Navarangi kesar humm boee hoe lalnaan krishnajeevan

नवरंगी केसर हम बोई हो ललनाँ कृष्णजीवन जू के काज ॥| ध्रु०॥ केसर क्यारी हम बोई हो ललनाँ बीज ऑन्यौ कसमीर ! अपने पीतम जू के कारनें सजनी सींचौंगी नैननि नीर ॥|१॥ गिरि परबत पर केसर बोई मृग जू चरि-चरि जाई ॥ क्‍यों रे मृगा तू डरपति नॉँहीं मारौंगी धनुष चढ़ाई ॥२॥ आसपास सब केसर बोई बिच बोयौ अबीर गुलाल ॥ जाकी रे बास सुबास आबै बाई कौ गुंधों नव सत हार ॥३॥ कनक कचोला केसर घोरी बिच डार्च्रो जमुना कौ नीर ॥ श्रीकृष्ण जीवन जू कौ बागौ चरच्यो राधा जू कौ चीर ॥४॥ रंग रस रंग ब्रिंदाबन के बीच मोहन खेलैं फागुन मास ॥ 'सूरदास' प्रभु ब्रजई अखंडित होति है रंग बिलास ॥५॥

Dhamar

Part3-217

Kafi

Vrajwasi sabai anand bharey hoe hoe merey lalnan

ब्रजवासी सबै आनंद भरे हो हो मेरे ललनां रसिकराई सिर मौर ॥ध्रु०) खेलनि कौ उद्युति भर बल मोहन कियौ बिचार ॥ भवन भवन अपने सुनि गोपी लागी है करन सिंगार ॥ १॥ मज्जन करि तन अंबर पहिंरे तन बरन बरन बहु भांति ॥ आगै धरि दरपन मुख निरखति मंद मंद मुसिकाति ॥२॥ चिकुर सुगंध सगबगे सुंदर बैंनी गुही बनाई ॥ मांनौ बृष्टि श्री खंड खंभ पै रही उरगिनी लपटाई ॥३॥ सीसफूल सिर मांग संवारी मुकता वारि सुढार ॥ मांनों इंदु बैठे करि मंडल उड़गन अमित अपार ॥४॥ करनफूल जुग अलक बदन बिधु अद्भुत है यह बात ॥ मानौं सुमेर कौ तिमिर हरन कौ उदै करत निस प्रात ॥५॥ भाल सुदेस तिलक मृगमद कौ कबि छबि करति बिसेष ॥ तिरलोकि जीतन क्हों मांनौं करी है अनंग कर रेष ॥६॥ भ्रकुटी-बंक निसंक निरखिर छबि किधों मैंन सारंग || आनन नवल कमल मधि मानौं है सखी सुधा तरंग ॥७॥ दै नैननि अंजन खंजन अलि, माँनौं कुरंग कमोद ॥ बारबार पॉइन लागति है माँनौं बढ़ावति है मोद ||८॥ नासा पुट बेसरि केसरि कौ जैसौ सुवन सुरंग ॥ मांनों उमे-जलज खेलति है, बधु राकेस उछंग ॥९॥ अधर-बिंब दाओऔं कन मांनों दसनावलि छबि देति ॥ मधुर मधुर रसना पिक बोलति जुगल फलनि रस हेत ॥ १०॥ साँवल बिन्दु बन्यौ सखी मधि ठाड़ी सहज सुभाई || अतन- जतन करि कनक कंज दल खची नीलमनी आई ॥१६९१॥ कंठ पोति पदक की रही फबि दुलरी चौंकी हार ॥ झवा सुघट पाट भरे रूरिकत उर पै बारंबार ॥ १२ जगमगात भूषन जराई के लटकत भूज मखतूल ॥ माँनौ सखी प्रणंट दोखियतु है रति-बेलि फल-फूल ॥|१३॥ कटे किंकिनि सप्त सुर राजै जे हरि नूपुर, बिछिया बाज ॥ जहाँ तहँ उठि चलि माँनौ मराल मत्त गजराज ॥ १ 8॥ कंचन कलस लिए केसरि भरि चोवा अबीर जुलाल ॥ उत तै राम कृष्ण बनि आए, संग रंगीले ग्वाल ॥ १५॥| लाल पाग चन्द्रिका मनोहर कुंडल करन गरे बनमाल ॥ पीतांबर काछिनी पिचकाई छिरकति अंग ब्रजबाल ॥ १ ६॥ नवनागरि धाई सनमुख सब मदन मोहन की चोरी ॥ छिराकि भरे किए बस अपने, नागर-नंद किसोरी ॥१७॥ छूटिलट बिगलित पट दंपत्ति नहिं तन मन हिं संभार ॥ प्रेम-मत्त रस-रक्त रसिक वर, हिलि- मिलि करत बिहार ॥|१८॥ ठौर-ठौर बाजे बाजति हैं पटह जु भेरी मृदंग ॥ बैनु रबाब किन्नरि महुवरि मुरली चंग उपंग ॥६९॥ वर किन्नर तूबर गंधरब मिलि बिमल कर हि करि गान ॥ “जुगल चंद” आनंद भरे हैं देति रतन मनि दान ॥२०॥ नंद कुंवर फगुवा जुबतिन कौं मेबा दियो मंगाई ॥ कर जोरै सनमुख सबहिन के पट भूषन पहिराई ॥२१॥ हरि नारायण प्रभु होरी खेलति फागु बढ्यौ अनुराग ॥ यह लीला जो सुने सुनावे 'श्यामदास' बड़भाग ॥२२॥

