Myrie rangilo monhanakumar srimiridhwar khele faag

माईरी रंगीलो मोंहनाकुमर श्रीमिरिध्वर खेले फाग ॥ध्रु०॥ जिहिंजिहिं मारग तिहिंतिहिं जलीहों निकसत तिहिंतिहिं बार ॥ जिहिंजिहिं मारग तिहिंतिहिं गली मोकों रोकत आय अगवार ॥१॥ पहलें गेंद चलायकें पेठत धाम में धाय || तापाछें हसयों कहे नेंकदे मेरी गेंदबताय ॥१॥ मे गेंदुक करते दियो छिरकत कुंकुमनीर ॥ गह्ि भुजत बदन सांवरी मांड्यो बदन अबीर ॥३॥ संगसखा सब जोरकें आंगन चाचरमेल ॥ सब न सुनत मोसोंयों कह्मों नेक तू मेरे संग खेल ॥४॥ डों सकुची डरपी जिय मोंहि राखी अंग आगोर ॥ वचन रचन कहि सांवबरे मोसों लई सकत रतिजोर ॥५॥ श्रीगिरिवरधारीलाल को मोपें खेलन वरन्यों जाय ॥ तृण तोरें सहचरी सबेहो लघुगोपाल गुनगाय ॥६॥

Dhamar

Part3-288

Gouri

Khelat nandkishore vrajmein atiras baadhyo hoe hoe

खेलत नंदकिशोर ब्रजमें अतिरस बाढ्यो हो हो होरी ॥ गोरी राग अलापत गाकक्‍त मधुर मुरली कलघोरी ॥ १॥ कटिपियरो पट फेंट बनी छबि सीसचंद्रका मोर ॥ मन्‍्मथ मान हरन हँस चितवन चपल नयन की कोर ॥२॥ बालक वृंद स्याम संग शोभित उतसोहत ब्रजनारी ॥ विविध सिंगारसजे मिल झुंडन देत भामती गारी ॥३॥ देख समाज मदन मोहन को भई मन उल्लास ॥ तिनमें मुख्य राधिका नागरिं सकल सुखन की रास ॥४॥ दंदभी झांझ मुरज डफ वाजे मृदंग उपंगन तार ॥ दुड्ंदिस माच्यो खेल परस्पर घोषराय दरबार ॥|५॥| चोवा साख अरगजा चंदन केसर सुरंग मिलाय || तकतक तरूुणी गोपालें छिरकत करन कनिक पिचकाय ॥६॥ उतमन मुदित लियें कर सोंधो सखनसहित बलबीर ॥ युवती कदंबन ऊपर वरषत सुरंग गुलाल अबीर ॥७॥ युवती युथ पेल सन्मुख व्हे मोहन पकरे जाय ॥ काजर नयन आंज प्रीतमके मुरली लई छिनाय ॥८॥ पिय प्यारी की जोट बनाई अंचलसों पटजोर ॥ सेनहिं सेन परस करसों कर हसत सबे मुखमोर |।९॥ मगन भई तन की सुधव्सिरी हदें बढ्यो अनुराग ॥ यह सुख तीन लोक में नाहीं गोपिन को बडभाग ॥१०॥ चीर हार अंगन भीजे की चमची ब्रजखोर ॥ मान हुं प्रेम समुद्र अधिक बल उमग चल्यो मितछोर॥ १ १॥ चतुर्भुजनदास विलास फागको कहत न वरन्यों जाय॥ लीला ललित देवगण मोहे गिरिगोवर्धनराय ॥१२॥

Dhamar

Part3-288

Gouri

Moorali adhardharen nandanandan hoe hoe horry boleju ..

