Aeka gwalini aavein rung bharee srigovardhan

एक ग्वालिनी आवें रंग भरी श्रीगोवर्धन की गेल ॥ ऐसी बनी रहत अति रीझसों वह रिझवत मोहन छेल ॥१॥ शशि वदनी चंपकतनी ओर कजरारे दृगजोर ॥ मुखते स्याम ही स्याम ही बह चितवत भ्रोंहमरोर ॥२॥ छूटी अलकावलि लटें चटकीली केसर आड ॥ सुख भीनी मुख हँसत में अरुलसत चिबुक की गाड ॥३॥ कजरोटीगजरा हरा ओर खयनवरा अति गोल ॥ तनक तरो निकान में अरू झलकत चारु कपोल ॥४॥ उर उरोज के भारसों वाको तन कलंक लचकाय ॥ रंग भर जोबन जग मगे बह चलत लंकलहराय ॥५॥ तन सुख की सारीलसे अंगिया अंगअनूप ॥ घूमत सोलहें गाल सें वाकी लावन लाग्यो रूप ॥६॥ जानबूझंकें सांवरो वह यह मग बैठे आन ॥ हम जानी छानी नहीं वह काइूकी पहचान |।७॥ यह सुख सुख भीजेनको और निरख जिवाबे जीय ॥ यह वनयों विलसोहँसोबसो अनूप के हीय ॥८॥

Dhamar

Part3-280

Goud Malhaar

Mohan moe gohan chhaandiye merrie saas nanad

मोहन मो गोहन छांडीये मेरी सास ननद सतराय ॥ जाय निडर निधरक होयकें ताहीसों खेलो जाय ॥ १॥ जब निकसों जल भरन कोरी लख मेरा ये वाट ॥ पलक ढील लागे नहीं तुम उठक राह के ठाट ॥२॥ तुम प्रवीन नंद लाडिले हम आधीन पर हाथ ॥ बंधे नगर में बांधनू हरि नेक चलत तुम साथ ॥|३॥ कोन कहां व्है निकसहीं कोन कहे हँसबात || यह अचरज देख्यो नहीं घरे दिनरेन विहात ॥४॥॥ यह अवसर है फागको मोहि उपज्यो चितचाव ॥ कहा करू गुरुजन डरूं मेरो पाथर चांप्यो पाव ॥५॥| कबद्दूतो मिल खेलवो तुमहि कुशल यह वास ॥ उदेराज प्रभु बलगई जियराजि न होऊ उदास ॥६॥

Dhamar

Part3-280

Goud Malhaar

Pariva pratham kunwar koun dekhan chully vrajnari ..

परिवा प्रथम कुंवर कों देखन चली ब्रजनारि ॥ अंग अंग छबि निरखत लीयो लाल मनुहारि ॥१॥ दूज दाम कुसुमन की पहरे श्रींगोपीनाथ || रचिपच गूंथ संवारीं श्रीराधाजू अपने हाथ ॥२॥ तीज लरुूनी तनतरलित उरगज मोतिन हार ॥ कुचपर कचल रविलुलित प्रिय संग करत विहार ॥ ३॥ चौथ चतुर दिशचंदन चरचित सावल अंग ॥ विविध भांत रूचि पहरें नाना वसन मुरंग ॥४॥ पांचे प्रमदा प्रमुदित सब मिलगावें गीत ॥ हावभाब कर रिझवत रसिक श्रीदामा मीत ॥५॥ छठकों छेल छबीलो छिरकत छींट अनूप ॥ शोभा वरनी न जाय जय जय गोकुल के भूष ॥६॥ सातें सकल सखा सब घर घर देतवगार ॥ सुनत कुंवर कोलाहल निकसी घोख कुमार ॥७॥ आठें अति आतुर अबलन लीनें पियघेर || मुरली पीत प्रट झटकत हंसत वदन तनहेर ॥८॥ नोमी नवल नाणरी कुंकुम जल सों घोर ॥ पिय पिचकाइन छिरकत तक तक नवल किशोर ॥९॥ दसमी दसोंदिस देखियत अति प्रफुलित वनराज ॥ मदन वसंत मिल खेलें अलिपिक से नासाज ॥९०॥ एकादसि एक ओर राधा संग सब नारी ॥ उतकी ओर बल मोहन बालक यूथ मझारी ॥११॥ द्वादशी दुह्ंदिस मच्यो खेल राय दरबार ॥ भेरि दमामाधोंसा कोऊ काद्दू न संभार || १ २॥ तेरस तरुणी गणपर वरखत सुरंग अबीर ॥ ये इततें वे उततें भई परस्पर भीर ॥१३॥ चौदस चहूं दिशातें बरखत परिमल मोद ॥ गणत न काह्दू जगमें व्रजजन मनसि प्रमोद ॥ १ ७॥ पून्‍्यो परिपूरण शशि आनंदे सबलोग ॥ घोष राय ब्रज छायो करत सकल सुख भोग॥१५॥ यह विध होरी खेलत वरखत सकल आनंद ॥ गोबिंद बल बलबल जाय जय गोकुल के चंद ॥१४॥

