Hoe hoe horry hoe hoe horry hoe hoe horry khele girdhar

हो हो होरी हो हो होरी हो हो होरी खेले गिरधर लाल । नंद महरि कौ कुँवर लाडिलौ संग सोभित ब्रज की बाल, होरी ॥ केसरि भरें कनिक पिचकाई छूटत बूँद रसाल, होरी । किलकि किलकि के सन्‍्मुख धावत डारत मुठी गुलाल, होरी ॥ नैन नचावत मधुरे गावत चटक मठक गति ख्याल, होरी ॥ चोवा चंदन मुख लपटाबत हँसत दै दे कर ताल, होरी ॥ एक ब्रज नागरि गुन की आगरि लपटि स्याम तमाल, होरी ॥ नैना आंजि और मुख मांडे बेंदी दिनी भाल, होरी || रस में मणन भये मिलि खेलत तन की कछु न संभार, छोरी । चतुर्भुज प्रभु सिर मुकुट बिराजत और बैजयन्ती माल, छोरी ॥

Dhamar

Part3-264

Sarang

Horry khelati madan gopala | sanga laye gokul

होरी खेलति मदन गुपाला | सँग लये गोकुल के लरिका करति कुलाहल ग्वाला।॥ १॥ लाल गुलाल अपने कर लीने छिरकति ब्रज बाला | सीस दुमालो अति छबि राजति पीतांबर बनमाला ॥२॥ ताल परखावज आबज बीना मुरली सबद रसाला | अति झीने मधुरे सुर जावति “श्रीविड्डन' गिरिधर लाला ॥३॥

Dhamar

Part3-264

Sarang

Horry khelat nandanandan shree vrishbhan kisori ..

होरी खेलत नंदनँदन श्री वृषभान किसोरी ॥ इत सखियन के वृन्द जुरे हैं उत सखा मंडली जोरी ॥१॥ आये एकत है सब कोउ नंदमहर की पोरी ॥ मन्‍्मथ मदमाते नरनारी लाज पास गई तोरी ॥२॥ खेल मच्यौ भारो होरी को अबीर मगुलाल उड़ावे | मृगमद चोवा चंदन छिरकत सीस अरगजा नाबे ॥३॥ प्यारे लाल भामिनी ऊपर करिके गुलाल अंध्यारी | केसर कुमकुम की मुख ऊपर छूटत है पिचकारी ॥४॥ अद्भुत छबि बाढ़ी तिहि औसर सोभा बरनि न जाई | अरुून घटा मानो कामनि ऊपर अमृत बरखन आई ।॥|५॥ तब जुरि मिलि आई सब वनिता मन में अति सुख पाई | भरि-भरि पिचकाई ले दोरी लागत खरी सुहाई ॥६।| गावति गारी मीठी-मीठी जेसी ए मन भावे ॥ अमृत पगे से अक्षर बोले कोकिल कंठ लजावे ।।७॥ तब प्यारी राधा प्यारे को छिरक्‍्यो रुचिसों गुलाल| मदनमंत्र मानौ डारिबे गोरी मोडे मोहन लाल ॥८॥ तब ललिता लालन को ओचका पकरि लिये भर कोरी | सजल जलद संयुत दामिनी छबि तिष्टि ओसर चोरी ॥।९॥ मांड्यो मुख नेननि आँज करिले दर्पण दरसावे । एक हंसत है तारी देके एक वदन निरखि सुख पावे ॥१०॥ तब राधा जू फगुवा माँग्यो दीजे मोहन लाल । मन भायो श्री प्रिया कौ दियो पंकज नैन बिसाल ॥११॥ श्री वललभ पद पदम प्रताप ते कछुक गान गुन पायो अति “विचिन्र' गिरिधरन लाल कौ ख्याल होरी कौ मायौ ॥१२॥

