Faguwa deho lalaa naatar upraina aur paag

फगुवा देहो लला नातर उपरैना और पाग भरेंगी ब्रज अबला ॥भ्रु०) इक दिना ब्रज नार सिमिट चली फगुवा मांगनाँ ॥ मृगमद साख जवाद लीए कर गोप घनी घनाँ ॥ राधा प्रमुख सबै चली हो उपमा कही न जाईं ॥ मनहु मत्त गयंद पै हो ज्यों किरिनी चलीं धाई ॥ फगुवा देहो लला ॥१॥ किनहु कंचुकी लाल किनहु लै पीत बनाई | तनसुख सारी साज माँग सेंदर भराई || नकबेसरि मोतीहरा हो किंकिनि नुपूर घोर ॥ नैननि में कजरा बन्यों हो अरू सौंथे झकझोर ॥ फगुवा ॥।२॥ गावति धावति चली सबैं नंदराई की पौरि || मन में मदनगुपाल गह्मौ चाहत भरि कोरी ॥ फागुन मास बसंत ऋतु हो मदन ब्यापत अंग ॥ झुंडन आई सबै हो स्केलन हरि जू के सँग ॥ फग॒ुवा ॥३॥ बाजत ताल मृदंग और मुख चंग उपंगा ॥ झाँझ झालरि पटह भेरि दुंदुभी सुरंगा ॥ बीना मह॒वरि प्रनव ढफ हो तूरी बंस रसाल ।| और अधघोटी सबद बर हो उघटत हे कठताल ॥ फगुबा ॥४॥ मोर मुकुट सिर बन्यौं बनी मुक्ता फल माला ॥ कुंडल मंडित गंड कुटिल भौंह नेन बिसाला ॥ पीतांबर कटे किंकिनी हो मुरली सबद रसाल कोलाहल सुनि द्वार पै हो पौरि निकसे नंदलाल ॥ फगुवा ॥५॥ उहकि इत उत ग्वालि तकत मोहन की घाते ॥ गहवे को छल धरति मनहू मोहि मदमाते ॥ सौंधे पिचकाई भरि हो अंचल ओट दुराई ॥ आसपास सिंघ द्वार पै हो रही गेल सब छाई ॥ फगुवा ॥६॥ बाढ्यों अद्भुत झुंड राधिका मधि दुराई ॥ सब तरुनी तिलक हरचौ चाहति हरिराई ॥ तबहि तलमली नैन हरयौ हो ढिंग आई अकुलाई ॥ सरखत्री परसपर सैन दे हो सिर रैंग दीयौ ढ़रिकाई ॥ फगुवा ॥७॥ लिये अरगजा लाल जुबती मंडल मधि दौरे ॥ मनहु मदन मत्त जज तरूनी गन घेरे ॥ पट झीनों पहेचान मुख हो श्री राधा ढिंग लोल ॥ छूवत अरगजा ब्याज के हो कुच भरि ललित कपोल ॥ फगुवा ॥८॥ कोऊ कर अंचल गहे कोऊ पढ़का झकझोरे ॥ कोऊ भाँम लै दाम नैन सौं नैना जोरे ॥ काजर हरद कपोल बर हो गावति धावति नारि ॥ स्यामा सनमुख आई के हो भरि लीनें अंकवारि ॥| फगुवा देहो लला ॥९॥ में अंकवारो भरतञ्ौ करो जीय कौं तुम भायौ ॥ भाँमिनि को अचरोट खैंचि काहु को उढ़ायौ ॥ मुरली पगीयाँ पीत पट हो आनि चंद्रिका मोर ॥ स्यामा अंग बनाव हीं हो हरि सिर गूंथी है डोर | फंगुवा ॥१०॥ कोऊ कर अंजन करे कोऊ लै माँग सँवारी रोरी बिंदुका भाल तिलक काजर . बिंदुका री ॥ सारी सुरँग बनाई कैं हो बागो लियौ है उतारि ॥ प्यारी कौ पहिराव ही हो दे सिर मुकट सँवारि || फयणुवा ॥११॥ किन नकबेसरि दई किनहु मुक्ताफल हारा ॥ खुभी चौकी पदक पोति दुलरी व सुढारा ॥ बलय पह़ौंचिका मुद्रिका हो झांबे झूमक चार ॥ बर कंकन अर किंकिनि हो पण नुपूर झनकार ॥ फगुवा ॥१२॥ कर जोरे कोऊ सखी कोऊ पट गाँठि बनावे मंडल करि जु फिराइ सरस धमार हि गाबे ॥ कुँवरि कुँवर विलसति अधिक हो कोक कला ब सुजान ॥ नव नागरि दुलहो भई हो नव दुलहनि भए कान्ह ॥ फगुवा ॥१३॥ कोउ आलिंगन करे कोउ मुख चुंबत नीके ॥ लाल भुजा उर धरे करे भुज अंसन पीय के ॥| पीबत पीबाबति अधर मृदु हो कर मुख बीरी देत ॥ खंडित दसनन अरध फुनि हो अपुने मुख धरि लेत ॥ फगुवा ॥१४। सुनि आए सब ग्वाल सबै नाना रंग भीने ॥ अरगजा कुँमकुम नीर सरस सौंधे सँग लीनें ॥ फूलन माल गरे धरी हो अरु फुलेल धरच्ौ माथ ॥ गोद गुलाल बीरा मुखे हो धरि पिचकारी हाथ ॥ फगुवा ॥१५॥ तब बोले बलराम ग्वालि घेरो इक ठौरी ॥ ठौर ठौर तैं जाई रोकि रहो ब्रज की रोरी ॥ इक इक गहि डारियौ हो कुसुम रंग के माँझ ॥ इन जुबतीन में इक धरी हो जान न पावे साँझ ॥ फयुवा ॥१६॥ ओर सिमिट सब ग्वाल प्रथम पूजो बलदेवा || रोरी हरद गुलाल करो याही की सेवा ॥ सौंधे कनक बेला भरे हो लै बल पै ढोरी ॥ तारी हाथ बजाई के मुख बोलत हो हो होरी ॥ फगुवा ॥१७॥ सुबल सुबाहु उठे बाँधि फेटा अरू दौरे ॥ केसर के सत कलस आनि जुबति पै ढ़ोरे | मोहन पिचकाई लई हो चोवा चंदन घोर और सखीन की ओट के श्री भौंमिनी मुख दई छोर ॥| फगुवा ||१८॥ सब पिचकाई भरौ करौ अब के एकु खेला एकही बेर सौंधे भरो तुम कान्ह अकेला ।| छूटी एकु ही और सबै हो धार बिबिधि बिथि रँग || घन जानौं बरखत मानौं अमृत हो चातक श्री नवरंग ॥ फगणुवा ॥१९॥ लै गुलाल नंदलाल जुबती मंडल मधि दौरे ॥ सब सखियन में भाँम मूठि डारति मुख मोरे ॥ तेल गुलाल लगाई के हो हाथ पिछोडे कीन | रसिक सिरोमनि साँवरे हो सबन के मुख भरि लीन ॥ फगुवा ॥२०॥ तब राधां अति चतुर हडैसति मोहन ढिंग आई ॥ करी रसिली बात हेरी मुख रहे कनन्‍्हाई ॥ सैन दई सब सखियन सौं हो ढिग आई हरि वाई ॥ श्याम परे बस मैन के हो मुरली व लई है छिनाई ।॥| फगुवा ॥२१॥ कान लागि कै कह्मौ सखी स्यामा की स्यामें ॥ तो तुम्हे मुरली देहुं नैकु पकरावी रामे ॥ इतनौ कहत में और सखी हो चटक ही में पट मार ॥ पितांबर तब लै भजी हो मोहन रहे निहार ॥| फग॒ुवा ॥२२॥ मधुमंगल कहति स्याम हलधर पकरायौ ॥ सब गोपीन की घरूनी करो जीय को तुम भायौ | कुँमकुम केसर कुसुम रंग हो हरद लगावत गाल ॥ इक आँखि आँजी सखी तब हँसी सकल ब्रज बाल ॥ फगुवा ॥ २३॥ तब ब्रजरानी आई बीच कीनों तिहिं औसर || बिबिधि बसन परिधान हार दीने है नौसर ॥ पीतांबर मुरली लै हो दई स्याम के हाथ ॥ तब निकसी निज जेह तें हो भरे जात ब्रजनाथ ॥ फगुवा ॥२४७॥ इक उछारत फूल इक गुलाल उड़ावे ॥ उरप तिरप गति लेति इक पट तार बजाबे ॥ सौंधे सौरभ नभ बढ़यौ हो धरनी अरगजा कीच || ग्वालिनी मिलि उद्यम रच्यौ हो ब्रज गलीयन के बीच ॥ फगुवा ॥२५॥ तब राधा नंदलाल देखि रानी बिहँसानी ॥ कारि आरती अरघ अंग अंग अति सुख . सानी ॥ करि न्योछावर तौरि तृन हो परो सत्नू सिर धूल ॥ दुंदुभी देव बजाव ही हो बरखन लागे फूल ॥ फगुवा ॥|२६॥ हरि जसु गावति चली सबै निज घर ब्रजनारी ॥ मदन गुपाल कै सँग रंग भरि भींनी सारी ॥ देत असीस जीयौ स्दाँ हो “ब्रज जन' जीबन प्रान ॥ राज करौ वृषभानुजा हो सो गिरिधरन सुजान ॥ फगुवा ॥२७॥

