Hoe merrie aalee ree hoe merrie aalee ree, shree yamunaji

हो मेरी आली री हो मेरी आली री, श्री यमुनाजी के तीर गुलाल की मार पड़ी ॥ तुम देखो राधे रंग भरी, हो मेरी आली री, हो मेरी आलीरी ॥ इत मोहन उत राधिका, बिच-बिच नाचे ग्वालन, राधे रंण भरी ॥१॥ हो मेरी आली री, हो मेरी आली री, मदन मोहन जू की बांसुरी ॥ तुंम लीने राधा छीन, तुम फगुवा दियौ है मंगाई ॥२॥ हो मेरी आली री, हो मेरी आली री, 'सूरदास' प्रभु सांवरो सब सरिबयन को सिंगार ॥३॥

Dhamar

Part3-226

Kafi

Aaju russ khelati fagu beaney chhutati muthi gopal

आजु रस खेलति फागु बीनी छुटति मुठि गुपाल लाल की मुरि मुरि जात अनी ॥ इत कौ ठाड़ी कुँबरि राधिका उत गोकुल को घनी ॥९॥ चोवा कों डोवा करि ललनाँ केसरिे कीच घनी ॥| तारी दे पिचकारीन छिरकति सारी जात सनी ॥२॥ तुम कहियतु गिरिवर के ठाकुर राखति मान मनी ॥ “कृष्ण जीबन लछीराम' के प्रभु सौं राधे फागु ढनीं ॥३॥

Dhamar

Part3-227

Kafi

Aeye douu khelati horry hoe .. chhori naheen barjori

ए दोऊ खेलति होरी हो ॥ छोरी नहीं बरजोरी ॥ध्रु०॥ ब्रज की वधू अटा चढ़ि ठाड़ी झाँकति लै पिचकारी ॥ छूटी अलक कुंडल सौं उरझी उरझी पीत पिछौरी ॥ चलो सुर गावै गोरी ॥१॥ भुज भरि भेटि सकुच गुरू जन की मिलि करि छिप्यों री ॥ 'परमान्‌द' रूप रस भीजे अबीर लिए भरि झोरी ॥ बोलें सब हो हो होरी ॥२॥

Dhamar

Part3-227

Kafi

Manmohan rijhwaar ree tere nain salonen .. tuu

मनमोहन रिझवार री तेरे नैन सलोनें ॥ तू अलबेली आंन गाम की अब ही आई गोने ॥१॥ खेलति नांहि फागु गिरिधर सौं धरजु रही मुख मोने ॥ मेरे बगर में अब ही होरी के केतिक कौतिक होने ॥२॥ नीची दृष्टि करे नहीं चितवत यहे सिखई कहो कोने ॥ “कृष्ण जीबन लछीराम' के प्रभु कौों देखत हीं न लजोंनें ॥३॥

Dhamar

Part3-227

Kafi

102 (| raag sarang (chhu) rangili horry khelai ranga saunrang raingeelau laal ..