मूरली अधरधरें नंदनंदन हो हो होरी बोलेजू ॥ लिये सखा संग देत कूंक सब ब्रज खोरिन मे डोलेंजू ॥१॥ पहरें वसन अनेक वरणतन नीलपीत सितराते ॥ सुरंग गुलाल अबीर फेंटभर फिरत महारसमाते ॥२५॥ बाजत ताल मृदंग झांझ डफ ओर बांसुरी ध्वनि थोरी ॥ गावत सरस धमार नयो रंग रसिक मंडली जोरी ॥३॥ श्रवण सुनत सब .गोकुलनारी घर घरतें उठ दौरी ॥ सजेसमाज सबे मिल आई नंदराय की पौरी ॥७॥ पहरे दिव्य कटाव की चोली नौतन झूमक सारी ॥ मुनियन केसे झुंडन गावत परम भामती गारी ॥५॥ विविध सिंगार बने सबहिन अंग भूषण नानावेशा ॥ मुखहि तंबोल नयन काजर सिरसें दूर मांग सुदेशा ॥६॥ कंठ सरी मखतूल पोति उरगज मोतिन हारा ॥ कर कंकण कटि किंकिणी की छबी ओर नूपुर झनकारा ॥७॥| अलकावली आड मृगमद की वरनिस के को भांती ॥ खुटिलाखुभी रुचिर नकवेसर दूर करत रविकांता ॥८।॥ इनमें मुख्य राधिका नागरि सब हिन ऊपर सोहें ॥ कुटिल कटाक्ष फाग के अवसर प्रीतम को मनमोहें ॥९॥ कनक वरण वृषभान किशोरी नवघन नंदकिशोरा ॥ प्यारी चाब चौगुनों चितभयो चितवत पियकी ओरा ॥१०॥ बालक वृंद नक्षत्नन महिया छबि लागत गोविंदा ॥ ग्वालिनि मानो चकोर की सेना हेरत पूरण चंदा ॥१२॥ छूटी तरूणी मढामदमाती कुल अंकुश नहीं मानें ॥ सोंधो बहुत गुलाल लेकें नयनन तकतक तानें ॥१२॥ उत्तबूका वंदन अंजुलीभर सन्मुख ग्वाल उडावत ॥ दुड्/ंदिश माच्यो खेल परस्पर जिततित भरत भरावत ॥१३॥ नरनारीन के चोंपबढी जिय कमलनमार मचाई ॥ रूपे सुभटरन धीर मानो कोऊ इतउत ओटन जाई ॥१४॥ युवती यूथ पेलि सन्मुख व्हे जिततित सखा भजाये ॥ जाय गद्यो पटपीत श्यामको ॥ जीतके बाजे बजाये ॥ १५॥| कोऊ करते मुरली ले भाजी कोऊ मणि मोतिन माला ॥ कोऊ फेंटा गद्डि कह्त हमारो फग़ुवा देह गोपाला ॥१६॥ चंद्रावलि चोवा चंदनले सीसस्याम के नाबत ॥ ललिता विसाखा नयन आंजमुख रोरी हरद लगावत ॥१७॥ कोऊ प्यारी को अंचल लेके पिय के पटसों जोरें ॥ कोऊ कहे करो जुहार लडेंते कोऊ हँसत मुखबमोरें ॥१८॥ मगन भई तनकी सुध भूली उर आनंदन समाई || आलिंगन दे श्रीमुख चितवत मानो रंक निधिपाई ॥|१९॥ वरन वरन भये वसन भीजरंग कीच धरणि पर बाढी ॥ टूटे हार छूटी अलकावलि फटी कंचुकी गाढी ॥२०॥ सन्‍्मुख जीत चलीं ब्रजयुबती गईं यमुना के कूलन | लीला ललित निहार देवगण बरखन लागे फूलन ॥२१॥ इहिं बिध फाग संग मिल खेलें उत गोविंद इतगोरी ॥ चत्रभुजदास रहो ब्रम अविचल राधा गिरिधर जोरी ॥२२॥

Dhamar

Part3-289

Gouri

Khelat madan mohan piya horry .. larika sanga

खेलत मदन मोहन पिय होरी ॥ लरिका संग सकल गोकुलके करत कुलाहल ब्रज की खोरी || ९॥| भवन भवनते निकसि द्वार ब्हे अति प्रफुल्लित मन नवलकिशोरी ।| सोंधो लियें कनक वेलाभर अरगजा कुंकुम सोंघ सघोरी ॥२॥ एक शुवालि गुलाल लियें कर एकन लई बहुत कर रोरी ॥ एक पलास कुसुम रंग वरखत एक लियें बीरा भर झोरी ॥३॥ वाजत ताल मृदंग झाँझ डफ विच विच मोहन मुरली ध्वनि थोरी ॥ मधुर वचन हँस कहत परस्पर गोविंद प्रभु लीनों चितचोरी ॥|४॥

