Bunny roop-rung raadhe, taatain adhik baney vrajnath ..

बनी रूप-रंग राधे, तातैं अधिक बने ब्रजनाथ ॥ , ललिता अरु चंद्रावली मिलि, बन्यो छबीलौं साथ ॥ ताल पखावज बाजहीं संग, डफ मुरली को घोर ॥ नंद-द्वार औसर रच्यौ दोऊ, राजत नवल किसोर ॥| एक कोद ब्रज-सुंदरी, इक कोद गुवाल गुबिंद ॥ सरस परसपर गावहीं, दै गारि नारि बहु-बुन्द ॥ आवहु री ! हम दुरि रहें बल-भद्ग कृष्ण गहि वेढि ॥ लोचन उनके आजही अरू, अधरनिको रस लेहिं ॥ सीला नाम गुवालिनी, तिहिं गहे कृष्ण धपि धाई || उपरैना मुरली लईई, मुखनिरखि हरषि मुसुकाई ॥ गहे अचानक राधिका, तब रही कंठ भुज लाई ॥ मन के सब सुख भोगये, जब परसे जादव-राई ॥ कोटि कलस भरि बारुनी, दई बहुत मिठाई पान ॥ राधा-माधौ सु रस रहो, सब चले जमुन जल नहान ॥ द्वितिया सकल समाज सौं, पट बैठे आनंद कंद ॥ दान देत ब्रज सुंदरी, नग-भूषण नव निधि नंद ॥ बन-बीथिनि भरि पुर गलिनि मैं, उमंग्यों रंग अपार ॥ सूर, सु नभ सुर थकित रहे सब, निरखत प्रान-अधार ॥

Dhamar

Part3-256

Sarang

Mohan naagar hoe laal tum barasaane kinn aavo ..

मोहन नागर हो लाल तुम बरसाने किन आवो ॥ जूथ-जूथ जुबतिन के देखो लोयन हियो सिरावो ॥|१॥ ससिवदनी सावक मृगनेनी खेल निकुंजनि आवे ॥ अति बिचित्र मधुर सुर लीने गीत काम के गावे ॥२॥ एकहडी बेस किसोरी गोरी प्रीतिरीति उपजाबे ॥ एको पल जो देख न पाबे तुमारी सुधि बिसराबे ॥३॥ तिन में राजे किसोरी श्री राधा श्री वृषभानु दुलारी | कनकवेल कवनी गजगसवनी कीरति प्रानपियारी ॥४॥ अष्ट सखी ताके संग सोहे चंद्र भगा ललिता री ॥ जोबन अंग सुगंध माधुरी सुंदरता सब बारी ॥५॥ चले स्याम अभिराम गाँव वृषभान नृपति के आये ॥ एको न लीनो संग सखा बनकौ सब फिर पठाये ॥६।| सहचरी कौ धरि भेष सकल सिंगार अद्भुत बनाये ॥ चंपकली के भेद लाल ललिता लखि के तब ही पाये ॥७॥ कहीं कुंवरि सों बात जाई एक भाँति विचित्र बनाई ॥ सखी सांवरी आज कोऊ अदभुत या भुव पर आई ॥८॥ तुमारी गोरी वे स्याम बदन सोभानिधि सुंदरताई ।। तुम गोरी वे स्याम मूरति मानो मैन बनाई ॥९॥ मधु रितु फाशुन मास आज हम तुम मिल सेलैं होरी ॥ चौबा चंदन बुका बंदन भेट भरि-भरि झोरी ॥|१ ०॥ विपिन बिनोद परस्पर बाढ्यो झकझोरा झकझोरी ॥ '“ब्रजभूषण' हित दंपति संपत्ति भूतत अबिचल जोरी ॥११॥

Dhamar

Part3-257

Sarang

Rangili horry khelain rung saun rung rangeelau laal .. rangili...

