Kanakpuri chhori rachee mohan vraj baalaa .. mathura

कनकपुरी छोरी रची मोहन ब्रज बाला ॥ मथुरा काढ्यों जाए सुंदर राधिका मोहन ब्रज बाला ।॥। १॥ काहे की तुम ग्वालिनी ॥ मोहन ब्रज बाला॥ का दघ्ि बेचन जाई ॥ सुंदर राधिका मोहन ब्रज बाला ॥२॥ गोकुल की हम ग्वालिनी ॥ मोहन ब्रज बाला ॥ मथुरा दध्ि बेचन जाई ॥ सुंदर ब्रज बाला ॥३॥ काहे के तुम दानैया ॥ मोहन ब्रज बाला ॥ काहे कौ जु मुरार ॥ सुंदर ब्रज बाला ॥४॥ गोकुल के हम दानैया ॥ मोहन ब्रज बाला ॥ श्री मथुराजी को मुरार ॥ सुंदर ब्रज बाला ॥५॥ लौंग सुपारी दानेया ॥ मोहन ब्रज बाला ॥ दक्चि कौ दानी होय ॥ सुंदर ब्रज बाला ॥६॥ जाइ पुकारों कंस पै ॥ मोहन ब्रज बाला ॥ पकर मंगाउ तोय ॥ सुंदर ब्रज बाला ॥७॥ कंस को मार न सके ॥ मोहन ब्रज बाला ॥ करो मथुरा को राज ॥ सुंदर ब्रज बाला ॥८॥ नैंन हमारे झुंड में ॥ मोहन ब्रज बाला ॥ चोरी चोर मजीठ ॥ सुंदर ब्रज बाला ॥९॥ श्री विट्ठल पद पदम कें ॥ मोहन ब्रज बाला ॥ पावन रैनु परताप ॥ सुंदर ब्नज बाला ॥१०॥ 'छीत स्वामि' गिरिधर मिलै॥ मोहन मेंट्यों तन को ताप | सुंदर ब्रज बाला ॥११॥

Dhamar

Part3-169

Dhanashri

Khelat faag kunwar nandanandan shree vrishbhandulari

खेलत फाग कुँवर नँदनंदन श्री वृषभानदुलारी हो ॥ संग लिए सहचरी रंगीली नाचत दै कर तारी हो ॥१॥ बीन मृदंग मुरज डफ मुरली कल मुख चंग बजावै हो ॥ गावति राग राजिनी सुन्दर नाना गति उपजाबै ॥।२॥ मृगजमद केसर सत गुलाल को घोरि परसपर मेलै हो ॥ त्रिबिध समीर बहति ले आवत अति सौरभ की रेलै हो ॥३॥ अति आनंदित कुँवरी बिबिध रंगभरी पिय मुख की निहारी हो ॥ नख सिख लालच भर्यों लालची लै प्यारी उर धारी हो ॥9७॥ लटकत ललना लाल मिलि दोऊ करत बहु विधि केलि हो ॥ मानों तरून तमाल हि लपटी नवकंचन की बेली हो ॥५॥ दुलह मदनगोपाल विराजति दुलहनि नवल किसोरी हो ॥ ललित विलास करत वृन्दावन नवल एक सम जोरी हो ॥६॥

Dhamar

Part3-169

Dhanashri

Horry khelat vraj-khorini main, vraj-baalaa bunny bunny banwari ..

होरी खेलत ब्रज-खोरिनि मैं, ब्रज-बाला बनि बनि बनवारी ॥ डफ की धुनि सुनि बिकल भई सब, कोउ न रहति घर घूँघटवारी ॥ जाहि अबीर देत आँखिनमैं, ताहीकौों छिरकत पिचकारी ॥ सौंधे तेल अबीर अरगजा, तैसि जरद केसरि चटकारी ॥ उड़त गुलाल, लाल भै बादर, रँँगि गे सिगरे अटा-अटारी ॥ सूरदास, वारी छवि-ऊपर, कल न परति छिनु बिनु-गिरिधारी ॥

Dhamar

Part3-170

Dhanashri

Rung bhari darcho ray abir .. chova chandan aggar

रंग भरि डारचो रे अबीर ॥ चोवा चंदन अगर कुमकुमा छिरकत केसर नीर ॥१॥ बाजत ताल मृ्दंग झांझ डफ फिरत जमुना के तीर ॥ “कृष्ण जीवन लछीराम' के प्रभु प्यारे हरि हलधर दोऊ बीर ॥२॥