Dhamar

Part3-290

Gouri

Hoe hoe horry venu madhya gaave syaam .. nrityat

हो हो होरी वेणु मध्य गावे स्याम ॥ नृत्यत युवती समूह संगमिल मधुरतान विश्राम ॥१॥ फूली लता नवल गहेवर वन . बरन वरन बहू भांत ॥ किलकत शुकपिक आनंदभरे मनोहर मधुपन पांत ॥२॥ बाजत चंग उपंग मुरली डफ झालर झांझ मृदंग ॥ मदन गोपाल लेत गति सहज लजबत कोटि अनंग ॥३॥ कुंकुम चंदन वंदन अरगजा सुंगध॒ ताई ॥ वीच बीच तक तक तानत हैं नयनन की पिचकाई ॥४७॥ फाठत चीर रहत द्वुमद्र॒म प्रति टूटत मोतिन हार ॥ क्रीडा रसवश भये मगनमन तनकी तजी संभार ॥५॥ दास चतुर्भुज प्रभु चहुंदिश जुरगावें चेतव राग ॥ सुख समूह श्रीगोवर्द्धन तट रच्यो रंमीलो फाग ॥६॥

Dhamar

Part3-290

Gouri

Lalana khelat faag bunn‍yyon vraj sakhaa liye nandanandana

ललना खेलत फाग बन्‍्यों ब्रज सखा लिये नंदनंदना बंसीघरें कहत हो होरी ॥ युवती जनमन फंदना ॥ १॥ घरघरते सुंदरी चलीं देखन आनंद कंदना ॥ बाजे ताल मृदंग झांझ डफ गाबत गीत सुछंदना ॥२॥ ठांयठांय अगर अबीर लिये कर ठांयठांय बूका बंदना ॥ हाथ न धरें कनक पिचकाई छिरकत चोवा चंदना ॥३॥ क्रीडा रसवश भये मजनमन मात नमन आनंदना ॥ दास चतुर्भुज प्रभु सब सुख निधि गिरिधर विरह निकंदना ॥४॥

Dhamar

Part3-290

Gouri

Sabavraj kull key raay .. laal manmohana nikse

सबब्रज कुल के राय ॥ लाल मनमोहना निकसे खेलन फाग ॥ लाल मनमोहना ॥|ध्‌०॥ नवल कुंवर खेलनचले ॥ मनमोहना मुदित सखा संग लाय ॥ लाल मनमोहना ॥ स्याम अंग भूषण सजे ॥ विसल वसन पहराय ॥१॥ निकसद्धार ठाडे भये ॥ मुरली मधुर बजाय ॥ श्रवण सुनत सब ब्रजवधू ॥ जहां तहांते चली धाय ॥२५॥ विविध भांत्त बाजेबजे ॥ ताल मृद्दंग उपंग ॥ रुंज मुरज डफ दुंदुभी ॥ कर कंठताल सुरंग ॥३॥ युवतियूथ मिल धाइयो ॥ भर पिचकाई हाथ ॥ चहुंदिसतें बे छिरक हीं ॥ भरत कुंवर गोपीनाथ ॥४॥ बहुरि सखा सन्मुख्र भये ॥ आगें दे बलबीर | युवती गणपर वरखहीं कुंकुम सुरंग अबीर ॥५॥ बहोरिसमिट सब सुंदरी ॥ मोहन लीने घेर ॥ एकजु मुरलीले भजी ॥ एक कहें देहु फेर ॥६॥ एक पीत पट गहिरही ॥ फगुवा देहु कुमार ॥ एसे हम नपती जहीं ॥ दे जहने मोती हार ॥७॥ ललिता ललित वचन कहे ॥ तुम सुनो गोकुल के राय ॥ तो हम तुमकों जानदें ॥ प्यारी राधा कों सिरनाय ॥८॥ प्यारी कर काजर लियो ॥ आंजे पियके नयन ॥ अंचलपट सुख दे हंसी मिलवत करदे सेन ॥॥ आलस अरुण अति रसमसे अंजन खरे विराज ॥ युगल कमल कर मुकुलिता मानें बैठे युगल अलिछाज ॥|१०॥ अति रस भरि ब्रज सुंदरी कछू बन अंग संभार ॥ खसत बलय कटि किंकिणी पिय संग करत विहार ॥ १ १॥ कुचपरक चलर लटकहीं लागत परम सुदेश ॥| मानो भुजंगम चुहुंदिसा अमीपीबन राकेश ॥ १ २॥ यह विध सब मिल खेलहीं गावत गोरी राग ॥ नवल कुंवरपर अति बढ्यो प्रतिछिनु नब अनुराग ॥१३॥ युवती यूथ मिल उलटेयो अपने अपने टोल ॥ पियमुखर देखे फूलही ॥ प्रमुदित लोचन लोल ॥१४।॥ यह विध होरी खेलहीं ब्रजजन संग लगाय ॥ घोष नृपति सुत वदनकी गोविंद बलबल जाय ॥१०॥

