Surangi horry khele sambro vraj vrindavan

सुरंगी होरी खेले सांबरो ब्रज वृंदावन मांझ ॥ सुंरगी ॥ ब्रज की नवल जु नागरी घिर आईं सब सांझ ॥ सुरंगी ॥१॥ सरस वसंत सुहाबनो ऋतु आई सुखदेन ॥ माते मधुपामभुपनी कोकिल कुलकल वेन ॥२॥ फूले कमल कलिंदजा केसू कुसुम सुरंग ॥ चंपक बकुल गुलाल के सोंधे सिंधु तरंग ॥ ३॥ सुबल सुबाह श्रीदामा पठये सखा पढाय ॥ वाजे साजे बनरंगी लीने मोल मढाय ॥४७॥ झांझ मुरज डफ बांसुरी भेरिनकी भरपूर ॥ फूंकन फेरी फेरिके ऊँची गई श्रुति दूर ॥५॥ ब्रजको प्रेम कहा कह्ूं केसर सों घटपूर ॥ कंचन की पिचकाईयां मारत हैं तकदूर ॥६॥ आंधी अधिक अबीर की चोवा की मची कीच ॥ फेली रेल फुलेल की चंदन बंदन बीच ॥७॥ ब्रजकी नवल जु नागरी सुंदर सूर उदार ॥ खेलन आई सबें जुरी श्रीराधा के दरबार ॥८॥ फूल डंडा गहि हाथ सों मारत वांड उठाय ॥ चंचल अंचल फरहरे पेने नयन चलाय ॥५९॥ श्रीराधा की प्रिय सखी ललिता लोल सुभाय ॥ छलकर छेले छिरककें हंसि भाजी डहकाय ॥| १ ०॥ नारी को भेष बनायकें पठयो सखा सिखाय || अतिही अधिक कहावती ललिता भेटी जाय ॥। १ १॥ गेंदुक कीनी फूलकी दीनी श्रीराधा हाथ ।| आय अचानक ओचका तक मारी ब्रजनाथ |।|१२॥ ब्रज की वीथनि सांकरी उत यमुना को घाट ॥ बलदाउ को बोलकें दीने गाढ़े कपाट ॥ १ ३॥ हलधर हैं जु महाबली सांचे हैं बलरास ॥ बलिको बलजो कहा भयो गष्ठि बांधे भुज पास ॥१४॥ नयनन अंजन आंजिके सोंधो ऊपर डार ॥ पाय परि द्वारे पटदये रसकी रास विचार ॥| १५॥ फिर भाजी सब दे दगा आनन दीने और ॥ मदन गोपाल बुलायकें गहिलाईं वरजोर |॥|१६॥ गिरिधारद्यो करवामसों खरमारयो गहिपाय ॥ तिनको भार कहा भयो ललिता लेत उठाय ॥१७॥ घरमें घेर सबें चली श्रीराधा कों संगलेत ॥ दोऊ जनओेंच मिलायकें नयनन को सुखदेत।। १ ८॥ तब ललिता हँसियों कह्यो श्रीराधा कों सिरनाय ॥ नीलांबरसों ढांपकें मुख मूंचझो मुसिकाय ॥१९॥ उतश्रीदामा अचगरो इतललिता अतिलोल ॥ बीच विसाखा साखिदे मुरली मांगत ओल |॥२०॥ ब्रजवासी वृषभान को मदनसखा वाको नाम ॥ स्याम मतेकोमिलनियां बसकीनों सब जाम ॥|२१॥ पठयो मदनवसीठही ढीठ महा मदलोल ॥ छिन ओरे छिन ओर न्हे छाक्‍्यो छेलदुछोल ॥२२॥ मदनामदन गोपाल को हलघर को लेआय ॥ श्रीराधा की दिसजायकें चांपतहें हँसिपाय ॥|२३॥ श्रीदामा हँसियों कह्यो मेवा देहु मंगाय ॥ नेंक हमारे श्याम कों आनन को मधुप्याय ॥२४॥ भाग सुहाग सबें बढ्यो खेलत फाग विनोद ॥ राधा माधो बैठारे ब्रजरानी की गोद ॥२५॥ भूषण देत यसोमति पोहोंची पान पछेल ॥ टीको टीकी टीकाबली हीरा हार हमेल ॥२६॥ श्रीविद्दल पद पद्म की पावन रेणु प्रताप ॥ छीत स्वामी गिरिधर मिले मेटे तन के ताप ॥२७॥