Dhamar

Part3-218

Kafi

Barjo naan maane aaj ree nand mahar kau chhohara ..

बरजो न माने आज री नंद महर कौ छोहरा ॥ प्रेम बढ़ावत अटपटे पेचन पढ़त फिरत है दोहरा ॥ वन-वन डोलत ज्वालन बोलत रोकत फिरत गौ गोहरा ॥ “आस करन' प्रभु गिरधर मोहन राधा कौ मोती मनोहरा ॥२॥

Dhamar

Part3-218

Kafi

Banyau khelat fagu sunder nand kau laalaa || baney

बन्यौ खेलत फागु सुंदर नंद कौ लाला || बने संग गोपकुमार उदार सने रंग नैंन बिसाला ॥१॥ बाजति रंग भरे ढफ झांझ मिल्यौं मृद्‌ बैनु रसाला ॥ गावति गीत भरी रस रीति खरी नवल ब्रजबाला ॥२॥ लाल करी है रंगीली सगरी सुडारि अबीर गुलाला ॥ बाढ्यौ है रंग अनंग लज्यौ है 'कृष्णदास” रस ख्याला ॥३॥

Dhamar

Part3-219

Kafi

Besar kau motee jug mojhau hoe merey lalnaan vrajajan

बेसर कौ मोती जग मोझौ हो मेरे ललनाँ ब्रजजन सब सुख देैंन ॥।भ्रु०॥| अंजन दै दृण खंजन बैठे बीरी दसन बनाई ॥ चंचल चपल देखि मनमोहन मनमथ रह्यो है लजाई ॥१॥ ऑअँगिया अजब कसूँभी सारी लहँगा लाल गुलाल ॥ मुजरा लेति स्यामा जु के आगे निरखौगी नंदलाल ॥२॥ ब्रिंदाबन में मुरली बाजे धुनि सुनि सही न जाई ॥ 'हरिदास' प्रभु बेगि मिलौ हो राखौंगी कंठ लगाई ॥३॥