Dhamar

Part3-174

Dhanashri

Khelat faag sanga milli douu anand bhari piya

खेलत फाग संग मिलि दोऊ आनंद भरि पिय प्यारी हो ॥ नवल किसोर रसिक नंदनंदन नव वृषभान दुलारी ॥ १॥ नवक्रतु राज लताद्रुम फूले बरन बरन छवि न्यारी ॥ गुंजत मधुप कीर पीक कुंजत श्रवन सुनत सुखकारी ॥२॥ तेसेई सुभग गौर सामलतन बनी जोटइक सारी ॥ कमलनेन पर बूकामेलत हँसि सकुचत कुमारी ॥३॥ भरि अरगजा कनिक पिचकाई धांईसवे ब्रज नारी ॥ भरत भावते मदन गुपाले बढ्यो रंग अतिभारी ॥४॥ वोहोरच्यों मिलि दसपांचअली गोविंद भरे अकवारी ॥ चोवा चंदन अगर कुंकुमा दियो सीस तें ढारी ॥५॥ प्रेम मगन मोहन सुख निरखत तन सब दसा बिसारी ॥ चत्रभुज प्रभु सुरनर मुनि मोहे गुननिधान मिरिधारी ॥६॥

Dhamar

Part3-177

Jetshri

Khelat bali manmohana ritu basant sukh horry hoe ..

खेलत बलि मनमोहना ऋतु बसंत सुख होरी हो ॥ सखा मंडली संग लिये बलिराम कृष्ण की जोरी हो ॥१॥ भेरि मृदंग डफ झालरी बाजत करकठताल |। सबतन मदन प्रगट भयो नाचत ग्वालिनि ग्वाला ॥२॥ ब्रजजन सब एकत्र भये घोखराय दरबारा ॥ इतवनी नवल कुमारिका उत्तवने नवल कुमारा ॥३॥ युवति यूथ चंद्रावली अपने यूथ श्रीराधा || झूमक चेतबगावही बाढ्यो रंग अगाधा ॥४॥ बलि मोहन एकत्र भये सुबलतोक एक कोदा || दुह्ददिस खेल मचाइयो वाढ्यो हैं मनसिजमोदा ॥५॥ चमकिचली चंद्रावली सुबलतोक पर आई | उतहीकोपि प्यारी राधिका बलिराम कृष्ण परधाई ॥६॥ कमलन मार मचाइयो जुरेदुहूंनके टोला ॥ मधु मंगल पकरि कढेरियो बांधि गुदी में ढोला । ७॥ बहोत हँसे बलि मोहना हँसे सकल ब्रजवासी | छोरेहूं छूटेंनहीं परिगई गाढी पासी ॥। ८॥ हँसतहँसत सब आइयो गावति गारी सुहाई ॥ सेनाबेनी करिसबे बलिमोहन पकरेधाई ॥९॥ बलिजूकी आंखिजो आंजीयो पीयकी मुरली छीनी ॥ मन मान्यो फगुवालियो पाछें जायबह दीनी ॥ १ ०॥| यह विधि होरी खेलही ब्रज वासिन सब सुख पायो ॥ भक्तनमन आनंद भयो ॥ गोविंद यह जस गायो ॥ १ १॥