Dhamar

Part3-291

Gouri

Manmohana russ mutt piyaare chhaand sakal kull

मनमोहना रस मत पियारे छांड सकल कुल लाज ॥ यश अपयश कोऊ कहो मोहि नाहि काहू सों काज ॥१॥ खिरक दुह्वन हों गईं मिले ब्रजराज किशोर ॥ गहि बैयां मोडि ले चले आई तहां तें भोर ॥२॥ कुंज महल क्रीडा करी कुसुमन सेज बिछाय ॥ सुरत शिथिल अति दंपति तेरहेहें कंठ लपटाय ॥ ३॥। विविध कुसुम मालागुही सुंदर करकमल संवार ॥ प्यारी राधा कों दे घालियो पहरे घोष मझार ॥४॥ कुंज महल बनठन चले प्यारी राधा कों दे सेन ॥ चतुराई वरनी नापरे सकल रूप गुणएन ॥५॥ नंदराय के लाडिले थेनु चराबन जाय ॥ प्यारी राधा विन ज्योंना रहे छिन छिन कल्प विहाय ॥६॥ सब गोकुल के लाडिले जसुमति प्राण आधार ॥ राधा के तुम चाडिले जयजय नंदकुमार ॥७॥ मदन मोहन पियबस किये अपने गुनरूप सुहाग ॥ चिते परस्पर दंपती प्रतिछिन नव अनुराग ॥८॥ इत मनमोहन राजही सखा सकल लिये संग ॥ उतते आई ब्रज वधु भरत आपने रंग ॥९॥ मोहन पकरे भेदसों दई परस्पर सेन ॥ प्यारी कर काजर लियो आंजे पियके नयन ॥१०।॥| यह बिध होरी खेलही ग्याति बंदु संगलाय ॥ गोविंद बलंबदन करे सुनो हो गोकुल के राय ॥ १ १॥

Dhamar

Part3-292

Gouri

Srigokulrai kumar .. kamal dall lochana ..