Dhamar

Part3-219

Kafi

Barasaane kii nagari ick naval matau juri keenau

बरसाने की नागरि इक नवल मतौ जुरि कीनौ जु ॥ फगुवा चाहे लाल पै होरी कौ खेलि संग लीनौं जु ॥१॥ एकनु केसर घोरि कें हो एकु कनक पिचकाई जु ॥ एकनु बूका बंदन एकु अबीर कपुर मिलाई जु ॥२॥ एकनु चोवा मृगमद सुरँग गुलाल भरि झोरी जु ॥ एकु- एकु पै डारि हीं मधि सुन्दर राधा गोरी जु ॥३॥ बहु बिधि बाजे साजि कै ढँफ दुंदुभि करताला जु ॥ नंद सदन सब आव ही सकल बयस ब्रजबाला जु ॥४॥ नंद रानी अरघ दे वारनैं श्री राधा सनमुख हेरे जु ॥ चमकि उठि चंद्रावलि सखी वृ्द मुख फेरे जु ॥५॥ भीतर धसी गहे लाल कौ भुज भरि आने हो लाल जु ॥ श्री राधा की दिसि जाई कै लाए लाल अमोला जु ॥६॥ केसर मुख ते नाइ के इक चोबा मुख लपटाबै जु ॥ बंदन बूका डारि के होरी की गारि सुनावै जु ॥७॥ रँग अबीर उड़ाई कें अरुन अँबर लौं आयो जु॥ हो हो बोलै रैँग सौं मानौ गगन घोरी कैं धायो जु ॥८॥ घोष कुलाहल छ रह्यौ मनौ निरधन धन पायौ जु ॥ भुज भरि भैठे लाड़िलो किही बिधि छुटि न जाए जु ॥९॥ ब्रज रानी बरजे सबै मनभायौ फगुवा लेओ जु ॥ पट भूषन बह भाँति के नैंकु लालन छोरि वेहो जु ॥१०॥ श्याम चिते नैंकु हेरि कैं सकल सुंदरी बस कीने जु ॥ मन बच क्रम करि वारने गिरिधरि सरबसु दीने जु ॥११॥ तब मतो जु कीनौं मोहना लीला अनौखी आनी जु ॥ सकल मनोरथ पुजे उत धाम काम ऋतु मानी जु ॥ १ २॥ बरसाने जे गोप हैं ते ते स्वरूप हरि लीने जु ॥ उन लच्छन वे कंठ मिलि वे भेख परसपर कीने जु ॥१३॥ अपुनी महतारीन सौ सबै बुझति हैं इक गाथा जु ॥ मैया तुम कौतुक सुनौ इक नंद कुंवर ब्रज नाथा जु ॥१४७॥ आजु बेगि घर आब ही वे तिहारे सुत होई जु ॥ तुम हो भोरी बोरी चोरी जानत है सब कोई जु ॥१५॥ इक मैया तुम सौं कहौ बात सबै जिय भाव जु ॥ मैरो रूप धरि आव हीं वे किही मिसि पेठ न पावै जु ॥१६।| मोहन रूप है मोहना जग मोहन बस कीनों जु ॥ जंत्र -मंत्र सब जान हीं इन बात सबैं बस कीनौं जु ॥१७॥ निसचै वे हम घर आव हि सुत नाम ले ले बोलै जु ॥ बहुत बल करैं आपुनौ क्‍यौं न दरबाजा खोले जु ॥१८॥ जब वे घर दिसि आव ही हो इंटन मारि भजाबों जु ॥ मीठी सी बात सुनाबहिं वे निज बिसबास न लाओ जु ॥१९॥ सुनौ न चित दे कान तुम भारी अजानी बारी जु ॥ निरदया ह्ले बैठियों मति निज ग्रह आई किवारं जु ॥२०।| इतनो बोलि इत हरि घर-घर चढ़े अटारी जु ॥ सकल सुंदरी संग पोढि के रस रीति कला जन टारी जु ॥२१॥ आन फिराई राज की मनमथ तू जहाँ राजे जु ॥ दृष्टि पोर वा छ्ले रहे भाव धरी ग्रह साँजे जु ॥२२॥ भूले सुरति के रंग में हो ताकि मारे दृग दीने जु ॥ नेन पुतरी लाज तजी हो आपु समान सीर कीने जु ॥२३॥ डंड कुचन पे डारि के मन भाया सो कीनों जु ॥ चुंब कपोल द अंक ले मदन प्रसंसा भीनी जु ॥२७।॥ चित चोगान गहि लाई के कुटिल कटाच्छन मारे जु ॥ हाव-भाव के भारा में दंपति तहं बिकसति भारे जु ॥२५॥ बरसाने बरखा भई प्रेम नीर झरि आई जु ॥ रस बस भई गोपिका मानों नौ निधि पाई जु ||२६॥| उत्त की गति हों कहा कहीं गाप सबे घर आए जु ॥ आपुनी आपुनी महतारीन को टेरि दीए दरसाए जु ॥२८॥ पकरे तोरी किवार के हो कोउ न बोलन पाव जु ॥ बहत कीन गाप तबे उत लेइंट चलावे जु ॥२८॥ लागे जु वही अंग प सब भाजत कुदल डोले जु ॥ भार भरी रे चहँ दिसि गोप कुलाहल बाले जु ॥२०॥ निसा यह गति पाई के परी रहो बाग बगीचा जु ॥ गोप सब मन लाई के मति सोच करी सुखीचा जु ॥३०॥ कुल के देव लगे मैया पे इहि विधि होरी भारी जु ॥ बलि जू सबरे दीजिए सुख पाब नर नारी जु ॥३१॥ केते गुन बरनन करों श्रीगिरिधर के गुनन्यारे जु ॥ रसना इक बरसवाने के को विधि गीने गुन भारे जु ॥३२॥ मंद अजान जु है मेरी मति दृष्टि न पंर जाई जू ॥ 'दास गदाधर' प्रभु की लीला सुमर-सुमर उर माँही जू ॥ ३ ३॥

Dhamar

Part3-220

Kafi

Mohi horry khelan kau chaav ree berren zaan daiy ..