Dhamar

Part3-177

Jetshri

Nand kunwar khelat radha sanga jamuna pulin saras

नंद कुंवर खेलत राधा संग जमुना पुलिन सरस रंग होरी ॥| नव घन स्याम मनोहरराजत स्यामा सुभग तन दामिनी गोरी ॥१॥ केसरि रंग कलस भरेबहु संग सखा हलधर की जोरी ॥ हाथ न लिये कनिक पिचकाई छिरकीं ब्रज की नवल किसोरी ॥२॥| चीर अवीर उडावत नाचत कटिसों बांधि गुलाल की झोरी ॥ मगन भई क्रीडत सब सुंदरी प्रेम समुद्र तरंग झकोरी ॥३॥ बाजत चंग मृदंग अघोटी पटह झांड झालरि सुरधोरी ॥ तालरवाब मुरलिका बीना मधुर शब्द उच्चटत धुनि थोरी ॥8॥ अतिअनुराग बढ्यों तिहिं ओसर कुललज्या मर्यादा तोरी ॥ मदन गुपाल लाल संग बिहरत देहदसा भूली भईबोरी ॥५॥ एक गहछत फेंटा फगुवाकों एक करत ठाडी जुठठोरी ॥ एकजु आंखि आंजि कें भाजी एक बिलोकि हंसी मुख मोरी ॥६॥ एकनलई छिनाय मुरलिका देति गारि मोहन को भोरी ॥ एक फुलेल अरणजा चोवा कुंकुम रस गागरि सिर ढोरी ॥७॥ विविध भांति फूल्यो वृंदावन कूंजत कीर खट पद पिकमोरी ॥ निरखत नेहभरी अंखियांसो योंचितबतनिस चंद चकोरी ॥ ८॥ थकेदेव किन्नर मुनिगन सब मन मथनिज मन गयो लज्योरी ॥ परमानंददास यासुखकों जाचत विमल मुक्ति पदछोरी ॥९॥

Dhamar

Part3-178

Jetshri

Rasikfagh khelenavnagari sosar sub rituraj

रसिकफाग खेलेनवनागरी सोसर सब ऋतुराज की ऋतुआई ॥ पवन मंद अबिंद ओर कुंदबिगसेबिसद्चंद पियनंद सुत सुखदाई ॥१॥ मधुपटोल मधुलोल संग संग डोलें पिकन बोल निरमोल श्रुतचारु गाई ॥ रचित रास सो बिलास जमुना पुलिन में सघन वृंदाबिपिन रही फूलि जाई ॥२॥ कनिक अंग बरूनीसुकरनी विराजे गिरिधरन युवराज जजराज राई ॥ युवती हंसगामी मिले छीत स्वामी कुनित वेनु पदरेनु वड़ भागी पाई ॥ ३॥

Dhamar

Part3-178

Jetshri

Fagu khele radha gori shree vrishabhaanu joo kii pauri

फागु खेले राधा गोरी श्री वृषभानु जु की पौरि हो ॥ नंदलाल वृषभानु नैँदनी भली बनी यह जोरी हो ॥१॥ चारु, अबीर, गुलाल, लसत तन, बिच बिच राजति रोरी हो ॥ झख करदम हरि रहसि भरै तब, केसर कुँमकुम घोरी हो ॥२॥ तन सुख चारु छींट छिरकति तन, डणमगात डोरी हो ॥ अंचल पट सोभित्त ऊरू कुच पै उपमा श्रीफल कोरी हो ॥३॥ स्याम सुभग के बाम अंस पै राजति नवल किसोरी हो ॥ नूपुर रुनति कुनित कटि मेखला निरखि मदन मति भोरी हो ॥४॥ रीक्षि-रीि तब “रसिक राई” कौं मृदु मुसिकनि मुख मोरी हो ॥ प्रेम गाँठि परि जू परसपर छुटत नहिं क्‍यों हूँ छोरी हो ॥५॥

Dhamar

Part3-179

Jetshri

Ritu basant key aag maaho prachur madan koo jore ..