रंगीली होरी खेलैं रंग सौं रंग रंगीलौ लाल ॥ रंगीली॥। रंगीली श्री राधिका संग रंगीली बाल॥ रंगीली ॥१॥ भाजन भरि-भरि रंग के केसु केसर नीर ॥ रंगीली ॥ चोवा चंदन अरगजा संग गुलाल अबीर ॥ २॥ सौंधे सगबगे तन सोहें सबन रणमगे रंग ॥ स्यामा अपने जुथ 'सौं श्याम सखा लीये संग ॥३॥ पटह निसान महुबरि बाजति ताल मृदंग ॥ दुहूं दिसि सुधर समाज सौं उपजति तान तरंग ॥७॥ जुरे टोल दोऊ आई के रहे उमंग रस पाग ॥ करन मनोरथ आपनीं ज्यों मन में अनुराग ॥५॥ जम्यौं रंग चाँचरि मच्यौ कहा कड्डु सुर सांच ॥ अंग अनंग न लाय के भ्रकुटी नैननि नांच ॥६॥ उमंग्यौ आनंद क्‍यों रहे कापे . रोक्यो जाई ॥ औचक हो हो करि उठी दीने सब टहुकाई ॥|७॥ सिमटि सखा सनमुख भयौ जल जंत्रन मार मचाई ॥ अबीर गुलाल उड़ाई कैं दिनमनि दीयौ छिपाई ॥८॥ मेघ घटा ज्यौं छाई कैं बरखन लागी आई ॥ तन सौं तन सुझति नहि चंद उज्यारी भाई ॥९॥ बसन मार नचाई कें दीनें सखा भजाई || हरि हलघधर गहि पाइ कें दीये जीत के बाजे बजाई ॥१०॥ घेरि रही चहूं और तें भाजन कौं निहं दाव ॥ अकबक से मन है रहे भुले सकल उपाब ॥११॥ हँसति सखी सब तारी दै-दै आवे करि आवेस ॥ फाग में प्रभुता को गिनै कीयै है चोर के भेष ॥ १ २॥ इक सखी ढिंग आई कै बोली चिबुक उठाई ॥ कहृतति मौन गहि क्‍्यौं रहें ठम के से लड़वा खाई ॥१३॥ नैन आंजि मुख मांडि कें हलधर दीने छांड़ि ॥ ग्वाल सखन की लाज त्तैं लियौ है नीलांबर आडि ॥१४॥ दृण मुख पोंछति जब चले बहुत खिसानें होई॥। हँसति सखा बलराम सौं आए एक गये दोई ॥१५॥ किलकि-किलकि हँसि यौं कहै धन्य तिहारौ खेलि ॥ भाजे जीव बचाई कैं निज भैया कों मेलि ॥१६॥ संकरषन तब यौं कह्नों तुम ही लावो जीति ॥ बड़े मिलनीयाँ मिलि गये भूलै मन प्रतीति ॥ १ ७॥ इत गोपी नंदराई कैं आई भवन मंझारि ॥ द्वार कपाट बनाई कें ले घेरे दोऊ सारि ॥१८॥ इत राधा नंदलाल कौं करि एकांत इक ठौरि ॥ झूमकि चेतब गाव हि जुरि जूथ सब पौरि ॥१९॥ ल्हैकन रस बस है रही राखति बाजति ढोल || जो चाहे सौं लीजिये नंद बठति यौं बोल ॥२०॥ राधा माधौ बोलि कै लै आई पुन पास ॥ नंद जसुमति बोलिकें पुजवाई जिय आस ॥२१॥ दोऊ रंणमगे रंग में मिल कीनौं एक बिचार ॥ इत गठजोरो जोरी कैं राधा नंदकुमार ॥२२॥ महरि घर आनंद बढ्यौ लीये गोद बैठारि ॥ पाट पाटंबर लै दीयै मनि कंचन नग वारि ॥२३॥ सब विधि सब भाये भये पुरह मन की आस ॥ या घर या सुख कारनें भावति ब्रज कौ बास ॥२४॥ गोपीजन हित कारनैं गोप भेष अवतार ॥ ब्रिंदाबन बसत्ति सदां जहां क्रीड़ा नित बिहार ॥२५॥ श्री विड्डल पद रज कृपा ऐसो हिय में ध्यान ॥ 'छीत स्वामी' गिरिधरन कौ कीनों सुनस बखान ॥२६॥

Dhamar

Part3-257

Sarang

Yaa hinn tein peeya tero naam dharyon haye dheeth ..| chhori

या हिं तें पीय तेरो नाम धर्यों है ढीठ ॥| छोरी आई है मन भाई पायौ जतन करि नीठ ॥१॥ मोय देसि उपहास करत सब आईये मोहन मीत ॥| सुनौं स्याम समझाई कहत हीं गुप्त राखीए पीति ॥२॥ कबहूं सैन दै भाजि जात हो यह जो करत अनीत ॥ जानति हौं पीय हो बहु नाइक परति नहीं परतीत ॥ ३॥ कबहूँक र'बकि कंठ लपटावति कबडूँक चलति दै पीठ ॥ 'श्रीविद्ठल गिरिधरन लाल' तुम्हे लगे न काह्ूू की दीठि ॥४॥

