Merrie ankhiyan jinn daro hoe gulal laal

मेरी अंखियन जिन डारो हो गुलाल लाल रहो तुमसों बिनती करों ॥ मोपें सह्लो न परेगो लाल यह निपट कपटको खेललाल ॥|ध्रु०॥ चोबा चंदन अरगणजा हो केसर बहुत रसाल गागरी ढोरी औचका मन भई हे रंगीली बाल लाल ॥१ ॥ डों अपने मन की कहों तुम सुनियो हो गोपाल ॥ रंग जो ठान्यो अटपटो हो हम भई हैं हाल वेहाल लाल ॥२ ॥ मोहन मूरति सांवरी हो रसिक नंद के लाल ॥ कृष्ण जीवन लछीराम के प्रभु को देखि भई हों निहाललाल ॥३॥

Dhamar

Part3-162

Dhanashri

Hoe hoe horry boli hii .. naval kumbar milli

हो हो होरी बोलि ही ॥ नवल कुँबर मिलि खेलैं फागु ॥ आगम सुनि ऋतुराज को उपज्यों मन में अति अनुरागु ॥१॥ बरस चौस लागी रहै या सुख की आसा जिय माँहि ॥ जो बिधना ऐसी करै सबै चौस होरी व्हैं जॉँहि ॥२॥ अति डुलास चित में बढ्यों अब रोक्यों यह कापे जाई ॥| उम्गि चलल्‍्यों रस सिंधु कों अपनी मरजादा बिसराई ॥३॥ सुबल सुबाहु सखा सबै जोरि लियों निज सैंग समाज ॥ अपने अपने घरन तें निकसे करि खेलनि कों साज ॥४॥ एकु सखा हो हो करे एकु करे उलटी कछु रीत ॥ मधुमंगल नॉँचति चले गावति हैं होरी के गीत ॥५॥ एकु दिगंबर रूप धरि नख सिख अंग बिभूति चढ़ाई ॥ एकु कोउ कामिनि भई चलैं हैं दुहुँन की गाँठि जुराई ॥६॥ ताल परव्राबज बाज हीं बाजै रूंज मुरज सहनाई ॥ दुंदुभि ढुफ औ झालरी रहों कुलाहल सब ब्रज छाई ॥७॥ सैननि ही में साँवरे कह्मों सुबल सौं यों समुझाई ॥ आजु भैया यह साज सौं खेलैं बरसानें में जाई ॥८।| आये बट संकेत में जहँ कींनीं मुरली की घोर ॥ खबन सुनति प्यारी राधिका चौंकि परी चित रहदों न ठौर ॥९॥ निकसी संग समाज लै खेलनि कों सब साज बनाई ॥ पाबस ऋतु सरिता मनौं उमगि चली रस सिंधु समाई ॥१०॥ एकन कर गैंदुक सोहे एकन नबलासी बहु रंग ॥ झूमक मिलि गावत चलीं झोरिन भरें गुलाल सुरंग ॥११॥ ताल पखाबज बाज हीं सुर बीना महुंवरि मुख चंग ॥ मधुर मधुर सुर बाज हीं मदन भेरि ढ़फ चंग उपंग ॥१२॥ आइ प्रिया पहुँची तहाँ खेलति हैं जहाँ नंद किसोर ॥ मानौं समेर संकेत में रूपे सुभट सनमुख दोऊ और ॥१३॥ बिबिध भाँति फूलन गूही पहिलैं गेंदुक दरई चलाई ॥ मानौं रस संग्राम की आगे दई बसीठ पठाई ॥१४॥ पिय पिचकारी पूरी के दइ प्रिया उर ऊपर तानि ॥ अगर अरगजा घोरि के मुख सौंधौं लपटायों सानि ॥१५॥ वरखत हे दुढ्ँ और तैं मनौं मेघ उमड़े जलरास || गौर घटा औ साँबरी बरखति केसर नीर सुबास ॥१६॥ सब सखियन ढ़िण स्याम के दीनौं लाल मुलाल उड़ाई ॥ दुरि पाछे तैं घात सौं गहे कुँवरि मन मोहन जाई ॥६७॥ एकन भुज गाढ़ी गही एकु बनाबति चित्र कपोल ॥ एकु निडर आऑजन लगी नैन कमल दल परम सलोल ॥१८॥ इकु सनमुख मुख चाह हीं एकु लेति कर चिबुक उठाई ॥ बहुत कहावत हों आपुन को आजु बंदों जो जाउ छुडाई ॥१९| एकन मुरली हरि लई एकन मोतिन माल उत्तारि ॥ नब केसरि मुख माँडि कैं इकु नाँचति हैं दे दै कर तारि ॥२०|॥ एकन गहि बैनी गुह्ी एकन मोतिन माँग सँवार ॥ उरज पै कंचुकी कसी तापै मोतिन माल सुढ़ार ॥२१॥ तनसुख की सारी अति झीनी अरु लींनी सौंधे सौं साँन ॥ अगर अरणजा बोरि कै पहिरावति पीतम कों आन ॥२२॥ नूपुर कंचन किंकिनि नख सिख भूषन सजे सिंगार ॥ सो सुख देरैं ही बने अद्भुत सोभा बढ़ी अपार ॥२३॥ कर पै कर धरि लै चलीं बैठारे प्यारि ढिंग जाई ॥ आई नई यह सहचरी चाँहति है देखन कौं पाई ॥२४॥ अति प्रवीन गुन आगरी बैनु बजावत परम अनूप ॥ सेबा अंग सिंगार में सुधघर सखी साँवरी सरूुप ॥२५॥ उतर्कठा तुम मिलन की लगी रहत जाके जीय माँहि ॥ हँसि भेटो दोऊ अंक भरो जासौं तन मन नैन सिराहि ॥२६॥ अति आनंद हुलास सौं मिली सखी दोऊ भरि अँकवारि ॥ जब जान्यो यह भेद कछू तब हि सकुंचि मुसिकाई निहारि ॥२७॥ जो आनैँद उर में बढ्यों एकु रसना बरन्यौं नहिं जाई ॥ दिन दिन यह सुख दुहुँन कों निरखि “माधुरी' नैंन सिराई ॥२८॥

