Barsaneki nabal naari milli horry khelani

बरसानेकी नबल नारि मिलि होरी खेलनि आंई हो ॥ बरबट धाय जाय जमुना तट घेरे कुंवर कन्हाई ॥|१॥ अतिझीनी कैसरि रंग भीनी सारी सुरंग सुहाई ॥ कंचन बरन कंचुकी उपर झलकत जोवन झांई ॥२॥ केसरि कस्तुरी मलयागर भाजन भरि भरि लाई ॥ अबीर गुलाल फेंट भरि भामिनी करन कनिक पिचकाई ॥३॥ खेलत खतेलत रसिक सिरोमनि राधाजु निकट बुलाई ॥ ऋषिकेस प्रभु रीझि श्यामघन बनमाला पहराई ॥४॥

Dhamar

Part3-146

Aasawari

Jamuna tata dhoom mutchy haye ree maaee krishna saanvaro

जमुना तट धूम मची है री माई कृष्ण साँवरो खेले होरी ॥ चलो सरख्री मिल देखन जेयै नीकी बनी राधा गोरी ॥१॥ घर घरतें बनिता बनि आई अबीर लिए भरि भरि झोरी ॥ बदन उघार उघार निरखत मुँख माँड़त अपनी रोरी ॥५॥॥ एक नाचत एक मृदंग बजावत एक गावत हैं धुनि थोरी ॥ 'कृष्णजीवन लछीराम' के प्रभु प्यारे आनंद सिंधु झकझोरा झकझोरी ॥३॥

Dhamar

Part3-146

Dhanashri

Barsaanen tein vrishabhaanu puraa kii horry khelani

बरसानें तें वृषभानु पुरा की होरी खेलनि निकसी हो ॥ बरन बरन बन ठन आभूषन कनक बेलसी बिणसी हों ॥१॥ जोबन रूप मदन मनमथ कौं उर मोहन मदमाती हो ॥ ऐंड्त चले चाल गरबीली मंद मंद मुसिंकाती हो ॥२॥ झोरी भरि अबीर कुँमकुमा करन कनक पिचकाई हो || आबवति चंग उपंग बजावति गाबति हरि कौं गारी हो ॥३॥ ठाड़े जहाँ सखा संग लीने चतुर खिलारि कन्हाई हो ॥ सीस नवाई दूर भई ठाड़ी हँसि हँसि निकट बुलाई हो ।॥।४॥ उमड़े हैं गोपी ग्वाल परसपर भारी खेलि मचायौ हो ॥ उड़ति गुलाल अबीर अरगजा अति ही अंबर छायो हो ॥५॥ गोपीन मतो बनाई धाई कें मनमोहन गहि लीने हो ॥ आँखि ऑजि मुख माँडि महावर हो हो करि तजि दीनें हो ॥६॥ अपुने दाव स्याम हु पाए तब गहि लीने राधे हो ॥ जेतेक दाव चाव चित उपजे सकल मनोरथ साथे हो ॥|७॥ बेनी गुही बनाई उलटि के कछुक सेंधानी कीनीं हो ॥ दुहुँ और दिठौना दे कैं तब छाँडि रंग भीनीं हो ॥८॥ तारी दे दे ग्वाल हँसति है गोपिन मन मुसिकानी हो || मन में मुदित भई बाहिर तें राधा कछु कुमलानी हो ॥९॥ नँद नंदन वृषभानु लली की सोभा कहा बखानें हो ॥ ब्यास-दास' प्रभु रीझि भिंजि सौं वारति तन मन प्रानें हो ॥१०॥