Dhamar

Part3-231

Sarang

Aho piya laal ladenti koo jhoomka saras sur

अहो पिय लाल लडेंती को झूमका सरस सुर गावत मिल व्रजबाल अहो कल कोकिल कंठ रसाल ॥ लाल बल झूमका हो ॥ध्रु०॥| नवजोबनी शरद शशि वदनी युवती यूथजुर आईं || नवबसत साज सिंगार सुभग तन करन कनक पिचकाई ॥ एकन सुवन यूथ नवलासी दामिनि सी दरसाईं ॥ एक सुगंध संभार अरगजा भरन नवल को आई ॥ १॥ पहरें बसन विविध रंग रंगन अंग महारस भीनी ॥ अतरोटा अंगिया अमोलतन सुख सारी अति झीनी ॥ गजगत्ति मंदमराल चाल झलकत किंकिणी कटिछीनी ॥ चोकी चमक उरोज युगल पर आन अधिक छबिदीनी ॥२॥ मृगमद आड ललाट श्रवण ताटंक तरणि चुति हारी ॥ खंजन मान हरण अखियां अंजन रंजित अनियारी ॥ यह वानिक बन संग सखी लीनी वृषभान दुलारी ॥ एक टक दृष्टि चकोर चंद ज्यों चितये लाल विहारी ॥३॥ रुरकत हार सुढार जलज मणि पोत पुंज अति सोहें ॥ कंठसरी दुलरी दमकनि चोका चमकन मम मोहें ॥ वेंसर थरहरात गजमोती रतिभूली गति जोहें ॥ सीस फूल श्रीमंतर जटत नग वरण करण कबि कोहें ॥४॥ नवल निकुंज महल रस पुंज भरे प्यारी पिय खेलें ॥ केसर ओर गुलाल कुसुम जल घोर परस्पर मेलें ॥ मधुकर यूथ निकट आबत झुक अति सुंगध कीरेलें ॥ पीतम श्रमित जान प्यारी तब लाल भुजा भर झेलें ॥५॥ बहुविध भोग विलास रास रस रसिक विहारण रानी ॥ नागर नृपति निकुंज विहारी संग सुरतरति मानी ॥ युगल किशोर भोर नहिं जानत यह सुरत्र रेनविहानी ॥ प्रीतम प्राण प्रिया दोऊ विलसत ललितादिक गुणगानी ॥६॥