Dhamar

Part3-162

Dhanashri

Eku dinaa vraj naari simiti chully faguwa

एकु दिना ब्रज नारि सिमिटि चली फगुवा माँगन ॥ मृगमद साख जबाद लियें कर गोप घनी गन ॥ राधा प्रमुख सबे चलीं उपमा कही न जाई ॥ माँनहु मत्त जयंद पै ज्यों करिनी चली धाई ॥१॥ फगुवा देहों लला नातरू उपरैना अरू पाग भरैंगी ब्रज अबला ॥|श्रु०॥ किन कँचुकि लाँक कीने बर पीत बनाई ॥ तनसुख सारी साजि माँग सिंदूर सुहाई ॥ नकवेसर मोतिन की कीनीं अरु नुपूर घन घोर ॥ नैननि में कजरा बने अरु सौँंधे झकझोर ।।२॥ गाबति धाबति गई सबे नँद राई की पौरी ॥ मन में मदन गुपाल गदह्मों चाहति भरि कौरी ॥ फागुन मास बसंत ऋतु मदन जु ब्यापत अंग ॥ झुंडन मिल आई सबै खेलनि हरि के संग ॥३॥ बाजति ताल मृदंग चंग मुख चंग उपंगा झांझ झालरी पटह भेरी दुंदुभी सुर उतंगा ॥ बीन अरु प्रनव ढफ तुरी सुबंस रसाल ॥ औरू अधोटी सबद बर, उचंटत हैं कट ताल ॥४॥ मोर मुकुट सिर बने बनी मुकता फल माला ॥ कुंडल भंडित गंड कुटिल भ्रू नैन बिसाला ॥ पीतांबर कटि किंकिनी कर मुरली सबद रसाल ॥ कोलाहल सुनि द्वार पै निकसे हो नैंदलाल ॥५॥ उझकत इत उत्त ग्वालि तकत मोहन की घातें ॥ गहवे कों छल करत मदन मोही मदमाौतें ॥ सौधों पिचकारी भरी अंचर ओट दुराई ॥ आसपास सिंघ द्वार पैं रही गैल सब छाई ॥६॥ बाढ्यों अद्भुत झुंड राधिका मधि दुराई ॥ सब तरूनी सिर तिलक करों चाहत हरिराई ॥ तब ही सब मिली नारि धाई हरि के ढिंग आई ॥ सखी परसपर सैंन दै सिर पै रंग दियो ढरिकाई ॥७॥ तब लीये अरगजा लाल जुबती मंडल मधि दौरे ॥ मानों मदन मदमत्त गज करिनी गन ओरे ॥ पट झीने पहचानि मुख श्री राधा दृण लोल ॥ छूबति अरणजा ब्याज कैं कुच वर ललित कपोल ॥८॥ कोऊ कर अंचर गहे कोऊ पटका झकझोरे ॥ कोऊ आन गहे दाम नैंन सौं नैना जोरै ॥ काजर हरद कपोल बर लावति गजावति ग्वार ॥ स्यामा सनमुख आई कें भरि लींने अँक वार ॥९॥ हम अँकवारो भरचों करों जीय को तुम भायों ॥ श्री भामिनि कों अतरौंट रैंचि काऊ जु उढ़ायों ॥ मुरली पणिया पीत यह आनि चंद्रिका मोर ॥ भामिनी अंग बनाव ही हरि सिर गूंथी डोर ॥१०॥ कोउ कर अंजन करे किनहूँ लै माँग सँवारी ॥ रोरी बिंदुका भाल चिबुक काजर बिंदुका री ॥ सारी सुरँग बनाई कैं बागो लियों उतारि ॥ प्यारी कौ पहिराव हीं दे सिर मुकुट सँवारि ॥|११ ॥ कोऊ नकबेसरि दई किनहू मुक्ता फल हारा | खुभी चोकी पदक पोत दुलरी ब सुढारा ॥ बलैय पौंचिका मुद्रिका झाँवे झूमका चार ॥ कर कंकन अरू किंकिनि पण नूपुर झनकार ॥१२ ॥ कर जोरे कोउ सखी कोऊ पै गाँठि बनाबै ॥ मंडल कर जु फिराई सरसधमार हि गावैं॥ कुँवरि कुँवर बिलसति अधिक कोक कला सब जान ॥ नव नागरि दुलहा भई नव दुलहनि भए कान ॥१३॥ कोऊ आलिंगन करै कोऊ मुख चुबत नीकें ॥ लाल भुजा उर धरै धरे भुज अंसन पीके ॥ पीबन पिबाबत अधर मधु मुख में बीरी दैन ॥ खंडित दसनन अधर पुनि आपुन मुखि धरि बैन ॥६ ४॥ पुनि आये सब ज्वाल सबै नाना रँग भीने ।| अरगजा कुमकुम नीर सरस सौंथो सँग लीने ॥ फूल माला गरै धरैं अरू फुलेल चरि माथ ॥ गोद गुलाल बीरा मुरे धरि पिचकारी हाथ ॥१५॥ तब बोले बलराम ग्वालि घेरो एकु ठोरी ॥ ठौर ठौर तैं जाई रोकि रहों ब्रज की खोरी ॥ एकु एकु करि कैं भरों कुसुम रंग के माँझि ॥ ए सब बन तें एकु घर जान न पावै साँझि ॥ १ ६॥| सिमिटि कै सब ग्वाल प्रथम पूजो बलि देवा ॥ कुमकुम रोरी हरद करों बाई की सेवा | सौंधे कनक बेला भरि लै बल ऊपर ढोरी ॥ तारी हाथ बजाई कै मुख बोलति हो हो होरी ॥१७॥ तब सुबल सुबाह बांधि फैंटा अरू दौरे ॥ केसर केसू कलस आनि जूबतिन पै ढोरे ॥ मोहन पिचकाई लिये चोबा चंदन घोरि ॥ अरु सखियन की ओट दै स्याम सनमुख दई छोरि ॥१८॥ अरी सब पिचकाईन थधरों अब को ये खेला ॥ एकु ही बेर सौं छोरि भरों तुम कान्ह अकेला ॥ छुटी एकु ही वार सुभ धार बिबिध बिथ रंग ॥ घन गन बरखत मानौं अमृत चातक नब रँग ॥१॥ लै गुलाल नंदलाल जुबति मंडल मधि दौरि ॥ सब सखीयन में भामिनि मूठि डारत मुख मोरि ॥ तेल गुलाल लगाई कै हाथ पिछौरा कीन ॥ रसिक सिरोमनि साँबरे सब के मुख पै दींन ।२०॥ तब राधा अति चतुर हँसति मोहन ढ़िण आई || करी रसीली बात मुख हि हेर रहे कन्हाई ॥ सैंन दरई सब सखिन को हरें हरैं ढिंग आई ॥ स्याम परे बस तियन के मुरली लई छिनाई ॥२१॥ कान लामि कैं कह्यो सखी स्यामा सुन स्याम ही ॥ तो तुम मुरली देहि नैकु पकराव हु राम ही ॥ इतनौं कहत में और सखी सब झटकत पट हि उतार ॥ पीतांबर तब ले भजी मोहन रहे हैं निहार ॥२२॥ भाए ॥ केसू कुँमकुमा कुसुम रंग हरद लगाबति गाल ॥ एकु आँखि आँजी सखियन तब हँसि हों ब्रज बाल ॥२३॥ तबै आनि कै नंद बीच कीनौं यह औसर ॥ विविध बसन परिधान हार दीने हैं नौसर ॥ पीतांबर मुरली लई दई श्याम के हाथ ॥ तब निकसी निज जेह तैं भरचो है जाई ब्रजनाथ ॥२४॥ एकु उछारत फूल एकु गुलाल उड़ावै ॥ उरप तिरप गति लेत एकु पट ताल बजाय || सौंधो सोरभ नभ बढच धरनि अरगजा कीच ॥ गज्वालन मिल उधम कियों अनेक नागरी बीच ॥२५॥ तब राधा नँदलाल देखि रानी बिहँसानी ॥ करि आरती दै अरध अंग अंग सुखसानी ॥ करि न्योछावर तोर सून बढो सन्नु सिर सुल ॥ दुंदुभि देव बजाब ही बरसन लागे फूल ॥२६॥ हरि जस गावति सबै चली निज निज गृह नारी ॥ मदन गुपाल के सँँग रंग रस भीनीं सारी ॥ देति असीस जीयो सर्दाँ ब्रज के जीवन प्रान || राज करो वृषभानुजा सौं स्दोँ गिरिघरन सुजान ॥२७॥ के भेद श्याम हलधर पकराए || सब गोपिन कौं घेर करो तुम मन के

