Rung hoe hoe horiyaan .. ita baney naval kishore

रंग हो हो होरियां ॥ इत बने नवल किशोर ललन पिय उत बनी नवल किशोरियां ॥१॥ ये नब नील जलद तन सुंदर वे कंचन तनगोरियां ॥ उनके अरूण बसन तन राजत इनके पीत पटोरियां ॥२॥ फेंटन सुरंग गुलाल विविध रंग अरगजा भरीहें कमोरियां छलबल करि दूरि मुख लपटावत चंदन बंदन सेरियां ॥३॥ राखीहें करन दुराय सबन मिल केसर कनक कमोरियां ॥ सन्मुख दृष्टि वचाय धाय जाय स्याम सीस तें ढोरियां ॥४॥ वाजत ताल मृदंग मुरज डफ मधुर मुरली ध्वनि थोरियां ॥ नाचत गावत करत कुलाहल परम चतुर ओर भोरियां ॥५॥ एकन कर गेंदुक नवलासी ओर फूलन भरि झोरियां ॥ भाजत राजत भरत परस्पर परिरंभन झकझोरीयाँ ॥६।॥ येहीरस निवहो निसवासर बवंधीहें प्रेम की डोरियां ॥ माधुरी के हित सुख के कारन प्रगटीहढे भूतल जोरियां ॥७॥

Dhamar

Part3-197

Kaafi

Aayo fagun maas kahein sub horry horaa .. aeka

आयो फागुन मास कहें सब होरी होरा ॥ एक ओर वृषभान नंदनी एक ओर हरि हलधर जोरा ॥। १॥ ब्रजनारी जारी देवेकों भजि भजि आवें त़जि तजि कोरा ॥ जानन देहो पकरोरी स्यामकों सवे धरत जोवन को तोरा ॥२॥ रहि न सकत अपने घर कोऊ मानो काम को फिरदो ढंढोरा ॥ कृष्ण जीवन लछीरामके प्रभुसों होतहे झकझोरी झकझोरा ॥३॥

Dhamar

Part3-197

Kaafi

Bolein sub hoe hoe horry .. khele sriradha gori

बोलें सब हो हो होरी ॥ खेले श्रीराधा गोरी ॥९॥ सहेली संग सुहांई ॥ बनी सब एकई दांई ।॥२॥ भरेकेसर कमोरी ॥ लालनके सीसतें ढोरी ॥३॥ सोंधो बहुत मंगायो ॥ प्यारीजू के अंग लगायो ॥४॥ बाजे डफ ताल मृदंगा ॥ वीणा मुख चंग उपंगा ॥५॥ भरे फेंटन गुलाला | आये उत नंदके लाला ॥६। सबे मिलि घात सों आई || लालनकों घेरकें लाई ॥७॥ भरी रस दृष्टि निहारें॥ जुरी अनुरागकी धारें ||८।॥ गारीरस भेदकी गावें ॥ तारी दे लाल नचावें ॥९|॥ सहेली को भेष बनायो ॥ माधुरी के मन को भायो ॥६०॥

Dhamar

Part3-198

Kaafi

Merey anga sanga lagyo saanvaro moh rangmein daarat

मेरे अंग संग लाग्यो सांवरो मोह रंगमें डारत बोररी ॥ मोरमुकुट वैजयंतीमाला वाके माथे चंदनखोररी ॥१॥ ब्रजकीवधू सब खेलन आंई सबनमें पडी होडा होडी ॥ कृष्णजीवन लछीरामके प्रभुसों बहुतभई झकझोरा झोरी ॥२॥

Dhamar

Part3-198

Kaafi

Srivallabh merey manabase hoe lalana or naan kachhu

श्रीवललभ मेरे मनबसे हो ललना ओर न कछू सुहाय ॥ध्रु०॥| नवजोबन ब्रजभामिनी नवसत साज सिंगार ॥ प्रीतम सों खेलन चलीहो प्रेम मणन न संभार ॥१॥ बहुविध साज संवारकें अंजनली ने संग ॥| वसन विचित्र बनायकें पहरावत पिय अंग ॥|२॥ चंदन वंदन अरगजा मुदित खिलावत फाग ॥ अबीर गुलाल उडावत चहंंदिश छाय रह्यो अनुराग ॥३॥ केसर तिलक बनायकें ओर कुसुमनके हार ॥ आरती करें मनमोदसों लेत तंबोल उजार ॥४॥ वदन कमल ढिंग शोभहीं केशसचिक्कन स्याम ॥ ज्ञिनत्ान चजंचसस्व वरानकी प्रोह्नत क्ोटित्म, क्याम, ॥|०॥ <Further two stanza not available>