Dhamar

Part3-232

Sarang

Mohan khelat horry ..shru0.. bansivat yamuna tata

मोहन खेलत होरी ॥श्रु०॥ बंसीवट यमुना तट कुंजन तर ठाडे बनवारी ॥ उत्तडी सखिन को मंडल जोरें श्रीवृषभान दुलारी ॥ होडा होडी करत परस्पर देतहें आनंद गारी ॥ भरें गुलाल कुंकुमा केसर करन कनक पिचकारी ॥|१॥ वाजत वेणु बांसुरी कित्नरि महुवर ओर मुख चंगा | आवज अमृत कुंडली अघबट ताते सरस उपंगा |। ताल मृदंग झांझ डफ बाजत सुरके उठत तरंगा ॥ गावत नाचत करत कौतूहल छिरकरत केसर अंगा ॥२॥ तबही स्यथाम सब सखा बुलाये सबहिन मतो सुनायो ॥ अरे भैया तुम चौकस रहीयो मत कोऊपाय गहायो ॥ जो काहू कों पकर पायहें कर हें मन को भायो ॥ ताते सावधान उ्है रहियो में तुमकों समुझायो ॥३॥ तबहीं किशोरी राधा गोरी मनमें मतो जुकीनों ॥ एक सखी तहां बोल आपनी बेष सुबल को दीनों ॥ ताको मिलन चले उठ मोहन सखान कोऊ चीनों ॥ नेंसिकवात लगाय लालकों पाछेते गहिलीनों ॥४॥ आई सिमट सकल ब्रज सुंदरि मोहन पकरे जबही ॥ मांगत हुती यही विधिनापें दाव जो पायो अबही ॥ तब तुम वसन हरेजु हमारे हा हा खाई सबही ॥ अब हम वसन छीनि कें लेहें हा हा खेहो तुमही ॥५॥ एक कहे नेंक वदन उघारो हम हूं देखन पावें ॥ एक कहें मुखमांड स्यामको माथे बेंदालावे ॥ श्रीमुख कमल नयन मेरे मधुकर तिनकी तृषा बुझावें || एक कहे नेंक इनहिं नचावो हमसब ताल बजावें ॥६।| एक सखी मधुरे स्वर गावें मुखते मारी भाखें ॥ एकजु हँसत दूर भई ठाडी घूंघट पटमुख ढांकें ॥ एक सखी हरि को मुख चितबत तनकी दशा न ताकें ॥ श्री हरि चरित्र अंतको पावे सबहिन की दिसताकें ॥७॥ एक जु सखी आय पाछेते मोर पक्ष गहढिलीनो ॥ एक अचानक आय लालको पीतांबर गहिछीनो ॥ एकन आंख आंज मुख मांड्यो ऊपर गुलचादीनों ॥ मानत कोन फाजग में प्रभुता मन मान्यों सो कीनों ॥८॥ एक कहे बोलो बलभैया तुमें ही आन छुडावे ॥ सरख्रा एक पठवो तुम घरलों जसुमति को लेआवे ॥ छल बल सों छूट्यो चाहतहो गह्लेन छूट न पावें ॥ श्रीराधाजू की करो वीनती सो तुम भले हि छुडावें ॥९॥ दूरही ते देखे बलआवत एक सखी उठधघाई ॥ छल बल कर जेसें तेसें कर उनहूं कों गहिलाईं ॥ आन पकर इक ठोरे कीने हरिहलधर दोऊ भाई ॥ उनहंकी आंख आंज मुख मांड्यो श्रीराधाजू सेन बताई ॥१०॥ करजोरें हरि हलधर ठाडे आज्ञा हम को कीजे ॥ जो कछु इच्छ होय तुमारी फगुवा हमसों लीजे ॥ हँसहँस बात कह़त मनमोहन बोवत सुख के बीजें करो विदा जांय अपनेघर पीतांबर मेरो दीजें ॥ १ १॥ देख देख ब्रह्मा शिव नारद मनहींमन पछिताई ॥ ये बड भाग्य सकल ब्रज बनिता हम मुख कही न जाई ॥ ज्याकारण हम ध्यानरत हैं ध्यानहूं आवत नाहीं ॥ सो देखो ब्रज युवतिन आगें ठाडे जोरे बांही ॥१२॥ तब ही श्याम सब सखा बुलाये फगुवा बहुत मंगायो ॥ जो जाके जेसो मन मान्‍्यों तेसो ताहि पहरायो ॥ श्रीजगन्नाथराय चिरजीयो सबको भलो मनायो ॥ वाढो बंश नंद बावा को माधोदास यश गायो ॥ १ ३॥

