Dekho vraj kii veethini bithini hoe hoe karati khelati jwal baal ..

देखो ब्रज की वीथिनि बिथिनि हो हो करति खेलति ज्वाल बाल ॥ साजि रबाब बीन बाजे अधवट उपंग चंग बिच बिच मुरली धुनि मृदंग ताल ॥१॥ जोई जोई निकसत तिन कौं पकरि लेति, छतियाँ लगावति करति ख्याल ॥ यह विधि होरी खेले रँग भरे रस सिंधु झेले बलि बलि जाई तहाँ 'लघु गुपाल' ॥२॥ ताल मृदंग उपंग ॥ झांझझालरी किन्नरी || आबजकर मुखचंग ।। ३॥| उतहि समाज गोपालके ।। बलियुत नंदकुमार ॥ इतगोपी नवजोबना | अंबुज लोचन चारु ॥४॥ गारीदेत सुहावनी प्रमुदित गोप कदंब ॥ युवति यूथ एकन्न भये ॥ गावत मदन विटंब ॥५॥| रतनजटित पिचकाईयां ॥ कर लीये गोकुलनाथ ॥ तकि छिरकें बनिताबुंदकों ।। जे राधाके साथ ॥|६॥ केसू कुसम निचोयकें ॥ भरत परस्पर आनि ॥ मृगमद चोवा कुंकुमा ॥ चारुचतुर सबसानि ॥७॥ सुरंग गुलाल उडावहीं ॥ बूका बंदनधूलि || चंढिं विमान सुरदेखहीं ॥ देह दिसा गई भूलि ॥८॥ खेल मच्यो अति गहगद्यो ॥ चितवत ब्रज बधूधाय ॥ राधा रसिक गुपालकी ॥ आसकरन बलिजाय ॥९११

Dhamar

Part3-140

Todi

Haan hoe hari chaley faag khelnakon ..dhru 0) sub vrajke

हां हो हरि चले फाग खेलनकों ॥ध्रु ०) सब ब्रजके लरिका संग लयगे ॥ भूषन वसन बनायदये ॥१॥ तिनमें सोभित बलि ओर श्याम ॥ ऐनमेन सोभा के धाम ॥२॥ हो हो बोलत ग्रहतेचले ॥ कोटि काम अभिमान दले ॥ ३॥ जायजुरे सब ब्रजजन जोरि ॥ श्रीवृषभान गोपकी पोरि ॥४॥ सखी सकल दौरी तहां गई ॥ तब प्यारी वे बोलि लई ॥५॥ खेलत ही सब गुरजन मांझ ॥ यों लागत मानों फूली सांझ ॥६॥ सखी एककी बांहगही ॥ उज्ञकि झरोखां झांकिरही ॥७॥ तब उततें चित्तये नंदलाल ॥ रहीनवाय सीस ब्रजवाल ॥८॥ त्तिहि ओसर कछु सेन दई ॥ प्यारीकी रूचि जानि लई ॥९॥ भरि भरि थार पठायेपान ॥ अति आनंदसों लागे खान ॥१०॥ द्वादश भूषन अंगबने ॥ अरुन बसन सिंगार सने ॥ १ १॥ स्लेललकी सब सोंजकरो ॥ जनजनकों सब जाय भरो ॥१२॥ उठि ठाडे हरि अपने खेत ॥ इत राधा सब सखिन समेत ॥१३॥ आयजुरे तब दोऊ टोल ॥ जोरी सरस बनी निर्मोल ॥१४।॥ विविध भांति सब बाजे बजे ॥ खेलत बीचबीच बरसजे ॥ १ ५॥ चोवा चंदन कलस भरे ॥ ढेरन सुरंग गुलाल धरे ॥१६।॥ पिचकाई सुंदर करलई ॥ उत्तबंसन की मारभई ॥१७॥ होरी खेलत रंग रहद्यो ॥ देखनकों गोकुल उमझयो ॥१८॥ जो मांग्यो फगुवासो दयो ॥ सब मनको मान्यो सो भयो ॥|१९॥ देत असीस चली सब बाल ॥ चिरजीवो व्रजको प्रतिपाल ॥२०॥ जब हरि लोचन चलेनवाय ॥ माधोढदास निरखि बलिजाय |॥२१॥

Dhamar

Part3-140

Todi

Dhanidhani nand jasomati hoe dhanya srigokulgam ..