श्रीगोकुलराय कुमार ॥ कमल दल लोचना ॥ ठाडे हैं सिंघदुवार ॥ कमल दल लोचना | नखसिख भेस बनाय ॥ सुंदरता अति सार ॥१॥ रसभरे नंदकिशोर ॥ निकसे खेलन फाग ॥ मधुर वेणु करभधरे ॥ गावत गोरी राग ॥२॥ आये ब्रजके चोहटें ॥ लिये सखा सब संग ॥ नव भूषण नव वसन ॥| शोभित सामल अंग ॥३॥ उपमा कही न जाय ॥ सुंदर मुख आनंद ॥ बालक बूंद नक्षत्र ॥ प्रगटे पुरण चंद ॥8॥ बाजत ताल मृदंग ॥ आबज डफ मुख चंग || मदन भेरि सुरबीन ॥ गिडणिडि झांझ उपंग ॥५॥ श्रवण सुनत चली दौर ॥ गृहणृहते ब्रजनारि ॥ तिनमें परम सुदेश ॥ राधा अति सुकुमारि ॥६॥ बने चीर आभरण ॥ सबतन विविध सिंगार ॥ कंकण कटि किंकिणी || उरगज मोतिन हार ॥७॥ नकबेसर ताटंक ॥ कंठसरी अनुभांति ॥ चोकी बनी जराय ॥ दूर करत रविकांति ॥८॥ सेंदुर तिलक तंबोल ॥ खुटिला बने विसेख ॥ शोभित केसर आड ॥ कुंकुम कज्जल रेख ॥।९॥ प्रफुल्लित अति आनंद ॥ चितवत हरि मुख ओर ॥ मानो विधु प्रीतम मिले ॥ सादर चारू कोर ॥१०॥ रूप नयन रसभरे ॥ वारंबार निहार ॥ गावें झूमक चेत ॥ बीच सुहाई गार ॥१ १॥ चोवा चंदन अरणजा ॥ सोंधें सजे अनेक | पिचकाई कर लिये ॥ धाईं एकते एक ॥१२॥ अतिभर बांधे फेंट | सुरंग अबीर गुलाल ॥ दुहंदिश माच्यो खेल ॥ इतगोपी उत्तग्वाल ॥|१३॥ नरनारी परी चोंक ॥ छिरकत तकतक जेह ॥ भरत भई अति भीर ॥ मानों बरखत मेह ॥१४॥ वरण वरण भये बसन ॥ अंगन रहे लपटाय ॥ क्रीडा रस वस मजन || आनंद उर न समाय ॥१५॥ ब्रज युवतिन मतो मत्यो ॥ मुखन जनावतबेन ॥ पकर लेह घनश्याम ॥ मिलवत इत उत सेन ॥१६॥ युवती यूथ नबपेल ।| दीने सख्रा भजाय ॥ कहत कहामतो करें ॥ अवत्तो कछू न सुहाय ॥१७॥ कहतन बाचें कछू ॥ वचन गारओर गीत ॥ झुंडन जुर चह्ं ओर ॥ जाय गद्यो पटपीत ॥१८॥ नवल कुंवर जानिये ॥ अवजो मुरली लेहु ॥ राधे करहु जुहार ॥ के हमारो फयुवा देहु ॥ १९॥ फगुवा देह न देहु ॥ छांड हु ओर उपाय ॥ हमारो भायो करहु ॥ के छूटो सिरनाय ॥ २०॥ प्यारी पियसों कहे | अति मीठे मृदुबोल ॥ काजर आंजे नयन ॥ रोरी हरद कपोल ॥२१॥ मुख मांडें छबि भई ॥ कोटि मदन सिरताज ॥ त्रिभुवन सौभग लियें ॥ मानों व्याहन आयो आज ॥२२॥ क्रीडत अवचल रहो ॥ युगयुग यह ब्रजवास ॥ श्रीगिरिधर को यशगान ॥ नितकरह चतुर्भुनदास ॥२३॥