Dhamar

Part3-233

Sarang

Gwalini sondhe bheeni angiya sohe kesar bheeni

ग्वालिनि सोंधे भीनी अंगिया सोहे केसर भीनी सारी ॥ लहेंगा छापेदार छबीलो छीन लंक छबि न्‍्यारी ॥१॥ अधिक वार रिझवार फाग खिलवार चलत भुजडारी ॥ अतर लगाये चतुर नारि तब गावत होरी की गारी ॥५॥ बडी बडी वरुणी तरुणी करिणी रूप जोबन मतवारी ॥ छबि फुलेल अलकें झलकें ललकें लखछेल बिहारी ॥३॥ हाव भाव के भवन केधों भ्रृंडन की उपमा भारी ॥ वसीकरन केधों जंत्रमंत्र मोहन मनकी फंदवारी ॥|४॥ अंचलमे न समात बडी अखियां चंचल अनियारी ॥ जानों मांसी गजबेल कामकी श्रुति खरसान संबारी |॥५॥ वेसर के मोती की लटकन मटकन की बलहारी ॥ मानों मदन मोहन जूको मन अचबत अधर सुधारी ॥६॥ बीरी मुख मुसकान दशन चमकत चंचल चोकारी ॥ कोंधि जात भानों घनमें दामिनि छबि की पुंज छटारी ॥७॥ श्याम बिंदु गोरी ठोडी में उपमा चतुर विचारी ॥ जानों अर्विंद चुभ्यो न चलें मचल्यो अलिको चिकुलारी ॥८॥ पोति जोति दुलरी तिलरी तरकुली श्रवण खुटिलारी ॥ खयनवने कंचन विजांयठे करन चूरी गजरारी ॥९॥ चंपकली चोकी मुंजा गजमोत्तिन की माला री ॥ करें चतुरचित की चोरी डोरी के जुगल झवारी ॥१०॥ पेने सुख देने कंचन कुच खुभी कंचुकी कारी ॥ काम कुटी करदीनीहे कीनी शिव सो फिर यारी ॥११॥ एडी लाल महावर जेहर तेहर बाजन वारी ॥ घायल किये पाय पायल कर सायल नंद ललारी ॥१२॥ जोर दीठसों दीठ ईठमंजीठ रंगनरंग भारी ॥ लगी लाल के पणी खणी चित चितबन की पिचकारी ॥१३॥ मोहन मदनगोपाल लालपर पढ़ गुलाल जब डारी ॥ संग लग्यो डोले रसीया वृंदावन में बनवारी ॥१४॥ छबि दौरन मोरन मरोर पिय जाय भरे अंकवारी ॥ प्रेम फंद पकरे जकरे गोरी नें गिरिवरधारी ॥ १ ५॥ छीन लई मुरली करते पटुका पट पीत उतारी ॥ ग्वालिन अधर धरी बंसी वरषी रस सिंधु सुधारी ॥१६॥ जो भावे सो ले ललना कलना पलना मोहि प्यारी ॥ तोहिददाकी सोंहे ग्वालनी देबंसी हा हारी ॥१७॥ बाहनमें बाहें चाहें मुख चंद चकोर पियारी ॥ मोहन स्यामत माल बाल लपटानी हेम लतारी | १ ८॥ गांठ जोर गोविंद चंदसों दीनी सखिन संवारी ॥ तारी देदे गारी गावें ग्वाल देत किलकारी ।। १ ९॥| वशीकरण बतियन रस वरखत वरसाने की नारी ॥ प्रभु घनस्याम दियो मनमेवा फगुवा प्रानप्यारी ॥२०॥

Dhamar

Part3-234

Sarang

Esso khel horry koo jahaan rahat naheen kachhukaan ...