धनिधनि नंद जसोमति हो धन्य श्रीगोकुलगाम ॥ धन्य कुंवर दोऊ लाडिले बलिमोहन जाको नाम ॥|१॥ छबीलेहो ललना ॥ श्रीवल्लव राजकुमार छबीले ॥ श्रीगिरिवरधारी लालछबीले तुम या गोकुलके चंदछबीले ॥श्रु०॥ सखा नाम ले बोलियो सुबलतोक श्रीदाम ॥ श्रवन सुनत सबधाइयो बोलत सुंदर स्याम ॥२॥ भेष बिचित्र बनाइयो भूषन बसन सिंगार ॥ मंदिर ते सब सजि चले बालिक बलि बनवारि ॥| ३॥ गिरिवरधर अतिरस भरे मुरली मधुर बजाय ॥ श्रवनसुनत सब ब्रजवधू जहां तहाँते चलिंधाय ॥४४॥ रुज मुरण डफ झालरी बाजे बहुबिधि साज ॥ बिचबिच भेरिजुबाजही रह्यो घोख सब गाजि ॥|५॥ पिचकाई करकनिककी अरगजा कुंकुम घोरि ॥ प्रान पिया कों छिरकहीं तकितकि नवलकिसोरि ॥६॥ एक ओर जुवत्तीभई एक ओर बलबीर ॥ कमलन मार मचाईयो रूपे सुभट रनधीर ॥७॥ उलटि आई ठाडी भई अपने अपने टोल ॥ झूमक चेतबगाबही बिचबिच मीठे बोल ॥८॥ हँसतहँसत सब आइयो लीनों सुबल बुलाय ॥ हा हा काह्दू भांतिसों नेकमोहनकों पकराय ॥॥ बोडोरि सिमिटि सबधाइयो मोहनलीनेघेरि ॥ नैनन अंजन आंजिके हँसत बदन तनहेरि ॥ १ ०॥॥ यह बिधि होरी खेलही सकल घोष संगलाय ॥ गोवर्द्धनधर रूपपे गोविंद बलि बलि जाय ॥११॥

Dhamar

Part3-141

Aasawari

Yaa gokulke chohatate rung raachi gwali .. mohan

या गोकुलके चोहटटे रंग राची ग्वालि ॥ मोहन खेलें फाग नैन सलोने री रंगराची ग्वालि ॥ नरनारी आनंद भयो ॥ सामलके अनुराग नैन ॥१॥ दुंदुभी बाजे गहगड़े ॥ मगर कुलाहल होय ॥ उमड्यो मानस घोखको ॥ भवन रघद्यो नहीं कोय ॥२॥ डफ बांसुरी सुहावनी ॥ आनंद सिंधु मगन भये ॥ देह दशा गई भूल ॥ उदय चंद गोविंदहे युवती कुमुदिनी फूल ॥ १ ३॥ रस गिरिधारी सों विलसही ॥ बढ्यो हृदय अनुराग ॥ कृष्णदास प्रभु अधरकी ॥| पीवही सुधा बडभाग ॥१४॥

Dhamar

Part3-141

Aasawari

Munn merey kii ichcha pooji aayo maas fagun koo

मन मेरे की इच्छा पूजी आयो मास फागुन को नीको ॥ लाज सकुच तजि सास ननद की दौरि गहूंकरसों कर पीको ॥१॥ अब मेरो कोऊ कहा करेगो यह तो औसरहे होरीको ॥ मेनभरी मूरति ब्रजपतिकी देखत दुःख मिटेगो जीको ॥२॥

Dhamar

Part3-141

Todi

Barasaaneten saji chully .. rung bheeni gwal ..