Dhamar

Part3-265

Sarang

Hoe pyaari horry khele rasbhare vraj yuvatinake

हो प्यारी होरी खेले रसभरे ब्रज युवतिनके संग री प्यारी ॥ एकत आय सबै जुरी सोंधेभीने अंग री प्यारी ॥ १॥ केसर कंलस जु लिये धरे कटि गुलाल सुरंग री प्यारी ॥ पिचकाई नगन जराय जरी खेलत होरी अनंग री प्यारी ॥२५॥ कोऊ कंचनसों थारें छोरत देख सुकंठ री प्यारी ॥ केसर आड लिलाट करे कोऊ लेत उछंग री प्यारी ॥३॥ कोऊ बजावत किन्‍्नरी कोऊ उठाय मृदंग री प्यारी ॥| कोऊ ओंचका हँस परी तोरत तान तरंग री प्यारी ॥७॥ लायक नारी बनायके झूठी नाम कराय री प्यारी ॥ घूंघट अधिक तनायके नारिन में ले जाय री प्यारी ॥५॥ कोऊ कुलवधु जनायके कहत बात मुरझाय री प्यारी ॥ नेंसकु लाय मनायके नीके खेल खिलाय री प्यारी ॥६॥| जबही चरन गनायके धरत चोंप चित लाय री प्यारी ॥ पोछे तें सिर नायके हँसत कंठ लपटाय री प्यारी ॥७॥ कोऊ झूमत नायके देत अबीर उठाय री प्यारी ॥ अरगजा अधिक सनायके वदन पानि परसाय री प्यारी ॥८॥ मिलि आईं सब भामिनी पकरी लिये चहूँ ओर री प्यारी ॥ उलट लगी मानो दामिनी रह्यो बीच घनधोर री प्यारी ॥९॥ एक कहे ये कामिनी लेहो अपनी कोर री प्यारी ॥ विसवासी गजगामिनी बाँध छोरे सो छोर री प्यारी ॥१०॥ तब धाई सुख धामिनी राजत रूप मरोर री प्यारी ॥ ज्यों उजियारी यामिनी एक एकतें जोर री प्यारी ॥ १ १॥ आई हैं अभिरामिनी झटक लयो कर जोर री प्यारी ॥ है तुम्हरो ये स्वामिन सोच करों किन और री प्यारी ॥१२॥ हंस ग्रीवा भुज भेलही कोऊ उठत अति गाज री प्यारी ॥ अंस बाँह धरि पेलही कोऊ जात गहि भाज री प्यारी ॥१३॥ केतेके रूप नवेलही सोहत खरी बिराज री प्यारी ॥ केतेक वेस नवेलही निरख रहत कामलाज री प्यारी ॥१४॥ इह्ि विधि होरी खेलही मनमथ सेना साज री प्यारी ॥ तेरे तो अलबेली ही कहा रही जिय लाज री प्यारी ॥| १ ५॥ मदनमोहन पियके लही रससागरकी राज रीं प्यारी ॥ यह सुन चली अकेली हेली धाय कंठ मधि राजरी प्यारी ॥१६॥ श्रीविद्डलपदपद्म की जैबे बलि बलिहार री प्यारी ॥ गोकुलपति सुखसदनकी गावत सरस धमार री प्यारी ॥६७॥

Dhamar

Part3-265

Sarang

Khelani aaee nand darbar, sakal vraj gwalini

खेलनि आई नंद दरबार, सकल ब्रज ग्वालिनी हो ॥ध्रु०॥ एक समैं श्री राधा बैठीं सिंगार बनाई ॥ उमँगि आँई सब गोप- सुंदरी चलौ जसुमति पै जाई ॥ १॥ अपनौं अपनों मेलि अरगजा लींनें कलस भराई ॥ फगुवा के मिस सोडन के हित आँनद उर न समाई ॥२॥ आप जुबती जूथ मैं ठाड़ी आगे पठई द्वे चार ॥ नँदरानी सौं यों जाई कहीयो, सब सखियन बिस्तार ॥३॥ मुदित भई सुनि ख़बन जसोदा, लीनें सकल बुलाई ॥ आसन मानि, मनोहर बीरी, दींनी रुचिर बनाई ॥४॥ तेल, फुलेल सुगंध अरगजा उड़वति अबीर गुलाल ॥ माँनों सामन घन बरखावत बहू बिधि बूंद रसाल ॥५॥ देखति नैननि परी ठगोरी, पट भूषन गए छूटि ॥ कनक-लता मुकता निधि तामैं पायौ रंक मनौं लूटि ॥६॥ मोहन जाई अटारी ठाड़े दृष्टि परी अली नैन ॥ वर भामिनी गहि लाई भुजाबल, जोबन सब सुख देंन ॥७॥ ताल रबाब बाँसुरी बैंनु कटिकट सबद मृदंग ॥ मानों रास भयौ फिर गोकुल, पायौ है दन रति रंग ॥८॥ चंदन बंदन केसरि भरि भरि झकझोरि कीयौ ब्रज राज ॥ उमभै अँक मुख पान परम मद मैंटी सब कुल-लाज ॥।॥ चिरजीबौ जुग जुग यै जोरी असिस सब मिलि देति ॥ तन मन धन गिरधर पै बारौं 'रामदास” समेत ॥६०॥