एसो खेल होरी को जहां रहत नहीं कछुकान ॥। जहां कहियत परम वखान ॥| जहा मिलवे की अकुलान ॥ जहां बोलत जान अजान ॥ जहां खेलत में न अघान ॥ जहां परत नहीं पहेचान ।॥| जहां रूप भेष उलटान ॥ जहां परमनिर्लज्निताबान || जहां खेलन की रहठान ॥ जहां अति आनंद वढान ॥ जहां रहत सबे ऋतुमान || जहां खेललराई ठान ॥ जहां तन मन धन विसरान ॥ध्रु०॥ कर सिंगार घरनते निकर्सी द्वारें ठाडी आय ॥ खेलन को नंद लालसों ब्रज युवती सहज सुभाय ॥१॥ गावत गीत सुहावने ऊंचे स्वर पियहिं सुनाय ॥ सुनत श्रवण ले सखनकों आये ब्रजभूषण धाय ॥२॥ मोहन मन वसकरणकों ब्रज युवतिन रच्यो उपाय | नांचत गावत रसभरे अरूवाजे विविध बजाय ॥३॥ वदन विलाक्यो लालको हँस घुंघट पट सरकाय ॥ उरआनंद अतिही बाढ्यो मन भावन यह विधपाय ॥४॥ मोहन के सिंगार को सब लीनो साज मंगाय || चोवा चंदन अरगजा ओर सुगंध गुलाल भराय ॥५॥ लये सेन देवातके मिस मोहन निकट बुलाय ॥ परस कपोलन प्रेमसों पियलीने अंग लगाय ॥६॥ वसननये ले आपने प्रीतम को सब पहराय ॥ आभूषण बहुभांतके पहराये देख बताय ॥|७॥ प्रथम कपोलन छिरकके ले चंदन बिंदु बनाय ॥ सुरंग गुलाल अबीरसों कर चित्ररहत मुसिक्याय ॥८॥ पणगिया पेचन छिरककें वागोइ जार छिरकाय ॥ शोभा चिन्न विचित्र की नयन नहीं परतल खाय |॥॥९॥ अधिक गुलाल उडायकें सब हिन की दृष्टि बचाय ।| मन भायो पिय सों करें प्रति अंगन अंग मिलाय ॥१०॥ मंडल मध्य पियराखकें मिल नाचत अति सरसाय ॥ गाबत अति आनंदसों पिय छिन छिन हृ॒दो अघाय ॥११९॥ खेल रच्यो ब्रजलाडिले ब्रजयुवतिन पाय सहाय ॥ दूरभये गुण जावही सब गोप शब्द उचटाय ॥ १ २॥ रस रसिकन मन अति बढ्थों हो तिहंलोक रह्मो छाय ॥ श्रीबल्लभ पद कमल की जनरसिक सदा बलिजाय ॥१ ३॥

Dhamar

Part3-235

Sarang

Houn laal tein pyaari chita hari leo tou binn kachh

हों लाल तें प्यारी चित हरि लियो तो बिन कछ न सुहाय लाल ॥ तलफे जल बिन मीन ज्यों चन्द चकोर दिखाय लाल ॥१॥ लाल फिर-फिर बात व्है पूछे बूझम-बूझ पछताय लाल ॥ झुकि लई दुपति करि लाग्यो लग्यो मदनसर जाय लाल ॥२॥ लाल देखे ही सब जानि हो बैन न कछु कहाय लाल ॥ यह सुनि स्याम कुंज चले गडे पाछे आवे लाल ॥३॥ लाल सखान सहित प्यारी जहाँ सेन सबै समुझाय ॥ इत जुग हस्त आँखियाँ मींची पुनि मुरली मुख लाय लाल ॥४॥ लाल जब कह्यो यह को है हो जुगत चतुरभुजराय लाल ॥ यों कर रीझये लाडिली सन्मुख व्है हरखाय लाल ॥५॥ लाल छिरकत योवा चंदन अबीर गुलाल उडाय लाल ॥ प्रफुलित मन बातें करें आनंद उर न समाय लाल ॥६॥ लाल रीझ हार ललिता दियो प्यारी कछु मुसकाय लाल ॥ चरनकमल बंदन करे द्वारिकेश गुन गाय लाल ॥७॥

Dhamar

Part3-236

Sarang

Chhando chhando hamari vaat lunger sambre .. jinn

छांडो छांडो हमारी वाट लंगर सांबरे ॥ जिन फोरो ढोरो मेरी गागर भरन वेहु यह घाट ॥१॥ जिन झगरो पकरो मेरो अचरा देख विचारो ठोर ॥ तुम होरी के रातेमाते नोलत ओर की ओर ॥२॥ लेहों घेर निवेर सबनपें कर हों न काहू की कान ॥ श्रीविद्चल गिरिधरन लाल तुम जीते हो मुसिकान ॥३॥

