Chalari horry khelein srimirivardhar srivallabh varr

चलरी होरी खेलें श्रीमिरिवरधर श्रीवल्लभ वर रच्यो विविध विध खेल माई ॥ डफ पुंजन की गुंज रही छबि कालिंदी के कूल ॥ध्रु०॥ यह सुनकें मिल सब ब्रज सुर्दरि एक एक उठ थाई ॥ खेलें फाम जाय प्रीतम संग सुफल घरी ये आई ॥ येसोमतो कियो एकत्र न्हैं आनंद उर न समाई ॥ यह अवसर अब दियो विधाता करो सबे मन भाई ॥१॥ हीरा रत्न जटित मणि मुक्ता आभूषण सजलीने ॥ वसन विचित्र बनाय विविध अंग सारी सरस रंग भीने ॥ लहेंगा लाल लसतनितंबपर छीनलंकछबिछीने | कनकवरन कंचुकी श्यामतन आन अधिक छबि दीने ॥श। मृगमद आड ललाट सुभग अति बेनी सरस सुढारी ॥ सीसफूल श्रीमंत जटितनग वरनन सकेक बिहारी ॥ श्रीमुख कमल राजत पूरण शशि अलक सोहें घुंघरारी ॥ दशन दामिनी अधर पानकों झूमत पन्नणनारी ॥३॥ नयन . विशाल श्रवण झलमले नक बेसर गजमोती ।। पिकवेनीजो कपोत कंठअति सोहे जंगाली पोती ॥ चोकी जरायंहार रुरकत अति दूरकर तरविजोती ॥ बांड वरागजरा सोहत चूरीगज दंतीडोती ॥४॥ कटिटिंकिणी रुनझुनात अति पण नूपुर झनकारा ॥ पग पायल ढिंग एडी महावर विछुबन शब्द अपारा ॥ चलत हंस गति मोहिलेत चित उमड़ी रस की धारा ॥ यह बानिक वनि चली सख्री निरखन कों प्रान अधारा ॥५॥ पोछोंची जाय निकट पीतम के बिपिन युवत्ती समुदाई || फुल बाग शोभा अति सुंदर फूल रही बनराई ॥ एकटक न्हैं चितवत चंचल अति दृष्टि भरी पिचकाई | प्रीतम मन अनुराग बढ्यो अति आनंद उर न समाई ॥६॥ अबीर गुलाल उडाय गणन मध्य दिन रजनी कर लीनों ॥| राका पति ज्यों राजत गोकुल पति यह समेंरंग भीनों ॥ मिली जोबाल गुलाल मध्य कोऊ काहू नहीं चीन्हों ॥ प्रीतम जाय धाय उरले भुज भर आलिंगन कीनों ॥9॥ अधर माधुरी पीवत पिवावत रंग बढ्यो रस भारी ॥ प्रीतम विवश होय प्यारी वश रहत न कछु संभारी ॥ ये अविचल ब्रजरहो सदां अब नित नित केलि तिहारी ॥| वललभ पिय हिय सुख निसवासर चिरजीयो लाल बिहारी ॥८॥

Dhamar

Part3-244

Sarang

Maaee mero munn mohyo saanware mohi ghar angana

माई मेरो मन मोह्यो सांवरे मोहि घर अंगना न सुहाय ॥ ज्यों ज्यों आंखिन देखियें मेरो त्यों त्यों जिय ललचाय ॥१॥ हेली मनमोहन अति सोहनो इत व्है निकस्यो आय ॥ मोहि देख ठाडो भयो वह चितयो मुरमुसकाय ॥२॥ रूप ठगोरी डारकें चल्‍यो अंग छबि छेल दिखाय ॥ नयन सेनदे सांवरो मन ले गयो संग लगाय ॥३॥ लोक लाज कुलकान की जिय कछून ठीक ठहराय ॥ के ले चल मोहि स्यामपें के स्पामहि आन मिलाय ॥४॥ प्राण प्रीति परवसपरे अब काह्ू की न वस्थाय ॥ रसिक बाल नंदलालपें रसिक सदा बलजाय ॥९॥

Dhamar

Part3-245

Sarang

Uta saanvaro bahuu rangan rangilo itgun nidhi

उत सांवरो बहू रंगन रंगीलो इतगुण निधि राधा गोरी ॥ डफ पुंजन की गुंज गान सुन खणमृग मुदित मची होरी | १॥ अंबर चढ्यो गुलाल उडायो ललितादिक लियें भर भर झोरी ॥ मानो. दुह/ंदिसनते सजनी उठी अनुराग घटा घोरी॥ २॥| कुंकुम की पिचकारी डारत चोंक चपलता करत किशोरी ॥ लचक्यो लंकइते मुख फेरयो मानो कनक लता मोरी ॥३॥ छिरक छींट उठत चोवा की लगी कपोल बाल के थोरी॥ प्रगट करत दोऊ कर अपने गोकुलेश चित्त की चोरी ॥४॥।

