Sriradha nagari munn hardo hoe harchyo munn sakal

श्रीराधा नागरि मन हरदो हो हरच्यो मन सकल घोख सुखदेन ॥ श्रु० ॥ मोंहन तेरी प्राण प्रिया को वरनों कहा शुंगार ॥ जो तुम मेरो आदि अंतलों मानो यह उपकार ॥१॥ चंद्रमुखी भूँह कलंक विच चंदन तिलक लिलार || मानो वेनी भुजंग के चांपे स्वत सुधाकी धार ॥२॥ नयन मीन आनन सरोवर में परत हें पलकनजार ॥ मानो करण फूल चारद्यों के रवकत वारंबार ॥३॥ वेसर बनी सुभग नासा पर मोती सजल सुढार ॥ मानो तिल प्रसून सूक्षम शशी द्वेदिस बूंदतुसार ॥४॥ सुठ सुठोन ठोडी पर लोनो लीला यह आकार ॥ चुबत चुबत अधर रस मानो पर जयो चिन्ह मझार ॥५॥ कंठसरी बिच पदिक विराजत यों राजत उरहार ॥ दहनावत देत ध्रूतारे मानो नक्षत्र की माल ॥६।। कुचवर कुंभ सूंढ रोमावलि नाभीसरसि अनुहार ॥ मानो पानी पीवत सै सब तहां जोवनगज मतवार ॥७॥ खमकि बने कंचन बिजायठे शोभा भुजन अपार ॥ फोंदा सुरंग फूल फूले मानो मदन विटप की डार ॥|८॥ छीन लंकनीबीकटि के हरि यों राजत व्योहार ॥ मोरबांध मानो बेठ्योदुले मन्मथ आसनमार |।९॥ युगल जंघजे हरि जरायकी पग नूपुर झनकार ॥ चलत हंस गति राजकिशोरी अतिनितंबके भार ॥१० ॥ छटक रह्यो लहेंगा गुललजको मिलतन सुखकी सार ॥ सूरदास स्वामिनी के ऊपर भ्रमर करत गुंजार ॥६११॥