Dhamar

Part3-147

Aasawari

Duff baajan laage hailey .. chalhu chalhu jaiye

डफ बाजन लागे हेली ॥ चलहु चलहु जैये तहँँ री ॥ जहँ, खेलत स्याम, सहेली ॥ जहँ घन-सुंदर साँवरो, नहिं मिस, देखन दाँऊ॥ ये गुरुजन बैरी भएए, कीजे कौन उपाउ ॥१॥ आबहु बछरा मेलियै, बन को देहिं बिडारि | वे दैडे हमको पठे, देखें रूप निहारि ॥२॥ ऑऔजत गागरि ढ़ारिये, जमुना जल कैं काज ॥| इंहिं मिस बाहिर निकसिकै, जाई मिलें ब्रजराज ॥ ३॥ राग रंग रैंगि मँगि रह्यो, नंद राई दरबार || गावति सकल गुवारिनी नाचत संकल गुवार ॥४॥ घरी घरी आनंद कारि, जीवन जानि असार ॥५॥ खाइ, खेलि, हँसि लीजिये, फाग बड़ौ त्यौहार ॥ मुरली मुकुट बिराजही, कटे पट राजत पीत ॥ सूरज प्रभु आनंद सौं गावत होरी गीत ॥६॥

Dhamar

Part3-147

Aasawari

Barsaanen tein kunwari radhika horry khelani

बरसानें तें कुंवरि राधिका होरी खेलनि आँई हो ॥ सँग सखी बूंद लीए बहु नागरी उड़गन चंद सुहाई हो ॥१॥ गावति गारी बनीं ब्रजनारी नंद भुवन में आई हो ॥ पकरि लये स्याम सुंदर, घन दामिनि देति दिखाई हो ॥२।॥| तब सखी भेख बनाई मोहन को सारी सुरंग सुहाई हो ॥ अति बहु मोली अरणजा चोली केसरि रैंग रैंगाई हो ॥३१॥ नख सिख भेख बनाई स्यथाम कौं उपमा कहत न जाई हो ॥ जुबति बुंद में जुबति भेख धरि बैठें कुंवर कन्हाई हो ॥४॥ तब नंद रानी अति सरसानी मेवा बहुत मँगाई हो ॥ चिरजीयो नट नागर जुग जुग 'सरस रंग” गुन गाई हो ॥५॥

Dhamar

Part3-148

Aasawari

Nand naindan naval naagar kisor barr khelati basant

नंद नैंदन नवल नागर किसोर बर खेलति बसंत बन्यों रंग अति भारी ॥ राग हिंडोल गावति नवल्न नागरी अति हिं रस भीज रही है देति तारी ॥|१॥ लाल गुलाल रह्यो गगनलों घुमड़ि कैं केसरि कुँमकुमा भरि हो पिचकारी || ताल किन्नर मुर॒ज बीन ढफ बाज ही बिच मोहन मुरली सप्त सुर धारी ॥२॥ सुभग जमुना तीर ठौर ब्रिंदा बिपुन बाल सुक कोकिला कीर किलकारी ॥ गहे द्वुम डार ठाढे नंदलाल जहाँ राधिका सब सखि मधि सुकुमारी ॥३॥ बढ्यों दुहूँ दिस खेलि अधिक सोहावनी हँसति मुसिकाय यौं ब्रजनारी ॥ मदन मोहन गिरिधर वर पीय जु देव मुनि करति कुसुम बरखारी ॥४॥

Dhamar

Part3-148

Hindol

Hoe horry key khilar merrie angiyaa ranga bhari daari

हो होरी के खिलार मेरी अँगिया रँग भरि डारी हो ॥ बहियाँ मरोरी मेरी चुरियाँ तोरी और दींनी हैं गारी हो ॥१॥ चोवा चंदन अगर कुँमकुमा पिचकाईनि भरि मारी हो ॥ खेलि मच्यों जमुना तट कुंजन 'रसिक राई! बलिहारी हो ॥२॥

Dhamar

Part3-148

Sohani

Saanvaro ree aaj khele horry .. udati gulal

साँवरो री आज खेले होरी ॥ उड़ति गुलाल लाल भए बादर छाई रह्मौ नँदर्गोंव सबरो री ॥१॥ होरी गोरी रैँग में बोरी मिटि गयो तन ताप सब जोरी ॥ 'कृष्णदास' प्रभु गिरिधर नागर चितवन में जुरि अबरो री ॥२॥

Dhamar

Part3-148

Sohani

Jhoom sub aaee gopi lapat rahee nandlal ..