बरसानेतें सजि चली ॥ रंग भीनी ग्वाल ॥ फाग खेलन हरि संग ॥ होरि रंज रह्यो रंग भीनी ग्वालि ॥ करि सोल्डे शृंगारसबे ॥ रंग भीनी ग्वालि ॥ भरिभरि सेंदूर मंग ॥ होरी रंग रह्यो रंग भीनी ग्वाल ॥१॥ गृहजृहतें सब निकसी ॥ अपने अपने रंग ॥| बहुविधि वाजे वाजहीं ॥ ताल मुरज डफ चंग ॥ २॥ मधि हें गोरी राधिका ॥ अलियन बृंदन मांह ॥ फूलन की छरी हाथले ॥ गह्नि ललिता की बांह ॥३॥ कंचन घट कुंकुम भरे ॥ चोवा अगर अबीर ॥ बांधे फेंट गुलालकी ॥ केसुकेसरि नीर ॥9॥ गाबत गीत तहां गई ॥ घोष राय जूकी पोरि ॥ सुनत कुंबर कोलाहल ॥ आये हें गिरिधर दोरि ॥५॥ पिचकाई सोंधे भरी ॥ करलियें मदन गुपाल ॥ तकितकि तिनकोंछिरकहीं ॥ जे मृगनयनी बाल ॥६॥ इतसखिलारबल मोहना ॥ लरिका गोपकुमार ॥ उत ललिता चंद्रावली |॥ राधा गोपी अपार ॥७॥ अंचल ओट दुरावहीं ॥ भरिभरि कनक कचोल ॥ प्यारे के सीस नवावही हो होकर बोल ॥८॥ काजर नयनन आंजिकें ॥ मंडित करहिं कपोल || फिरफिर श्री मुख देखही ॥ फूले करह़िं कलोल ॥९॥ फगुवा कोंपट ओंचही ॥ लीनें हार ॥ प्यारी कों पहरावही ॥ हसत देदे करतार ॥१०॥ कमलनमार मचावही ॥ भीजि रहे रस रंग ॥ खेलतहे नंद लाडिलो ॥ वृषभान लडेंतीके संग ॥११॥ सिथिलचीर कटिमेखला ॥ गये कंचुकी बंद टूटि ॥ गलित कुसुम कबरीनतें ॥| गईहे बेनी छूटि ॥१२॥

Dhamar

Part3-141

Aasawari

Dhani dhani shubh ghadee dhani aaj .. shree gokul

धनि धनि शुभ घड़ी धनि आज ॥ श्री गोकुल सुख वास बसे अब, श्री विट्लेश प्रभु महाराज ॥१॥ मोतिन चौक पूरे घर घर प्रति, कुमकुम हाथन शोभित द्वार ॥ मंगल कलश अरू ध्वजा पताका, घर घर बिथनि बंदनवार ॥२॥ बाजत ताल मृदंग झांझ ढफ, दुंदभी मदन भेरि सहनाई ॥ स्वस्ती वचन पढ़त ऋषिवर तहां निज जन नाचत गावत आई ॥३॥ तिहिं अवसर हरि जु को अलंकृत, बागो पाग केसरी रंग ॥ कुल्हे केसरी तीन चंद्रिका भूषन भूषित राधा संग ॥|४॥ वृजजन के उत्साह भाव सो मेवा मिठाई बह विधि भोग ।| बीरा धरि आरती उतारत आनन्द मगन सबे वृज सबे वृज लोग ॥५॥ छिरकत हैं गिरिधर प्यारे कों केसर चोवा अबीर गुलाल ॥ मनहु अरूण उदय घन बिजुरी कनिक बेलि संग श्याम तमाल ॥६॥ जुग जुग राज करो श्री गिरिधर श्री विद्वलनाथ सदा वृजवास ॥ श्री बलल्‍लभ पद रेणु कृपा बलि यह सुख मांगत है हरिदास ॥७॥

Dhamar

Part3-143

Aasawari

Roop anupam mohani rung raache laal .. mohe

रूप अनुपम मोहनी रंग राचे लाल ॥ मोहे कुँवर किसोर लाड़ गह्ेल री रंग राचे लाल ॥ वदन सुधा रस स्वत री रंग राचे लाल ॥ पीबत नैन चकोर लाड गह्ेल री रंग राचे लाल ॥६९॥ नैंन कमल मुख कमल कै ॥ रंग राचे लाल ॥ चरन कमल कर लाल ॥ लाड़ गह्ेल री रंग राचे लाल ॥ तन मन फूले कमल री ॥ रंग राचे लाल ॥ मोहन मुदित मराल ॥ लाड़ ॥२॥ हासि कुसम जोबन लता ॥रंग।। अलि आसक्त तमाल ॥लाड़ ॥ बचन रचन सुर सबद के ॥ रंग ॥ मृग मन मोह़े रसाल ॥ लाड़ ॥३॥ ये घन तुम दुति दामिनी ॥ रंग ॥ मिलि बरसह प्रेम सुहाग ॥ लाड़ ॥ आलस क्‍यों बलि कीजिये ॥ रंग ॥ हिलिमिलि खेलहृु फागु ॥ लाड़ ॥४॥ सुनति भयौ चित चाउ री ॥ रंग ॥ सुधर सिरोमनि जानि ॥ लाड़ ॥ सहचरी सचि सुरनि लिये ॥ रंग ॥ करति मधुर कल गान ॥ लाड़ ॥५॥ श्री कुंज बिहारी खेल ही ॥ रंग ॥ प्रेम भरे रस रंग ॥ लाड़ ॥ बूका बंदन मेल ही || रंग ॥ कुँमकुम कुसम सुरंग ॥ लाड़ ॥६॥ मदन मुदित अंग अंग री ॥ रंग ॥ सुरति सुखद कल केलि ॥ लाड़ ॥ उर कर बर परसे हँसे ॥ रंग ॥ जुगल नवल रस झेलि ॥ लाड़ ॥७॥ पीबत सुधा रस माधुरी ॥ रंग ॥ चित्रत पीक कपोल ॥ लाड़ ॥ अंग अंग अनुराग री ॥ रंग ॥ कहत मधुर मुदु बोल ॥ लाड़ ॥८॥ राग रंग अति रंग रद्यो ॥ रंग ॥ श्री हरि दास बिनोद ॥ लाड़ ॥ बिचितन्र बिहारन दास री ॥ रंग ॥ विपुल बढावति मोद ॥| लाड़ ॥॥ छिनि छिनि प्रति रति साज ही ॥ रंग ॥ कुंज सदन सुख रासि ॥ लाड़ ॥ मथुर प्रेम रस बिलस ही ॥ रंग ॥ बलि बलि 'नागरीदास' ॥ लाड़ ॥६॥