Dhamar

Part3-190

Kaafi

Khelat mohan rung rahyo hoe .. laal maaee sunder

खेलत मोहन रंग रह्यो हो ॥ लाल माई सुंदर सब सुखरास ॥ थ्रु० ॥ स्याम संग खेलन चली स्यामाजू सखियन जोर ॥ अबीर गुलाल कुंकुमा केसर बहु चंदन घटघोर ॥ १॥ फूलन की गेंदुक नवलासी कनक लकुटिया हाथ ॥| धायगही ब्रज खोरि राधिका कोटिक युवतिन साथ ॥२॥ उतते हरि आये जब हो हो बोलत ग्वालन संग ॥ कान परी सुनियें नहीं बहु बाजत भेरि मृदंग ॥३।| पहलें सुधि पाई नहीं अब घिरेहें सांकरी खोर | अब हलधर उलटो कहा तुम धावो ग्वालन जोर ||४॥ भरत धरत आजत राजत गेंदुक नवला सिनमार ॥ बसन रसन छूटत न संभारत दूटत मुक्तन हार ॥५॥ उडत गुलाल अबीर कुंकुमा जुरि आईं सब वाम ॥ गयो है गुलाल नयन कर मींडत गहि पाये सखि स्याम ॥६॥ मोहन पिय इकले करि पाये चहुंदिसते आईं घेरि ॥ बोलोजू अब आनि छुडावे बलिभैया देह टेर ॥७॥ आज हमारे बस परेहो भले होतो जाउ छुडाय ॥ केबल छूटो आपने के जसुमति माय बुलाय ॥८॥ एक श्रवन में कहि कछु भाजत एक भरत अंक वार ॥ एक निहारत रूप माधुरी रही अपन पोहार ॥९॥ एक बनाय देत बीरी कर पल्‍लव छुवत कपोल ॥ वल्लभ युवती बड भागिनि हरि बस कीने बिन मोल ॥१० ॥ एक उठाबत बदन चिबुक गहि हम तन स्याम निहार ॥ एक नयन कीसेन मिलावत वेनन देत बगार ॥११॥ तब तुम बसन हरे हमारे कीने अनेक उपाय ॥ सब तुम नगन करी हतीं हम छोडेंगी तुमहि नंगाय ॥१२॥ आंखि दिखावत हो कहा तुम करहो कहा रिस्याय ॥ हम करिटें अपनों मन भायो छांडेंगी तुमहि नचाय ॥१३॥ एक गह्े कर फेंट एक पीतांबर लियो हे छिनाय ॥ राधा हसत ओठभी ठाडी सेनन देत बताय ॥|१४॥ उड़त गुलाल अरुण भयो अंबर छबि छाई मानो सांझ ॥ राधा प्रणट करें नहीं मुखचंद नीलांबर मांझ ॥१५॥ हरि अपने छलबल सों घूंघट पटकीनो दूर | हसत प्रकास होत चहूंदिसते सुधा किरन भरपूर ॥ १६॥ हसि हसि कडत लाल सबहिनसों आभूषण मेरे लेह ॥ नासा को मुक्ता हों देहूं पीतांबर मेरो देहु ॥१७॥ कहो कहा फगणुवा देहो तुम बोलो सांचे बोल ॥ केहमसों हा हा करो के देहु श्रीदामा ओल ॥|१८॥ मुख की कहत सबे झूंठी सी मन में अधिक सनेह ॥ कूट करेंगे बलभैया तुम हमहि जान किन देह ॥१५९॥ खेलि फाग अनुराग बढ्यो तब मची हे अरगजा कीच ॥ ब्रजनारी कुमुदिनी फूली हरि शशि राजत बीच ॥२० ॥ देखत शोभा सुख संपति की मनमें यह विचार ॥ ब्रजनारी क्‍यों न भई यों कहत सकल सुर नार ॥२१॥ काम कोटि ओर भाम कोटि कोटि रमा रहि लाज ॥ रोम रोम प्रति कोटि कोटि शशि सुधा किरण बहु भ्राज ॥२२॥ अष्ट सिद्धि नव निधि वद्रजवीथन डोलत घर घर द्वार ॥ सदा वसंत रहत वृंदावन लता लता द्वुमडार ॥२३॥ जुगल किशोर चरण रज याचूं सरस धमारहिं गाय ॥ मदन मोहन की या छबि ऊपर सूरदास बल जाय ॥२४॥

Dhamar

Part3-191

Kaafi

Khelat jaake rung rahyo hoe vrajwasin sanga faag

खेलत जाके रंग रह्यो हो ब्रजवासिन संग फाग ॥ ध्रु० ॥ वीना ताल मृदंग झांझ डफ वाजत वंश रसाल ॥ गावत गिरिधर रूचि उपजावत विवश भई ब्रजबाल ॥१॥ लाल गुलाल लिये ओलिन में बहुविध केसर घोरि ॥। मोहन हाथ कनक पिचकाई क्रीडत ब्रज की खोरि ॥१२॥ मधु मंगल श्रीदामा तुमडं होड़ त्रियन की ओर ॥ जाके खेलत सुख उपजत है यों कह्मो नंदकिशोर ॥३॥ गारी देंहि जसोदा को सब प्रेम प्रीति रससान ॥ यह छबि फवीजु कहां लगि वरनें बुधि थकित अनुमान ॥४॥ गोरे नंद जसोदा गोरी कान्हर कोन गुन श्याम ॥ प्रथमही न्हाय जसोदा बैठी देखे हैं वृषभान ॥५॥ हलधर कह्मो भुजा ऊंची कर कारे जो वृषभान ॥ कीरति कहो कोन सों जाई राधा रूप निधान |॥|६।॥ वडोरच्नो सिमिटि सकल ब्रज सुंदरि वेनी गुडी बनाय ॥ मांग संवार त्रिया से कीने पचरंग पाग छिनाय ॥७॥ श्रीराधा चोली पहराई ललिता लहेंगा सारी ॥ आभूषण सब अंग बनाये निरिख थकी व्रजनारी ॥८॥ राधे बोलि कह्यो सखियन सों रही रूप रसपाग ॥ जो पुरुषारथ देहि विधाता ऐसी कामिनि लाग ॥९॥ कान पकर गुलचे चंद्रावलि सस्वियन पहोंची जाय ॥ राधा मगन भई विहरत ही सकुचि रही सिरनाय ॥ १० ॥ उपरना पचरंगी पणिया सिर बांध चली एक नारि ॥ निकट गई मोहन के घोखें हलधर गहे हें संभारि ॥११॥ कोऊ नीलांबर ले भागी कोऊ बेन बखासतनाम ॥ काह्ू दई कपट की बीरी लीजेजू बलिराम ॥१२॥ सारी सुरंग चूनरी हमकों आभूषण बहु मोल ॥ इतनो फगुवा दे छूटोगे देहु श्रीदामा ओल ॥१३॥ तब हलधर युवती सनमानी मेवा दियो मंगाय ॥ कंचन थार भरही रामाणिक सूरदास बलिजाय ॥१४॥