Dhamar

Part3-257

Sarang

Lalnaan nava kisor naagar hari dharchau joo natwar

ललनाँ नव किसोर नागर हरि धरच्ौ जु नटवर भेख हो ॥ ब्रिंदाबन बिहरति चले आनंद बढ्यो बिसेष हो ॥१॥ श्री स्यामा सखि बोलि लई, गिरिधर पिय के संग हो ॥ ऋतु बसंत मन मोद सौं बन पुहुपित नव रंग हो ॥२॥ सेत डैंडिया सुरंग बन्यौ अति लैहिंगा पचरंग बॉनि हो ॥ तोई अरून, पियरे पलैं, केसर छींट सुहांनि हो ॥३॥ मृगमद- तिलक अंजन दियो अधरनि रंग तंबोर हो ॥ चिबुक चारु नैंकु चुनगीया चौकी रवि सम हो रहो ॥|४॥ ख्बन खुभी दुलरी गरैं, कंचन वलय अमोल हो ॥ चूरी चारु द्धै भुज बनी, कबरी कुसुम झकझोल हो ॥५॥ नीवी बंध फौंदा बन्यों नाभि जलज के तीर हो ॥ कटि रसना पद बीछीया, तापै क्वनित मंजीर हो ॥६॥ सुखद सिरोमनि साँवरों लटकि पीत सिर पाग हो | चारू टकोंचा खासा कौ सौंधे भींजति लाग हो ॥७।॥| कनक हि बरन तिलक बन्यौ कौस्तुभ राजत कंठ हो ॥ उपरैनी आछी बनी कटे किंकिनि फैंटा गंठ हो ॥८॥ लाल इजार नूपुर बने कूंजत मृदु कल-बंस हो ॥ मान सरोवर में मानौं क्रीड़ति दंपति हंस हो ॥|९॥ फूलछरी कर पिचकारी कुच पै मेलैं कच सीस हो ॥ घूंघट पट दंतिनि गद्मौ दे भुकुटि कमानक सीस हो ॥१०॥ कुंमकुम चंदन अरगजा मिस्रित माँझ कपूर हो ॥ कनक कचौरा कर धरें तकि तकि मारत दूर हो ॥११॥ बूका थैली हरि गही, दे मूठी मुख माँझी हो ॥ घेर अंबर, लखियतु नहीं भ्रमि गुलाल भई साँझि हो ॥१२॥ मुरज, पखावज, बांसुरी, आबज, दुंदुभि ढ़ोल हो ॥| ताल मृदंग, चंग, कठतोरी, बिच मुख चंग सुबोल हो ॥१३॥ गोमुख, डंडा, सुर-तुरी जंत्र, रबाब अनूप हो ॥ गारी परसपर गाव हीं सांवल गौर सरूप हो ॥१४।॥ इत सौं उन तट खेल हीं कौतुक कह्यौ न जाई हो ॥ रिझवति ललनां लाल कौं सुंदर सारंग हो ॥१५॥ मुख देखति अति सुख भयो कूजति सुक, पिक, मोर हो ॥ अनंग मुरझि धरनि परचौं सखि डारति हो तिन तोरी हो ॥१४॥ चांचरि चैत सुहावनौं गावति फागु धमार हो ॥ “बिस्नु दास” सुरनर मुनि पद रज, बंदित सार हो ॥१७॥