Dhamar

Part3-170

Dhanashri

Milli diyau haye sakhee koo bhesh apune laal

मिलि दियौ है सखी को भेष अपुने लाल को ॥ मिलि गावत चली है धमार गजगति चाल सों ॥१॥ वृषभानु सुता नंदलाल को हो दियौ है सखी कौ भेष ॥ सारी सुरंग सुहाबनी हो नैननि काजर रेख ॥२॥ जसुमति आगैं राधिका हो कहति हैं बात बिचारि ॥ स्याम सुंदर के कारने हम लाई हैं एकु नारि ॥३॥ जसुमति बुझे राधिका हो कहाँ की कन्या होई ॥ कहा नाम या बाल कौ हौ मै सुनि जानों सोई ॥9७॥ नंद महर की यह सुता हो मोहनी जाकौ नाँऊँ ॥ महारावर साँची कहाँ हो गोकुल जाकौं गाँऊँ ॥५॥ यह रावर मुसिकाइ कें हो जब जान्यौं या भेष ॥ तन मन धन नोछावरि हो बलिहारी या देब ।।६|। फग॒ुवा माँग राधिका हो महा रावर गहि धाई ॥ अब भले तुम छूटी हो मोए फगणुवा देहु मँगाई ॥७॥ फगुवा दीयौ जसुमति हो पान फूल पकवांन ॥ फगुवा लीनै राधिका हो भए सकल कल्यान ॥८॥ लाल गुलाल उड़ाव डि गगनलोौं सब छाई ॥ एकु एकनु अँक भरै हो सोभा कही न जाई ॥९|॥ रस बाढ्यौ गोपषिका हो खेलति झूमक चारि || एकु सखी मिलि एकु सौं देति है छोरी की गारि ॥१०॥ पुहुप सुरंग सुहाबनों हो फूले फले सुबास॥ जसोदा नँदन राधिका हो खेलें रैंग विलास ॥१॥ ऐसी सोभा फागु की हो मोपै बरनि न जाई ॥ 'रसिक” सुंदर लाल पैं हो निरखि सदाँ बलि जाई ॥१२॥

Dhamar

Part3-170

Dhanashri

Nanda kumar laadile abb kaise chhooti jaido ..

नँद कुमार लाड़िले अब कैसे छूटि जैडो ॥ अब तो परे तियन बस मोहन गहेरे उसासन लैहो ॥१॥ तब छाँड़ेंगी ब्रज नारी जब पाँडन पर हा हा खैहो ॥ 'सूरदास' प्रभु गहैनों दै राधा को फणगुवा दैह्ो ॥२॥

Dhamar

Part3-170

Dhanashri

Hoe hoe horry khele laal ..

हो हो होरी खेले लाल ॥ एक जारि निपट उघारी गावत कौन टेव परी गोपाल ॥|१॥ पिचकारिन रंग भरत भराबत मुख मांडत ले गुलाल ॥ 'कृष्ण जीबन लछीराम' के प्रभु संग लिये सब ग्वाल बाल ॥२॥

Dhamar

Part3-171

Dhanashri

Bali jaauun ladili chalau sneliye fagu ..

बलि जाऊँ लाडिलि चलौ स्नेलिए फागु ॥ रस निधान नबल नँदलाल सौं प्रगट करौ अनुरागु ॥१॥ जाय लाल चोहटे सजि कैं सरस सखा लै सँग ॥ नाँचति गावतति करति कौतुहल बाजति ताल मृदंग ॥२॥ जब आये हरि निकट पौरि कें तब रही है न सँभार ॥ सकल साज रतिराज सँग लै चरन धरौ निज दुआर ॥ ३॥| तब बोली बृषभानु नँंदनी जाउ नँद ग्रह तीर || बिविध भाव मन हि मन संचति मुसिकात रति रनधीर ॥9॥ दोऊ ग्रहे कर गहें बलि बलि कैं हरखि चली चंद्रावलि ॥। काम खबरी रति लैं चली मनौं पहिरावति निज मालि ॥५॥ उत तें जाइ नंद लाड़िलो इत तैं गोष कुमार ॥ पुलकति तन निरखति नैंननि करै घुँघट जोट जुहार ॥६॥ मोहन उत मुरली में उघटति नबल सखि कौ नाम ॥ एहि कलि कंठ कोकिला कूजे पूजे मन के काम ॥७॥ उत तैं धुँधारि करति गुलालनि इत पिचकाईन धार ॥| मनौं अरून घन में झलकति है चपल चअमकि सुढ़ार |[८॥ एक सखि नब घन साँवल सौं कष्डि रख जिय की बात ॥ ले पधराइ चलै मंदिर में जहाँ दामिनी दुति मात ॥९॥ पीय सौं मिलि सरस ससि बदनी करत भाँवते छेलि ॥ मनौं कलप सिंगार द्रुम पहिरे कनक बेलि रही झेलि ॥१०॥ मोहन पीय निज भुज अंतर लै डारौ कुँमकुम नीर ॥ मनौं राधिका नव दुति विलसें साँवल सुभग सरीर ॥११॥ पिय मुख कमल पराग लगाबैं जोति अद्भुत छबि होत ।| सुधा सिंधु मनौं चंद प्रगट भी परी कमल मुख जोत ॥१२॥ इंदु मुखि चोवा बिंदु लावैं पिय बदनार बिंद ॥ ब्रज जुबतिन कौं मन मचुकरि वे मनौं पीयौ मकरंद ॥१३॥ मन तब एके स्याम चंद कौ निरखेई ढिंग जाई ॥ ज्यौं ज्यों किरन सुधा छबि बाढ़ैं त्यौं त्यों तृथा बढ़ाई ॥ १४॥ जोरे भरति लाल जब देख्यो कोऊ दुरि हरि भरि जाई ॥ कोऊ पिचकाईन की छुटति हैं मींडति अंग बचाई ॥१५॥ कोऊ प्थारी उलटि जात है सरस रंग लै ग्बारि ॥ भरति ताप पनह तन लाल कौं पीय नहि सकत सह मारि ॥१६॥ भरति लाल एक भरे अंक में एक अंजन दै नैंन ॥ एकु चुंबति जाँऊ दुरि मुरि कै अपनों बदलो लैन ॥१७॥ पीय बने भाम दस दिस ठाड़ें देखि अन देखि री नारी ॥ जोरी गाँठि सब सुख निरखति है 'रसिक' सखी बलिहारी ॥१८॥

