Rasik fagu khelai naval nagari saun saras barr

रसिक फागु खेलै नवल नागरि सौं सरस बर ऋतुराज की ऋतु आई ॥ पवन मंद अरविंद औरू कुंद बिकसे विषद चंद पीय नंद सुत सुखदाँई ॥९१॥ मधुप टोल मृदु बोल सँग-सँँग डोले पिकन बोल निरमोल ख्रुति चारू गाईं ॥ रचित रास सौं बिलास जमुना पुलिन में सघन ब्रिंदा विपुन रही फूलि जाई ॥२॥ कनक अंग बरनी सुकिरनी बिराजे गिरिधर नव जुबराज गजराज राई ॥ जुबती हँसगामी मिले 'छीत स्वामी” क्‍्वनित बैनु पद रैनु बड़भाग पाई ॥३॥

Dhamar

Part3-276

Malshree

Hoe hoe chhori boley . nand kunwar madmato dolai

हो हो छोरी बोले । नंद कुँवर मदमातो डोलै ॥१॥ सखा बुन्द लये संग आवै ॥ ब्रज नारिन मन मोद बढ़ावै ॥|२॥ केसरि भ्रि कनक पिचकाई छिरकति स्याम जुबती मन भाई ॥३॥ सुरंग गुलाल अबीर उड़ाबै ॥ मालव राग सरस सुर गाबे ॥४॥।| बिबिधि सुगंध अरगजा कीनौं ॥ मनमोहन सब ग्वालन दींनौं ॥५॥ ताल मृदंग पटह ढफ बाजै ॥ स्रबन सुनति धुनि घन जिय लाजै ॥६॥ ब्रिंदावन जमुना तट सोहै ॥ सबहिन को मन मिरिधर मोहै ॥७॥ कौतिक देखि थके सुर मुनिगन || मगन भई हुलसी गोपीजन ॥८॥ प्रेम सिंधु बरनो कहाँ ताँई ॥| रसना बिधिना इक बनाई ॥९॥ यह लीला ब्रजजन मन भाव ॥ “गोकुलचन्द” चरन रज पाबे ॥१०॥

Dhamar

Part3-276

Malav

Hoe hoe hoe horry bolein nandkunwar madmato dolein

हो हो हो होरी बोलें नंदकुंवर मदमातो डोलें ॥१॥ सखा बूंद संग लीयें आवें ॥ ब्रजनारिन मनमोद बढावें ॥२॥ केसरभरी कनक पिचकाई || छिरकत स्याम युवतिन मनभाईं ॥ ३॥ सुरंग गुलाल अबीर उडावें ॥ मालव राग सरस स्वर गावें ॥४॥ विविध सुगंध अरगजा कीनो ॥ मनमोहन सब ग्वालन दीनों ॥५॥ ताल मृदंग पटह डफ बाजें ॥ श्रवण सुनत ध्वनि घनजिय लाजें ॥६॥ बूंदावन यमुनातट सोहे | सबहिन को मन गिरिधर मोहे ॥७॥ कौतुक निरख थके सुर मुनिगण ॥ मगन भई हुलसी गोपीजन ॥८।॥ प्रेमसिंधु वरणों कहां तांई ॥ रसना विधिने एक बनाई ॥५॥ यह लीला ब्रज जन मन भावे ॥ गोकुलचन्द चरणरज पावे ॥१०॥

Dhamar

Part3-276

Malav

Khelati chhori saanvaro dhota nand mahari koo laal

खेलति छोरी साँवरो ढोटा नंद महरि को लाल हो ॥ बगलन में पिचकाई संग लीयें ब्रजनाल डो ॥१॥ सीस पणा सोहत संग भीनों और सोहै वनमाल हो ॥ जारी गावै रस उपजाबै फैंटन अबीर गुलाल हो ॥२॥ चोबा चंदन ओर अरणजा करति अटपटे ख्याल हो ॥ ब्रिंदावन की कुंजन महीयाँ बाढ़चयो रँग रसाल हो ॥३।॥ यह विधि होरी खेलि हरख सौं सँग सखा सब ग्वाल हो ॥ 'सूरदास' प्रभु यह छबि निरखति बारति मुक्तामाल हो ॥४॥