Dhamar

Part3-143

Aasawari

Dhuni suni shyam sunder khele horry bahaduri duff

धुनि सुनि श्याम सुंदर खेले होरी बहडुरि डफ बाजन लागे ॥ उचघटति सबद तत थेई ततथेई गाबति धमार अनुरागे ॥१॥ बरन-बरन के अंबर पहिरें केसर सोंधे भीने बागे | 'माधो' यह छबि निरखि-निरखि के दुसह बिरह दुःख भागे ॥२॥

Dhamar

Part3-144

Aasawari

Bhayau madan paranchad aeye hari kheliye milli aaee ..

भयौ मदन परंचड ए हरि खेलिए मिलि आई ॥ गोप सब मिलि मतो मतिए रोकिए ब्रज जाई ॥ १॥ तरनि-तनया तट बिपिन में घेरि सकल समाई ॥ रैन दिन इकु ठौर रहिए छाँडिए बन गाई ॥२॥ साजिए कर कनक-पिचकाई बिबिधि रतन जराई ॥ तकि तकि चलाई सनमुख डारिए मुसिकाई ॥३॥ जोरिए किन साज अपनों एकु एकु सिखाई ॥ ले गुलाल मुँठिन भरि भरि भाजिए किलकाई ॥४॥ घोरि केसू कुँमकुमा रस सीस कलस चढाई ॥ ताल, बीना, झांझ, किन्नरि, लेह ढ़फ मढ़वाई ॥५॥ दौरिए ब्रज बाल ऊपरि देह तिन हि हराई ॥ कुसुम पल्‍्लव माल अपने उर पहिराई ॥६॥ घोख काहु न जान कहिए दीजिए जु दुहाई ॥ लीजिए अचरा पकरि कैं कीजिए मन भाई ॥७॥ अंग अंग अनंग प्रकटयों बिबसता को पाई ॥ भवन भवन निसाँन लै लै फिरति उनमद भाई ॥|८॥ तान कोऊ तोरि नाँचै फागु गीत गवाई || जाई पनघट एकुठे व्है बाल बृंद लराई ॥९॥ भयौ ब्रज में अतुल आनँद कहा रसना गाई | देव गन निज गेह भूलै केलि लखि सुखदाई ॥ १ ०॥ बसन भूषन दए रुचि सौं मोल सरस मँगाई ॥ पढ़ति अस्तुती परसपर मिलि जियौ ब्रज के राई ॥११९॥ बिबिधि कुसुमनि होत बरखा सुर बिमानन छाँई || कमल बदन निहारि ब्रज जन रहति मन अरुझाई ॥१२॥ देति सरबसु बारि मुख पै ध्रति चित में चाई ॥ कांनि करति न युरु जनन की लसति भुज लपटाई ॥१३॥ बजे बाजे मुर॒झ, आबज ढ़ोल अरू सहनाई ॥ गारी गावैं दिहुँनि सातैं हाव भाव बताई ॥१४॥ रँँगमँगे नँंदलाल हरखे, हियो अधिक सिराई || कहा बरनौं बाल मति सौं जाति सुधि बिसराई ॥१५॥ श्रीविट्ठलेश प्रताप कौों बल लेह निस दिन गाई ॥ यह लीला देरि “जन गिरिधरि” गहे जिन कै पाई ॥१६॥

