Mohan ! gaye aaju ? tum jaavau, daanv aapnau

मोहन ! गए आजु ? तुम जावौ, दाँव आपनौ लेहिं | लालन हमहिं बिहाल करे जो, सोई हम फल देहिं ॥ आजुहि दाव आपनोौ लेती, भले गए हों भागि || हा हा करते, पाईनि परते, लेत पितांबर मांगि ॥ बेनी छोरत, हँसत सखासौं, कहत, लेह पट जाई ॥ सौंहँ करत हों नंद बबाकी, अपनी अपति कराई ॥ जो मैं लेह पितंबर अबहीं, कहा देहुगे मोंहि ॥ इत उत्त जुबती चितवन लागीं, रहीं परसपर जोहि ॥ एक सखा हरि, तिया-रूप करि, पठे दियौ तिन पास ॥ गयौ तहाँ मिलि संग तियनि कें, हँसत देखि पट-बास ॥ मोहि देह राखौं दुराइकैं, श्यामहिं जनि लै देहु ॥ लियौ दुराई गोद मैं राख्यो, दाँव आपनौ लेहु ॥ पीताम्बर जनि देहु श्याम कौं, यह कि चमक्यौ ग्वाल ॥| सूर, श्याम पट फेरत करसौ, चकित निरखि ब्रज-बाल ॥

Dhamar

Part3-223

Kafi

Yaa khelaun rung fagu ree.. kanak kamori mein

या खेलौं रंग फागु री॥ कनक कमोरी में केसरि घोरी, छिरकौं में पिय की पाग री ॥ १॥ चोवा चंदन औरू अरगजा चोली पै डारुं दाग री ॥ “कृष्ण जीबन लछीराम' के प्रभु प्यारे खुले हमारे भाग री ॥२५॥

Dhamar

Part3-223

Kafi

Rung gulal key naina raate .. gaye joo abadhi curry

रंग गुलाल के नैना राते ॥ गए जु अबधि करि मोसों प्यारे फिर अति मुसिकाते ॥१॥ होरी के दिनन में मोहि छांड़ि पिय अनत कहाँ तुम जाते ॥ को खेलै गोकुल पति तुम सौं, सौंह बृथा क्‍्यौं खाते ॥श।...

Dhamar

Part3-224

Kafi

Laalan! pragat bhaye guna aaju, tribhangi laalan

लालन! प्रगट भए गुन आजु, त्रिभंगी लालन ऐसे हो | रोकत घाट बाट, गृह-बनहूं, निबहति कहिं कोउ नारि ॥ भली नहीं यह करत सांवरे, हम दैंहैं सब गारि ॥ फाजुन मैं तो लखत नम कोऊ, फबत्ति अचगरी भारि ॥ दिन दस गए, दिना दस औरीौं, लेहु साध सब सारि॥ पिचकारी मोकौं जनि छिरकौ, झरकि उठी मुसुकाई ॥ सासु-ननद मोकौं घर बैरिनि, तिनहिं कहौं कह जाई ॥| हा हा करि, कहि नंद दुहाई, कहा परी यह बानि ॥ तासौं भिरह तुमहिं जो लायक, इहिं हेरनि मुसुकानि ॥ अनलायक हम हैं, की तुम हो, कही न बात उचघारि ॥ तुमहूँ नवल, नवल हमडूँ हैं, बड़ी चतुर हो ग्वारि ॥ यह कहि स्याम हँसे, बाला हँसि, मनही मन दोउ जानि ॥ 'सूरदास' प्रभु गुननि भरे हो, भरन देडु अब पानि ॥

Dhamar

Part3-224

Kafi

Radha-mohan rung bharey hain, khel machyau vraj khori .

राधा-मोहन रंग भरे हैं, खेल मच्यौ ब्रज खोरि । नागरि संग नारिगन सो हैं, स्याम ग्वाल-संग जोरि॥ हरि लिय हाथ कनक पिचकारी, सुरंग कुंकुमा घोरि | उतहिं माट कंचन रंग भरि-भरि, लै आई तिय जोरि ॥ आतुर है धाई उत नागरि, इत बिचले सब ग्वाल । घेरि लईं सब खोरि साँकरी, पकरे मदन णुपाल ।। गह्मौ धाई चंद्रावलि हँसिके, कह्यौ, भले हो लाल | जनि बल करी, नैंकु रह ठाढ़े, जुरि आईं ब्रज- बाल ॥ आईं हंसति कहति, हरि येइ, बहुत करत है गाल । क्यों जू खबरि कह्ौौ, यह कीन्हीं, करत परसपर ख्याल ॥ काह्ू तुरत आई मुख चूम्यौ, करसों छुयौ कपोल । कोउ काजर, कोउ बंदन माँड़ति, हरषहिं, करहिं कलोल ॥ कोउ मुरली लै लगी बजावन, मन-भावन मुख हेरि | किनहूं लियौ छोरि पट कटिते, वारत तन पै फेरि ॥ खबननि लागि कहति कोउ बातैं बसन हरे तेइ आप | काल्हि कह.॥औ करिहौ कह मेरौ, प्रगट भयो सोइ पाप ॥ कोउ नैननि सौं नैन जोरिकें कहति, न मो-तन चाहु | अबहीं तुम अकुलात कहा हौ, जानहुगे मन लाहु ॥ घेरि रहीं सरघा की नाई, करतिं सबै मन लाह । इक बूझति इक चिबुक उठाबति, बस पाए हरि नाह ॥ पीतांबर मुरली लई तबहीं,जुबती-स्वांग बनाई ॥ देखत सखा दूरि भै ठाढ़े, निरखत स्याम लजाई ॥ नख-छत-छाप बनाई पठाए, जानि मानि गुन येहु । 'सूर श्याम' हमकौं जनि बिसरौ, चिन्ह यहै तुम लेहु ॥

