Banyon khelat faag sunder nandako laalaa .. baney

बन्यों खेलत फाग सुंदर नंदको लाला ॥ बने संग गोपकुमार उदार सनेरंग गयन बिशाला ॥१॥ वाजत रंग भरे डफ झांझ मिल्‍यो मृदु वेणु रसाला ॥ गावत गीत भरी रसरीति खरी नवल ब्रजबाला ॥ २॥ लाल करी हे रंगीले सगरी सुडारी अबीर गुलाला ॥ वाढ्यो है रंग अनंग लज्यो हें कृष्णदास रस ख्याला ॥३॥

Dhamar

Part3-202

Kaafi

Nirtat douu gati liye hoe lalana vrishbhan nandini

निर्तत दोऊ गति लिये हो ललना वृषभान नंदिनी नंदलाल ॥|ध्रु.0 नबसत साज सिंगार किये अंग मोपें वरनीन जाय | राधे आधे कोरे चितवत हरि चित लियो चुराय ॥ १॥ मोर मुकुट मकराकृत कुंडल घूंघर वारे बार ॥ मृगमद तिलक बन्यों भुकुटी बिच ब्रज युवतिन फंदवार ॥श। अधर कपोल नासिका मोती दृग चंचल मनमीन ॥ देख मुखार विंदकी शोभा राधा जू भये आधीन ॥३॥ यूथनियूथ चली ब्रजवनिता ले भरि मोद अबीर ॥ जाय मिली वृखभान नंदिनी नदी यमुना के तीर ॥४॥ गोप ग्वाल मिल चले घोखतें नाना स्वांग बनाय || गावत हंसत करत कौतूहल मिले हैं स्यामपें जाय ॥५॥ उत हलधर ब्रजबासी लीये संग इत सब ब्रजकी नारि ॥ दोऊ मिलि रस रंग बढावत गावत फाग धमार ॥६॥ ताल मृदंग झांझ डफ बाजत विच मुरली की घोर ॥ पून्यों चंदवदन मोहनको राधा

Dhamar

Part3-202

Kaafi

Horry khelein syaam sanga naval vaam vrishbhan vaam

होरी खेलें स्याम संग नवल वाम वृषभान वाम धननननन ॥ संग लिये ग्वाल बाल वाजत डफताल उडत गुलाल फननननन ॥१॥ उतबनी युवलाज दिये बेंदी आड भाल गावे मुख मारी एक मननननन ॥ जुरी हैं सकल नारी पकरे मुरारी लीने पटउतारी आंजे दृगशननननन ||२॥ भरे रंग माट अति विविध भांत घट मारत सांठ सननननन ॥ भीजे हे रंग चीर रहेसरीर त्रियदेहो दरस लागे लाज नयनननननन ॥ ३॥ फगणुवा मंगाय दियो मन मनाय लीयो कुंवर कुंवरि एक मननननन ॥ सूरदास प्रभु निरख दंपति सुख वारवारबल चरननननन ॥४॥ जू नयन चकोर ॥७।॥ लीनी हाथ कनक पिचकाई गोकुल के नरनार ॥ खेल मच्यो वृषभान पोरिमें कोऊन मानतहार ॥|८॥ उडत्त गुलाल अबीर कुंकुमा रह्मो दसोंदिस छाय ॥ प्रेम मणन भई फिरत ग्वालिनी आनंद उरन समाय ॥९॥ नील कमल लीने गोपिनकर ग्वालन दीये मार ॥ हो हो हो करि होरी खेलत देत परस्पर गार ॥१०॥ कोऊ हलधरकों कोऊ स्याम को करो कछू भेद उपाय ॥ सावधान व्है फिरत ग्वाल सब दृष्टि न इतउत जाय ॥१ १॥ सात पांच मिल गोप भेषधर हलघर पकरे जाय ॥ फेंट पकर वसकिये आपने छूटोगे आंखि अंजाय ॥१२॥ तब मोहन कीयों भेख सखी की ओरों सखी बनाय ॥ जाय गहे वृषभान नंदिनी दाऊ लिये छिडाय | १ ३॥ जित तितते सबधाई ग्वालिनि मोहन घेरेजाय | राधा कहे जान नहीं पावें मुरली लई हे छिनाय ॥१४।॥ श्रीराधा जाय गह़े मनमोहन अंचललियो छिडाय ॥ केनाचो केरहो हारतुम फगुवा देहो मंगाय ॥१५॥ मोहन सरक्ा बुलाय आपनो मेवा बहुत मंगाय ॥ आपुन चाखि चखावत ग्वालन गोपिन अंगुरी दिखाय ॥१६॥ तब प्यारी उठिधाय सखिनले मेवालियो छिडाय ॥ आपुन खाय खवाबत गोपिन ग्वाल रहे डहकाय ॥१७॥ मोहन हसिवस करी ज्वालिनी लीने सबे मनाय ॥ राधा माधो केलि करो दोऊ रति पति अति सुख पाय ॥१८॥ सिवविरंचि सुरपति सुधि विसरी चकृत रहो रथभान ॥ वरखत सुमन सुरेसत्रिया सब वारत तनमन प्रान ॥१९॥ युगल किशोर सदा मन मेरे रहो रस रूप समाय ॥ सूर स्यामस्यामा प्यारी छवि निरखत दृगन अघाय ॥२०॥