Dhamar

Part3-192

Kaafi

Yaa vraj mein horry rung badhyo .. hoe hoe sabahin

या ब्रज में होरी रंग बढ्यो ॥ हो हो सबहिन हिये हुलास ॥ ध्रु० || खेलत मोहन लाडिलो हो नंदराय की पोरि || हलधर सुबल सुबाहु श्रीदामा सब लरिकन संग जोरी ॥१॥ विविध भांत के भेष बनाये नाचत अतिहि सुधंग ॥ गावत गारी तारी दे दे किलकत अपने रंग ॥२॥ ढोलकी ढाल पखावज वीना झांझ संख डफ ताल ॥ भेरि दुंदुभी अगणित वाजे विच विच वेणु रसाल ॥३॥ कोलाहल सुनि सब ब्रजसुंदरि सकल सिंगार संवारि ॥ झुंडन मिल गावति आईं अत्तिह़ी सरस सुरगारि ॥४॥ दुह्ंदिशतें छूटी पिचकारी घुमड्यो अबीर गुलाल ॥ रपटत झपटत तनले धावत टूटत उर वनमाल ॥ ५॥ तिहिं छिन चपल चतुर चंद्रावलि हलधर पकरे दोर ॥ आंखि आंजि मुख मांडि कुंकुमा छोडे रंगनवोर ॥॥६॥ पोंछत नयनन खोरनीलपट तन नवीं बसन संभार || हो हो हो करि ग्वाल हसतहें वाढ्यो रंग अपार ॥७॥ तब नंदन नंदन फगुवादेनमिस प्यारी सनन्‍्मुख आय ॥ मृगमद केसर ओर अरगजा भीजे उर लपटाय ॥८॥ तब सकुची गोपी सब कोपी कनक लकुट ले हाथ ॥ पकरन थांई छबीले लाल कों खसत झीने पट माथ ॥५९॥ भागे सकल सखा संग के तब मोहन लीने घेर | अछन उठाय णई ले पियकों फिर चितबत मुख फेर ॥१० ॥ प्यारी धाय गे भुज बंधन अति आतुर अकुलाय ॥ करत मनोरथ सब ही जियके रस वस रहे अरुझाय ॥ १ १॥ एक सखी सोंधो लपटावत नावत केसर नीर पीतांबरसों गूंधि बनावत गहि राधाजू को चीर ॥१२॥ एक कह्त बलबल जोरीकी त्रिभुवन नहीं समतूल ॥ वदन निहारें ज्यों चंद चकोरी अंग समातन फूल ॥१३॥ एक कपोल परसि लपटावत केसर कुंकुम घोर ॥ एक भालरचि बेंदी बनावत हंसत सबे मुखमोर ॥ १ 8॥ एक कहे भली बनीहें सहचरी राधाजू की जोरि ॥ यह सुनिमुसकि हँसत पियप्यारी चितवत नयनन मोरि ॥ १५॥ या छबि ऊपर तन मन वारत राई लोन उतारि ॥ चिरजीयो युगयुग यह जोरी कहति यों अचरा पसारि ॥|१६॥ हरि संग करत विहार विविध रस केसें बरन्यों जाय ॥ सुरनर मुनि विधकित भयेहें रति पति रहे सिरनाय ॥१७॥ फगुवा मन मान्यों दियो सब पूजी मन की आस ॥ श्रीविद्ठुल पदरज प्रतापतें गावत्त यह यशदास ॥१८॥