Dhamar

Part3-199

Kaafi

Baaee dinn vaarin aaihain vrijanari .. rung machawat

बाई दिन वारीं आईहैं वृजनारी ॥ रंग मचावत घोर झीलसों गांय गंवारी गारी ॥१॥ बूढी महरि लथेर कीचसों एक कहत बलहारी ॥ नंदबबातन सेनमारकें मचक-मचक देहें गारी ॥२॥ आओ ग्वालबाल सब बोलकें घेरो पकरें दारी ॥ कृष्णजीवन लछीरामके प्रभुसों जेहें कहां बिचारी ॥३॥

Dhamar

Part3-199

Kaafi

Naan nadiya chhori khelanade joee maangegi soee deuungi

न नदीया छोरी खेलनदे जोई मांगेगी सोई देऊंगी फागुन में जसले ॥ १॥ आनगिरारें फाग मच्योहै रह्यो न परे मोपे ॥ आनंदघन सों उघर मिलोंगी यह मेरो प्रनहे ॥२॥

Dhamar

Part3-199

Kaafi

Oran soun khele dhamaar lalmos mukhahu naan

ओरन सों खेले धमार लालमोसों मुखहू न बोले ॥ नंदमहरको लाडिलो मोसोंअेंड्योही डोले॥ १॥ राधाजू पनियां निकसी वाको घूंघट खोले ॥ सूरदास प्रभु सांवरो डियरा विच डोले ॥२॥

Dhamar

Part3-199

Kaafi

Chalori horry khelein nandke laa

चलोरी होरी खेलें नंदके ला र अरणजा केंसर छेल छबीले मोहन मदनगोपाल सों ॥१॥ मृगमद अबी ' करतालसों ॥२॥ फेंट जुभरीहे गुलालसों ॥ रुंज मुरज आबज बाजें रंगरद्यो छिरकत भरत परस्पर सब मिल लाल हंसत ब्रजबालसों || चंद्रावलि बलिराम मुख मांड्यो लटकत गजगति चालसों ॥३॥ राधाजू अचानक आयगहे हरि बेंदी लागी भालसों ॥ विप्र गदाधर प्रभु मुख निरखत सुख पायो दीनदयालसों ॥४॥

Dhamar

Part3-199

Kaafi

Esein horry khele saanvaro sanga liyein vrajbal ...

एसें होरी खेले सांवरो संग लियें ब्रजबाल ॥। पहेलेंहीं आपुन बने ओंर तापाछें सब ग्वाल ॥ १॥ यमुनाकूल सुभाय आपने मानोहो मंडली मराल ॥ सुनकें धाई सब ब्रज नागरि चलत हें गजगति चाल ।॥|२॥ नखसिखते बनिके ब्रज बनिता गावत आंई गारि ॥ एकत स्याम सखा भये ठाड़े एक लीने राधे संग नारि ॥|३॥ वीना वेणु उपंग बांसुरी बाजत ताल मृदंग ॥ पटह निसान बाजत चहुंदिशतें होत परस्पर रंग ॥४॥ तारी देंदे ज्वाल हँंसतहें अंचल अंचल जोरि ॥ अबीर गुलाल अरून भयो अंबर भरत अंक झकझोरि ॥५।॥ चोलीतरकि हसी अरू चितवनि उपजत अंग सुभाय ॥ एकले सोंधो भरत स्याम कों एकन मुरली छिनाय ॥६॥ कैसरके रंग कुंकुम वंदन भुजगहि भरहि अपार ॥ गावत फागके गीत सबे मिल घुमड रह्यो नंदद्वार ॥७॥ चतुरसखी नयनन की सेनन मिल मन मतो उपाय ॥ कर गहि वंस गोपी ले धाईं लेत निसान पलाय ॥८॥ श्यामा सोंह दई ललिताकों हलधर पकरे अन आविन मांडि वेनी गुही माथें अंजन लावे नयन ॥९॥ नारिन में वृषभान नंदिनी ज्यों उड्शगनमें चंद ॥॥ ताको रूप नयन निरखतही मगन भये नंदनंद ॥ १ ०॥ नारि गारि ऐसी गावत मानो कोकिल बोले अंब ॥ भीजे वसनअंग ऐसे लागत मानो कनक के खंब ॥ १ १॥ फगुवा दीनो नंदजसोदा मेवा बहुत पकवान ॥ गावत सबे मिल ब्रजवासी चलेहें यमुना जल नहान ॥१२॥ पोहोपन की वरषा सब सुरकरें इकटक ध्यान लगाय ॥ हरिको फाग परम रसलीला जनहरिया मुख जाय ॥१३॥