Dhamar

Part3-276

Malav

Houn kihin miss panghat jaaoonri merrie gellen chhaande

हों किहिं मिस पनघट जाऊंरी मेरी गेलन छांडे सांवरो ॥ हो लाज न डरपत रहों मोहि धरेन कोऊ नाउंरी ॥१॥ जित देखों तित देखियेरी रसिया नंद कुमार ॥ इन बातन केसें भरों मोहि पलकन करत जुडार ॥२॥ लकुट लिये आंगे चलेरी पंथ संवारत जाय ॥ मोहि निहोरो लायकें नेंक फिर चितवे मुसिक्याय ||३॥ यमुना जल गागर भरोंरी जब सिर धरों उठाय ॥ हों अचरा ढांकत रहों मेरो हिय रात कललचाय ।॥४॥ गागर मारे कांकरीरी एडो छिवावे लात ॥ मारण में ठाडो रहे मोहि टोके ललचाय ॥ तब हंसमेरी छांह सों नेंक छांडे चलत छुबवाय ॥७॥ अब लग कछु सकुचत रत्योरी प्रगट करत अनुराग ॥ अब कहो केसें छूटडूं जब सिर पर आयो फाग |॥|८॥ घर घर ब्रज चाचरमचीरी विवश भये नरनारि ॥ मंत्र फाग दृती दियो दोऊ उमग चले डरडारि ॥९॥ जब लगमन मिलयो नहीं री नच्यो चोंपको नांच ॥ सिरोमणि प्रभु दोऊ मिले ताते करत मनोरथ साच |॥१०॥ आवतजात ॥५॥ केह्ू मिस हा हा करेरी लंगर मोहि निहार ॥ ओढन के मिस ओढनी पीतांबर मोपेंबार ॥६॥ मोत न लगलागे नहींरी वाको मन

Dhamar

Part3-277

Sorat

Merey bolein boll naan bolenri andeoi dole .. pendo

मेरे बोलें बोल न बोलेंरी एंड्योई डोले ॥ पेंडो तक ठाडो रहे घूंघट हँस खोले ॥१॥ काहूकी गहत बांह कांहूसों कहत नाह तेरो ॥ काहूसों नयन सेन काह्ू वदत वेन अनेरो ॥२॥ काहूके बगर जाय फाग खेलि आवे ॥ काहू के अनुराग भरयो मुरली में गावे ॥३॥ मोपें नहीं र॒त्यो जात कासों कहों हेली ॥| ढीठ ईठ पीठ दई प्रीति पेंड पेली ॥४॥ निठुर वचन सुनते आय सन्मुख हरि भार्यो || तेरोई रूप मेरे उरवसाय राख्यो ॥५॥ निरख वधू विवश भई देह दशा भूली ॥ ब्रजपति के संग सुरत मदन डोल झूली ॥॥६॥

Dhamar

Part3-277

Sorat

Houn kaisen yamuna jall jaaoonri hari motan herey..

हों कैसें यमुना जल जाऊंरी हरी मोतन हेरे॥ मेरे संग की जानदे तब मेरो ही मग घेरे ॥१॥ नीचो व्हे घूघट तके मेरे सनन्‍्मुख दर पन लाय ॥ मुख प्रतिबिंब निरख कें छिन छिन लेत बलायरी ॥श५॥ डणगर बुहारे कांकरीरी डारे दूर उठाय ॥ मधुर बन मोंसो यों कहे चरणन जिन चुभजाय ॥|३॥ जबही हों गागर भरोंरी तबही पेठ अन्हाय |। तूं जिन परसें सीतमें कही मोहीपें जु भराय ॥४॥ हँसकर कलश उचा बहीरी मिसकर पकरे बांह ॥ क्‍यों हूं हटक्यो नारहे मेरी छलकर पकरे छांह ॥५॥ यद्यपि सकल ब्रज सुंदरि री सब सों खेले फाग ॥ मन बच क्रम ब्रजईश के नित मोहीसों अनुराग ॥६॥

Dhamar

Part3-278

Sorat

Mereen chita liau chitchor, panghat houn joo gaee ree .. gupat- preeti pragat keenin merey sanammukh aayou daur ..1.. parey achaanak

मेरीं चित लीयौ चितचोर, पनघट हों जु गई री ॥ गुपत- प्रीति प्रगट कीनीं मेरे सनममुख आयोौ दौर ॥१॥ परे अचानक दृष्टि मेरे सुंदर नंदकिसोर || बदन चंद निरखति रहौं मेरे लोचन चारू चकोर ॥२॥ हँसि-हँसि लालन कहति री अब तेरों जोबन जोर ॥ एहो गैलनि बचि-बचि गई करि कर मोहनि दोर ॥३॥ चंचल अंचल गहि रहो री बोलते ओर की ओर ॥ लै जु चले सघन-बन मोही बईयाँ मचकि मरोर ॥४॥ घाइल करि मोहील करी इन चपल नैन की कोर ॥ लाज काज गहि जु लिओ रैनि बसति बसे नहिं जानौं जोर ॥५॥ रस बरखायौ री अति बातें आनंद सिंधु झकोर ।॥ रौम रौम में रम रह्मौं री 'रसिक' प्रीततम सिरमोर ॥६॥