Dhamar

Part3-202

Kaafi

Aaj hari vrajayuvatin pakare .. pahali ris chhori

आज हरि ब्रजयुवतिन पकरे ॥ पहली रिस छोरी के मिस मनभायो सोजुकरे ॥|१॥ मोर मुकुट पीतांबर मुरली ये सब साज हरे ॥ पहराई चूरी चूनरि बेंदीदे दृूगकजरे ॥२॥ चरन घूंघरा कर कंकन बाजूबंद वांड धरे ॥ सीसफूलना सावेसरिहरि मोतिन मांग भरे ॥ ३॥ तृणावर्त ऊपरते डारयो तब नहींनेंक डरे ॥ सो हरिपरे ब्रज युवतिन के वस हाहा खात खरे ॥४॥ करन काम कह् नंद जसोदा कीये से व्हेनि दरे || सूरदास प्रभु छलते न छूटे छूटे जब पांय परे ॥५॥

Dhamar

Part3-203

Kaafi

Russ horry khele saanvaro rung bheene nandlal baal ..

रस होरी खेले सांवरो रंग भीने नंदलाल बाल ॥ संग गारी निपट उघारी गावत कोन टेव पकरी गोपाल ॥१॥ चोवा चंदन ओर अरगजा मुख मंडन धाई ले गुलाल ॥ कृष्ण जीवन लछीराम के प्रभु प्यारे संग सखा लियें ग्वाल ॥२॥

Dhamar

Part3-204

Kaafi

Mero pyaaro rangan bheenon | khele yeh khel naveenon

मेरो प्यारो रंगन भीनों | खेले यह खेल नवीनों ॥१॥ संण समाज सुहावे ॥ बहुविध बाजे बजावे ॥२॥ खेले गोकुल की गली ॥ त्रिया देखन कों चली ॥३॥ पीतरंग केसर लाई ॥ छिरकत नेह खुहाई ॥४॥ सोंघो अनुराग लगावें ॥ लालन के संग सुडावें ॥५॥ प्यारीकों कंठ लगाई ॥ फूलीजो माल सुहाई ॥६॥ परस्पर रीक्षि रिझाये ॥ जो जेसे मन भाये ॥७॥

Dhamar

Part3-204

Kaafi

Mero pyaaro rung rangilo .. khele yeh chhel chhabilo

मेरो प्यारो रंग रंगीलो ॥ खेले यह छेल छबीलो ॥ १॥ सब मिलि खेलन आई ॥ वल्लभ के संग सुहाई ॥२॥ वाजे बहुभांत बजावें ॥ जेसे लालन के भावें ॥३॥ केसर भरी कटोरी ॥ प्यारीनें पिय सिरढोरी ॥४।| उडावे गुलाल ले झोरी ॥ भई निस सूझे नहीं कोरी ॥|५॥ कियो तवमन को भायो ॥ प्यारे कों कंठ लगायो ॥॥६॥ मानो निधि रंकन पाई ॥ गोवर्धन पीय रिझाई ॥७॥

Dhamar

Part3-204

Kaafi

Tumein vrajraj duhaai .. jinn gulal aankhin

तुमें ब्रजराज दुहाई ॥ जिन गुलाल आंखिन में डारो ॥| पलक ओट में जुग सम वीते यह कहा नेंक निकाई ॥|१॥ मुख मकरंद लुन्ध मधुकर दृण ओरन कछू सुहाई ।॥ अनुरागे एते ही रससों चाख रूप चिकनाई ॥२॥ सुनि सोंधे भीने गिरिधर मनगति अधिकाई ॥ मुकुट लटक कुंडल चटकन पर कृष्णदास बलजाई ॥३॥

Dhamar

Part3-204

Kaafi

Maaee naye khilar aaj mein dekhe chanchal chapal

माई नये खिलर आज में देखे चंचल चपल चवाई ॥ हसि मुसिकाय नयन सेनदे मोकूं पकर नचाई ॥९१।॥| कोऊ गुलचे कोऊ करमुख मांडे गोपी करें हँसाई ॥| कृष्ण जीवन लछीराम के प्रभु की मुरली लेहु छिनाई ॥श॥

Dhamar

Part3-204

Kaafi

Horry khelein naval laal chitbat lochan bishal ..

