Thagat juvatijan kaanh thhag myrie .. daarat sir

ठगत जुवतीजन कान्ह ठग माईरी ॥ डारत सिर चितवन भुरकी महा ठग माई री ॥१॥ खेलत हाँसी फाँसी मेलि ठज०। ले मुरली मंतर सुनाई महा० ॥२॥ बीरी मोहि खबवाई ठण०। मानिनी मानि सिंगारि महा० ॥३॥ चाँचर चेटक लाइ ठग०। निंदित नंद-सुवन कही महा ० ॥४॥ सखा सर्व बुलाई ठग०। तित ही ठाडो जित जाई महा? ॥५॥ बगर बगर ब्रज डगर डगर ठग०।| टगर टगर टेरे गाय महा० ॥६॥ चरन लकुंटी लपटाय ठग०| हम इनको न पताय महा० ॥७॥ तबही और किसोर भोर ठग०। होत न छिन प्यारो न्‍्यारो महा० ॥८॥ दग तारा सुख देन ठगण०। गोविन्द प्रभु संग उठि धाये महा० ॥९॥

Dhamar

Part3-314

Gouri

Thaadhau hoe vraj-khori dhota kaun kau .. latihi

ठाढ़ौ हो ब्रज-खोरी ढोटा कौन कौ ॥ लटिहि त्रिभंगी इक पद (री) मनमथ-णौन कौ ॥ मोर मुकिट कछनी कसे (री) पीतांबर कटि-सोभ | नेन चलावे फेरिकै (री) निरखिरि होत मन लोभ ॥ भौंह मरोरे मटकिकै (री) रोकत जमुना-घाट ॥ चितै मंद मुसुकाइकै (री) जिय करि लेई उचाट ॥ हँसत दसन चमकाइके (री) चकचौंधी-सी होति ॥ बग-पंकति नव जलद मैं (री) उर माला गज मोति ॥ पिचकारी रतननि- जरित (री) तकि-तकि छिरकत अंग ॥ टेसू कुसुम निचोइकै (री) अरू केसरिकौ रंग ॥ फैंट शुलाल भराइकें (री) डारत नैननि ताकि ॥ एतेपै मन हरत है (री) कहा कहों गति वाकि ॥ पुनि हो हो करि मिलत है (री) नाना रंग बनाई ॥ नंद-सुबन के रूपपे (री) सूरदास बलि जाई ॥

Dhamar

Part3-315

Gouri

Aaju sakhee terein aavainge, hari khelan koo

आजु सखी तेरें आवैंगे, हरि खेलन को फाग री ॥ सगुन सँदेश सुन्‍्यौ हो तेरैं आंगन बोले काग री ॥ मनमोहन तेरे बस माई ॥ सुनि राधे बड़भाग री ॥ बाजत ताल, मृदंग, झांझ, डफ, का सोबै, उठि जाग री ॥ चोबा चंदन लै कुमकुम अरू केसरि, पैयाँ लाग री ॥ सूरदास प्रभु तिहारे दरसन, आवत अचल सुहाग री ॥

Dhamar

Part3-315

Shri Hatee

Vraj jubatin nagari radha pai, milli mohan

ब्रज जुबतीं नागरि राधा पै, मिलि मोहन ले आईं ॥ लोचन आंजि, भाल बेंदी दे, पुनि-पुनि पाई पराईं ॥ बेनी गूँथि, मांग सिर पारी, बधू-बधू कहि गाई। प्यारी हँसति देखि मोहन-मुख, जुवतीं बने बनाई ॥ स्याम अंग कुसुंभी नइ सारी, अपनें कर पहिराई | कोऊ भुज गहति, कहति कछु कोऊ, कोऊ गहि चिबुक उठाई ॥ एक अधर गहि सुभग अंगुरियनि, बोलत नहीं कन्हाई ॥ नीलांबर गहि खूंट चूनरी, हॉँसि- हँसि गाँठि जुराई ॥ जुबती हँसति देतिं कर तारी, भई स्याम ! मन भाई ॥ कनक-कलस अरगजा घोरि कै, हरिके सिर ढरकाई ॥ नंद सुनत, हँस महरि पठाई, जसुमति धाई आई ॥ पट-मेवा दे श्याम छुड़ायौो, सूरदास बलि जाई ॥