Dhamar

Part3-292

Gouri

Khelat hein hari hoe hoe horry .. vraj taruni russ

खेलत हें हरि हो हो होरी ॥ ब्रज तरूणी रस सिंधु झकोरी ॥१॥ बाला वयस्य ओर नव तरुणी ॥ जीवन भरी चपल दृण हरणी ॥॥२९॥ नवसत सज गृहगृहत्ते निकसी ॥ मानो कमल कलीसी विकसी ॥।| ३॥ पिकवचनीत न चंपक वरनी ॥ उपमा को नही मनसिज घरनी ॥४॥ वरण वरण कंचुकी ओर सारी ॥ मानो काम रची फूलवारी ॥५॥ द्वादस आभरण सज कंचन तन ॥ मुख शशि आभूषण तारागण ॥६॥ मानो मनो भवमनते कीनी ॥ ओर त्रिभुवन की शोभा लीनी ॥७॥ देखत दृष्टि बजावत ।॥| डफ आबज स्वर एक मिलावत ॥९॥ मधु कऋ्रतु कुसुमित बननोनोरी ॥ गावत फाग राग रति गोरी ॥ १ ०॥ आईं सकल नंदजूके द्वारें ॥ अगणित सकल सुगंध संबारें ॥११॥ झूम झूम झूमक सब गावें ॥ नमत भैद दुह्ंदिशतें आबें ||१२५॥ रस सागर उमडयो न संमाई ॥ मानो लहर चहंंदिश धाई ॥१३॥ खोर खिरक मिरि जहां ही पावें ॥ धाय जाय ताही गहि लावें ॥१४॥ कर छांडत अपनो मन भायो ॥ उडत गुलाल सकल नभ छायो ॥१५॥ घरमें ते मनमोहन झांके ॥| दूर भये तब युवतिन ताके ॥१६॥ एक ही वेर सबें जुरधाईं ॥ पौरितोरराबर में आईं |॥|१७॥ मोहन गहत गहत छुटि भागे ॥ पीतांबर तजत न भये नागे ॥१८॥ दौरि अटा चढि दई हे दिखाई || उतते श्याम घटा जानों आई ॥१९॥| सुंदर स्याम मणि गण तनराजें ॥ गिरागंभीर मेघ ज्यों गाजें ॥२०॥ टेसटेर पीतांबर मांगें ॥ गोपी कहत आय लेहु आगें ॥२९॥ पीताबर राधिका उढायो ॥ हरिजू निरख परम सुख पायो ॥२२॥ पीतांबर तहां शोभा पाई ॥ घन तज दामिनि खेलन आई ॥२३॥ तब ही अरणजा स्याम मंगायो ॥ अपने करवर घोर बनायो ॥२४॥ ऊंचे चढघन जिउंवर खायो ॥ धारा धरजानों उनें आयो ॥२५॥ तब इन जसुमति ठाडी पाई ॥ सोंधे गागर सिरतें नाई ॥२६॥ उतते निरख रोहिणी आई ॥ बीच छांड व्हे महरि बचाई ॥२७॥ आंगन भीर भई अतिभारी ॥ जसुमति देत दिवावत गारी ॥२८॥ गोपिन नंददूरे गहि काढे ॥ कंचन गिरिसे आगे ठाढे ॥२५॥ जानों युवती ऐरा बतलाईं पूजत हस्त गोरी की नाईं ॥३०॥ नंद जसोदा गोरा गोरी ॥ छिरकत चंदन बंदन रोरी ॥ ३ १॥ पूजपूज बर मांगत मोहन ॥ बिन पाये छांडत नहिं गोहन ॥३२॥ एक कहे मोहन हिं बतावो || तो तुम हम पे छूटन पावो ॥ ३३॥ एक सिखावत एक बताबत ॥ तारी देदे एक नचावत ॥ ३४।| एक गह्ढले कर फगुवा मागे ॥ एक नयन काजर दे भागे ॥ ३५॥ बसन आभूषण नंद मंगाये दये वसन जेसे जाहि भाये ॥ ३६॥| देअत सीस सकल ब्रजबाला || युगयुग राज करो नंदलाला ॥३७॥| मदन मोहन पिय के गुण गावे सूरदास चरणन रज पावे ॥३८॥ छिनन ठहराई ॥ ज्यों जल झलमलात जल झांई ॥८॥ ताल मृदंग उपंग

Dhamar

Part3-293

Gouri

Gwalin joban garv gaheli .. sriradha key sanga kadamb saheli .. 1..| kesar ubat kunkuma ghori .. anga sugandh chadhaay kishori