Dhamar

Part3-144

Aasawari

Jamuna tata kreedati nand nandan horry param suhai

जमुना तट क्रीड़ति नंद नंदन होरी परम सुहाई हो ॥ जुबती जूथ सँग लियेैं राधा, सनमुख खेलनि आई ॥|१॥ ठौर ठौर तें सखा बुलाये औ बलदाऊ भाई ॥ आये दौरि मदन मोहन पै, उर आनँद न समाई ॥२॥ रतन जटित की भरि भरि लीने करन कनक पिचकाई ॥ प्रान प्रिया मुख निरख स्याम को छिरकति मृद्‌ मुसिकाई ॥३॥ प्यारी सुरँग गुलाल मुँठि लै, पिथ की ओरि चलाई ॥ मानों उमगि अनुराग अधिक बल बाहिर देति दिखाई ॥४॥ मृगमद चोवा भरि बेला कर सखी एकु लै थाई ॥ सखा जूथ बेनु बजावति मोहन मुख लपटाई ॥५॥ आँधी अधिक उड़ी जु अबीर की, दिन मनि गयों लुकाई ॥ श्रीदामा हलधर सौं बोल्यों, कीजे कहा उपाई ॥|६॥ जुबति बृंद सब जोरि करति अति, क्यौंहूं वच्यो न जाई ॥ तब संकरषन मतों उपायों ललिता सखी बुलाई ॥७॥ सुबल सखा के उपरैना सौं खेंचि जु गाँठि बँधाई ॥ सनमुख बचन कहति गिरिबरधरि, यड्ड किन बुधि बताई ॥|८॥ ललिता सुबल किये इक ठोौरें, भली जोरि बनि आई ॥ जैसें चंद्र चकोर सुधानिधि, पीबति नैंन अधाई ॥९॥ दौरी कुँबरि अचानक राधा, गहे स्याम सुखदाई ॥ प्रेम गाँठि सौं मन असुझानों, सुरझति नहिं सुरझाई |१० ॥ ब्रज बनिता सब गारी गाबें, मधुरे बचन सुनाई ॥ सुर बिमान चढ़ि कौतुक भूले जै जै गोकुल राई ॥ १ १॥ बाजति ताल पर्राबज आबज मदन भेरि सहनाई ॥ पटह झांझ झालरी महुवारे ढ़फ, सुनि घन गयों लजाई ॥|१२॥ विविध भाँति कुसुमित ब्रिंदाबन सौरभ कट्यों न जाई ॥ ऋतु बसंत की कीरति मानौं, केकी, अली, पिक, गाई ॥१३॥ केलि सिंधु बरनौ कहाँलों बिधि रसना एकु बनाई ॥ तन मन धन सौं जुगल रूप पै 'गोकुलचंद” बलि जाई ॥१४७॥

Dhamar

Part3-145

Aasawari

Jamuna tata khelat gopi hoe .. nand koo laal

जमुना तट खेलत गोपी हो ॥ नंद को लाल गोवर्धनधारी ताके नखमनि ओपी हो ॥१॥ चल री सखी जैये जहां छिन जियरा न रहाई हो ॥ वेनु शब्द में मन हर लीनो नाना रंग बजाई हो ॥२॥ सजल जलद तन पीतांबर करमुख मुरलीधारी हो ॥ लटपटी पाग बनी मनमोहन ललना रही निहारी हो ॥|३॥ नैनसों नैन मिले करसों कर भुजा ठई हरिश्रीवा हो ॥| मधि नायक गोपाल विराजत सुंदरताकी सींवा हो ॥४॥ करत केलि कुतुहल माधो मधुरी बानी गावे हो ॥ पूरन चंद सरदकी रजनी संतन सुख उपजावे हो ॥५॥ सकल सिंगार सजे ब्रजबनिता नख सिख लों न लखानी हो ॥ लोक वेद कुल. धर्मकी नेकउ न राखत कानि हो ॥६॥ बलि जाऊँ बलके वीर त्रिभंगी संत्तन सुखदाई हो || सकल बिथा जू हरी या तनकी हरि हँसि कंठ लगाई हो ।।७॥ माधो नारी नारी माधोको छिरकत चोवा चंदन हो ॥ एसो खेल रच्यो जु परस्पर नंदनंदन जगबंदन हो ॥८॥ ब्रह्मा इंद्र देवगन गंधर्व सबै एक रस बरसे हो ॥ सूरदास गोपी बडभागी हरि मुख क्रीडा दरसे हो ॥९॥

Dhamar

Part3-146

Aasawari