Dhamar

Part3-281

Gouri

Egarjat dhaay dhaay rasbundan jharson pitchkine

एगरजत धाय धाय रसबूंदन झरसों पिचकाइन छूटे सनन सनन ॥ डफ मृदंग वाजे अतिही सरससुर विविध भांत ताने तनन तनन ॥९१॥ अबीर गुलाल उडाय बहुत रंग तक आजें कमल अंजन दोऊ नयन | वल्लभ पिय संग खेलत डोलत ब्रजकी नारी दामिनिसी चमकत पगनूपुर घन झनन झनन ॥२॥

Dhamar

Part3-281

Goud Malhaar

Pariva prathmaahin horicellan nikse shyama shyam ..

परिवा प्रथमाहिं होरीसेलन निकसे श्यामा श्याम ॥ फाल्गुनमास सुहावनो नृपतिभयो तहांकाम ॥९१॥ छ्विजदु्ुंदिसिमावत अलि पिक कोकिल कीर ॥ नवबसंत द्रुमफूले मलयजु मंदसमीर ॥२।| तीज तरूनी तन कंचुकी सोभित मोतिंनहार ॥ सेंदुर मांग संवारी नवसत साज सिंगार ॥३॥ चोथचतुर चली गावत झूमक नंदजुके द्वार || सुनि कामिनी कोलाहल निंकसे हलधर ग्वार ॥४॥ पांचेपंच सबद अति बाजत बाजे अपार ॥ इतकी ओर ब्रज सुंदरी उत श्रीनंदकुमार ॥५॥ छटकों छेंल छबिलो निकस्यो खेलनफाग ) मोहन वेन वजाबै जावे गौरी राग ॥६॥ साते चंदन वंदन केसरि घसी बनाय ॥ कृष्णामर कस्तूरी केसु कलस भराय ॥७॥ आठें कंचन पिचकारी भरि भरि लिने हाथ ॥ तकि तकि नबल किसोरी छिरकी कुंबर ब्रजनाथ ॥८॥ नवमी नबल राधिका अरगजा दीयो डार ॥ हो हो बोलत डौलत नांचत दै करतारि ॥९॥ दसमी दसों दिसतें अबलन पिय लीनें घेरि || मैनआंजि मुख मांडति हंसत वदन तनहेरि ॥१०॥ एकादशी एक सखी डार्यों सुरंग गुलाल ॥ एकजु मुख चुंबन करे एक गहे बनमाल ॥१ १॥ द्वादशी फजुवा मांगति इंसि इंसि गारी देहि ॥ एकजु मुरली ले रही एक कहे फिर लेहि ॥१२॥ तेरस तरुणी जनमिल सुगह गहें बलवीर ॥ कुमकुम मुख लपटायो छिरकत नबल अबीर ॥१३॥ चौदस चहूं दिसते लिने गांठ बजोरी ॥| मदनमोहन नव दूल्हे दुलहनी राधागोरी ॥१४॥ पूरण ससि पून्योनिस होरी हरस्त्रि लगाय ॥ परवा बसनजु साजे चले जमुना जल नहाय ॥१५| यह बिधि होरी खेलहीं ब्रजजन संग लगाय ॥ सूरदास बलिजाय गिरि गोवरधनराय ॥१६॥