Dhamar

Part3-193

Kaafi

Nicus kunwar khelan chaley || rung hoe hoe horry ..

निकस कुंवर खेलन चले || रंग हो हो होरी ॥ मोहन नंद के लाल ॥ रंणन रंग हो होरी ॥ संग लीने रंग भीने ग्वाल बाल ॥ वेगुन रूप रसाल ॥ १॥ कंचन माट भराय ॥ सोंधे भरी हे कमोरी ॥ रत्न जटित पिचकाई करन ॥ अवीर भरें भर झोरी ॥२॥ सुरमंडल डफ झांझ ताल ॥ बाजत मधुर मृदंग ॥ तिनमें परम सुहावनी ॥ महुबरि बांसुरी चंग ॥३॥ खेलत खेलत जब रंगीलो लाल ॥ गये वृषभान की पोरि ॥ जेहुती नवल किंसोरी भोरी ॥ ते आंई आगें दोरि ॥४॥ सुनि निकसी नव लाडिली ॥ श्रीराधा राज किशोरी | ओलिन पोहोप पराण भरे ॥ रूप अनुपम गोरी ॥५॥ संग अली रंगली सोहें || करन कनक पिचकारी || मोहन मनकी मोहनी ॥ देति रंगीली गारी ॥६॥ तिनकों छिरकत छबीलो लाल ॥ राजत रूप गहेली ॥ मानो चंद सींचत सुधा ॥ अपने प्रेमकी वेली ॥७॥| नवल वधुन के रंगीले बदन ॥ अबीर घुमडमें डालें || छुटह निसंक अरुन घनमें ॥ हिम करनिकर कलोलें ॥|८॥ इतने मांझ छिपि छबीली कुबरि ॥ पकरेंहें मोहन आन ॥ छबिसों परस्पर झक झोरत ॥ कापे परति बखान ॥५९॥ गुप्त प्रीति प्रगटित भई ॥ लाज तनकसी तोरी ॥ ज्यों मदमाते चोर मोर ॥ भलकत निकसी चोरी || १० ॥ सखियन सुख देखन के काज ॥ गांठ दृहन की जोरी ॥ निरख वलैयां ले सबें | छबिन बढी कछू थोरी ॥११॥ कोऊ छेल छकि छबिले लाले || छिरकत रंग अमोल॥ कोऊ कमल करले पराग ॥ परसत रुचिर कपोल ॥१२॥ बने हे पियाके कमल लोचन || जब गहि आंजे अंजन ॥ जनु अकुलात कमल मंडल में ॥ फंदन फंदे युग खंजन ॥ १ ३॥ देखि बिबस वृषभान घरनि ॥ हँसत हँसत तहां आई ॥ वरजीआन नवल वधू ॥ भुज भरि लिये कन्हाई ॥१४॥ पोछत मुख अपने अंचल ॥ पुनि पुनि लेत बलाय ॥ मुसकि मुसकि छोरत सु गांठ ॥ छबि बरनी नहीं जाय ॥ १५॥ छोडन न देंही नवल वधू ॥ मांगें कुंवर पें फाग ॥ जोपें फगुवा दियो न जाय ॥ प्यारी राधा के पायलाग ॥ १६॥ ओर कहां लगि वरनिये ॥ बढ्यो सुख सिंधु अपार ॥ प्रेम कलोल हलोलन में || किन रहिन संभार ॥१७॥ रंग रंगीली ब्रजबधू ॥ रंगाले गिरिधर पीय ॥ यह रंग भीने नित बसो ॥ नंददास के डीय ॥१६८॥

Dhamar

Part3-194

Kaafi

Tum chalo sabey milli jaany khelan horiyaan ..