ग्वालिन जोबन गर्व गहेली ॥ श्रीराधा के संग कदंब सहेली ॥ १॥| केसर उबट कुंकुमा घोरी ॥ अंग सुगंध चढाय किशोरी ॥२॥ दक्षण चीर छिपेरी लहेंगा ॥ पहरें विबिध पटमोल महेंगा ॥|३॥ कबरी कुसुम मांग मोतिन भर ॥ केसर आडरची भृकुटी पर ॥४॥ काजर रेख नयन अनियारे ॥ खंजन मीन मधुप मृगहारे ॥५॥ श्रवणन कुंडल रवि शशिजोती॥ नकवेंसर लटके गजमोती ॥६॥ दशन अनार अधर बिंबमानो ॥ चिबुक मध्या मूंचो मदजानो ॥७॥ कंठ कपोत मुक्तावलि हारा ॥ जानो युगगिरी विच सुरसुरी धारा ॥८॥ कुचचकवा मानो शशि भ्रम भूले ॥ बैठे बिछुरे दोऊ अनुकूले ॥९॥ कर कंकण चूरो गजदंती ॥ नख मणि माणिक मेटत कांती ॥१०॥ नाभि मदन हिये हाटक वरणी ॥ कटि मृगराज नितंबनि तरुणी ॥१ १॥ कदली जंघचरण कमल नूपुर ॥ गमन मराल करत धरणी पर ॥ १ २॥ भूषण अंग सजे सत नौरी ॥ जावत फाग नंदजूकी पौरी ॥8३॥ सुन सुंदर बर बाहिर आये ॥ हलधर ग्वाल गोपाल बुलाये ॥१४॥ खेल मच्यो ब्रज के बिच भारी ॥ एक पुरुष एक भई नारी ॥१५॥ चंगमृदंग बांसरी बाजे ॥ पकरत एक एक गहि भाजे ॥१६॥ कुंकुम केसर अरगजा घोरी॥ हाथन पिचकारी गहें गोरी || १ ७॥ उडत गुलाल अरुण भयो अंबर ॥ कुंकुभकी चमची धरणीपर । १ ८॥ तब राधा मन मतो उपायो ॥ हलधर अपनी भीर बुलायों ॥ १ ९|| कान लाग स्यामा समझायो || संकरषण गहि स्यामहि लायो ॥२०॥ हरिजू के हाथ गड्ढे चंद्रावलि ॥ कज्जल ले आई संजावलि ॥२१॥ ललिता लोचन आंजन लागी ॥ चंद्रावलि मुरली ले भागी ॥२२॥ भामा लियो पटपीत छुडाई ॥ राधा राखत कृष्ण बडाई ॥२३॥ एक ले लावत हरद कपोलन एकले पोंछत मृदुल पटोलन ||२४॥ एक कहे मोहन मुख मांडो ॥ एक कटे फगुवा ले छांडो ॥२५॥ एक आलिंगत एक अवलोकति ॥ चुंबनदेत परस्पर दंपति ॥२६॥ मगन भई आपुन न संभारत ॥ लालभुजा अपने उर धारत ||२७॥ यद्यपि गुरुनन सब कोऊ देखें ॥ तिनकों तरूणी तृणभर लेखें ।२८॥ कमलनमार मचीकर आडे ॥ ग्वाल टिके पगतोउन छाड़े ॥ २९॥ स्यामा स्याम सु गह गहि लाये ॥ श्रीदामा तन श्रीहरि चाये ॥३०॥ सगरे सखा छुडावन आये ॥ उन दिये जीत के ढोल बजाये ॥३१॥ बल कियो बीच ग्वाल समुझाई मोहन मिश्री मोल मंगाई ॥३२॥ फगुवा ले लालन छिटकाये ॥ हँसत गोपाल सखा तहां आये ॥३३॥ तबही स्याम हलधर पकराये ॥ करत तरुणी अपने मनभाये ॥३४॥ नयन आंज कज्जल मुख लावें ॥ हरद कलश हलधर शिरनावें ॥३५॥ बहुत भरे बलराम सबनमहि || धोरा गिरिमानो धातु चली बहि ॥३६॥ न्हान चले यमुना दुह्ुं टोलन ॥ केलि करत नरनारि कलोलन ॥३७॥ अतिरस बाढ्यो हो हो होरी ॥ सारद कहा वरनें मतिथोरी ||३८।| गिरिधर यश कृष्णजन गावे ॥ लीला सिंधु पार नहिं पावे ॥३९॥

Dhamar

Part3-294

Gouri

Chhel chhabilo dhota sabharchyo baaki chitavani bhronh

छेल छबीलो ढोटा सभरच्यो बाकी चितवनि भ्रोंह मरोर ॥ खेलन मैं बहुछंद फंदकर लेजु गयो चितचोर ॥१॥ अरी वह बन बन आवे वेणु बजावें गावे चटक मटक की गार ॥ हो हो बोले गलियन डोले हँसत सखा किलकार ॥२॥ हों ठाडी अपने द्वारे भोरें थोरोसो घूंघटमार ॥ आंखिन मांझ गुलाल मुठीभर गयो अचानक डार ॥३॥ बाके बडरे नयना मधुरे बेना कह्मो कछुक मुसिकाय ॥ श्रीविट्डल गिरिधरन गये मेरे हियरे चटक लगाय ॥४॥

Dhamar

Part3-296

Gouri