Dhamar

Part3-282

Gouri

Arrie chala navalkishori gori bhori horry khelan

अरी चल नवलकिशोरी गोरी भोरी होरी खेलन जाय ।॥| अरी एसी नवयामिनी देखें भामिनी तोहि क्‍यों भवन सुदाय ॥१॥ जहां ब्रजवर नर नारिन के यूथ जुरेंहें आय ॥ श्रीनंदनंदन पुनि आए रंगीले रसिक मणिराय ॥२॥| आली तिनमें तुमहि देखी तब रहि गये नयना नाय ॥ तब इत उत तक मोहन पिय मोतन तक अरगाय ॥३॥ तव नयनन हींमें कहद्मयो कहां में कल्यो ग्रीव ढुराय ॥ अब रंगीले कुंवर तोहि पैयां सेनन दईं हों पठाय ॥8॥ तू न कर महर नागरित्रिय आन भलो वन्यों दाय ॥ यह सुन नबल नवेली सहचरी मुसकी नयन दुराय ॥५॥ इतनेड परम निपुण सखी जिन प्यारी भुज भरलई उठाय ॥ गहि नवकंचुकी सोर्धेंबोरी बीरी दई बनाय ॥६।॥ पुनि पट पीत पटोरन पोंछकें आगें धारि समुहाय ॥ चली नवसत सज स्वामिनी कामिनी सखीके अंसभुज लाय ॥७॥ जानों कनक धातु परवत पर तडित लता चमकाय ॥ नवगुण नवल रूप नवयोवन नवल नेह हुलसाय ॥८॥ झूमक सारी प्यारी पहरे चलत ललित लरकाय ॥ जानो नवरूपजोति जगमगसी पवन लगे झुकराय ॥९॥ कमल फिराबत करबर बाला माला उर सिरुराय ॥ ललितादिक सखियन में सुंदर शोभित हे यह भाय ॥१०॥ जानों नव कुमुदिन के मंडल में इंदु पण न चलल्‍्यो जाय ॥ कबहु बदन दुराय उघारत पुन हंस लेत दुराय ॥११॥ मंजुल मुकुर मरीचिन सी मानों छिन छिन छबि अधिकाय || पुनि एक लट जो छबीली की छबिसों चेसर ही अरुझाय ॥१२॥ जानों प्रीतम मनमीन की वडसी भख्र मुक्ता लटकाय ॥ ओर एसें नवमत्त गयंदन मलकत बांड दुराय ॥१३॥ शोभित श्रवणन स्वेदसुदित के मानो पटचुचाय ॥| चंचल अंचल छोर बिराजत नेंक चलत जब धाय ॥१४॥ नीवी बंधन फंदवा घंटा किंकिणी घन घहराय ॥ नूपुर ऊपर चूरारूरा जनुशृंखल झनकाय ॥१५॥ सखियन केकर कुसुम छरिनतें अगड बने चहंधाय ॥ मदन महावत को बल नाहीं अंकुश देत डराय ॥१६।॥ सखियन में हि तू विशेष विसाखा जानो तनकी परछांय ॥ सो नंदनंदन नेरे जानकें सहन उठी कछु गाय ॥१७॥ सबहिन जान्यों श्रीराधा जू आईं भये चौगुने चाय ॥ जेहुती नवलकिशोरी की साथिन ते दोरी समुहाय ॥१८॥ तिन संग मोहन थाये आये जानों रंक महानिधि पाय ॥ प्रथमही लाल जुहार कियो मृद्‌ मुरली मांझ बजाय ॥१९॥ इतते कुटिल कटाक्षन पिय तन चितई मृदु मुसिकाय ॥| चाचर देन लगी ब्रजवीथन रंगीलो रंग उपजाय ॥२०॥ गाबन लागी ग्वालिनि गारी सुंदर ललहीं लगाय ॥ राधाजू गारिंन सुनसुन हसहस हरितन हेर लजाय ।|२१॥ ललन अबीर भरत गोरी ग्वालिनि प्राण पियाहि बचाय ॥ सोसुख पिय नयना पहचानें मो मनमें न समाय ॥२२॥ ओर जो प्रेम विवश रस को सुख कहत कह्मो नष्टि जाय ॥ यह सुख कहिवे कों सरस्वती की कोटिक सुमतिह राय ॥२३॥ शेष महेश सुरेश न जाने अज अज हु पछिताय ॥ यह सुख रमा तनक नहीं पायो यद्यपि पलोटत पाय ॥| २४॥ श्रीवृषभान सुता पद अंबुज जिनके सदा सहाय ॥ यह रस मगन रहत जेतिन पर नंददास बलजाय ॥२५॥