तुम चलो सबे मिलि जांय खेलन होरियां ॥ अपनी अपनी सुरंग चूनरी मोतिन मांग भरोरियां ॥|१॥ थरहरात अधरन पर मोती अंगिया केसर बोरियां ॥ चोबाचंदन अगर कुंकुमा भरि भरि देत कमोरियां ॥२॥ अंग सों अंग गुलाल बिराजत भली बनी यह जोरियां ॥ केहरि लंक नितंब विराजत गज गति चाल चलोरियां ॥३॥ पिचकाई मोहन पर डारत बिहसी घूंघट खोलियां ॥ वाजत ताल मृदंग ओर डफ पढि पढि बोलत बोलियां ॥७॥ नयन आंज मुख मांडिं श्याम को सबमिलि करत कलोरियां ॥ सुरदास प्रभु सब सुख क्रीडत बिहरत ब्रज की खोरियां ॥५॥

Dhamar

Part3-194

Kaafi

Arrie tere nain salone manmohan rijhwaar .. tujo naee dalahi nava joban abahi aaee gone .. 1..

अरी तेरे नैन सलोने मनमोहन रिझवार ॥ तूजो नई दलही नव जोबन अबही आई गोने ॥ १॥ खेलत नाहि फाग गिरिधरसों यह जुदई सिख कोने ॥| कृष्ण जीवन लछीरामके प्रभूसों खेलत नाहि अघोने ॥२॥

Dhamar

Part3-195

Kaafi

Mill khelein faag banamen srivallabh baalaa .. sanga

मिल खेलें फाग बनमें श्रीवल्लभ बाला ॥ संग खरे रसरंग भरे नवरंग तृभंगी लाल || ६॥ बाजत बांसुरी चंग उपंग पखावज आवज ताला ॥ गावत गारी दे दे ब्रजनारी मनोहर गीत रसाला ॥२॥ कंचन बेलि करे जानों केलि परे बिच स्यथाम तमाला ॥ धाइ धरें हसि अंक भरें छूटे केस टूटी उर माला ॥३॥ सींचत अंगन रंग भरे बाढ्यो प्रेम प्रवाह रसाला ॥ मेन सेन खुर रेणु उडी नभ छायो अबीर गुलाला ॥४॥ देखि थकी भवरी सबरी मृगी मोरी चकोरी नजाला ॥ राधा कृष्ण बिलास सरोज गदाधरमन्न मराला ॥५॥

Dhamar

Part3-195

Kaafi

Hoe hoe hoe

हो हो हो लीने राधा नवसत साजें बाल ॥ स्‌ अधबट उपंग बाजे मृदंग ताल ॥ १। गुलाल ॥ झक झोरत दोरत गहि : नयननसों नयन मिलवत बोलत रं ग्वालिनी गारी सुढाल ॥२॥ फगुवा चलत एंडी गयंद चाल वहोरचों जल जमुना तीर छिरकत छींटें रसाल ॥ आरती वारत ब्रज वनिता लीनें कंचन थाल जनहरि या प्रभु को मुख निरखत मिटे बिरह जाल ॥३॥