१०२ (| राग सारंग (छ्ुु) रंगीली होरी खेलै रँग सौंरंग रैंगीलौ लाल ॥ रैंगीली ॥ रँग रैँगीली श्री राधिका सँग रैगीली बाल ॥ रैंगीली ॥ १॥ भाजन भरि भरि रँँग के केसु केसर नीर ॥ रँंगीली ॥ चोबा चंदन अरणजा सँग गुलाल अबीर ॥२॥ सौंधे संगबणे तन सोहे बसन रैंगमगे रँँग || स्यामा अपने जुथ सौं श्याम सखा लीये सँग ॥३॥ पटढ निसान मह॒वरि बाजति ताल मृदंग ॥ दुहुँ देसि सुघर समाज सौं उपजति तान तरंग ॥४॥ जुरे टोल दोऊ आई के रहे उमूँग रस पाग || करन मनोरथ आपनीौं ज्यों मन में अनुराग ॥५॥ जम्यौं रँग चाँचरि मच्यों कहा कहु सुर साँच ॥ अंग अनंग न लाय कें भ्रकुटी नैननि नाँच ॥६॥ उमँग्यों आनँद क्यों रहे कापै रोक्यौ जाई ॥ औचक हो हो करि उठी दीने सब टहुकाई ॥७॥ सीमटि सखा सनमुख भयौ जल मंत्रन मार मचाई अबीर गुलाल उड़ाई कैं दिनमनि दीयौ छिपाई ॥८॥ मेघ घटा ज्यों छाई केैं बरखन लागी आई ॥ तन सौं तन सुझति नहि चंद उज्यारी भाई ॥९॥ बंसन मार मचाई कें दीनें सखा भजाई ॥ हरि हलधर गहि पाई कैं दीये जीत कै बाजे बजाई ॥१०॥ घेरि रही चहूँ और तें भाजन कौं नहि दाव ॥ अकबक से मन है रहे भुले सकल उपाव ॥१ ९॥ हँसति सखी सब तारी दै दे आवे करि आवेस ॥ फाज में प्रभुता को गीनै कीयै है चोर कै भेष ॥ १२॥| इक सखी ढिंग आई के बोली चिबुक उठाई ॥ कहति मौन गहि क्यौं रहें ठग केसे लड॒वा खाई ॥8३॥ नैन ऑजि मुख माँडि कें हलधर दीने छाँड़ि ॥ ग्वाल सखन की लाज तें लियौं है नीलांबर आडि ॥|१४॥ दृग मुख पॉँछति जब चले बहुत खिसानें होई ॥ हँसति सखा बलराम सौं आए एक गऐ दोई ॥ १५॥ कीलकि कीलकि हँसि यौं कहै धन्य तिहारौ खेलि ॥ भाजे जीव बचाई कें निज भैया कौं मेलि ॥ १६॥ संकरषन तब यौं कह्मौं तुम ही लावो जीति ॥ बड़े मिलनीयाँ मिलि गये भूलै मन प्रतीति | १७॥ इत गोपी नैँदराई कैं आई भवन मँझारि ॥ द्वार कपाट बनाई कै लै घेरे दोऊ सार ॥१ ८॥ इत राधा नँदलाल कौं करि एकांत इक ठौरि झूमकि चेतब गाव हि जुरि जुथ सब पौरि ॥१९॥ ल्हेकन रस बस उहै रही राखति बाजति ढोल ॥ जो चाहे सौं लीजिये नंद बदति यौं बोल ॥२०॥ राधा माधो बोलि कै लै आई पुन पास ॥ नंद जसुमति बोलिकें पुजवाई जिय आस ॥२१॥ दोऊ रैंगमगे रँग में मिल कीनों एक बिचार ॥ इत गठजोरो जोरी कैं राधा नंदकुमार ॥२२॥ महरि घर आनँद बढचौ लीये गोद बैठारि ॥ पाट पार्टंबर लै दीयै मनि कंचन नग वारि ॥२३॥ सब बिधि सब भाये भयै पुरई मन की आस ॥ या घर या सुख कारनमें भावति ब्रज कौं बास ॥२४॥ गोपीजन हित कारनें गोप भेष अवतार ॥ ब्रिंदाबनन बसति सदा जहाँ क्रीड़ा नित बिहार ॥२५॥ श्री विध्वेल पद रज कृपा ऐसा हिय में ध्यान ॥ 'छीत स्वांमी' गिरिधरन कौं कीनों सुजस बखान ॥२६॥

Dhamar

Part3-227

Kafi

Yaa hinn tein peeya tero naam dharyo hain dheeth .. horry

या हिं तें पीय तेरो नाम धर्यो हैं ढीठ ॥ होरी आई है मन भाई पायो जतन करि नीठ ॥१॥ मोय देखि उपहास करत सब आईये मोहन मीत ॥ सुनों श्याम समझाई कह्ेत हों गुप्त राखीए पीति ॥२॥ कबहूं सैन दे भाजि जात हो यह जो करत अनीत ॥ जानति हों पीय हो बहु नाईक परति नहीं परतीत ।। ३।। कबह्ूंक रवकि कंठ लपटावति कबहूंक चलति दै पीठ ॥ श्री विद्डल गिरिधरन लाल' तुह्मे लगे न काहू की दीठि ॥४॥

Dhamar

Part3-227

Kafi

Shyam chhabile munn haryo srivrindavan key chand ..

श्याम छबीले मन हरयो श्रीवृंदावन के चंद ॥ ललनां ॥भ्रु०॥ मोहन मेरे द्वार व्है उम्तक चले जबभोर ॥ ललनां ॥ झलकत श्रीमुख देखिये चितेलियो चितचोर ॥|१॥ मस्तक पंख मयूरके गरें गुंजा के पुंज ॥ वेणु बजायो हो सखी नागर नबल निकुंज ॥२॥ सुंदर स्याम सुहावनो ओर सुंदर वन माल ॥ ओढें सुंदर पटपीयरो सुंदर नयन विशाल ॥३॥ डियपरी जोता लावेली सुन मुरली की घोर ॥ चल सखी देखन जाइये नागर नवल किशोर ॥। 8॥ माईरी मनन रहे क्‍यों राखिये राखत नहीं रहाय ॥। कोटि यत्नजो कीजिये जहां प्रीतम तहां जाय ॥५॥ केसेराखों क्योरहे केसे के बन जाय ॥ केसें के मिरिधर मिलें सोमिस कोन कराय ॥६॥ कसें संग मिल खेलिये सास ससुर की लाज ॥ लाज किये दुःख पाइये बिन मिले होय अकाज ॥७॥ ऊंचे जो गिरिधर वसें जो नीचें घर होय ॥ बिना बुलायें बोलिये नयन निरख सुखहोय ।॥॥|८॥ वन वपुरी हरनी भली अपने पतिन समेत ॥ निस दिन श्री मुख देख हीं नयनन को फललेत ॥९॥ लटकन लटकें फूलके घूंघर बारे केश ॥ गाय गोप के वृंदमें बलहारी यह वेश ॥ १ ०॥ सांझ समेंघर आवही मुदित सकल ब्रजबाल || मदन मोहन के वारनें बल बल दास गोपाल ॥११॥