होरी खेलें नवल लाल चितबत लोचन बिशाल ॥ करत हैं रति रंग ख्याल लिये संग ब्रजबाल ॥ चोबा चंदन कपूर बूका वंदन चूर कुंकुम पिचकारी भरि उड़व॒त अबीर गुलाल ॥१॥ सोंधो केसर लाय प्यारी पीय उरमिलाय आलिंगन परिरंभण अंजन दृग चुंबन गाल ॥ खेलत रस रंगरेल यमुना चले विविध केलि वल्‍लभ पिय निरखत छबि बारतले कंचन माल ॥२॥

Dhamar

Part3-205

Kaafi

Maaee nand key nandan mohi ochka deeni hegari ..

माई नंद के नंदन मोहि ओचका दीनी हेगारी ॥ ढीठ लंगर वरज्यो नहीं मानत कान्ह बडो वटपारी ॥१॥ हों दक्षि वेचन जात गोकुलमें ठाडो कृष्ण मुरार ॥ बइयां पकर झकझोरी ललना तोरचो मोतिन हार ॥|२॥ अब केसें घर जाऊं सखीरी करियेकहा विचार || सूर प्रभुसों हिलमिल रहिये दीजे सर्वसवार ॥३॥

Dhamar

Part3-205

Kaafi

Nand gaamate bunn thhan kein chaley barasaane khelan

नंद गामते बन ठन कें चले बरसाने खेलन होरी ॥ वसन बिचित्न सबे रंग भीने रसिक मंडली संग सब जोरी ॥१॥ विविध भांत पाग सिर शोभित कटि पट पीत पिछोरी ॥ हाथन कंचन जेरी विराजत करत कौतूहल किलक कलोरी ॥२॥ फूलन की माला झोरा झुकि काहू फूलन भरि झोरी | कोऊ अबीर गुलाल उड़ाबत चंदन बंदन रोरी ॥३॥ कोऊ ताल मृदंग बजावत कोऊ आवज डफ जोरी ॥ कोउ भेरि दमामा बजावत दुंदुभी सेहनाई की सोरी ॥७॥ कोउ चंदमुस्त्रि चंग बजावत संख शुंग॑ मुरली घनघोरी ॥ एक रबाब किन्नरी बजावत एक मंजीर झांझ झनकोरी ॥५॥ एक सारंगी अधोटी बजावत जल तरंग रस रंग रह्योरी ॥ एक प्रवीन जो वीनबजावत श्रीमंडल बाजत मधुरोरी ॥६|| एकन अमृत कुंडली राजत नवसत रंगखजोरी || कटतारन चुटकी जो बजाबत गावत हो हो होरी ॥७॥ ले समाज सबजाय जुरे वरसानें चोहटेपोरी ॥ उतते सब ब्रज युवती यूथजुर आय भई इकठोरी ।॥|८॥ लहेंगा लालचूनरी बहुरंग कंचुकी ललित कुचनपे होरी ॥ मेन मुनीसी ठाडी मानों चंचल नयन चकोरी ॥९॥ हाथन लिये कनक पिचकाई फूल छरी गेंदुक सोह़े गोरी ॥ घूंघट माझ निडारत पियतन सबसे सयानी हें अतिभोरी ॥१०॥ केसर चोवा छिरकत बहुरंग वैयां पकर झक झोरी ॥ नयनन काजर आंजि गुलचाबंत सबही धरत जोबन की तोरी ॥११॥ एक जो सन्‍्मुख पढत दोहरा त्ापाछे एक सखी जो दौरी ॥ एक दौरतदसवीस कदौरी सब ही भजाय करीमतिबोरी ॥१२॥ मार परी कोऊ आय सकत नहीं प्रीतम भुज भरि लेमेटोरी || आलिंगन दे अधरामृत पीवत यह रस सदा एक पलनघटोरी ॥१३॥ खेलि फाग रस सिंधु अधिक वढ्यो उम्रगि चल्यो जानो हदतोरी ॥ सुर वनिताजो निरख थकित भई ये बड भागि ब्रज युवतिन कोरी ॥१७॥ जो जाके मन हुती कामना सो सबहिन पूरन जो भयोरी ॥ फगुवादेन कह्मो सबहिन को वलल्‍लभ पिय सुख प्रेम हियोरी ॥१५॥

Dhamar

Part3-205

Kaafi