Dhamar

Part3-196

Kaafi

Valimatohon khelongi horry .. merrie aankhin bharon

वालिमतोहों खेलोंगी होरी ॥ मेरी आंखिन भरोन गुलाल ॥्रु० ॥ कहा कह्यो हो तब मोसों खेलत यमुना तीर ॥ तन मन सुधि भूली अब काहे धाय गहत मेरो चीर ॥९॥ सखी बुलाय कह्मो प्यारे प्यारीसों कह्टि समुझआाय ॥ अब ज्यों ज्यों कडिहो तुम त्यों त्यों खेलेंगे हम आय ॥२॥ यह सुन उत खेलन कों प्यारी कीयो अपनों जोर ॥ इत हलघर नंद नंदन दोऊ ग्वालन में कीयो सोर ॥३॥ रत्नजटित पिचकारि भरिलिनो केसर नीर ॥ ताक ताक युवती जण ऊपर छिरक कीयो हियोसीर ॥४॥ तब प्यारी सखियन ले धाई बंसन लीने हाथ ॥ सुरंग गुलाल उडाय दुहूं दिस धाय गहे ब्रजनाथ ॥५॥ चोवा मेद जवाद साख गोरा मृगमद घन सार ॥ सरस फुलेल अरगजा ले ले पहरावत उरहार ॥ ६॥ झांझ भेरि किन्नरि का एव यम बाण थी 2 || आन लललतल रबाब बीना महवर सहनाइ || वीच वीच मरलीहि बजावत ओरवाजे बजवाई जय ॥2॥| दमाती डोले बिना बुलाई बोले ॥ घोवा डोले ॥ १॥ तूजो जोवन ठीटरी ग्वालिन की गांठ धीरज प्रभु भरुवा होय सो हो होरी खेलें लाल संग ग्वाल इकदिसि र बीना श्रीमंडल अमृत कुंडली आवज | सुमन कलस नवतमाल उडवत अवीर छतियां लाय चुंवन दे करत ख्याल ॥ ग॒ कर रसाल राग रंग सहित गाबत देह गोकुल पाल मेवा पीतांबर गुंजहार फर्ल्मत सभा! आपर 5

Dhamar

Part3-196

Kaafi

Gujri maam

गुजरी म चंदन अगर कुमकुमा केसर भर भरि बसजु कीये बिन मोले ॥ गठजोरे खोले ॥२॥

Dhamar

Part3-196

Kaafi

Hoe hoe chhori bolein ..dhru0 .. faguwa miss vraj

हो हो छोरी बोलें ॥ध्रु० ॥ फगुवा मिस ब्रज सुंदरि जसुमति गृह आईं ॥ गावत गारि सुहावनी सबके मन भाईं ॥१॥ तब ब्रजरानी बोल कें रावर में लीनी ॥ मुसकि मुसकि कें कहृत हें बतियां रंग भीनी ॥२॥ अहो जसोमति भोरही हम नोतें आईं ॥ आज कछू वृषभानजू तुम वोलि पठाईं ॥३॥ ओर तुमसों कछु कह्मो हे संदेसजु न्‍्यारो॥ कन्या हमारी राधिका हरि पूत तिहारो ॥|७॥ मन वच क्रम करि कहत हें हम सोंह तिहारी ॥ तुम लागत हमकों सदा प्रानन ते प्यारी ॥५॥ भर होरी के दिन सबे बरसानें रहिये ॥ समझत हो तुमही सबे तुमसों कहा कहिये ॥६॥ जो तुमसों कछू कहतहें बिनती कर मानो ॥ वरसानों नंदगामकों एकही कर जानो ॥७॥ ब्रजवासिन विनती करी सोहू सुन लीजे तुम सुखदाई सबनकी हमहूं सुख दीजे ॥८॥ तब जसुमति मुसिक्याकें बोली मृदुबानी जो कछु हमसों कहत हो हम सो सब जानी ॥|॥ एक संदेसो जायकें कीरतिसों कहियो ॥ नंदराय ढिंग आयकें केऊदिन रह्ियो ॥१० || हसी सकल ब्रजवासिनी नाचत दे तारी॥ समझ समझ मुसके कछू ठाडे गिरिधारी ॥ १ १॥ केसर कलश भरायकें सब पर बरखायें ॥ मृगमद केसर घोरकें मुख पर लपटायें ॥१२॥ मन भायो फगुवा लियो तन सुख की सारी ॥ अंकमाल सब के हिये दीनी दुति न्‍्यारी ॥१३॥ खेल बढ्यो अति चोगुनों आनंद भयो भारी ॥ फागुन कियो सुहावनों हरिसों ब्रजनारी ॥१७॥ अरस परस रसजो वढ्यो कछु कहत न आवे ॥ दिन दिन या सुख माधुरी निरखे ओर गावे ॥१५॥

Dhamar

Part3-197

Kaafi