदेश ॥ बोलत हो हो होरी भयो अधिक आवेश ।|५॥ चोवा अगर अरगजा केसर मिलीहि सुरंग ॥ छिरकत भर पिचकाई शोभित छींट अनंग ॥६।॥ तब सखी पांच सात मिल मोहन पकरे जाय ॥ सोंधो छींट नयनन में मुरली लई छिनाय ॥७9॥ एक सख््री कर मेलत फिरत मंडली जोर ॥ तिनहीं मध्य व्रजपति गति लेत चिते चितचोर ॥|८॥ परसत करउर चोली बोली ठोली डारी ॥ मंदमंद मुसिक्याय के देत परस्पर गारि ॥॥ रहत चीर द्वुमद्गुम प्रति टूटत मोतिनहार । मगनभयो मनसबको तनकी तजी संभार ॥|१०॥ अंचल फेरत हरिपर सर्वस्व डारत वार ॥ प्रेममगन रस बस भई सबे मनोहर नार ॥ १ १॥ च्तुभुज प्रभु गिरिधर संग बाढ्यो रंग अपार ॥ देववधू अति लालच चाहत घोष बिहार ॥१२॥

Dhamar Mukut

Part3-135

Gouri

Rasbhari shyam machaain raas mandal mein horry .. gopi

रसभरी श्याम मचाईं रास मंडल में होरी ॥ गोपी बहुत एक मोहनपें जहां तहां लखिये जोरी ॥ १॥ एकपकरदृण को आंजतहे एकन मुख लपटावत रोरी ॥ एक करतें पिचकाईं लेतहें एकनकी कंचुकी टकटोरी ॥२॥ केसर रंग गुलाल भरेपट करत हैं झकझोरा झकझोरी ॥ कृष्णजीवन लछीराम हरि नांचत नवलकिशोर अरूनवल किशोरी ॥३॥

Dhamar Mukut

Part3-136

Gouri

Vrindaaban biharati basant chali dekhon nanda dularo ..

वृन्दाबन बिहरति बसंत चलि देखों नँँद दुलारो ॥ नटवर भेष सज्यों रँग भीनों सोभित सीस टिपारो ॥ १॥ सँग सखा सोभित रँग भीनें रंगन रणमणे ग्वाल ॥ सुनति चली उठि धाई लाडिली संग लीए ब्रजबाल ॥२॥ साजि सिंगार बनी अति सुंदर इक बेष इक सार ॥ कोकिल कैसें कंठ हि गावति मंगल गीत सुढार ॥३॥ बाजति ताल मृदंग झांझ ढफ लागति परम सोहाये ॥ जूथ परस्पर टोल दोऊन के सबहिन कै मन भाये ॥४॥ चोवा चंदन अगर कुंमकुमा छिरकति अरु छिरकाबें ॥ लाल गुलाल अबीर धुंधरि में तन अभिलाष बढ़ावैं ॥५॥ भली भई आयो बसंत नर नारिन अति सुख पायो ॥ आनैँद भयो गयो दुःख अब पसु पंछीन मन सरसायो ॥६॥ गोपीजन फूले समात नहीं ब्रज सुख कहति न आबे ॥ “नंददास” ब्रज बास बसे अरू जो देखें सौं गावे ॥७॥

Dhamar Tipare

Part3-136

Basant

Hailey govardhandhari laal hailey nutber khelati

हेली गोवरधनधरि लाल हेली नटबर खेलति रँग भरचौ। हेली बन ठन साज समाज सौं मग निकसति दृष्टि परयो हेली ॥१॥ हेली सबन चित विहल भयौ जनु मन आकर्ष लयो री हेली ॥ हेली अँग अँग अति सौहनौ स्याम लढ़ि रन छयो री हेली ॥२॥ हेली लाल काछनी कटि तट वाके ललित टिपारो सीस हेली ॥ हेली वाके पटतर कहा वीजै न्‍्याव गोकुल कौ ईस हेली ॥३॥| हेली कौतिक लखि मन थकि रहौ जाके सँग सखा दस बीस हेली ॥ हेली इन अँखियन के भाग ते प्यारी जीवह कोटि बरीस हेली ॥४॥ हेली बंक चितै मुसिकाई मो पै डारच्यौ अबीरन आई हेली ॥ हेली निरतति नाना भाँति सौं तहँ ग्रीवा हार लटकाई हेली ॥५॥ हेली ग्रगतत-ग्रगतत थेई-थेई बोलै सबदन चटक लगाई हेली ॥ डेली सौन गहे कछू कर चले माँनों मन-ही-मन डहकाई डेली ॥६॥ हेली हों जु नैंकु ठाड़ी रही फिरि चितए मृदु मुसिकाई हेली ।| हा हा करि मोसौों कह्यौँ तजि घुंघट मुख हि दिखाई हेली ॥७॥ हेली हों लाजन सकुचित रही पचिहारे समुझाई हेली ॥ हेली कहनों होई सो कही लीजे हरि छिन इत्त. उत नहिं जाई हेली ॥८॥ हेली होरी के दिन जानि के तहेँ नर नारिन के ठाट हेली ॥ हेली साम दाम बिधि भेद सौं मेरो पाथर तर को हाथ हेली ॥९॥ हेली जब तें प्यारे रुस गये तब तें कछू न सुहाय हेली ॥ हेली कठिन-कठिन दिन भरति हूँ रजनी कलप सम जाति हेली ॥१०॥ हेली पूरे पून्यन पाइवों सहज भई पहिचान हेली || हेली 'कृष्णदास' प्रभु सौं मिली बर पायोौ जद॒कुल भान हेली ॥११॥