Dhamar

Part3-224

Kafi

Rung bheenin horry hoe khelaungi shyam saun .. chova

रंग भीनीं होरी हो खेलौंगी श्याम सौं ॥ चोवा चंदन औरू अरगजा छिरकौंगी बिसराम सौं ॥|१॥ हों तौ पियारे कौ न्‍्यारौ न करि हों राखौंगी आदर मान सौं ॥ कृष्ण जीबन लछीराम' कें प्रभु सौं मेरो काम जु अपने राम सौं ॥२॥

Dhamar

Part3-224

Kafi

Saanware kaun mai rung saun bharaungi .. aankhi aanji

सांवरे कौं मै रंग सौं भरौंगी ॥ आँखि आँजि मुख मांड़ि पीतम कौं अब काइ सौं मैं नांही डरौंगी ॥१॥ फगुवा लै पीतांबर देह औरू बहुत भांति के नाम धरौंगी॥ “मानिक चंद! प्रभु मोहि सौंह तिहारी अब कौ फागु मैं सुफल करौंगी ॥२॥

Dhamar

Part3-225

Kafi

Horry khelati vraj kunjan mahiya .. nand nandan

होरि खेलति ब्रज कुंजन महिया ॥ नंद नंदन सौं अति रति बाढ़ी लाड़िली बिहरति कदंब की छेया ||१॥ पौढ़न के समे के औसर और न कोऊ रघह्नौ तिष्ठि सैया ॥ 'सरस रंग”-संतत यह जोरि पीतम प्यारी बिना कोऊ नहिया ॥२॥

Dhamar

Part3-225

Kafi

Saanvaraasu mein khelun naan horry .. main niksi gharate

सांवरासु में खेलुँ न होरी ॥ मैं निकसी घरते दक्षि बेचन ॥ मिल गयौ सांकरि खोरी।| आय अचानक पकरी मोकुं ॥ मही की मटुकी छोरी ॥ लाल मेरी बैंया मरोरी ॥|१॥ अबीर गुलाल आँखन में डार्यों ॥ हँसत हँसत मुख मोरी ॥ घुंघट खोल दे गुलचा सिर ॥ केसर गागर ढोरी ॥ चुनरीया रंग में बोरी ॥२॥ गावत मारी दै-दैकर तारी, बैंया पकर झकझोरी ॥ कंचुकी खैंच दीयौ कर उपर ॥ मोतिन माला तोरी ॥ बोले मुख हो हो, होरी ॥३॥ कहा करु कित जाउँ मोरी सजनी ॥| लाज न णजई कछु थोरी ॥| मन भायौ सो कियौ मनमोहन || सो मैं सबहि सह्यौरी ॥ एसी मैं तौ मन की भोरी ॥४॥ या ब्रज में कहो कैसे रहिये ॥ निर्लज नंदकिशोर ॥ गिरिधर प्रभु के नैंन रसीले ॥ चितवत लेत चितचोरी ॥ नहि या जुग में जोरी ॥५॥

Dhamar

Part3-225

Kafi

Humm tumsaun binati karein, jani, aankhini bharau

हम तुमसौं बिनती करें, जनि, आँखिनि भरौ गुलाल | सहल्लयौ परत हम पै नहीं ये, निपट अनोखौ ख्याल ॥ दरसन तैं अंतर परे हो, करहु अबीर अबीर | तुमहि कहौ कैसे जियैं जहँ, मीन न पाबैं नीर ॥ स्याम ! तुम्हारे रंग रंगी कछु, और न रंग सुहाई | नितही होरी खेलियै हो, तुम संग जादवराई || यह फगुवा हम पावहीं हो, चितवनि मृदु मुसुकान । सूर स्याम करौ जू, तुम हो जीवन-प्रान ॥

Dhamar

Part3-226

Kafi

) horry laal khelai mukh dekhnida chaav .. uta

) होरी लाल खेलै मुख देखनिदा चाव ॥ उत ते आबै सो मन भावै संग लगाई मिलाव ॥१॥ सहराणी साहुरो सहरागी साहरो झेज सुभाई ॥ देवर चोरानी अति दुःखदाई कीजै कहा उपाई ॥२॥ हो लग और सहा किन आवबौ मो जिय यहे उछाह ॥| जन हरिया' प्रभु कौ मिलौंगी होंगी बे परवाह ॥३॥

Dhamar

Part3-226

Kafi

Hoe hoe horry kii kaddi, nava dulhin kaunani

हो हो होरी कि कद्डि, नव दुलहिन कौननि में भवननि, मै दुरि-दुरि हो || निपट सुसील झील की टेरनि, गाबति हँसति दै तारी मुरि-मुरि हो ॥१॥ सब तैं सरस देखिये सुंदरि, निरखि स्वरूप, परति रतिपति झुरि-झुरि हो ॥ “कृष्ण जीबन लछीराम'” के प्रभु आवति रंग भीने, अति दुरि-दुरि हो ॥२॥

Dhamar

Part3-226

Kafi