Dhamar

Part3-266

Sarang

Khelati kunwar rasik girivardhar, hoe hoe horry

खेलति कुँवर रसिक गिरिवरधर, हो हो होरी बोलत डोलत ॥ सुबल, सुबाहू, श्रीदामा, हलधर, लै लै नाम टेरि सब बोलत ॥१॥ ताल, म॒दंग, उपंण, मुरज, ढ़फ, बीना, बैंनु किन्नरी बाजति ॥ ढोल, ढ्वुंलक निसान, झालरी भेरिन सौं जोकुल सब गाजति ॥२॥ सुनि सब ब्रज जुवति जुरि आँईं गावति गारि सुहाई झुंडन ॥ अबीर गुलाल भरे भरि झोरि केसर घोरि भरे घट कुंडन ॥३॥ मच्यो खेलि दुहूँ दिस नर नारिनु, पिचकाई छूटति सनमुख भरि ॥ सखनु संग मोहन उठि धाए, करि गुलाल अँधियारी धूँधरि ॥४।॥ प्यारी सनमुख जाई अचानक मुख लपटाई भजे सौंधौ करि ॥ ललिता कोपि धाई भाजति ही मोहन गाढे गहें आअँकवा धरि ॥५॥

Dhamar

Part3-267

Sarang

Khelati nand mahari kau dhota thaado sinh duvaari

खेलति नंद महरि कौ ढोटा ठाड़ो सिंह दुवारि होरी ॥ बालक सँग बुलाई घोष के कीन्हे विविधि सिंगारि होरी ॥१॥ सूथन लाल वागो सेत पगणिया केसर रँँग बोर होरी ॥ फैंटनि पटका तार जरकसी, सीस चंद्रिका-मोर होरी ॥२॥ केसर रंग निचोई भरे घट मृगमद अतर फुलेल ॥ करन कनक-पिचकाई छिरकति कीच मची सब गेल होरी ॥३॥ दुंदुभि ढोल भेरि सहनाई बाजति मधुर-मृदंग होरी ॥ झाँझि ताल मडुवरि किन्नरी ढ़फ सुर मधुरे मुख चँँग होरी ॥७॥ धुनि सुनि कै घर घर तें निकसी ब्रजनारी सिंगार बनाई होरी ॥ तिन मधि कुँवरि राधिका राजति पिय-चित लेति चुराई होरी ॥५॥ प्रमुदित मन खेलन कौों आवति गावति सरस धमार होरी ॥ सैंननि सैंन मिलाई लाल सौं देति भाँवती गारि होरी ॥६॥ छूटन अब न पाओगे मोहन बलदाऊ लेऊ बुलाय होरी ॥ फगुवा के मिस धाई गहे हरि मुरली लई छिनाई होरी ॥७॥ चन्द्रावलि चोवा चंदन लै छिरकति सदन गुपाल होरी ॥ करत मनोरथ मन के भाए विविधि भाँति के ख्याल होरी ॥८॥ तब हलधर सखन लै धाई घेरीं सब ब्रजबाल होरी ॥ केसर कलस नवाई सीस तैं डारति सुरैग गुलाल होरी ॥९॥ तब नँदरानी बहु विधि भूषन मेवा दयौ मँगाई होरी ॥ चिर जीयौ ब्रजराज लाड़िलै कहैं असीस सुनाई होरी ॥१०॥ दोउ हाथ मुख परसि स्याम कौ, पुनि पुनि लेति बलाई होरी ॥ रस बस मगन भई ब्रज सुंदरि, चली सँकेत बताई होरी ॥१४१६॥ या विधि राज करौं दंपति नित-प्रति रास विलास होरी ॥ श्री विट्ठल पद रज प्रताप तें गावत यह जसु दास” होरी ॥१२॥