Dhamar

Part3-282

Gouri

Aichal jaaen jahaan hari khelat gopin sangaa . aanak

एचल जांए जहां हरि खेलत गोपिन संगा । आनक बहुबाजे ताल मुरज मुख चंगा ॥ गावत सुन भावत मंद मधुर स्वरबानी ॥ जानों हरख परस्पर मानो मदन गति ठानी ॥ एचल जाय जहाँ क्रीडत नंदनंदन झांझ प्रणव डफ भारी ॥ बीन मृदंग उपंग चंगबहु देत परस्पर गारी ॥१॥ करपिचक विकचमुख कटिपट भेष बनायो ॥ जानों गुदरंदेनगुण बनबसंत ब्रज आयो ।| हाटक मणि गण खचित विविध कर जेरी साजें ॥ रुंजमुरज सहनाई ढोल ढोलक छबि छाजें ॥ आवज अति आतुरबजे गाबत ब्रज जनफाग ॥ तान तरंणन बाहुज बांध्यो छाय रह्मो अनुराग ॥२॥ ध्वनि सुनत पियारी कुंकुम मंजन कीनों ॥ बहुरंग वसन तन यावक चरणनदीनों ॥ कबरीकर जुसंबार निरख उपमा को हारी | मानो हाट कलतारही खगपन्नण नारी ॥ श्रवण तार उरहार छबि उर मुक्ता सजल सुढार ॥ जनुयुग गिरिविच देखिये छबि धसी सुरसरी धार ॥ ३॥। रचतिलक भालपर मृगदरेख संवारी ॥ जानों युगल जीभधर पन्नग पीवत सुधारी ॥ खंजन मीन आधीन देख दृग सारंग लाजे ॥ वदन चंदभुवचांप स्वांति सुतनासाराजें उपमा कों अवलोक कें छबि या समान नह्टि ओर ॥ मानों कीर उड़॒गण गहें चुगत नहीं सुनबोर ॥४॥ अति अरुण अधर छबि अर दशन न द्युति पाई ॥ जनु विज्वल वीजकी विद्रुमवार बनाई ॥ कंठ कपोत्तत जात करण अंगद जग मगयो ॥ मानों जरद मृणाल शरद शशि बालक लजयो ॥ पोंहोंचन अति पोंहोंची सघन सुंदर श्याम सुपास ॥ मानो कंजके कंठलागकें भृंगरहे मधुआस ।।९॥ बनचली सकलत्रिय पणनूपुर स्वर भारी ॥ जानों विविध केलिकल हंस करत किलकारी ॥ साख जवाद सुगंध कुंकुमा केसर घोरी || भार लजनभेचली सकल त्रिय गावत होरी ॥ नखशिखते अवलोक छंबि नागर रीझे गान ॥ मानो संगीत शाला पढी घट बढ परतन तान ॥६॥ छबि सिंघुललन तन देखत लोचन भूले ॥ चितवत चित चोरत अंगअंग अनुकूले ॥ वरण वरण सिरपाग श्रवण कुंडल मणिमय अति ॥ मनहूं श्याम नग शिखर तरणि युग रमत तरल गति ॥ उरबन माल विशाल अति विविध सुमन बह्वेष || मानो जलदव में प्रगट देख्ियत शतमख सारंगरेख ॥॥७॥ रचतिलकमलयका पियकर खोंरबनाई ॥ मानो युगल अहिन शशि घन परदई दिखाई ॥ घनतन देख लजात कंजदृग क्‍यों समपाबें ॥ मुख छबि स्याम सुजान देख अहिवपु हिल जावें ॥ नख सिखतें अवलोक कें छबि कटिपट पीत सुदेश || मानो जलद धुर्वा सखीरी दामिनि रही प्रवेश ॥८॥ छबि सिंधु मोहन तन लघु मति वरणी न जाई ॥ चितवत चित चोरत मन्मथ रह्यो लजाई ॥ त्रियन परस्पर हरख विविध कर डांगन राजें ॥ गोप उठे किलकार दुद्ूं दिशते बाजत बाजें ॥ एकन करकुंकुमलियो एकन घोर गुलाल ॥ चली सकल ब्रज सुंदरी पकरन मदन गोपाल ॥९॥ सेनन स्यामाजू हलधर दिये हें बताय || गहिनील वसन तनदोऊ बंद दिये छटकाय ।। सब मिल पकरे स्याम मुरलि का लई छिनाई ॥ तबहि तरूणी मुसिकाय साखभर भाजन लाई ॥ छांटत छिरकत हसत परस्पर प्रेम छके नंदनंद ॥ मानो अबनि पर मेघकों घेर रहे बहुचंद ॥|१०॥ निरखत विथकित भये जहां तहां अमर विमान ॥ बरखत सुर कुसुमन ओर बजाये निसान ॥ रह्यो परस्पर रंग सकल त्रिय भवन न आईं ॥ तबहिं तिनें ब्रजराज विविध पटदई मिठाई ।| बहुरि तरणि तनया सलिल मंजन कर बलबीर ॥ पहर वसन आये घरें संग सकल आभीर ॥|११॥ दुतिया मोहन तन राजत सुंदर पीत सुवास ॥ बैठे कनक सिंघासन बल बल राघोदास ॥११२५॥