Dhamar

Part3-163

Dhanashri

Sakhee ree rasiya nand kainmar dadhi bechan gaee ..

सखी री रसिया नंद कैंमार दधि बेचन गई ॥ गलिन गलिन सखी हों फिरी दधि काहु नॉंहि लई ॥१॥ चितबनि में चित चोरच्ो मोहन हम ब्याकुल जु भई ॥ चपल पथ भारि भयों मोकों प्रेम की गाँठि दई ॥२॥| अब न जाउ सखी या गोकुल घर बैठें बेचो सही ॥ “सूरदास' प्रभु वे बहु नाइक जिनि मेरी बाह गही ॥३॥

Dhamar

Part3-166

Dhanashri

Khelani aaee humm mohan tum sanga ..| begi

खेलनि आई हम मोहन तुम सँग ॥| बेगि मँगाओ जु अबीर अरगजा और केसरि कों रँग ॥|१॥ धाँईई गहि बैयाँ गिरिधर की चोबा चंदन लपटावति अंग ॥ 'हरि बलभ' प्रभु दिजै फगुवा जानति तुझारे ढंग ॥२॥

Dhamar

Part3-166

Dhanashri

Ick samey ghansyam kain mandir sunder horry kii

इक समे घनस्याम कैं मंदिर सुंदर होरी की हो बारि बँधी ॥। भीज रही सब नारि ब्रज की धौवति दाग अरगजा सुगंधी ॥१॥ नारि ब्रज की घौवति दाग अरगजा सुगंधी ॥१॥ केसू केसर ओर कुँमकुमा पिचकाईन भरि भरि साँधि ॥ चोवा की कीच फूलेल की रेल जुलाल को मेह अबीर की आँधि ॥२॥ बाजत बीन मृदंग बाँसुरी छायो है रागु धनासरी छंदी ॥ सखीयन घूमर दै दै गावति निरखि “सूर” भयों परमानँदी ॥३॥

Dhamar

Part3-166

Dhanashri

Milli diyau haye sakhee koo bhesh apune laal

मिलि दियौ है सखी को भेष अपुने लाल को ॥ मिलि गावत चली हे धमार गजगति चाल सौं ॥१॥ बृषभानु सुता नंद लाल को हो दियौ है सखी को भेष || सारी सुरंग सुहाबनी हो नैननि काजर रेख ॥२॥ जसुमति आगैं राधिका को कहति हैं बात बिचारि ॥ स्याम सुंदर के कारने हम लाई हैं एकु नारि ॥३॥ जसुमति बुझे राधिका हो कहा की कन्या होई ॥| कहा नाम या बाल कों हों में फुनि जानों सोई ॥४॥ नंद महर की यह सुता हो मोहनी जाकों नाँऊ ॥ महारावर साँची कहीं हो गोकुल जाकों गांऊ ॥५॥ यह रावर मुसिकाई के हो जब जान्यौं या भेव ॥ तन मन धन नोछावरि हो बलिहारी या देब ॥६॥ फगुवा माँगे राधिका हो महा रावर गहि धाई ॥ अब भलें तुम छूटी हो मोए फगुवा देह मँँगाई ॥७॥ फजुवा दीयौ जसुमति हो पांन फूल पकवांन ॥ फगुवा राधिका हो भए सकल कल्यान ॥८॥ लाल गुलाल उड़ाव हि गगनलौं सब छाई ॥ एकु एकनु अँक भरै हो सोभा कही न जाई ॥९॥ रस बाढ्यों गोपिका हो खेलति झूमक चारि ॥ एकु सखी मिलि एकु सौं देति है होरी की गारि ॥१०॥ पुहुष सुरंग सुहाबनों हो फूले फले सुवास ॥ जसोदा नँदन राधिका हो खेलें रैंग बिलास ॥११॥ ऐसी सोभा फागु की हो मोपै बरनि न जाई ॥ 'रसिक' सुंदर लाल पें हो निरसि सदाँ बलि जाई ॥१२॥

Dhamar

Part3-167

Dhanashri

Vraj mein horry khelati saanvaro manmohan jaakon

ब्रज में होरी खेलति साँवरो मनमोहन जाकों नाम ॥ फागु सकल ब्रज रम रह्यो रस भीजि रह्यों सब जाम ॥१।| नटवर भ्रेष उतारि कें बिप्र भये गोपीनाथ ॥ जिनके नैननि कौतुक बारे तेइ ब्रज के लरिका साथ ॥२॥| नव तरूनी और रूपवती हैं हरि ताकी बाखर जात ॥ चितवत अति अनुराग सौं औ कहति भेद की बात ॥३॥ गोपी कहे अह्ो विप्र जू हम कछु पूछत तुम सौं ॥ हमारी प्रीत जू हरि सौं लागी कछु हरि हू की हम सौं ॥४॥| कहति हौं बाके जिय की तुम सौं. तुम सुनौं हि को हेत ॥ जो कछु करति तुम कारनें हरि चाहत सदाँ संकेत ॥५॥ पिय की हँसि चितवनि लखी ओर सोभा रही निहारि॥ रीझि रीक्िि सब सँग लगी लोक लाज डर डारि ॥६॥ श्री राधा मंत्र जपत चले हरि जहाँ कीरति वृषभानु ॥ कहि न सकत चाहत कहा दानन में कन्या दाँनु ॥७॥ कर गहि कै ढ़फ लाड़िली आई गावत सखियन सँग ॥ कहि “भगवान हित रामराई' प्रभु भई नैन गति पंग ॥८॥

