Khelat giridharanlal paramamudit gwal baal utabani

खेलत गिरिधरनलाल परममुदित ग्वाल बाल उतबनी ब्रजजन वलनारि होरी बोलना ॥ गाबत नटनारायण राम युकक्‍तीजन खेलें फाग गारीदेत गोपकुंवर कर कलोलना ॥|१॥ वीना बेणु तान तरंग बाजत मधुरे मृदंग भेरी महुवर डफ झांझ ढोलना ॥ वीना बेणु तान तरंग पिचकाई भरत रंग ब्रजजुबतिन छिरकत मिल वंदन डोलना ॥२॥ मोहनकों पकर लेहु फंगुवामिसफेंट गहें मांडत मुख रोरी घोर कर कपोलना ॥ चतुर्भुज प्रभु फगणुवादीयों राधाजूको भायो कीयो पीतांबर खेंचलियो कर झंझोलना ॥ ३॥

Dhamar

Part3-269

Nat

Horry kohe avsar jinn kouu risamaanen .. kahuko

होरी कोहे अवसर जिन कोऊ रिसमानें ॥ काहूको हारतोर काहूकी चुरी मोर काहूकी खुभी ले भाजे अचानक काइके पिचकाई नयनन तकताने ॥ १॥ काहूकी नकवेसर पकरे काहूकी वेनीगहे कंठसरी झटक आनें ॥ कुमनदास प्रभु यह विध खेलत गिरिधर पिय सब रंग जानें ॥२॥

Dhamar

Part3-270

Nat

Khelat syaam gwalini sanga .. aeka gawat, aeka

खेलत स्याम ग्वालिनि संग ॥ एक गावत, एक नाचत, इक करत बहु रंग ॥ मुरज, बीन, उपंग, मुरली, झाँझ, झालरि, ताल ॥ पढ़त होरी, बोलि गारी, निरखिकैं ब्रज-बाल ॥ कनक-कलसनि घोरि केसरि कर लिये ब्रज-नारि ॥ जबहिं आवतत देखि तरूुनी, भजत दै किलकारि ॥ दुरि रही इक खोरि ललिता, जितहिं आवत स्यथाम ॥ धरे भरि अँकवारि औचक, धाई आईं बाम ॥ बहुत ढीठौ दै रहे हो, जानबी अब आज ॥ राधिका दुरि हँसति ठाढ़ी, निरखि पिय मुख लाज ॥ लियौ काहू मुरलि करतें, कोऊ गछ्कौ पटपीत || सीस बेनी जूंथि, लोचन करी आँजि अनीत ॥ गए करतैं छुटकि मोहन, नारि सब पछितातिं सीस धुनि, कर मींजि बोलति, भली लै गे भाँतिं ॥ दाऊँ हम नहिं लैन पायौो, बसन लेती लाल ॥ सूर-प्रभु ! कहँ जाहंगे अब, हम परी इंडिं ख्याल ॥

Dhamar

Part3-270

Nat

Horry hoe hari khelati aabati .. jopin kai munn

होरी हो हरि खेलति आबति ॥ जोपिन कै मन मोद बढ़ावति ॥१॥ ब्रज जुवतिन लै प्यारी आईं ॥ उत तेैं नंद को कुँवर कन्हाई ॥२॥ सुरंग गुलाल अबीर उड़ावति ॥ कैसरि नीर जुबतिन सीस तें नावती ॥|३॥ बीन रबाब किन्नरी बाजति ॥ ताल मृदंग चंग सुर गाजति ॥४॥ बंसरि लै तरुमी-गन धाँईं ॥ गोपन लै कनक पिचकाई ॥५॥ फगुवा लैंन नैंद-गृह आईं ॥ भूषन बसन सबैं पहिराई ॥६॥ देति असीस चली ब्रजनारी || इष्टि बिधि क्रीड़ति कुंज-बिहारी ॥७।| सो छबि देखि देव सचु पावति ॥ फूलन की बरखा बरखाति ॥८॥ जमुना नहॉन चले जदुराई ॥ यह सोभा मोपै बरनि न जाई ॥९॥ राधा गिरिधिर अविचल जोरी ॥ प्राननाथ जन नवल किसोरी ॥१०॥