Dhamar

Part3-284

Gouri

Maaran chhaand abdehu kamalanayan munn mohana || cuttipt

मारण छांड अबदेहु कमलनयन मन मोहना || कटिप्ट पीरू सुहावना ओर उपरेना लाल ॥ सीसमोर की चंद्रिका चंचल नयन विशाल ॥१॥ कुंचित केश छबि बनी सुंदर चारूकपोल ॥ श्रुतिमंडल कंचनमणी झलकत कुंडललोल ।|२॥ मोहन भेष भलो बन्यों मृगमद तिलक सुभाल ॥ अलक मधुप समराजही ओर मुक्तावलि माल ॥३॥ कुंजमहलते होंचली अपने गहेकों जात ॥ वन में सोरन कीजिये सुन्दर सामल गात ॥४॥ उर अंचल क्रित गहत हो दूर भये कहो बात ॥| अपने जिय ही विचारिये जो परे कुहू की रात ॥५॥ सांज परीदिन आंथयो अरुझाई किहिंकाम ॥ सेंत मेंत क्‍यों पाइये पाके मीठे आम ॥६॥ नंदराय के लाडिले बोलत मीठे बोल ॥ रहिहो के जाय पुकारिहो ना कंचुकी बंद खोल ॥७॥ परमानंद प्रभु यों रमी ज्यों दंपति रति हेत ॥ सुरत समागम रस रह्यो नदी यमुना के रेत ॥८॥

Dhamar

Part3-285

Gouri

Mokul sakal gwalini sub mill khelein faag ..

मोकुल सकल ग्वालिनी सब मिल खेलें फाग ॥ तिनमें श्रीराधा लाडिली जाको परम सुहाग ॥१॥ झुंडन मिल गावत चली झूमक नंद के द्वार ॥ आज परव मिल खेलें हम तुम नंद कुमार ॥२॥ रसिक कुंवर सुंदरवर राधा जीवन प्रान ॥ मोहन बदन दिखाबहो दुरोतो नंदकी आन ॥ ३॥ प्रगट प्रीति गोकुल भई अब कहा करो दुराव ॥ हँमनदरसबिन जीवें कोझ करो चबाव ॥४॥ जसोदा के सुतचित चुभिरही यह तुझ्यारि मुसक्यान | अबन अनंत रुचि उपजे सहज परियहबान ।|५॥ दुरत लाल भलें पाये राधा भर अंकबार॥ कनक कुंडी केसर भरी लेदोरी ब्रजनार ॥६॥ भरो भरो सखी श्याम की पीत पिछोरी पाग ॥ देहगेह सुधि भूली नंदनंदन अनुराग ॥७॥ चोबा साख कुंकुमा गोरा मदे जवाद ॥ हस हस हरि पर डारत ओर नाना फुलवाद ॥८॥ छूटे केस कंचुकी बंदटूटी मोतिन माल ॥ करतल ताल बजावें गावें गीत रसाल ॥॥ गगन विमान न छायो सुरनर कौतुक भूल || जय जय शब्द उचारें आनंद वरखें फूल ॥१०॥ लाल गोपाल कुपाबिन यह रस लेन कोय || हरि वृषभान किशोरी की कथा मगन मन य ॥११॥