Dhamar Tipare

Part3-137

Sarang

Aaj bunn thhan vraj khelan faag nikasyo nand dularo ..

आज बन ठन ब्रज खेलन फाग निकस्यो नंद दुलारो ॥ फब्यो है ललित भाल लालकें जटित लाल टिपारो ॥१॥ बडरे बंक विशाल नयन छबि भरे इतराई ॥ बन्‍्यो हे मंजुल मोरचंद चलत देखत छांई ॥२॥ उतबनी ब्रज नवकिशोरी गोरी रूपही भोरी ॥ बोरी प्रेम रंग में मानो एकही डारकी तोरी ॥३॥ ब्रजकी बालले गुलाल मोहनलाल छाये ॥ मानो नील घनके ऊपर अरुण अंबर आये ॥४॥ ताही धूंधर मक्मत्त भ्रमर भ्रमत एसें ॥ बनीहे छबि विशाल प्रेम जाल गोलक जेसें ॥५॥ बन्‍्यो हैं जलजंत्र खेल छूटि रंग की धारें ॥ जानों धनुधंर सरनलरत धारसो धार मारें ॥६॥ और कहां लगि कहिये खेल परम रस की मूली ॥ गावत शुक शारद नारद शिव समाधि भूली ॥७॥ जहीं जहीं हरि चरित्र अमृत सिंधु सो रति मानी ॥ नंददास ताकों मुक्ति लोनकोसो पानी ॥८॥

Dhamar Tipare

Part3-137

Maru

Horry khelati nand koo laal .. chova chandan auru

होरी खेलति नंद को लाल ॥ चोवा चंदन औरू अरगजा भरि-भरि लींनें थाल ॥९१॥ सीस टिपारो लाल के उर बैजयंती माल ॥ नाँचति गाबति सब मन भाये खेलति फागु गुपाल ॥२॥ बाजति ताल मृदंग झाँझ ढ़फ गावति गीत रसाल | '“ोबिंद' प्रभु कौ श्रीमुख निरखति बलि-बलि गई ब्रज बाल ॥३॥

Dhamar Tipare

Part3-137

Sarang

Kankareen maari lunger lagegire .. jayakahongi kahaa

कांकरीन मारि लंगर लागेगीरे ॥ जायकहोंगी कहा घर उत्तर मांगेगीरे ॥| १॥ देखतननंद रिस्याय विना कहें जानेंगी || जो कोऊ केसेंऊ आनि कहे सोई मानेंगी ॥२॥ क्‍यों तुम अति अकुलात फाग जब आवेगी ॥ कीजोह जो उपजे मन में सोई भावेगी ॥३॥ ख्ेलन को ऊमद्यो सब गोकुल गामरो ॥ राजतमनो चकोर यूथ शशि सामरो ॥४॥ जायजुरे वृषभान गोपकी पोरी ॥ जो जहीं सो तहींते सब देखन दोरी |॥५॥ चंग मृदंग उपंग बांसुरी बाजे ॥ वीना वेनु रवाव किन्नरी गाजे ॥६॥ जो इतते नंदलाल ग्वाल संगलीने ॥ त्यों उतराधा नारि यूथ संगकीने ॥ ७॥ खेल मच्यो दुहुुंओर बढ्यों रंग नीको ॥ क्रीडत सुंदर श्याम भावतो जीको ॥८॥ ले पिचकाईन हाथ चले ब्रजराई ॥ त्योंकरवंसनले तरुनी सबधाई ॥|९॥ केलिकला सुखदेखि थकी सुरनारी ॥ फूलनकी बरखा जु करी अतिभारी ॥१०॥| लाज गई तनते उम्रगी ब्रजनारी ॥ देत परस्पर प्रेम सुहाई गारी ॥११॥ न्हान चले जमुना ब्रजजन संग लाई ॥ देखि तहां रघुवीर वारनें जाई ॥१२॥

Dhamar

Part3-138

Todi

Hoe hoe horry khele nandako navarangi laalaa ..