Dhamar

Part3-270

Nat

Prafulit ruchir tarani-tanaya tata horry khelati madan

प्रफुलित रुचिर तरनि-तनया तट होरी खेलति मदन गुपाल ॥ बलदाऊ संग सखा सहित सब अद्भुत रूप-रसाल ॥१॥ पहरे बिसद सुभग तन वागौ अंबुज नैेन बिलास ॥ आसव प्रेम पिएँ मदमाते चलत अटपटी चाल ॥२॥ दुलरी कंठ बिमल मुक्ताफल मृगमद तिलक सुभाल ॥ मकराकृत कुंडल जुग ख़बनन सोहत उर वनमाल ||३॥ गावत राग सरस सुर सौं नट बिबिध बनावत ख्याल ॥ बाजत बैंनु, मुरज, बीना, ढ़फ, श्रीमंडल मधु ताल ॥४॥ चोवा मेदि जवादि अरगजा लाए घट भरि ग्वाल ॥ हाथ रतन-पिचकाई रस सौं छिरकत केसर लाल ॥५॥ बिबिधि बिधि ऊड़ौो अति बूका हो उड़त बढ्यौ तम-जाल ॥ प्रगट करत अनुराग हंदे कौ डारत मुठी गुलाल ॥६॥ रति संग्राम लरन कौ गारी, गावत जुरि ब्रज बाल ॥ गिरिधर सनमुख राधा दौरी ओट क्ये कुच-ढाल ॥७॥ फगुबा माँगति ब्रज की ललनाँ काजर लावत गाल ॥ लीला निरस्त थकित महिला जन चितवबत भई बिहाल ॥८॥ दरस करन आयौ कुसुमाकार, कुसमित नव द्रुम डाल ॥ सुक पिक मोर मधुप मधुरी धुनि प्रगमट करी तिहिं काल ॥९॥ क्रीड़ा जलधि कहन कौं को कवि सबै भई मति ग्वाल ॥ 'गोंकुलचंद' रूप अवलोकति मिटे सकल जंजाल ॥१०॥

Dhamar

Part3-271

Nat

Pragatyau rituraj, laaj chhaandi sakal saaj samaaj

प्रगट्यौ ऋतुराज, लाज छाँड़ि सकल साज समाज गोपिका गोविंद सँग स्ब्रेलति ब्रज होरी ॥ वे गुन सब एकु सारि नौंतन कीने सिंगारि मधि गौर स्याम सुभग सरस बनी जोरी ॥१॥ बाजत बीना उपंग बाँसुरी सुर बीन चंग मिलवत-धुनि संग-संग मुरली धुनि थोरी ॥ लेति उरप तिरप मान, सुलफ सुगति सौं बंधान, निरतति पिय सँग सुजान, गुन निधान मोरी ॥२॥ गावति अति सरस गान, राग रागिनी सुतान, मोहन नागर सौं मिलि मुद्दित मन किसोरी ॥ आलिंगन चुंबन हँसि, झकझोरति दोऊ बिबसि, निरखति सुख सस्वी सकल, प्रेम-सरस बोरी ॥३॥ छिरकत कुँमकुमा रंग, चोवा चंदन सु अंग, डारत बंदन अबीर गुलालन भरि झोरी ॥ भए द्योस अति सुगंध मधुप गुंज प्रेम पुंज लंपट रस प्रेम लुब्ध भ्रमति गोकुल की खोरी ॥४॥ बाढ़चौ अनुराग फाग, खेलति सब ब्रज सुहाग, उमडयौ सुख-सागर पथ आरज महि थोरी ॥ लीला रस मणन झेलि, अखिल केलि रंग रेलि, वर विलास “नंददास' हिय मैं रहो री ॥५॥