Dhamar

Part3-171

Dhanashri

Hoe hoe horry radha khelati nand key laal saun ..

हो हो होरी राधा खेलति नंद के लाल सौं ॥ ब्रिंदाबन खेलनि चली गज हस्ती छूटें ढाल सौं ॥ १॥ चोवा चंदन कुँमकुमा पिचकारी भरति गुलाल सौं ॥ चंद-बदनि मृगलोचनी ढ़फ बाजति नाँचति ताल सौं ॥२॥ स्याम राधिका जोरी बनी हो उरझि रहे अनमाल सौं ॥ इत राधा बानक बने, उत मोहन बने ग्वाल सौं ॥३॥ “धोंधी” के प्रभु तुम बहु नाइक फगुवा देति खुसाल सौं ॥४॥

Dhamar

Part3-172

Dhanashri

Gopkunwar liye sanga horry khele vrajnayak

गोपकुंवर लिये संग होरी खेले ब्रजनायक होरी ॥ इत ब्रज जुवतिजूथ मधि नायिका श्रीवृषभान किसोरी ॥१॥ मोहन संग डफ दुंदुभि सहनाई सरस धुनिजु बाजे ॥ बीच-बीच जुवति मनमोहन महुबरि मुरली राजे ॥२॥ संग स्याम मुदंग आवज झालर झांझ बजावे ॥ किननरी बीना आदि बाजे साजें मिनत न आवबे ॥|३॥ इत्त ब्रजयुवति लिये कर राजें रतन खचित पिचकाई ॥| उन करकमल कुसुम नवलासी जाबत गारी सुहाई ॥४॥ तब मनमोहन जुवतिजूथ पर विविध रंग बरखाये ॥ अति सुख सोंज फागकी लीने नव घन उनये आये ॥५॥ ललिता चन्द्रावलि मतो कर सुबल सने दे लीनो || छलबल करि गिरिधर गहिबेको यह जु मतो मन कीनो ॥६॥ सखा भेद गिरिधर ही पाये भयो जुबति मन-भायो॥ आंख आंजी जुंथी जु बेनी मृगनेनी भेख बनायो ॥७॥ फग॒ुवाके गहने मनमोहन मोतिनमाल उत्तारी ॥ बंसी झटक लई झुक प्यारी अधरन विलसनहारी ॥८॥ दीने छाँड आप भायो करि स्याम सखन में आये ॥ तब मोहन सरवर करिवेको बलदाऊ पकराये ||९॥ तब हलधर बस जुवतिनके जु केसर कलस नवाये जोड़ जोइ विधि अपनी जाके जिय तिहि तिहि भाँति नचाये ॥१०॥ कीनो बीच सुबल श्रीदामा दाऊ आन छुडाये ॥ फगणुवा देन कह्मो मनभायो ब्रजपति टेर सुनाये ॥११॥ तब ब्रजराज बसन भूषन लिये जुबतिजूथ ढिंग आये ॥ अति आनंदबदन हरख तब दिये वसन मनभाये ॥१२॥ देत असीस सकल ब्रज॒सुंदरी रसना नहीं लखी कोरी ॥ चिरजीयो मदन मोहन पिय श्यामा गौर स्याम सम जोरी ॥१३॥