Dhamar

Part3-245

Sarang

Khelein piya radha gori .. nand nandan vrishbhan

खेलें पिय राधा गोरी ॥ नंद नंदन वृषभान नंदिनी बोलत हो हो होरी || ६॥ कंचन की पिचकारी लीयें अबीर भरें भर झोरी ॥ छुटत मुठी गुलाल लाल की भरत नयन की कोरी ॥२॥ पकरे लाल भई झक झोरन प्रणटी प्रीति की चोरी।। आंख आंज कपोलन मीडत लाज तृणकसीतोरी॥ ३॥ केसर अगर गुलाल अरगजा सोंघधें भरी कमोरी।। हँसत लसत ओर भरत परस्पर गांठ दुहंन की जोरी॥४॥ विहस विहस सब लेत बलैया ॥ अविचल भूतल जोरी ॥ माचोदास प्रभु लाल लाडिले नवल किशोर किशोरी ॥५॥

Dhamar

Part3-246

Sarang

Aho khelat horry pyaaro laal vihaari sanga

अहो खेलत होरी प्यारो लाल विहारी संग वृषभान दुलारी ॥ यमुना पुलिन सुहावनों जहां फूल रहे द्रुम भारी ॥१॥ गुंजत मधुप कीर पिक कूजत श्रवण सुनत सुखकारी ॥ इतहिं गोप कुमार विराजत उत सब गोकुल नारी ॥ २॥ इतनायक बल मोहन दोऊ उत्तचंद्रावलि प्यारी ॥ इनके करणेंदु फूलन की उतगुही माल संभारी ॥३॥ पहरावत पीतम प्यारे कों देत दिवावत गारी ॥ बाजत ताल मृदंग झांझ डफ तूरभेरि सहनारी ॥४॥ ढोलक ढोल निसान महुवर विच मुरली मनहारी ॥ इनन लई भर कनक कटोरी उनन लई पिचकारी ॥५॥ अतिकसबांधे फेंट गुलालन मुठी अबीर उडारी ॥ बूका बंदन उडत चहूंदिश दिननिशज्यो अंधियारी ॥६॥ नयन सेनदे हँसत परस्पर धाय गहे गिरधारी ॥ चोवा केसर मृगमद घोरी दियो सीसते ढारी ॥७॥ रोरी हरद कपोलन मीडत आंख आंज अनियारी ॥ एकन लियो झटक पीतांबर एक भरत अंकवारी ॥८॥ श्रीराधाजी सोंकर गठजोरो नाचत देकरतारी ॥ भीज्यो रस खेलत रंगन में रंगममे भूषण सारी ॥९॥ अधर माधुरी पीवत पिवावत मेटी मदन व्यथारी | क्रीडत देख नंदनंदन सुरकरें कुसुम बरखारी ॥१०।॥| रस बस खेल मच्योजु परस्पर वरने कबि कहारी || अविचल रहो सदा यह जोरी कृष्णदास बलिहारी ॥ १ १॥

Dhamar

Part3-246

Sarang

Taari dey jaari jaavahin .. ekate aeka bunny vraj

तारी दे जारी जावहीं ॥ एकते एक बनी ब्रज बनिता नाना रंग वरसावहीं ।|१॥ बाजत ताल मृदंग झांझ डफ मोहन वेणु बजावहीं ॥ चोवा चंदन अगर कुंकुमा सुरंग गुलाल उडावहीं ॥२॥ इतमोहन उत सखी समूह मिल खेलें हँसें हँसाबहीं ॥ सूरदास प्रभु तुम बहु नायक फगुवा दे घर आवहीं ॥३॥

Dhamar

Part3-247

Sarang

Chung mridang bansuri baajat hoe hoe hoe hoe horry ..