ऋतु बसंत के आग माहो प्रचुर मदन को जोर ॥ केलिरस झूमकरारेझूमकरा ॥ राधा गोरी सुंदरी सुंदर नंद किसोर ॥१॥ झूंडन मिलि गावत चलीं झूमक नंद के द्वार ॥ नृत्य करें ब्रज सुंदरी मोहि लियो मनमार ॥२॥ बिपिन गली सुंदर बनी ललित लवंगन मेलि ॥ अंबमनोहर मोरियो करन केतुकी बेलि ॥३॥ गोकुल गाम सुहावनो बृंदाबनसो ठोर ॥ खेलहिं ग्वालिनि ग्वारिया रसिक कान्ह सिरमोर ॥४॥ एक गोरी एक सांवरी एक चंदवदन सोहे बाल ॥ एकन कुंडल जगमगे एकन तिलक सुभाल ॥५॥ एकन चोली अधखुली एक रहे बंद छूटि ॥ एक अलकावलि उरघधरें एक रही लटखूटि ॥६॥ एकनचीर जोखसिपरे एकन लटकतलूम ॥ एक अधर रसघूंटदि एक रही कंठझूम ॥७॥ ताल परावज बाजही वीना बेनु रसाल ॥ महुवरि चंगजो बांसुरी बजावत गिरिधर लाल ॥८॥ चोवा चंदन कुंकुमा उडत गुलाल अबीर ॥ सुरनर मुनि मनमानियो व्योमविमाननभीर ।। ९।। सुरति समागम रस रह्यो मनहूं महागजमंत ॥ परमानंद प्रभु श्रीपति रसिक राधिका कंत ॥१०॥

Dhamar

Part3-179

Jetshri

Waghambar odhein saanvaro hoe yaamen jogi kohunrakon

वाघंबर ओढें सांवरो हो यामें जोगी कोहुनरकोन ॥श्रु०॥ संखशब्द ध्वनि सुनजित तिततें घिरि आई ब्रजनार ॥ वदन विलोकि कुंवरि राधे को बेठे हैं आसन मार ॥१॥ हँसि बूझत वृषभान नंदिनी रावल उत्तर देह ॥ कारन कोन रूपतसीको वनतज ढूंढतगेह ॥२॥ कोन देसते आए हो रावल कहां तेरी मससाजाय ॥ आपुन साधि मौन धरि बेठे दक्षन दिस बताय ॥३॥ सींगी पन्न विभूतिन बढ़ुवा सिर चंदन की खोर ॥ मेरे जिय ऐसी आवति हे संकर विसरी गोर ॥४॥ चुटकी विभूत दई राधाकों चले हैं वाघंबर झारि || मनहरि लियो तनक चितबन में गोहन लागी सकुमारि ॥५॥ नगर नगर प्रति भवन भवन प्रति निशदिन फिरत उदास ॥ नयन अकोर भये राधा के हरि दरसन की प्यास ॥६॥ जतन जतन कर मनमोदह्यो हो निरख नयन की कोर || जगन्नाथ जीवन धन माधो प्रीति लगी दुह्ुओर ॥७॥

Dhamar-Shivratri ke Din

Part3-180

Kafi

Bhorahi aayo merey dwaar jogiya alakh kahey kahey

भोरही आयो मेरे द्वार जोगीया अलख कहे कहे जाग ॥ मोहन मूरति एनमेनसी नैन भरे अनुराग ॥१॥ अंग बिभूतिगरें बिचसेली देखीयत विरह बिराग ॥ तनमन वारूं धीरज के प्रभुपर राखूंगी बांध सुहाग ॥२॥ तुम कोनकेवस खेले हो रंगीले हो हो होरियां ॥ अंजन अधरन पीक महावरि नेनरंगे रंगरोरियां ॥३॥ वारंबार जुंभात परस्पर निकसिआईं सब चोरियां॥ नंददास प्रभु उहांई वसोकिन जहां व्सेंवेगोरियां ॥४॥