Dhamar

Part3-237

Sarang

Houn que‍yon jaaoonri dadhi vechanmai nand laal khelat

हों क्‍यों जाऊंरी दधि वेचनमाई नंद लाल खेलत होरी ॥ विन होरी होरी सी खेलत अबतो होरी करपाई ॥१॥ गोरस की मटुकी ले सीसते दौर कहत तूमोकों लाई ॥ कृष्ण जीवन लछी राम के प्रभुसो पकर पाये हैं तो करहें आप मन भाई ॥२॥

Dhamar

Part3-237

Sarang

Maaee horry khele mohana liyein gulal abir ..

माई होरी खेले मोहना लियें गुलाल अबीर ॥ बनवन चली सकल ब्रजवनिता पहरेंविविध पटचीर || १ ॥॥ अरमजबाद कुंकुमा केसर चरचे स्याम शरीर ॥ मृद्‌ मुसिकाय परस्पर सुंदरि दशन झलक मुख हीर ॥।२॥ प्रेम पतंग पिचकारी छूटत ओर यमुना को नीर ॥ सूरदास प्रभु रस बसकर लीने हरि हलधर के वीर ॥३॥

Dhamar

Part3-237

Sarang

Honsanayak khilwar horry kii curr liyein duff

होंसनायक खिलवार होरी की कर लियें डफ हिं बजावेंहो ॥ पान भरे मुख चमकत चौका ओर दिये बेंदी रोरी की ॥१॥ तनसुख सारी रातो लहेंगा कहा कहों छबि गोरी की || नीवी जढ जु रही नाभीपर ओर कसगणांठ दई डोरीकी ॥२॥ चोवाकी बेंदी तोयन पर ओर अचरा ढिंग थोरी की ॥ उसरत अंभिया कठन कुचन पर आय मनोरथ जोरी की ॥३॥ जोबन रूप बनी सुबनी मानों है वृषभान की ओरी की ॥ नंदलाल को गारी देत हैं ग्वालिन सों गठजोरी की ॥४॥ भरत न डरत आंखि आंजत हें करत दुह्ाई किशोरी की ॥ हो हो कहि सुघर राय प्रभु नयन सेन चित चोरी की ॥५॥

Dhamar

Part3-237

Sarang

Kaanh russ bheeni gwalini oye goras taja

कान्ह रस भीनी ग्वालिनी ओए गोरस तज कुलकान ॥ नाघर में कलना अंगना वाको मन जो लाजके पान ॥|१॥ जोबन रूप रिझोने नयननमें वाकी परीचितवन की वान ॥ डफ मुरली सुन गई कोरतज पानी कोउत्तर ठान ॥२॥ खेलत मोहन गहिका जरदे हँसी पीत पटतान ॥| जगन्नाथ कवि राय के प्रभुसों फाग खेल खिलरान ॥३॥

Dhamar

Part3-237

Sarang

Horry khele nandlal horry nand mahar kii pauri

होरी खेले नंदलाल होरी नंद महर की पौरी ठाडो संगलिये ब्रजबाल ॥१॥ वेणु बजाबे मधुरे गावे और उघटावे ताल हरें हरें युवति में धस कें चुंबनदे भजेगाल ॥ वदन उघारे बिंदुलीनि हारे तिलक बनावे भाल ॥ कबहंक आलिंगनदे भाजे आय मिले ततकाल ॥ ३॥ कबहुंक ढिंग व्है अचरा खेंचे छुवावे नीरज नाल ॥ कबह्दू आय बलैयां लेले पहरावे वनमाल ॥४॥| कबहुंक नाचे भाव दिखाबे कबह्दू बजाबे ताल ॥ कबहं अबीर अरगजा लेकें ओर उडावे गुलाल ॥५॥ कबहुंक हाथाजोरी नाचे मंडल मध्य प्रतिपाल ॥ श्रीवललभ पद कमल कृपाते गावें रसिक रसाल ॥६॥

Dhamar

Part3-238

Sarang