मोहि होरी खेलन कौ चाव री बेरन जान दै ॥ ब्रज कि बीथनि में नंद कौं लँगरवा वाहि सों खेल मचान दे ॥१॥ रंग भिजोई करों आलिंगन तनकि तपति बुझान दै ॥ 'सरस रंण' नैंन में बस्यौ आलि काहे कों लोग हँसान दे ॥२॥

Dhamar

Part3-222

Kafi

Munn hari leane‍hho nand-dhutona | chitavani mein vaak

मन हरि लीन्‍्हो नंद-ढुटोना | चितवनि में वाक कछु टीना | निरस्वत सुंदर अंग सलोना | ऐसी छबि कहूँ भई न होना ॥ काल्हि रहे जमुना तट जोना । देख्यो खोरि सांकरी तौना ॥ बोलत नाहिं रहत व मौना । खात रह्यो दधि छीने दौना ॥ घर-घर माखन चोरत जीाना। बाटनि घाटनि लेवै दौना ॥ खेलत फागु ग्वाल-संग छौना । मुरलि बजाई बिसारै भौना ॥ मो देखत अब ही किय गौना । नटबर अंग सुभ सजे सजोौना ॥ त्रिभुवन में बस कियो न कोना सूर, नंद-सुत मदन-लजौना ॥

Dhamar

Part3-222

Kafi

Mahaa mohan dhota saanvarau hoe arrie merau leenon

महा मोहन ढोटा सांवरौ हो अरी मेरौ लीनों है चितचोर ॥ राजति आजु महारंण भीने ठाड़े हैं सांकरी खोर ॥ १॥ सोभित रतन जटित पिचकाई अबीर भरै भरि फैंट ॥ संग खरे अनुराग भरे सो भई है अचानक भैंट ॥२॥ ढुरि रहि ढीली पाग रंगीली कुंचित कच न समाई ॥ चंचल नेन अरून अनियारे छबि भरे मुरि-मुरि जाई ॥ ३॥ जगमग रहे सबनन कुंडल गंडन लग्यौ है गुलाल ॥ कान्ह कुंवर की मूरति देखें चलि न सकत तिहिं काल ॥४॥ चितयौ काहू भांति सखियन करी हे मदन सर घात ॥ पान भरे मुख हँसि मोसौं कही प्रेम लपेटी बात ॥५॥ रूप ठगोरी किथौों अरगजा दियौ मोपै ढुरकाई ॥ बूका मंत्र मनौं पढ़ि डाओं तन-मन लियौ अपनाई ॥६॥ भूली लाज कानि की सब सुधि चित न अनत ठहराई ॥ 'राम राई' कहे चित भगवानैं स्याम कौ संग सुहाई ॥७॥

Dhamar

Part3-222

Kafi

Mohan moorati maaee | saanvaraun, nand nandan jihin

मोहन मूरति माई | सांवरौं, नंद नंदन जिहिं नॉँवरो । अब गये मेरे द्वारैं के, कहत रहत ब्रज गांवरौ ॥ मैं जमुना जल भरि घर आवति, मोहि करि लागौ ताँवरौ ॥ ग्वाल-सखा संग लीन्हें डोलत, करत आपनौ भावरौं | जसुमति कौ सुत, महर-ढुटौना, खेलत फागु सुहावरौी । सूर, स्याम-मुरली-धुनि सुनि री । चित न रहत कहूं ठाँवरो ॥

Dhamar

Part3-222

Kafi

Munn haryon ree bihaari kii dekhi latak .. merey

मन हर्यों री बिहारी की देखि लटक ॥ मेरे मन में रही जाकी मूरति अटक ॥१॥ जमुना तट पनघट के ऊपर ठाड़ौ त्रिभंगी लाल ठठकि ॥ चटक-चटक मुख गारी गाबैं मटकि-मटकि नाचै गति लै लटकि ॥२॥ मोर मुकुट कटि पियरौ सौ पट, जाके देखति भजी जिय की भटक ॥ ब्रज दूल्हे की रूप माधुरी मेंटत मान मदन की खटक ॥ ३॥

Dhamar

Part3-222

Kafi

Radha mathou sanga-kheli .. baar-baar lapataati

राधा माथौ संग-खेली ॥ बार-बार लपटाति स्यथाम-तन कनक-बाहू पिय गल मेली ॥ चोवा-चंदन सरस कुँमकुमा बहुत सुगंध अबीर ॥ कुसुम माल राजति उर-अंतर प्रहसित जादौ-वीर ॥ मदन- महोच्छव फाग मनोहर रति-रस फागुन मास ॥ गोप-बधू णाबति नाना रंग बलि 'परमानँददास' ॥

Dhamar

Part3-223

Kafi