Dhamar-Shivratri ke Din

Part3-180

Lalit

Horry khele saanvaro manmohan jaako naaun .. fashu

होरी खेले साँवरो मनमोहन जाको नाँउ ॥ फाशु सकल ब्रज रमि रह्ों रस भीजि रहो सब गाँउ ॥१॥ नट भेष बनाई कें हो बिप्र भए गोपीनाथ जिन कै नैन कौतिक हारे ब्रज लरिका के नाथ ॥ २॥ नव तरुनी नव रूपबंत हरि जाकी बाखरि जात ॥ चितवत्ति अति अनुराण सौं अरू कहति भेद की बात ॥३॥ गोपी कहति अह्ो बिप्र जू हम बूझति हैं तुम सौं ॥ हमारी प्रीति हरि सौं लागी कछु हरि हू की हम सौं ॥४॥ कहति हों बाके जिय की तुम सौं नाहिन ताकौं ढेत ॥ जो कछू करत तुमारे कारन हरि चाहति सर्दां संकेत ॥५॥ राधा मंत्र जपत चले हरि जहँ कीरति वृषभानु ॥ कहि न सकत चाहत कछ्यों दानन मनि कन्या दानु ॥६॥ कर गहि ढफ नव लाड़िली हो जावति सखियन संग ॥ कहि “भगवान हित राम राइ? प्रभु नैन की गति पंग ॥७॥

Dhamar-Shivratri ke Din

Part3-181

Sarang

Mohan muni haye aaye hoe .. hoe merey lalana sabako

मोहन मुनि हे आये हो ॥ हो मेरे ललना सबको मनहरलीनों ॥ध्रु०॥ रसमसीचाल चले अलबेली अंग चढाय विभूत ॥ कानन कुंडल मुकुट बिराजत पीतांबर ओढ़े कटिपूत ॥। १॥॥ दंड कमंडल गहीजपमाला आसन लीनों बनाय || कोटि जतन राधा पचिहारी मुख न बोलत मुसिक्याय ॥२॥ जगजीवन जोगी है आये अरस परस लिये ग्वाल॥ मानों कोटि उड़गण शशि जैसे ऐसे वने नंदलाल ॥३॥ दृण दृग थेई थेई धुनि बाजे इत गोपी उतग्वाल ॥ आनंद भई हैं सकल ब्रज वनिता बोलत वचन रसाल ॥४॥ ब्रह्मादिक इंद्रादिक मुनिवर देखत कोटि तेतीस ॥ श्री गोपीनाथ एक ख्याल बनायो सकल रचना को ईस ॥|५॥ जान्यों भेद वलि मोहन को मुख माड्यो सकल सुवास ॥ जय जय कार करत सुरनर मुनि वरखत कुसुम अकांस ॥६।। नवल किसोर कहां लो वरनो शोभा कही न जाय ॥ सूरदास वलि लाल छबीले निगम निरंतर गाय ||७॥

Dhamar-Shivratri ke Din

Part3-181

Kafi

Horry khele mein bhekhav dharike aayo langarwa jogi ..

होरी खेले में भेखव धरिके आयो लंगरवा जोगी ॥ ब्रज जुबतिन के जूथ ले खेलत अति अनुरागी ॥१॥ कांख कुबरी गुदी गुदरी तिलक छाप गुदी सेली ॥ ब्रजनारी मधि राधा प्यारी देखत आई पडेली ॥२॥ बोले नहीं सेननि समुझा वे अधर उरज पर चाहे ॥ कर सों बताय कुंजन में चलिए अंक भरें दोऊ बाँहें ॥|३॥ ललिता अबीर लाई मुख माँड्यौ रोरी केसर ढोरी || गोपी सब मिलि गावें बजावें बोलत हो हो होरी ॥७॥ चंचल नैन चितै चित चोर्यों मोहन मेदक रोरी ॥ उठि लै आतुर संकेत कुंज में गोहन लागी गोरी ॥५॥ मगन भए रस बस दोऊ आनन्द उरन समाय री ॥ “श्री विट्डल गिरिधर' ब्रज जुबतिन स्वांग मनाय री ॥६॥

Dhamar-Shivratri ke Din

Part3-181

Sarang