Dhamar

Part3-315

Shri Hatee

Naagar nand daa mainu dey daiy jaandan maaliyan . boliyaan

नागर नंद दा मैनु दे दै जाँदाँ मालियाँ । बोलीयाँ ठोलीयाँ कट्डि-कहि होलीयाँ गावदाँ दे दे तालियाँ | तकु दा फरदां सुधर सलौनियाँ सोहनी खेलनि बालियाँ ॥ लस्बरि ललचाई लवंद लावंदाँ ॥ चोली दे पिचकारियाँ ॥२॥ सानू अतर अंडियाँ बडियाँ चाखियाँ रति तालियाँ ॥ दिल डसि लेडियाँ सितम करेवियाँ जालिम जुल्फैं कालियाँ ॥३॥ मैंने दी फौजै-बिच लावैदियाँ भौंहें दें चल चालियाँ || रसिक सखी सौं हँसा मुख चुख लखि अखियाँ हौं दी सुखालियाँ ॥४॥

Dhamar

Part3-316

Shri Hatee

Hari-sanga khelan fagu chaleen ree .. chova,

हरि-संग खेलन फागु चलीं री ॥ चोवा, चंदन, अगरु, अरगजा, छिरकतिं नगर चलीं री ॥ राती पीरी अंगिया पहिरे, नव तन झूमक सारी ॥ मुख तमोर, नैननि भरि काजर, देहिं भावती गारी ॥ रितु बसंत आगम रतिनायक, जोबन-भार-भरी री ॥ देखत रूप मदन- मोहन कौ, नंद-दुवार खरीं री ॥ कहि न जाई गोकुल की महिमा, घर- घर बीथिनि-माहीं | सूरदास सो क्यौं करि बरने, जो सुख तिंहु पुर नाहीं ॥ ५ (के राग - श्री हठी ईड) खेलति फागु फिरति रस फूल ॥ स्यामा स्याम प्रेम बस नाँचति गावति सरस हिंडोरे झूले ॥ १ ॥ ब्रिदाबन की जीबनि दोऊ नट नागर बंसीबट मूलै ॥ “व्यास स्वामिनि! की छबि निरखति नैन कुरैंग फिरति रस भूले ॥२॥।

Dhamar

Part3-316

Shri Hatee

Shyam-sanga khelan chali syama sub sakhiyan

श्याम-संग खेलन चलि स्यामा सब सखियन कौं जोरि ॥ चंदन अगर कुमकुमा केसरि, बहु कंचन-घट घोरि ॥ उड़त गुलाल अबीर कुमकुमा, छबि छाई जनु साँझ ॥ नाहीं दृष्टि परत राधा- मुख, चंद निलंबर-मांझ ॥ खेलि फाग अनुराग बढ्यौ घर, मची अरगजा- कीच ॥ ब्रज-बनिता कुमुदिनि-सी फूलीं, हरि-ससि राजत बीच ॥ अष्ट सिद्धि, नव निधि ब्रज बीथिनि, डोलत घर-घर बार | सदा बसंत वृंदावन, लता-लता द्वुम डार | देखि-देखि सोभा-सुख-संपति, जिय मैं करतिं बिचार ॥ ब्रज बनिता हम क्‍यों न भई, यौ कहति सकल सुर-नार ॥ फाग खेलि अनुराग बढ़ायौ सबके मन आनंद | चले जमुन अस्नान करन कं सखा, सखी, नंद-नंद ॥ दुष्टनि दुःख, संतनि-सुख-कारन, ब्रज-लीला अवतार ॥ जै जै ध्वनि सुमननि सुर बरषत, निरखत स्याम-बिहार || जुमल किशोर-चरन-रज मांगौं, गाऊँ सरस धमारि ॥ श्री राधा गिरिवर-धर- ऊपर सूरदास बलिहारी ॥

Dhamar

Part3-316

Shri Hatee

Aeye raingila raing daari kai kitt jaadaan .. dhru0 ..