Dhamar

Part3-167

Dhanashri

Khele nagar ajodhya maanhe raghuveer jaanaki ..

खेले नगर अजोध्या माँहे रघुवीर जानकी ॥ कस्तुरी कों तिलक हों बलि जाँऊ मुख पान की ॥१॥ इत ते निकसे जनक नँदिनी उत ते निकसे राम ॥ चोवा चंदन औरू अरगजा छिरकति मोहन श्याम ॥२॥ गुनी गंधरव सुर नर मुनि मोहे चंण बजावति हनुमान की ॥। 'परमानद” कर जोर कहति मेरी बिरध हरि नाम की ॥३॥

Dhamar

Part3-167

Dhanashri

Salaunen shree gorai gaat sunder nagri .. huns

सलौनें श्री गोरै गात सुंदर नागरी ॥ हंस चाल रबि तें छबि नीकी चंचलता लै मीन | अंबुज जोति बदन छबि तिय की चंदा भये मलीन ॥ सुंदर नागरि ॥१॥ छूटी लर लपटी छतियन पै सोभा बरनी न जाई || माँनों माँगन चली हे सुभ्र पै मौतिन चौक पुराई | सुंदर ॥२॥ केवरा कर कंकन सोहै कंठ सोहे दुलरी ॥ माथे तिलक भाल माँनौं राजति कामिनि काम भरी ॥|सुंदर।। ३॥| केसर लंक बरन चंपे को बोलति है पिक बैंन ॥ आसा नासा ईल कील माँनौ लुटै सारंग बैंन ॥सुंदर॥४॥ थोरे दिनन की गोरी भोरी होरी खेलन आई ॥ “रामदास' प्रभु मिले परसपर . चितवनी चली मुसिकाई ॥सुंदर॥५॥

Dhamar

Part3-168

Dhanashri

Aankhin mein jinn darou-darou juu abir ..

आंखिन में जिन डारौ-डारौ जू अबीर ॥ रतनजटित पिचकाइन कर लिये अह्ठो भरि केसरि नीर ॥ १॥ ललिता मोहन को मुख माँड्यो चरच्यो श्याम सरीर ॥ “सूरदास” प्रभु सर्वसु करि लीनो इन हलधर के वीर ॥२॥

Dhamar

Part3-168

Dhanashri

Shree radha naval kisor dolain gujri .. vaake

श्री राधा नवल किसोर डोलैं गुजरी ॥ वाके नैन चपल चित चोर डोलैं गुजरी ॥ संग लिए सकल ब्रज सुंदरी अति रस रंग ढरी ॥१॥ कानन करनफूल, नकबेसर, मौतिन माँग भरी ॥ अधर प्रबाल नैन खंजन, मृग सावक तें अगरी ॥२॥ मुकत माल चौकी हमेल खग बारी पर दुलरी ॥ अँगिया बनी कटाब की निज जोबन करि सुधरी ॥३॥ सुबन पाट की ओढ़नी ओढ़नि पै इँडुरी ॥ कनक मटुकियाँ सिर धरै बाबा नंद जु के द्वार खरी ॥४॥ बिद्यापति बरनें काहा हो अंग अंग सुघरी ॥ कोकिल बन संपुट खुले मानों फूली कमल करी ॥५॥

Dhamar

Part3-168

Dhanashri