Dhamar

Part3-271

Nat

Nandanandan vrishbhan kunbari vraj mein khelein horry .. ita

नंदनंदन वृषभान कुँबरि ब्रज में खेलें होरी ॥ इत नबसत साजें तरूणी गण उतही सकल गोकुल के बालक किलकत फिरत घोखकी खोरी ॥| १॥ बाजत सुर मंडल पिनाक सुरबीनगजक आवज ध्वनि थोरी ॥ पटह निसान भेरि महुबर डफ परस मृदंग रवाब किन्नरी सुनत नगनत कींन कोरी ॥२॥ चोवामेद जवाद सार्व नवकेसर अरगजा कुंकुम घोरी ॥ सुंदर करन कनक पिचकाई तक तक छिरकत परममुद्ति मन नवलकिशोर ओर नवलकिशोरी ॥३॥ एक सखी काजर करले आंजे सुंदर बलसो बलगोरी ॥ एक सखी अंबर छिरकत अंसन लटकत मटकत नेंकदूग अगणित झकझोर झकझोरी ॥७॥ तब हरि की मुरली करते भरते अतिलेन सखी सब दौरी ॥| तोलों उमगि चली ले केसर उर अनुराग जनावत सुंदरि मुख मांडत करसोरी ॥५॥ आईं सकल सखी चहुंदिशते दुहंपट गांठ जोर तृणतोरी ॥ सरस गुलाल अबीर उडावत भावत सरस धमार हि आावत धावत हँसत कहत हो होरी ॥६॥ गोकुल भूप रूप नवचंद कला पूरण निरमल देख नोरी ॥ तिहि अवसर ब्रज युवती सब परम मुदित मन तृस्ब्रित चहुंदिश भई आतुर अति नयन चकोरी ॥७॥ यह विध अति क्रीडत सुंदरवर देख धरत धीरज कह्डि कोरी ॥ विविध भांत कुसुमन वरखत हरखत निरखत सुरकी ललना सब सुरपति सहित लागी जानों ढोरी ॥८॥ तब बल आन बीच कीनों दीनों फगुवा लीनों अपनोरी ॥ देत असीस सब सीस नवावत नाचत पिय हें प्रेम वशहे अति यह ब्रज युगयुग चिरजीयोरी ॥५॥ आन बिबिध भूषण पट अंबर देत सब नगहि गहि कचडोरी ॥ यह सुख निरख निरखत नमन सर्वस्व अपनों रघुवीर तिहिछिन बलबलबल कीनोरी ॥|१०॥।

Dhamar

Part3-272

Poorvi

Khelat giridhar piya sanga horry .. huns-sutaa tata

खेलत गिरिधर पिय सँग होरी ॥ हंस-सुता तट सघन कुंज मधि, मिलि आँई ब्रज गोरी ॥१॥ राजतस नव ब्रजराज कुंवर बर, सँग नव वृषभानु किसोरी ॥| आलस बलित कटाच्छन चितवत, सकुचि हँसत मुख मोरी ॥|२॥ सहचरि गुन गावत प्रफुलित मन, निररितर निरस्त छबि ओरी ॥ कबह्|ुँक विहँसि सबै मिलि बोलत, हो हो हो हो होरी ॥३॥ ताल मृदँग मुख चंग बजावत, औ बीना धुनि थोरी ॥ उपजत रंग कहत नहिं आवत, नाँचति उमँँगि किसोरी ॥४॥ केसर मृग-मद, मलय, अरणजा घसि भाजन भरि घोरी ॥ अबीर जुलाल बंदन औ बूका साजि धरो तिंहिं ठोरी ॥५॥ प्यारी अपने कर सौंधी लै पिय अँग लावत बौरी ॥ अरगजा, बागो, छिरकि सँवारति, सिथिल पाग ढरकौंरी ॥६॥ केसर रंग चित्रता उपर, सहित गुलाल करचोरी ॥ चित्र कपोलन करि हैँंसि बीरी देति लेति मुख जोरी ॥७॥ बूका, बंदन आई सन्‍्मुख न्है उड़वति भरि भरि झोरी ॥ ता धुंधरि मधि पिय लखि औसर भाँमिनि लई भरि कौरी ॥८॥ रीझि परसपर श्रीमुख्त विकसत, अंतर भाव बढ्यौंरी || सखी वृंद रस जुगल विलोकत, विवस भई मति भोरी ॥९॥ जात नाहीं बरन्यों ता छिंनु मधि जो रस सबनि लझ्ो री ॥ श्री बल्‍लभ श्रीविद्टल पद बल रसना कछूक कह्यौँ री ॥१०॥