Dhamar

Part3-229

Sarang

Rasik fagu khele naval nagari saun saras

रसिक फागु खेले नवल नागरि सौं सरस बर ऋतुराज की ऋतु आँई ॥ पवन मंद अरबिंद औरू कुंद बिकसे विषद चंद पीय नंदसुत सुखदाँ्ड ॥|१॥ मधुप टोल मृदु बोल सँग सँग डोले पिकन बोल निरमोल स्रुति चारू गाईं ॥ रचित रास सौं बिलास जमुना पुलिन में सघन ब्रिंदा बिपुन रही फूलि जाई ॥२॥ कनक अंग बरनी सुकिरनी बिराजे गिरिधर नब जुबराज गजराज राई ॥ जुबत्ती हंसगामी मिले 'छीत स्वामी' क्‍्वनित बेैनु पद रैनु बडभाग पाई ॥३॥

Dhamar

Part3-229

Kafi

Fagun maas suhaayo .. rasiya horry khelani

फागुन मास सुहायो ॥ रसिया होरी खेलनि आयो ॥ अबीर गुलाल भरे फेंटन में दौरि बदन लपटायो ॥| हो रसिया० ॥ १॥ गारी गाबे भाव बतावे रस भर रीझि रीझायो || 'कृष्ण जीबन लछीराम' के प्रभु कों नाना भाँति नचाँयो ॥ हो रसिया०॥२॥

Dhamar

Part3-229

Kafi

Khelan dey moye horry rasiya .. jaane naan veungi

खेलन दे मोए होरी रसिया ॥ जाने न वेउंगी गही राखुंगी ॥ मेरी काहेकुं बहीयां मरोरी ॥१॥ सखी सब मिलि होरी खेले ॥ में कहा कीनी चोरी ॥२॥ चोवा चंदन और अरगजा ॥ केसर गागर भरि ढोरी ॥३॥ “कृष्ण जीवन लछीराम' के प्रभु सौं ॥ फणग॒ुवा लीयो भरि भरि झोरी ॥४॥

Dhamar

Part3-229

Kafi

Lalana tum merey munn ativaso sunder chatur

ललना तुम मेरे मन अतिवसो सुंदर चतुर सुजान । ललनां ॥ करणहि मोहन मुरलिका नीके सुनावो तान ॥ ललनां ॥१॥ मोर मुकुट सोभाबनी सुंदर तिलक सुभाल ॥| मुख पर अलका वलि विधुरी मनहुं कमल अलिमाल ॥२॥ अधर दशनबरनासिका ग्रीवा चिबुक कपोल ॥ पीतांबर क्षुद्र घंटिका लाल काछनी डोल ॥३॥ नखसिख अंग वरनों कहा अंगअंग रूप अतोल ॥ पटतर को कोऊ नहीं अति मीठे मृदुबोल ॥४॥ एक दिनासेनन मिले नवल कुंवर ब्रजराज ॥ ग्रहते आवन ना बन्‍्यों भई बेरिन कुंल लाज ॥५॥ ग्रहते गोरस मिस चली लाज छाड कुलऐन ॥ वे मुसिकनि हृदेवसी अति अनियारे नयन ॥६॥ कहा जानें तुम कहा कियो ग्रह अंगना न सुहाय ॥ बिन देखें नागर प्यारो युग समान पलजाय ॥७॥ सकल लोक मोहि वरजही पचिहारे समझाय ॥ नहीं भावे मोहि कुलकथा मोहडि तिहारी चाय ॥८॥ ग्वालिन पर गिरिधर रीझे लीला कही न जाय ॥ गोपालदास प्रभु लाल रंगीलो हंसलीनी उरलाय ॥५९॥

Dhamar

Part3-230

Sarang

Tein mohan koo munn hargo aur tou winn rahyo naan

तें मोहन को मन हरगो और तो विन रह्यो न जायरी प्यारी ॥श्रु०॥ कुंज महल बैठे पिया नव पल्‍लब तल्पसंबार || वीच जुही बिच सेवती विच बिच नवल निवार ॥१॥ तुब पथ बैठ निहारही कुंज कुटी के द्वार ॥ लोचन भर भर लेतहें सुंदर ब्रज राजकुमार ॥२॥ अपने कर नख गूथहिं विविध कुसुम की चोली ॥ तेरे उर पहराबहीं चलो बेग उठबोली ॥३॥ कबडुंक नयनन मूदंके करत वदन तुवध्यान ॥ तनपुलकित भुजभेटही करत स्वकीय धरपान ॥४॥ चंदंदेख आनंद ही तुब मुख की अनुहार ॥ यह छबि वाहिन पूजही निरख कलंक विचार ॥५॥ यद्यपि सकल ब्रज सुंदरी कबडूं न मन अर॒ुझाय || चातृक जलधर बूंद ज्यों भुवजल तृषा न जाय ॥६॥ पियको प्रेम सखी मुख सुन्‍्यों तब ही चली उठधाय ॥ गोविंद प्रभु पिय सों मिली रहसि कंठ लपटाय |॥७॥

Dhamar

Part3-230

Sarang