Dhamar

Part3-278

Sorat

Merey nandanandan paachhe paraddo hailey que‍yon bachoon.. sou

मेरे नंदनंदन पाछे परद्ो हेली क्‍यों बचूं॥ सो सिखदे मेरी हि तू सयानी वाके रंगनरचूं ॥१॥ कबहुक कर में डफ गहेरी उठे दोहरा गाय ॥ कबह्ुक देख नयन ललचाबे सेनन हा हा खाय ॥२॥ मेरे लिये बगर मेंरी आनि करे पहचान ॥ वारवार के आबने सरबी हों जु गई जियजान ॥३॥ नाम ओरको ले सखीरी टेरे मोहि सुनाय ॥ हों समझत जो वह कहे सखी क्‍यों हीं रहे बताय ॥४॥ मोहि देख धुक पुक करेरी गहरे लेत उसास ॥ हों जिय डरपों आपने सखी सास ननद को त्रास ॥५॥ ढिंग व्हे यों कहिजातह सखी आवन देधों फाग ॥ तब कछूबे चलि हे नहीं नरनारिन अनुराग ॥६॥ ज्यों ज्यों होत जनाजनोंरी त्योंत्यों बाढ़े प्रेम ॥ बारबार के तामने सखी ज्योंनिपटत हैं हेम ॥७॥ नयनन नयन नहीं बनीरी बनतबनी कछु आन ॥ हों समझों जिय आपने उत्त जगनज्नाथसुग्यान ॥८॥

Dhamar

Part3-278

Sorat

Abb mukh-mukh maadongi gahi paaye hoe mohan ..

अब मुख-मुख माडोंगी गहि पाये हो मोहन ॥ लिये गुलाल फिरत हों कबकी तकन बनी कछु गोहन ॥१॥ काजर देह बनाय लालकें यों लागे गोसोहन ॥ अब अपनो मन भायो करहों कहा नचावत भ्रोंहन ॥ २॥ सुधकीजे पहली बातनकों लगे ठगे से जोहन ॥| उदय राज प्रभु या अवसर हों नेंकनकरों बिछोहन ॥३॥

Dhamar

Part3-279

Goud Malhaar

Lalnaan laal tum sanga khelaungi .. lai gulal

ललनाँ लाल तुम सँग खेलौंगी ॥ लै गुलाल मुख माँडों तिहारो पिचकाईन रुँँग पेलौंगी ॥१॥ तुम मेरे मुख सौंधों लाओ अंजन दे दृग॒ लैहॉंगी ॥ क्‍यों सकुचति हो फाग के अबसर सुख ले सुख तुम दैहींगी।। २।॥| बहुत दिनन की आसा पूरन भई फगुवा मन भायो लैहौंगी ॥ वलल्‍लभ पिय सौं मिलि रस विलसौं अधर पान ते विरह विधा सब पेलॉंगी ॥३॥

Dhamar

Part3-279

Sorat

Kanhar kheliye hoe baadhyo srinokul mein

कान्हर खेलिये हो बाढ्यो श्रीणोकुल में अनुराग ॥ जानों नहीं बहोरि कब एहें परम भावतो फाग ॥ १॥ बाजत ताल मृदंग झांझ डफ सहनाई ओर ढोल ॥ तुमहं खेली सखा संगले करो आपनी छोल ॥२॥ उतते सबे सखी जुरआई प्रबल मदन के जोर ॥ खेल मच्यो नंदजू की पौरी श्रीराधा नंदकिशोर ॥३॥ तब वृषभान नंदिनी आई लीनी सखी बुलाय ॥ ऐसो मतो करो मेरी सजनी मोहन पकरो जाय ॥४॥ मुरली लेह श्याम के करतें मृगमद वदन लगाय || हलधर की पिचकाई छीनो काजर देहु बनाय ॥५॥ चोवा चंदन मृगमद केसर झोरिन भरो अबीर ॥ सखा बहुत युवतिन परधाये आगें दे बलबीर ॥६॥ लिये अरगजा छिरकत डोलत ब्रज युवतिन के चीर ॥ हलधर की पिचकाई छूटें कोऊन धारे धीर ॥७॥ ब्रज वीथन में स्रेलत डोलें सखा बने संग लाल ॥ गोपी ग्वाल परम कौतुहल गावत गीत रसाल ॥८॥ खेलत-खेलत आनंद बढ्यो रीझे मदनगोपाल ॥ नंददास संग लागी डोलत छब्रिि निरखत ब्रजबाल ॥९॥

Dhamar

Part3-279

Goud Malhaar