Dhamar

Part3-272

Nat

Esein nandako nand boley hoe hoe hoe hoe horry .. vrajki

एसें नंदको नंद बोले हो हो हो हो होरी ॥ ब्रजकी वीथन वीथन डोलेरी ॥१॥ शोभित हैं सख्ा संग सोंधे में भीने ॥ वरन वरन सब सुगंध फेंटन भर लीने ॥२॥ बाजत ताल पखाबज आवज भेरी सहनाई ॥| हलधर डफ मोहन मुख मुरलिका सुहाई ॥|३॥ कंचन कलश विविध अरगजा भराये ॥ जोई मिले मारण में ताही शिरनाये ॥७॥ खेलत खेलत वृषभान जू कें आये ॥ निरख मोहन मंडली तन सबन नयन सिराये ॥५॥ सुनत वचन घरघरते निकसी सब गोपी || कंचन की मूरति मानो बंदन सों ओपी ॥६॥ अंग अंग अनुराग भरी सबे गोप कुमारी ॥ घूंघट पट ओट दिये देत लाले गारी ॥७॥ निकस निकस ठाड़ी भई अपनी अपनी खिरकी ॥ चोवा चंदन अरगजासो छेल छबीले छिरकी ॥८॥ झुंडन झुंडन ठाडी भईं शोभा अति बाढी ॥ लाल मुनियां खोल मानो पिंजरनते काढी ॥५९॥ सबे चतुर सबे भोरी सबे वेसकिशोरी ॥ सबे सुंदर सबे सुघर एक डारकी तोरी ॥ १ ०॥| रत्नजटित पिचकाई कर कुँकुमा भराई ॥ तक तक हरि छिरकत तबे और अचानक आंई ॥१ १ ॥ विविध भूषण विविध वसन अंगरंग सोह़ें ॥ तिलक भाल छबि विशाल उपमाकों कीहें ॥१२॥ कीनो काम कारीगर जरी जराय जरीना ॥ चुनी चहुंओर गोपी मध्य गोपाल नगीना ॥१३॥ गोकुल की खोरिन में स्लेल मच्यो भारी ॥| झपट जाय ओचका गहि लीने गिरिधारी ॥१४॥ नील पीत अंचलसों गांठ सरबीन जोरी ॥ हँसत लाल लजात स्याम झपट झकझोरा झकझोरी ॥|१५॥ अरूण वसन कंचुकी तन नीलवसन सारी ॥ दीजे क्‍यों गारि ताहि प्यारे हू की प्यारी ॥१६॥ उडत गुलाल लाल विविध नौतन छबि छाजे || युवती यूथ मंडल में दामिनि विराजे ॥ १ ७॥। बल बल बल माधो रसिक यह प्रसाद पाऊं ॥ श्रीस्यामा दंपति गुण जन्म जन्म गाऊं ॥१८॥

Dhamar

Part3-273

Maru

Khele nandako nandan horry apane rangeele vraj mein ..shru0..

खेले नंदको नंदन होरी अपने रंगीले ब्रज में ॥श्रु०॥ बनेहें ग्वाल बाल संग जनु अनेक मेन ॥ आपन मदन मोहन सोहन कहा कहुं छबि अन ॥१॥ उतते आईं युवती बुंद चंदमुखी एक दांई ॥ चंचल तन की दमकजनु दामिनि पट झांई ॥२॥ जुरेहें कंचन चोहटें अपने अपने टोल ॥ आनंदघन ज्यों गाजत राजत बाजत दुंदुभी ढोल ॥३॥ सुरमंडल किन्नरी डफ बाजत रंगभीने ।। बीचबीच बसुरियावीस कीनेहे मनदीने ॥४॥ बजत चटसों पटतार ग्वार गाबत संग ॥ नाचत हैं मधु मंगल संगीत बढ्यो है अतिरंग ॥५॥ कुंकुम चंदन बंदन साख मृगमद मथिघोरी ॥| छबिसों छबीलो भरत डोलत बोलत हो हो होरी ॥६॥ रंग रंग की छींटन भरी सोहत त्रियनवेली ॥ वरन वरन फूलन मानो फूली आनंद वेली ॥७॥ घुमडकर गुलाल को तामें दुरदुर आवे ॥ भरभागत हरिकों भामिनि दामिनी सी छबि पावे ॥८॥ घेरलियें हैं नवल त्रियन सांवरे सिर्मोर ॥ यह छबि सों भ्रमत जेसें कमल कोश भोंर ॥९॥ पकरें हें छबिसों आन मोहन राधिका वरजोरि ॥ कहीन परे प्रेमकी छबि छाईं झकझोरा झकझोरि ॥१०॥ न्हे ठाडे विवश सबे काइून रही संभार ॥ छूटी हैं छबिसों अलकलर टूटेहें मुक्ताहार ॥ १ १॥ वा लुकत लाजपें अति प्रेमकी उरेंड ॥ नंददास निधिन रुकत बारू की ड॥8२॥