Dhamar

Part3-286

Gouri

Kamal nayan key kautuk sunon saheli aaya .. aaj

कमल नयन के कौतुक सुनों सहेली आय ॥ आज हमारे आये नख सिख भेष बनाय ॥१॥ बैठे आय अचानक जहां सोबत अधरात ॥ अंगूठा मोर जगाई चोंक परी सबगात ॥२॥ तमक उठीजो उनींदी भावर भोरें जान ॥ चुपचुप कर निरवारत सुन सीतल भयेकान || ३॥ उतरन आवे रही सखी दांत अंगुरिया चांप ॥ तनमन सकुच संकानी गुरुजन लाजनकांप ॥४॥ बीरी बरही देतमुख हसत सुरंजित गात ॥ प्रेम उमग दोऊ जन फूल्ये आनंद उर न समात ॥५॥ कंचुकी कसन करष उर कुचन खरदान ॥ आलिंगन परिरंभन करत अधर रसपान ॥६॥ लेत उठाय अंकभर राखत कंठ लगाय ॥ मगन भई रस सागर कहत कही नहिंजाय ॥७॥। मोहनदास स्यामघन सुंदर प्रेमपसाय | छिनछिन ग्वाल विचारत भवन काज वल्यो जाय ॥८॥

Dhamar

Part3-286

Gouri

Hoe hoe hoe hoe hoe hoe horry .. sunder shyam radhika

हो हो हो हो हो हो होरी ॥ सुंदर श्याम राधिका गोरी ॥१॥ राजत परम मनोहर जोरी ॥ नंदनंदन वृषभान किशोरी ॥२॥॥ डफ ओर ताल मृदंग बजावत || गोरी राग सरस सुरगावत ॥३॥ नवसत साज सकल ब्रजनारी ॥ प्रमुदित देत भामती गारी ॥9॥ झूंडन जुर चहुंदिसतें दौरी ॥ मदन गोपाल गह्ेभर कोरी ॥५॥ सोंधो बहुत सीसतें नायो ॥ रंगे बसन कीयो मनभायो ॥६॥ नवल अबीर सखा संग लीने ॥ फिरत उडावतत फेंटन दीने ॥७॥ नयन आंज रोरी मुखमांडत ॥ प्रेम आलिंगन देदे छांडत ॥८॥ हरि मृदुभुजा कंठ ले लावत ॥ अंतर को अनुराग जनावत ॥९॥ मगन भई तब सुधिन संभारत ॥ प्राणनाथ पर सर्वस्व वारत ॥ १ ०॥ चतुभुंज प्रभु पिय सब सुख सामर ॥ सुरनर मोहे गिरिधर नागर ॥१ १॥

Dhamar

Part3-287

Gouri

Hoe hoe hoe hoe horry bolein .. nandkunwar vraj veethan

हो हो हो हो होरी बोलें ॥ नंदकुंवर ब्रज वीथन डोलें ॥१॥ नवल रंगीलो सखा संगलीनें | राजत अंगअंग रंगभीनें ॥२॥ रंगीली भांत रंगीलो जहां || चोबा चंदन कीचमची तहां ।|३॥ ताल मृदंग मुरज डफ वाजे ॥ ढोल ढमक नवघन ज्योंगाजे ॥४॥ सुन ब्रजवधू आनंद अतिवाढी ॥ निकस निकस सब खोरन ठाडी ॥|५॥ अंजुली अबीर छूटत छबि पावें || पंकज मनो पराग उडावें ॥६॥ पिचकारिन रंग छूटत भारी ॥ उड्यो गुलाल रंगे अटा अटारी ॥|७॥ जबलग लाल भरत पिचकारी ॥ तबलग भाभिनि भाजत भारी ॥८॥ जो कोऊ नवल बधू || भरभागे ॥ मोहन ताके गोहन लागे ॥९॥ तिनहिं धायकें भरत छबीलो ॥ जाहि भरे तहां रंग रंगीलो ॥१०॥ जाय परत ललना मंडल जब ॥ घेरलेत करतारीदे तब ॥१ १॥ अंग भर भुज भर हियें भरलालें ॥ छांटत छबीली मदन गोपालें ॥१२॥ कहत न बनें बढ्यो रंग भारी ॥ नंददास तहां बल बल हारी ॥१३॥

Dhamar

Part3-287

Gouri