Dhamar

Part3-259

Sarang

Sunder, subhag, tarani-tanaya-tata, khelati hain hari

सुंदर, सुभग, तरनि-तनया-तट, खेलति हैं हरि होरी हो ॥ काँवरि भरि-भरि कुैंमकुमा रंग साख अरणजा घोरी हो ॥९॥ बाजत ताल, मृदंग, झाँझि, ढ़फ, मधि मुरली-धुनि थोरी हो ॥ सुर बीना किन्नरि अजै आदि दै बरनि सके कबि कोरी हो ॥२॥ सब जुबतिन कर मतौ परसपर पकरनि स्याम हि दौरी हो | पकरि स्याम कौं करत मन भायौ, मुख मंडित रंग रोरी हो ॥३॥ आंखिन अंजन आंजि बिंदुली दै एक पीत-पट झकझोरी हो ॥ एकु मैर सब सखा बिडारे, गहि बांधे पट डोरी हो ॥४॥ गहि राधिका स्याम संग आगैं, ढुंढ़त दुलहिनि गोरी हो ॥ पूछौ कान्ह जिनि सुभग लगन हैं दिन थोरी मति-भोरी हो ॥४॥ नंद जसोमति जानि हररित्र जिय गाय दई भरि खोरी हो ॥| मेवा बहुत मंगाई स्याम सखा सहित सब छोरी हो ॥|६॥| बौहोरी निसंक सब खेलन लागे सब करे जोबन तोरी हो ॥ प्रमुदित मन हुलसति सब ब्रज जन करत स्याम सिर होरी हो ॥७॥ नांचति गावति करति कुतूहल सबन लगी है ठोरी हो ॥ अबीर गुलाल उड़ाई घूँघरि करि करत फैंट टक टोरी हो ॥८॥ तैसें किसोर बने बरस षोडस के तैसीये सुघर-किसोरी हो ॥ राधा मोहन हाट करषत मिलि घन- दामिनी छबि चोरी हो ॥९॥ कुमकुम अरणजा कीच में पण थके चलि चर दिस मोरी हो ॥ बिथुरी अलग तिलक छबि राजे, ज्यों दामिनी घन घोरी हो ॥१०॥ मोहन पै पीत रंग के रंग रैंगी है सारी घोरी हो | आनँद मगन होत पन छूटत, देति जगगरिया फोरी हो ॥११॥ ब्योम विमान सुरपति गति थकित कह्त हतो सुपोरी हो ॥ कंचन-छत्न-चँँवर धरि सब जुरे, आये पीय सिंघ पौरी हो ॥१२॥ स्यामा स्याम समित आतुर छे सिंघासन बैठे इक ठौरी हो ॥ बलि-बलि जाई श्री “गोविंद” इन पै बीरी खवावै कहे चिरजीवो यह जोरी हो ॥१३॥

Dhamar

Part3-260

Syaam dhuthaunna kaun kaun jaake ghoonghvaare baar

स्याम ढुठौंना कौन कौं जाके घूँघ॒वारे बार सखी री ॥श्रु ०) सखी री मोर मुकुट माथें धरे अरू मृममद-तिलक सुचारु ॥ करनफूल कानन बनें उर गज-मुक्ता हार सखी री ॥१॥ मोर मुकुट कर बांसुरी, अरु पीतांबर करि फैंट॥ गोरस बेचनि जाति ही मोसों भई अचानक भैेंटि ॥१॥ सखी री भोर भवन तैं उठि चली नंद-महर की पौरी ॥ छैल छबीलौ छोहरा छीन लीयौ चित चोरी ॥३॥ सखी री कहा करी केसे मिलें किह्ि मिसि देखनि जाऊँ ॥ सखी री चितवत ही चोरी लगे इह ब्रज एसों गाँऊँ ॥४॥ बिन देखें तन तरसैं ही अरू रुचे न भोजन पान ॥ मों मन जैसी बीत हीं सो जानति “जन भगवान! ॥५॥

Dhamar

Part3-260

Sarang

Sundari hoe hoe horry rangbhari khelai rasik rasikani

सुंदरी हो हो होरी रंगभरी खेलै रसिक रसिकनी फाग ॥ सुंदरी एकु तें एकु सुंदर बनीं फूल्यौ कुसुमन मानौं बाग ॥१॥ बागौ धरायै श्री अंग लटकति सीसें पांग ॥ केसर छिरके वललभ पिय प्रगट करति अनुराग ।। २॥ अरगजा भरि-भरि पिचकाई चलावैं परम पराग ॥ अबीर उड़ाबै रंग भरे खिलाबैं महा बड़भाग ॥३॥ सब मिलि बाजे बजाव हीं धमार गाबैं बहु राग ॥ खेलैं गोकुल में समाज सौं पूरे भागन जाम ॥४७॥ यह बिधि खेलैं परसपर पूरन प्रगट्यौ सुहाग ॥ “वल्लभ दास” सुख निरखैं ही चरन कमल चित लाग ॥५॥