Dhamar

Part3-200

Kaafi

Khelat gokul gwaliniho sakal sahaj singar

खेलत गोकुल ग्वालिनीहो सकल सहज सिंगार ॥ध्रु०॥ उतते आये श्यामघन सुंदर इतते आंईं ब्रजनार ॥ भीर भई गोकुल गलियनमें रंग मच्यो सिंघ द्वार ॥१॥ बाजे बहुविध वाजही रुंजमुर डफ ताल ॥ दुंदुभी आवज झालरी अरुमुख चंग करताल ॥२॥ कुंकुम केसर जोरकें घट भरभर लीने संग ॥ पिचकाई भर छिहकहीं शोभित सांवरे अंग ॥३॥ चोवा चंदन अगर कुंकुमा सोंधे अगणित एन ॥ उड़त गुलाल छायों जुगणनमें द्योसते लागत रेन ॥४॥ सब सखियन मिल मतो मत्योहे मोहन लीने घेर ॥ आयअचानक प्यारीराधिका रही बदन तन हेर ॥५॥ प्रीति बढी राधा मोहनसों निरख नयन सिराय ॥ युगल कुंवरकी छबि ऊपर मोहन सुबन बलजाय ॥६॥

Dhamar

Part3-200

Kaafi

Vrindavan chand laal rung bhareho vrajajan nayan

वृंदावन चंद लाल रंग भरेहो ब्रजजन नयन चकोर ॥ नंदलालकी नवजोबनता लियो सबको चितचोर || 8॥ वांकी पाग बदन अतिसखुंदर स्याम मनोहरगात ॥| ऋतु वसंतके वसन पडेर पिय आंखिन मांझ समात ॥२॥ कमल नयन करलई पिचकाई फेंटन पोहोष पराज ॥ अतिशोभित संगत्रिय मंडली खेलत डोलत फाग ॥३॥ किंकर बने लियें कंचनघट भर बहुरंग सुगंध ॥ इंद्रमनो देखन के लालच भर कावर लिये कंध ॥४॥ जेनवड-गरबनी उसके देखे पिय गोविंद || तिनहि छिरक छबि देख बदन की कहांते ऊग्यो अबचंद ||५॥ हरि मन मोढें रंग रंग सोहें खेल मच्यो ब्रज मांहि ॥ बड भागिनि गोकुल की ललना जेहरि देखन जांहि ॥६।॥ वाजेबहु वाजत हें अगणित सुख समूह की गाज ॥ सुन अकुलाय चलीं ब्रजसुंदरी छूटि मई सबलाज ॥७॥ बन निकसी वृषभान नंदिनी संग लिये प्रेम समाज ॥ उतवने सकल कुंवर गोकुल के मध्य सांवरो सिरताज ॥८॥ कुसुम गेंदकरलीने नवलासी मार करत ब्रजबाल ।| ग्वालन की किलकन भई भाजत हसत हैं मदन गोपाल ॥९॥ घातवनी गुलाल धूंधरमें अछन अछन आई भाम ॥ निकट जाय दौरी दामिनि ज्यों घेर लिये घनस्याम ॥१०॥ कोऊ एक चिबुक देख्यो चाहे इतचितवो नंदलाल ॥ कोऊ एक लालन गहिपायेहें कर लपटटी वनमाल ॥ १ १॥ कोऊ एक गिरिधर की सुंदरता छकी निहार निहार ॥ कोऊ एक पकरन मिसभुजभरकें वारत प्रान अधार ॥ १ २॥ भाग भरे अनुराग भरे तन चितवत आनंद कंद ॥ वनिता बदन सरोज भ्रमर हरि पीवत रूप मकरंद ॥ १ ३॥ बहु भांतन छिरक्‍्यो प्यारी राधा अपने चितको चेन ॥ नटबर वपुसोंभीजिलगेफप्ट लपटे पियाके नयन ॥१४।॥ अति रस भीने मन हरिलीने सुंदर श्याम सुजान ॥ राम राय प्रभु गिरिधर छबि पर बलकीनो भगवान ॥१५॥

Dhamar

Part3-201

Kaafi