Dhamar

Part3-267

Sarang

Aaju maaee khelati fagu hari .. sub sakhiyan

आजु माई खेलति फागु हरी ॥ सब सखियन सिंगार कीयो मिलि सेंदूर माँग भरी ॥१॥ गुलाल की चोली अबीर की झोरी चहूँ दिस लागी झरी ॥ “कृष्ण जीबन लछीराम' के प्रभु राधा कों अंक भरी ॥१५॥

Dhamar

Part3-268

Sarang

Horry khelati mohan, udati gulal abir ..

होरी खेलति मोहन, उड़ति गुलाल अबीर ॥ बनि बनि चलीं सकल ब्रज-वनिता पैहैरि विविधि पट चीर ॥१॥ अगर जबाद कुँमकुमा केसर चरचैं श्याम सरीर ॥ मृदु मुसिकानि परसपर सुंदरि दसन झलक मुख हीर ॥२॥ प्रैंम-पतंग पिचकाई छूटत, औ जमुना कौ नीर ॥ 'सूरदास' प्रभु सरबसु वारौं हरि हलधर के बीर ॥३॥

Dhamar

Part3-268

Sarang

Radha maadhau khelain horry .. ita vrajraj laadilo

राधा माधौ खेलैं होरी ॥ इत ब्रजराज लाड़िलो राजत, उत वृषभानु किसोरी ॥९॥ एकन के कर अगर, कुँमकुमा, एकन केसर घोरी ॥ छिरकति रतन-जटित-पिचकाई, पिय मुख पौंछत खेलत गोरी ॥२॥ इक गाबै, इक मृदंग बजावैं, एकु रबाब झाँझन की जोरी ॥ सुख सागर, आगर, ब्रिंदाबन, बरन वनस्पति मोरी ॥३॥ जित तित तें ग्वालनि उठि धाँई, मुख माँडत लै रोरी ॥ “कृष्ण जीबन लछीराम' के प्रभु प्यारे चिरजीयौ भूतल यह जोरी ॥४॥

Dhamar

Part3-268

Sarang

Yuvatiyuth sanga faag khelat nandlal kunwar hoho

युवतीयूथ संग फाग खेलत नंदलाल कुंवर होहो होरी बोलना ॥ गावत नटनारायण राग मुद्दित देत चेतफाग चहुंदिस जुर गोपबाल वृंदलोलना ॥१॥ बाजत आवज उपंग बांसुरी सुरबीन चंग शंख बंस झांझ डफ मृदंग ढोलना ॥| चलत सुर अनेकताल सुघरराय श्रीगोपाल वेणु मध्यगान करत होरी होलना ॥१॥ पहरें तन भांत भांत शोभा कछु कहीनजात भूषण आभरण विविध पट अमोलना ॥ कुंकुमा सुरंग छिरकत पिचकाई भरभर परस्पर देत कूक ब्रजकी मोरी खोरी डोलना ॥ ३॥ काइँको काहूको गहत हारतोर काहूकीगहत भुज मरोर काइूकों पकर छांड देत कर झंझोलना ॥४॥ जगोकुलविचकीचमची सौरभ चहंओर बढ्यो सब तन अनुराग उमग, रसअतोलना ॥ कुमनदास प्रभु गिरिधर प्रेम सिंधु प्रगट भयो सुरविमान विथकित देख ब्रज कलोलना ॥५॥ चिबुक चारु परस काहुकी वेसर खूभी काहूके करत कंचुकीके बंद खोलना ॥

Dhamar

Part3-269

Nat

Maaee naye khilar aaju mein dekhe chanchal chapal

माई नये खिलार आजु में देखे चंचल चपल चवाई ॥ हँसि मुसिकाइ नेन सैन दे मोकूं पकरि नैंचाई ॥१॥ कोउ गुलचे कोउ कर मुख माँडे गोपी करें हँसाई ॥ “कृष्ण जीबन लछी राम' के प्रभु की मुरली लई छिनाई ॥२॥

Dhamar

Part3-269

Goud Sarang