Dhamar

Part3-260

Sarang

Hoe pyaari horry khele russ bharey vraj jubtin

हो प्यारी होरी खेले रस भरे ब्रज जुबतिन के संग री प्यारी || एकत' आईं सबै जुरीं सौधे भीने अंग री प्यारी ॥१॥ केसर कलस लिये धरें कटि गुलाल सुरंग री ॥ पिचकाई नगन जराय जरी खेलत होत अनंग री ॥२॥ कोऊ कंचन सों धरे छोरत देखि सुकंठ री ॥ केसर आड लिलाट करे कोउ लेत उछंग री ॥३॥ कोऊ बजावत किन्नरी कोउ उठाई मृदंग री ॥ कोऊ आओचका हँसि परी तोरत तान तरंग री ॥७॥ लायक नारी बनाय के झूठो नाम कराय री ॥ घूँघट अधिक तनाय के नारीन में ले जाय री ॥५॥ कोउ कुल वधु जनायकें कहत बात मुझुझाय री ॥ नैसँकु लाये मनाय के नीके खेल खिलाय री ॥६॥ जब ही चरन गनाय के धरत चोंप चित लाय री ॥ पाछे तें सिर नायके हँसत कंठ लपटाय री ॥७॥ कोऊ झुमत नायके देत अबीर उड़ाय री ॥ अरगजा अधिक सनाय के वदन पानि परसाय री ॥८॥ मिलि आई सब भामिनी पकरि लिए चहं ओर री ॥ उलंटे लगी मानो दामिनी रह्मो बीच घनघोर री ॥९॥ एक कहे ए कामिनी लेडो अप अपनी कोर री ॥ बिसवासी गजगामिनी बाँधि छोरे सो छोर री ॥१०॥ तब धाई सुखधामिनी राजत रूप मरोर री ॥ ज्यों उजियारी यामिनी एक एकते जोर री ॥११ ॥ आई हैं अभिरामिनी झटठकि लयो कर जोर री ॥ हैं तुमारो एक स्वामिनी सोच करो किन ओर री ॥१२॥ हैंसिं ग्रीवा भुज मेल ही कोऊ उठत अति गाज री ॥ अंस बांह धरि पेलही कोऊ जात गहि भाज री ॥१३॥ केतेक रूप नवेलही सोहत खरी विराज री ॥ केतेक बेस नवेल ही निरखी रहत काम लाज री ॥१४॥ इहि बिधि होरी खेल ही मनमथ सेना साज री ॥ तेरे तो अलबेली ही कहा रही जिय लाज री ॥१५ ॥ मदन मोहन पिय के लही रस सागर की राज री ॥ यह सुनि चली अकेली हेली धाय कंठ मधि राज री ॥१६॥ श्री विद्ठेल पद पद्म की जैए बलि बलिहार री ॥ '“गोकुल पति' सुख सदन की मावत सरस धमार री ॥१७॥

Dhamar

Part3-261

Sarang

Horry khelat jamuna kain tata, kunjani-tarr banwari ..