ए रैंगीला रैंग डारि कै कित जादां ॥ ध्रु० ॥ दुरि-आंदां तनक छिप-जादां तो चोर कहादां ॥ जब जानौं जसुमति के ढोटा सनमुख दरस दिखादां ॥१॥ गारी गादां घेरि मिलांदां लरिकन कं सिखलांदां ॥ भले भए तुम सुघर सयांने ब्रज में लोग हँसादां ॥२॥ पकरंगा तेरी पणिया रैंग हो तब तो कौंन छुड़ादां | निरलज निपट लाल लंगरबा सो सो सोगंद खादां ॥३॥ चोवा चंदन औरू अरगजा रोरी रुँँग मिलांदां ॥ आजु सखी “हरि दास” के ठाकुर इद् बिधि धूम मचांदां ॥७॥

Dhamar Panthji Laal

Part3-317

Gouri

Horry khelati haye nandlal .. ita sub sakhaa mandali

होरि खेलति है नंदलाल ॥ इत सब सखा मंडली राजति उत समूह ब्रज बाल ॥१॥ बाजति सरस मृदंग ढोल ढ़फ बीना बैनुं उपंग ताल ॥ छिरकति कुँमकुमा और अरगजा उड़ति अबीर गुलाल ॥२॥ गावति गारि मगन भई गोपी मीठी परम रसाल ॥ फगुवा मिसि गिरिधर गहि आने लींनीं और बनमाल ॥३॥ रस बस भई सकल ब्रज वनिता अंग न कछु सँभाल ॥| गोविंद प्रभु पिय की बलिहारी अंबुज बदन रसाल ॥४॥

Dhamar

Part3-318

Hameer

Khelan aaye hari nandgaamaten rung bheene barasaane ..

खेलन आये हरि नंदगामतें रंग भीने बरसाने ॥ मृगमद मेद अरगजा चोवा सब नारी नरसाने ॥१॥ दूम ढिंग छांड भांड केसर मुख रिझत सुख सरसाने ॥ बिन कारज कारज कर राखे शोभित चख अरसाने ॥२॥ सोई अंजन बिष ईशद लोचन करें मदन खरसाने ॥ “कृष्णजीवन' लछीराम के प्रभु माई खेल लखजीये जलथर वाने ॥३॥

Dhamar

Part3-318

Hameer

Naval kunwar vrajaraay key laal khelat russ bharey

नवल कुंवर ब्रजराय के लाल खेलत रस भरे होरी हो ॥ गौर स्याम तन राजहीं ओर बल मोहनकी जोरी हो ॥१॥ ऊँचे चढ जबटेरिया सुबल श्रीदामा भाई ॥ श्रवण सुनत सब धाईयो ओर बोलत कुंबर कन्हाई ॥२॥ मंदिर ते सब सज चले जाय जुरे सिंघपोरी ॥ मोहन- मुरली बजाईयो सुनत ब्रज वधू दोरी ॥ ३॥ चहंंदिशते बाजे बजे रुज मुरजडफ ताल ॥ दुंदुभी डिमडिम झालरी विचविच बेणु रसाल ॥४॥ द्रजजन सब एकन्न भये एक ओर ब्रजनारी ॥ गाबत गीत सुहावने हसहस देतबगारी ॥५॥ अरगजा भरभर पिचकाई अंचल बीच दुराई ॥| बलरामकृष्ण कों छिरकहीं वदनमोर मुसिकाई ॥६। कोप सखा सनन्‍्मुख भये अरगजा कुंकुम घोरी ॥ घेरसकल ब्रज सुंदरी एक एक करबोरी ॥७॥ युवती यूथ मध्य राधिका उत ब्रजराज किशोरा ॥ युग शशि रूप किरण पीबें लोचन चारुचकोरा ॥८॥ सब सखियन मिलमतो मत्यो मोहनकों पकराई || छल बल तो नहीं पाइये किहिं मिस पकरें जाई ॥९॥| ललिता आगे लेदोरी मोहन लीनेघेर ॥। पियप्यारी गठजोरियो हसत वदन तनहेर ||१०॥ गाल बहृत तुम मारते सुनों सखा वलभाई ॥ जाय कहां ब्रजराजते मोहन लेडु छुडाई ॥११॥ यह विध होरी खेलहीं देत सकल आनंदा ॥ गोविंद बलबल बलजाई जयजय गोकुल चंदा ॥१२॥

Dhamar

Part3-318

Kalyan

Horry khelat kumar kanhai .. chova chandan

होरी खेलत कुमर कन्हाई ॥ चोवा चंदन अगर कुमकुमा धरणी कीच मचाई ।|१॥ अबीर गुलाल उड़ाय ललितादिक शोभा वरणी न जाई ॥ अरस परस छिरके चु श्याम को केसरि भरी पिचकाई ॥२॥ नख सिख अंग परम रूप माधुरी भूषण वसन बनाई ॥ गिरिवरधर की यह छबी निरखत कुभंनदास बलि जाई ॥३॥

Dhamar Panthji Laal

Part3-318

Bihaag