चंग मृदंग बांसुरी बाजत हो हो हो हो होरी ॥ मानो किल कार सेन दे बोली उम्गि चली गृहगृहते दोरी ॥१॥ सारी सेत पीत रंग बोरी भूषण भूषित नवलकिशोरी ॥ नील कंचुकी उरपर राजत मानो शोभा भई इक ठोरी ॥२॥ रंगभीनी भामिनि गारी गाबें कहें राधा माधो की जोरी ॥ गुरूजन वरजत नेकनमानत लोक लाज तिनुका ज्यों तोरी ॥३॥ काह्ू कर साखजबाद कुंकुमा काहूकर लीने केसर घोरी ॥ उमगे ग्वाल गोपिका दुह्ंंदिश मानो मघवा वरषत घनघोरी ॥|४॥ फगणुवा दिये जीय के रीझे लाल गोवर्धन धारी ॥ देत असीस चली ब्रज वनिता दास कल्याण जाय बलिहारी ॥५॥

Dhamar

Part3-247

Sarang

Hoe hoe horry khelan jaiye jaay khilaiye kubar

हो हो होरी खेलन जैये जाय खिलैये कुबर कन्हैये ॥ अपने संगते फूट परेछिन वाहि न्यारें न पत्यैये ॥ १॥ बहुत गुलाल केसर रसले समाज खिलारतन थैये ॥ अपने रंग में एसें बोरिये स्याम रंग ढूंढ्ययो नहिं पैये ॥|२॥| एक तन एक मन होय सख्ीरी बांह पकर वाको सीस नवैये | भाज चले तोतारी दे हँस सब ब्रज मेरी वाहिलजैये ॥३॥ फगुवा के मिस फेंट पकरकें मृदु मुसिकाय वदन तन चहिये ॥ जगन्नाथ कविराय के प्रभुसों डिल मिल कें रस सिंधु बढैये ॥४॥

Dhamar

Part3-247

Sarang

Raajat hein vrishbhan kishori .. vraj key aangan

राजत हें वृषभान किशोरी ॥ ब्रज के आंगन में खेलत पियसों ऋतु वसंत के आगम होरी ॥१॥ ताल मृदंग वेणु चंग बाजे राजत सरस बांसुरी ध्वनि थोरी | अगरजबवाद कुंकुमा केसर छिरकत स्याम राधिका गोरी ॥२॥ जब हीरबक पीतपट पकरत यह रसरसिकन देत झकझोरी ॥ परमानंद चरण रजबंदित राधा स्याम बनी हें जोरी ॥३॥

Dhamar

Part3-247

Sarang

Chalo sakhee baaj tamaasen pyaaro mohan khelat

चलो सखी बाज तमासें प्यारो मोहन खेलत होरी ॥ सगरी सखी मिल देखन निकसी पातरी पवारी गोरी भोरी ॥१॥ काहपें गुलाल काहूपें केसर अबीर लियें भरभर झोरी ॥ कृष्ण जीवन लछी-राम के प्रभु बने किशोर किशोरी ॥२॥

Dhamar

Part3-248

Sarang

Sakhee nandanandan vrishbhan kunwarison baadhyo adhik

सखी नंदनंदन वृषभान कुंवरिसों बाढ्यो अधिक सनेह ॥ध्रु.॥॥ अबकितद्रत सांवरे ढोटा फगुवा हमारो देह ॥ जबतो गोंहन नेंकनछांडत अबभज पकरसच्ोो ग्रे ॥१॥ सवे सखी मिल चली नंदपें मोहन माँग्यो देह ॥ दिनाचार अवसर डोरीको बहोर आपनों लेह ॥२॥ प्यारी मोहन माजेना मिलें घटेतो भरदेह तुम लाय तराजू तोल लेहु मोहन घटेतो दूनोलेह ॥३॥ अधिक वार खिलवार होरी की पिचकारिन बाढ्योनेह ॥ गौर स्याम मिलयों राजतहें ज्यों भादों को मेह ॥४॥ विग्हल भई तनमन नहीं सूझे सब हिन विसरद्यो गेह ॥ सूरदास मोहनजू के बदले जो चाहो सो लेह ॥५॥

Dhamar

Part3-248

Sarang

Diye mahawar gorey payan || namanjadit kanchan

दिये महावर गोरे पायन || नमनजदित कंचन की जेहर सुमन बनी डोलत हें चायन ॥१॥ जंघ युगल कदली कटि के हरि रूप अनूप गुसायन ॥ भुज मृणाल श्रीफल कठोर कुच जानत रसके दायन ॥२॥ खमक बनी अंगिया जुखयन तैसीये भ्रृंह चढायन ।। मानो मेन खराद खरादी वह पाई उपमायन ॥३॥ गुलाल भरद्यो तन एसो लागत मानो हेम काढ्यो हे तायन ॥ सुघर रायको प्रभु रीइझ््यो वृषभान कुंवरि के भायन ॥४॥

Dhamar

Part3-248

Sarang