होरी खेलत जमुना कैं तट, कुंजनि-तर बनवारी ॥ इत सखियन कौ मंडल जोरे श्री वृषभानु-दुलारी || होड़ा- होड़ी होती परसपर, देबें आनंद गारी । भरे गुलाल, कुँमकुमा, केसरि कर कंचन-पिचकारी ॥ बाजत बीन, बाँसुरी, महुबरि, किज्नरि और मुहचंगा ॥ अमृतकुंडली और सुर मंडल, आउझ्, सरस उपंगा ॥ ताल, मृदंग, झांझ, डफ बाजै, सुर की उठति तरंगा ॥ हँसत-हँसावत करत कुतूहल, छिरकति केसर रंगा ॥ तब मोहन सब सखा बुलाये, मिलिकै मतौ बतायौ | रे भैया! तुम चौकस रहियो, जिनि कोउ होउ गहायौ ॥ जौ काहूकौं पकरि पाइहैं, करिहें मन-कौ भायौ | तातें सावधान ह्लै रहियो, मैं तुमकौ समुझायौ ॥ राधा गोरी नबल किसोरी, इनहूँ मतौ जौ कीन्हौ । सखि इक बोलि लई अपने ढिंग, भैष जु बलकौ कीन्हो ॥| ताकों मिलन चले उठि मोहन काह्ू सखा न चीन्‍्ही । नैंसुक बात लगाई साँवरे, पाछे तैं गहि लीन्ही | आईं सिमिट सकल ब्रज-सुंदरि, मोहन पकरे जबहीं । हम माँगति हीं कह विधिनापै, दांव पाई हैं कब हीं ॥ तब तुम चीर हरे जु हमारे, हा हा खाई सबहीं । अब हम बसन छीनि करे लै हैं, हा हा करिहौ अबहीं ॥| एक सखी कह, बदन उठावहु, हमहूँ देखन पावैं। श्री मुख-कमल नैन मम मधुकर, तन की तृषा बुझावें ॥ एक सरिब कह आँखि आँज के माथे बैदी लाबै | एक सस्ती कह इनहिं नचावहू, हम सब ताल बजावैं । एक सखी आई पाछे तैं मोरपच्छ गहि लीन्यौ | एक सखी त्यौं आई अचानक, पीतांबर धरि छीन्‍्यो ॥ एके आँखि आऑजि, मुख माँड्या, ऊपर गुलचा दीन्यौ | मानत कौन फाज मैं प्रभुता, मन भायौ सो कीन्यौ ॥ एक कहे, बोलौ बल भैया तुमकौं आई छुड़ावैं | सवा एक पठवौ कोऊ घर कौं, जसुमति कौं लै आवैं || जानत हो कल-बल के छूटें, सो नहिं छूटन पाबैं । राधाजूसों करौ बीनती, वै बलि तुमहिं छुड़ावैं | दूरिहि ते देखयौ बल आवत, सखी बड़त उठि धाईं । कल-बल-छल जैसें तैसें करि, उनहूं कौं गहि ल्याईं ॥ किये आनि ठाढ़े इक ठौरहिं, बल-मोहन दोऊ भाई | उनहुंकि आँखि आँजि मुख मॉँड्यौ, राधा सैन बुझाई ॥ देखि-देखि ब्रह्मा, सिव नारद, मन ही मन पछिता हीं । बड़े भाग हैं श्री गोकुल के, हम मुख कहे न जाही ॥ जाके काज ध्यान थरि देख्यौ, ध्यानहु आवत नाहीं | वे अब देखे बनितनि- आगओैं, ठाढ़े जोरे बाहीं ॥ हँसि-हँसि कहत सु मोहन प्रीतम, मन मानौं सुख कीजै । छाँड़ि देहु, गृह जाउँ आपनें, पीतांबर मोहिं दीजै ॥| कर जोरे गिरिवर-धर ठवाढ़े, आणा हमकौं दीजै। जौ कछु इच्छा होई तिहारी, सो सब फगुवा लीजै ॥ तब गिरिवर-धर सखा बुलाये, फगुवा बहुत मँगायौ । जोई-जोई बसन जाहि मन मान्यौ, सोई-सोई तिहिं पहिरायौ ॥ राधा-मोहन जुग-जुग-जीबो, सब कोऊ भलौ मनायौ ॥ बाढ़ौ बंस नंद बाबा कौं, सूरदास जस गायो ।

Dhamar

Part3-262

Sarang

Horry khelan jaiai arrie jahaan khelat nand dhotna .

होरी खेलन जैऐ अरी जहां खेलत नंद ढोटना । सखा-बुंद उत जुरे हौंहिंगे तुमहूं नारा जोटना ॥१॥ अरी जहाँ सूर सुता के तीर बिराजत द्गरुम कें बिबिधि तरोना | अबीर गुलाल भरीं फैंटन में केसरि कलस भरोना ॥२॥ अरी जहाँ अपने संग की दुरि मुरि देखति बदन लाल कौ लोना | चल किन दौरि हमहूँ जो पेखें बिनु देखें न रहोना ॥३॥ अरि जहाँ चोवा कैंमकुम कीच मचैणी रंग होरी घोरना ॥ पिचकारी जु छुड़ाई करन की मोहन पकरि भरोना ॥४॥ एकु सखी गहि बाँह मरोरै एकु रहि धरि मोना । एकु कहें चलि बाँहि बनायौ खेलति होहिणगो जना ॥५॥ अरि जहाँ एकु कहें चलो तह खेलिए घर कुल जन के खोना । तौ लौं एकु आई रंगी भाजी चक्रित हों हिं सब छोना ॥६॥ अरी जहाँ अद्भुत रंग परसपर लखियतु भूलि जाई ग्रह मोना । गिरिधर राधा कंठ लेत हैं जुबती नैन रे टोना ॥७॥ श्रीवल्लभ पद कमल पराग राग ही रे जित होना । तो यह लीला देखे बिनु भूतल जनम धरोना ॥८॥

Dhamar

Part3-264

Sarang

Houn hari sanga horry khelaungi | chova, chandan aur

हों हरि संग होरी खेलौंगी | चोवा, चंदन और अरणजा पिचकारिन रुँँग मेलोंगी ॥१॥ लोकलाज कुल कानि सबें तजि पतिवृत पाँडइन पेलौंगी । 'सूरदास' स्वामी की बॉडन पकरि पकरि के झेलोंगी ॥२॥

Dhamar

Part3-264

Sarang