झूम सब आई गोपी लपट रही नंदलाल ॥ मानो स्याम घन में चपलासी ज्यों सोमित ब्रजबाल ।| १॥ नेनन सेनन बेनन गारी दे अंचर और ऐंचत गाल ॥ सुघर खिलार नवल धीरज प्रभु कर पाई हो ख्याल ॥२॥

Dhamar

Part3-149

Singhadoo

Harisang khelan jaany arrie chali bemi chhabili

हरिसंग खेलन जांय अरी चलि बेमि छबीली ॥ध्रु०॥ निकस्यो मोहन सामरो हो फाग खेलन ब्रज मांझ ।। घुमड्यो अबीर गुलाल गगनमें मानो फूली सांझ ॥ १॥ बाजत ताल मृदंग मुरण डफ कहीन परत कछुबात ॥ रंगरंगभीने ग्वाल बाल सब मानो मदन बरात ॥२॥ जुरि आंई ब्रजसुंदरी करिकरि अपनोठाट ॥ खेलत नहीं कोऊ कान्ह कुंबर सों चाहत तिहारी वाट ॥ ३॥ बिनराजा दलकोन काज बलि उठिये छांडीये ओंड ॥ उमग्योहे निधि ज्यों नवलनंदको रुकतरावरी मेंड ॥४॥ उठीहे विहंसि वृषभान कुंवरिवर करपिचकाई लेत ॥ सह्दटि न सकत कोऊ महासुभट लों सुनत समर संकेत ॥५॥ आई रूप अगाधा राधा छबि बरनी नहीं जाय ॥ नवलकिसोर अमलचंदे मानो मिली डे चंद्रका आय ॥६॥ खेल मच्यो ब्रज बीथनि महियां बरखत प्रेम आनंद ॥ दमकत भाल गुलाल भरे मानों वंदन भुरके चंद ॥७॥ दुरिमुरिभरन वचावन छबिसों बाढ्यो रंग अपार ॥ मेनमुनीसी बोलत डोलत पगण नूपुर झनकार ॥ ८॥ ओर रंग पिचकारिन भरिभरि छिरकत हरि तनतीय ॥ कुटिल कटाक्ष प्रेमरंग भरिभरि तकितकि पियको हीय ॥९॥ सिव सनकादिक नारदसारद बोलत जयजयजे ॥ नंददास अपने ठाकुरकी जीयूं बलैयांले ॥१०॥

Dhamar

Part3-149

Dhanashri

Arekaare pyaare ratnare bhora badan kamalke lobhi ..

अरेकारे प्यारे रतनारे भोरा बदन कमलके लोभी ॥ फिरत पराम डेततबहीते उपजत कलिकागोभी ॥१॥ . फूलरहे द्वुम डारडार झुक भारकुसुम मकरंद ॥ ताहि छांड पियो चाहत तुम सुधाकिरण मुखचंद ॥२॥ जो तूहोहितृषा आतुरतो रहिब अलक लरलाग ॥ पुनि विश्राम कियो चाहेतो चिबुक गाढ खणखाग ॥३॥ जो उन्मत्त गान करें तो श्रुतिषणथ लग गुंजार ॥ क्यों भठकें ब्रज बन वन वीथन यह निश्चय उरधार ॥४॥

Dhamar

Part3-149

Singhadoo

Arey kumlane aanan mohana que‍yon firat anmano

अरे कुमलाने आनन मोहना क्‍यों फिरत अनमनो आज ॥ बीतत जान ख्याल होरीको बिसर गयो सब काज ॥१॥ यह खेल बाहिर गरियारें विफरिंन चेंतजिलाज ॥ कहा भयो जोहें सिर ऊपर मदन गरीब निवाज ॥२॥ सेवा फाग चतुराई के बल जुर चल्यो सुरतसमाज ॥ कृष्णजीवन लछीरामके प्रभुहरि दिन दूल्हे ब्रजराज ॥३॥

Dhamar

Part3-149

Singhadoo