हो हो होरी खेले नंदको नवरंगी लाला ॥ अबीर भरिभरि झोरीहाथन पिचका रंगन बोरी तेसीये रंगीली ब्रजकी बाला ॥ १॥ मूरति धरें अनंग गावत तान तरंग ताल मृदंग मिलि बजावे बीनाबेनु रसाला ॥ नंददास प्रभु प्यारीके खेलत रंग रहो छबि बाढी छूटीडे अलक टूटीहे माला ॥२॥

Dhamar

Part3-138

Todi

Tum chhake chhelse dolo | manmohan tum ratyamatyaji

तुम छके छेलसे डोलो | मनमोहन तुम रात्यामात्याजी चाहे सोई बोलो ॥१॥ अनतजाय तुम धूम मचावो, हमरे बगर तुम कबहु न आवो, रहो कहां ब्रजमोहन प्यारे जगढगढ बतीयां छोलो ॥२॥ जानी मोहनरीत तिहारी कपटगांठ नहीं खोलो || आनंदघन होरीके ओसरको करि राखोंओलो ॥३॥

Dhamar

Part3-138

Todi

Neeko banyon gokul gaam suhavanon jahaan khelat

नीको बन्यों गोकुल गाम सुहावनों जहां खेलत हरि होरी ॥ इत्तही सकल व्रजके बालक सब झुंडन जुरि आई तरूनी सब तिनमे राधा गोरी ॥ १॥ विविध भांति बाजेबाजत नवकेसरि अरणजा कुंकुम घोरी ॥ रतन जटित पिचकाई करणगह्ि छिरकत तकि तकि मुदित परस्पर नवल किसोर किसोरी ॥२॥ यह विधि करि खेलत रस सिंधु तरंग भरी ब्रज खोरी ॥ मोही अमर वधू निरखत बरखत कुसमन रघुबीर फिरत संग भरि भरि बीरा झोरी ॥३॥

Dhamar

Part3-139

Todi

Merey nana lagey vrajpalason .. bolat vachan rasalaso

मेरे नन लगे ब्रजपालसों ॥ बोलत वचन रसालसों ॥ध्रु०॥ मोरचंद्रका सोहे सीस ॥ संग सखा सोहें दसबीस ॥|१॥ मृगमद तिलक बनाये भाल ॥ गति मोहे जजराज मराल ॥२॥ भोंह नचावें गावें गीत ॥ सोहें अंबर ओढे पीत ॥३॥ कानन कुंडल दुलरीकंठ ॥ मधुरमधुर बाजे परिमंठ ॥७9॥ अरुन कमलदल नेन विसाल ॥ उर सोहें वैजंतीमाल ॥५॥ रतनजदित पोछोंची अतिवनी ॥ निरखि थकी सरदशशिवदनी ॥६॥ नासा को मुक्ता अति चारू ॥ सब ऊपर गुंजा को हार ॥७। कटि किंकिनी मोड़े रतिमेन ॥ गोपिन रिझवत देंदे सेन ॥८॥ रुनुझुनु नूपुर बाजें पाय ॥ जनु पंकन अलिकुल किलकाय ॥॥ भूषन विविध सजे सब अंग ॥ देखि भयो रवि को रथपंग ॥१०॥ वनवन फिरें चराबें धेनु ॥ जमुना के कुल वजावें धेनु ॥११॥ हाथ लकुटिया नाचें सुदेस ॥ गौरज मंडित सोहें केस ॥१२॥ ग्रहग्रहते दौरी सबअली ॥ फूली सरद सरोजसी कली ॥ १ ३॥| अंचल पटमुख देजुहसी | सब हरिके उरवीचबसी ॥१४॥ जबमोहन दुरिकें चितयो ॥ ते छिन मोमन चोरिलयो ॥१५॥ सोचि संभारि संकेत चली ॥ भूलि गई नवकुंज गली ॥8६॥ तहां ओचकामो भुजगही ।। बिनबोलें मुख देखि रही ॥१७॥ मुखसों स्वात खवावत पान ॥ करत मधुर अधरा मृत पान ॥१ ८॥ तब उरलागि करी रति केलि ॥ पलपल बढी परम सुख वेलि ॥१९॥ यह सुख निरखित सुरनर रहे भूलि ॥ आनंद बरखे नौतन फूलि ॥२०॥ पुनि विपरीत सुरति मति करी ॥ राग रंग आनंद भरी ॥२१॥ त्रिविधि सुखद मलया निल चल्यो ॥ सबे निकुंज फूलीले हल्यो ।|२२॥ तिहिं औसर पलटे पटचीर ॥ देखि बलैयां ले रघुवीर ॥२३॥

Dhamar

Part3-139

Todi