Dhamar

Part3-274

Maru

) suur-sutaa key teer holly khele nann‍dha kau nann‍danaa ..

) सूर-सुता के तीर होली खेले नन्‍द कौ नन्‍्दना ॥ ग्वाल बुन्द बूका पट झोरी, भरि लीने सँग बंदना ॥१॥ गावत राग सप्त- सुर मारू, ब्रज जन मन आनँदना ॥ हाथन लऐं कनक पिचकाई, छिरकत चोवा चन्दना ॥|२॥ उत तैं श्रीवृषभानु-नन्दिनी जुबति-जूथ लै आँई ॥ नवसत अँग सिंगार बनाए मनमोहन मन भाई ॥|३॥ भरि बेला थिसि मृगमद गोरा मेद बहुत सुखदायी ॥ नन्‍द कुंवर छिरकन के कारन ब्रज-बनिता लै आई ॥४॥ पट झाँझि झालरि मह॒वरि ढ़फ, ताल मृदंग, सुछंद ॥ वाजत बैंनु रबाब, किन्नरी, बीना अति सुर मंद ॥५॥ तनसुख पाण सीस पै सोभित, बनमाला उर सोहैें ॥| बागी सेत बन्यौ खासा कौ छबि लखि अति मन मौहे ॥६॥ सुंदर चहूँ ओर तें एकत्रित कान्ह कुँवर को घेरें ॥ मन में चुप करि रहे स्यथाम घन, उलटि सखन तन हेरे ॥७॥ पीतांबर फगुवा के कारन एकनि लीनो छोरी || मुरली एकु छटकि के भाजी, एक हँसी मुख मोरी ॥८॥ मुक्ता माला एकन लीनि, एकु जु गावति गारी ॥ एक श्याम की अखियन आँजति एकु बजावति तारी ॥९॥ सनमुख ठाड़ी कुँवरि राधिका करति अपनो भायौ ॥ सौंधो घोरि कुँमकुमा घसि घट मदन मोहन सिर नायौ ॥१०॥ श्रीवृषभानु-कुँवरी नें फगुवा मन भायौ सो लीनौं | मदन गुपाल लाल हँसि मधुरैं जो माँग्यो सो दिनों ॥११॥ बिबिध भाँति कुसुमित ब्रिंदाबन, उपजत तान तरंग ॥ ऋतु कुसुमाकर गावत मानों क्वनित कीर, पिक भ्रंग ॥१२॥ निरखि थके सुर नर मुनि, किन्नरगन, प्रेम सिंधु सुखदाई ॥ राधा रसिक कृष्ण रसलीला हँसि 'गोकुलचन्दं गाई ॥8३॥

Dhamar

Part3-275

Maru

Aur abir phulel argaja kesari bheenin saaree ..

और अबीर फुलेल अरगजा केसरि भीनीं सारी ॥ हो डो होरी बोलति भाँमिनि कामिनि रूप उजियारी ॥१॥ बाजति ताल मृदंग मुरली ढ़फ मुरज कठतारी ॥ मुरि-मुरि झुरि-मठ खेलति पिय संग नैंकु हुं होति न न्‍्यारी ॥२॥ रँग-रँग भीनीं रसिक रसीली सखियन में सुकुमारी ॥ “मदन मोहन” पिय फगुवा दीनो नैननि मुसकनि भारी ॥३॥

Dhamar

Part3-275

Maru