Dhamar

Part3-172

Dhanashri

Kaanh kunwar khelani chaley rung bheenen hoe ..| sanga

कान्ह कुँवर खेलनि चले रंग भीनें हो ॥| संग सखा बलराम || लाल रंग भीने हो ॥ भूषन बसन बनाई कें रंग भीने हो ॥ सोभा सुख के धाम ॥ लाल रंग भीने हो ॥१॥ बनि ठनि निकसे अति बने रंग ठाड़े सिंघ दुवार ॥ लाल०॥ स्याम सुभग अति राज ही।॥रंगा। पूरन चंद ऊदार ॥लाल॥२॥ बाजे बहु बिधि बाज || ही ताल मूदंग ढ़फ चंग ॥ बिच बिच मुरली सुर लिये हुलसत सब के अंग ॥३॥ सूनि कै दौरि ब्रज वधू आँई नंद जू की पौरी ॥ तिन में तरूनी सिरोमनी राजति नबल किसोरी ॥४॥ सनमुख ठाड़ी लाल कें गावत्ति मीठी गारि ॥ मुख पर अंचल दे हँसी हासि चितवन वर नारि ॥५॥ मोहन के चित रति बढ़ी खेलि मच्यों अति जोरि ॥ भरि लीये सुरंग गुलाल सौं फैंटन के दोऊ ओरि ॥६॥ मृगमद कुँमकुम घोरि कैं भरति कनक पिचकाई ॥ छिरकति तकि तकि प्यारी कों चितवति चितहि चुराई ॥७॥ मुख पर चंदन डारि के ओहट फिरति हँसि लाल ॥ कोलाहल सब करत हैं हो हो बोलत ग्वाल ॥८॥ ये ऊन के वे ऊन ही के मद्यमो चाहत पीय प्यारी ॥ छल बल सौं सबन सब तकि के पणन परत नर नारि ॥९॥ तब ललितादिक दौरि हे गड्ढे अचानक कान्ह ॥ सबै मिली है सुंदरी पाए है जीवन प्रान ॥ १ ०॥ निरखि हँसी मुख मुसकि कैं परसत बैन अघाई ॥ मोहन सौं ललिता कहे छाँडो करि मन भाई ॥१ १॥ बैंनी गूंथी माँग सौं भूषन सबै सिंगारि ॥ पहिरावे पट कंचुकि अँजन दीये सँवारि ॥१२॥ नील नलिन खंजन मृणी डारै उन पै वार॥ अति अनूप नब नागरी भूले भवन नर नार ॥१३॥ चोवा मृगमद अरगजा छिरकति केसर घोरि ॥ छायै गगन गुलाल सौं अरुन घटा धन घौर ॥१४॥ बरखति अति अनुराग सौं स्यामा श्याम किसोरि ॥ पिप प्यारी मुख चंद के पीबत नैंन चकोर ॥१५।॥ छाँडे मन जु मनाइ कै पकरे फिरि बल घेरि ॥ जुबति भेष बनाई कै पहिरावे पट फेरि ॥१६॥ नैंननि अँजन दे हँसी भले बने बल दाऊ || छिरकति केसर घोरि कें कहो कुंवरि कौं नांऊ ॥१७॥ इहि बिधि होरी खेलि ही बाढ्यो अति अनुराग ॥ सुधि कछू न समार ही प्रमुदित ब्रज बडभाग ॥ १ ८॥ नवल लाल रसिक मनी गिरिधर प्रान आधार ॥ नेंननि कौ फल यह सखी निरखे नँदकुमार ॥१५९॥

Dhamar

Part3-173

Dhanashri

Ita maadhon uta radhika ..nanda lalnaan.. khelati

इत माधों उत राधिका ॥नँद ललनाँ॥ खेलति जमुना तीर ॥ मोहन मूरति नँद ललनाँ ॥१॥ काहू के माँथे रोचनाँ ॥नँदा। काहु के बहुत अबीर ॥ मोहन मूरति ॥२॥ मोहन माँधे अरगजा ॥नैंदा। गोपीन बहुत गुलाल ॥ मोहन ॥३॥ काहु के कर पिचकाईयाँ ॥नँद।| काहु के सिर पाटिर ॥ मोहन ॥४॥ काहु के चोबा कुमकुमा ॥नैंद॥ बूका बंदन धूरि ॥ मोहन ॥५॥ ढ़फ बाँसुरी सुहावनी ॥ नँद ॥ ताल मृदंग उपंग ॥ मोहन ॥६॥ गोकुल, तैं गोपी चली ॥ नैंद ॥ पहिरे दछिन चीर ॥| मोहन ||७॥ सेस पताले मोहियो ॥ नँद | मोहें चंदा सुर ॥ मोहन ॥८॥ जान अजान बिनति करें ॥नँद॥ 'आसकरन' बलि जाई ॥ मोहन ॥९॥ यह लीला कों दरस वेहु ॥ नँद ॥ कृपा करो प्रभु हरिराम ॥ मोहन ॥१०॥

Dhamar

Part3-173

Dhanashri