Horry dey khyaal bich yeh kyakita .. menul-

होरी दे ख्याल बिच यह क्याकीता ॥ मेनूल- गाय छरी फूलोंदी सिरदा घृंघट खोल बेलीता ॥१॥ पथां जुलाल आंखों विचमैंडी देखनदासुख छीताबेछीता ।| सखी देखेंदी लाजमरोंदी चुंबन गालोंदीता ॥२॥ ऐसी न कीजे निगडनंददे कह्लेलांदा ब्रज जनदा मीता ॥ रसिक प्रीतम नाल हा हा खांदी हों हारी तू जीता वे जीता ॥३॥

Dhamar Panthji Laal

Part3-318

Bihaag

Hadt! vrajraj ladeto gaaiye laal manmohan jaako

हैड्ट! ब्रजराज लडेतो गाइये लाल मनमोहन जाको नाम ॥ खेलत फागु सुहावनों रंग भीज रह्यो सब गाम ॥ १॥ ताल पखावज बाजहीं डफ सहनाई भेर ॥ श्रवण सुनत सब ब्रजबधू झुंडन आई घेर ॥२॥ उतही गोप सब राजहीं इत सब गोकुल नारि ॥ अति मीठी मन भावती देत परस्पर गारि ॥ ३॥ चोवा चंदन छिरकहीं उडत अबीर गुलाल ॥ मुदित परस्पर खेलहीं होरी बोलत ग्वाल ॥४॥ एक सखी मोहन गहिआने प्यारी पकरेहाथ ॥ गोपी भेष बनाय के रचबेनी गुंथीमाथ ॥५॥ बहु रमतो कर सुंदरी हलधर पकरे जाय || नवकेसर भुख मांडके आयेडें आंख अंजाय ॥४॥ पीतांबर मुख मूंदकें निरख हँसे नंदलाल ॥ दाऊ जू आज भले बने कूकेंदेत गुवाल ॥७॥ सिमिट सकल ब्रजसुंदरी ब्रजपति पकरे धाय ॥ करत सबे मन भामतो नेंकनराखतकाय ।॥|८॥ तब नंदरानी बीच कियो मेवा दियो संगाय ॥ पट आभूषण पहरायकें हषी केश बलजाय ॥५९॥

Dhamar

Part3-319

Kalyan

Srigovarthanrai laalaa .. pyaare laal tihaare

श्रीगोवर्थनराय लाला ॥ प्यारे लाल तिहारे चंचल नयन विशाला ॥ तिहारे उरसोहे वनमाला | यातें मोहि रही ब्रजबाला ॥ध्रु०)। खेलत खेलत तहां गये जहां पनिहारिन की वाट ॥ गागर ढोरें सीसते कोऊ भरनन पाबे घाट ॥ १॥ नंदराय के लाडिले एसो खेल निवार ॥ मनमें आनंद भररह्यौ मुखजोवत सकल ब्रजनार ॥ २॥ अरगजा कुंकुम घोरके प्यारी लीनों कर लपटाय ॥ अचकां अचकां आयकें भाजी गिरिधर माल लगाय ॥३॥ यह विध होरी खेलही दक्रज वासिन संग लगाय ॥ गोवर्धन धर रूप पर जन गोबिंद बलबल जाय ॥४॥

Dhamar

Part3-319

Kalyan

Khelat giridhar faag atee anurag bharey horry

खेलत गिरिधर फाग अति अनुराग भरे होरी के ॥ ग्वालन संग गोकुल गलीयन में गोहन लगे गोरी के ॥ १॥ पिचकाइन पलाश कुसुम जल बूका बंदन भरझोरी के ॥ बोरी रंग में अंगअंग भाव भरी ब्रज भामिनि भोरी के ॥२॥

Dhamar

Part3-319

Kalyan

Giridhar yamuna tata kunjanmein khelat faag suhavanon

गिरिधर यमुना तट कुंजनमें खेलत फाग सुहावनों ग्वाल मंडली बल संगलीने आनंद प्रेम बढावनों ॥१॥| परम रुचिर उज्ज्वल वसनन ले अंगअंग भेख बनाबनों ॥ अगर सहित मृगमद गोरासों अरगजा घोर लगावनों ॥२॥ अति सुरंग केसर के रससों हाटक घटभर लावनों ॥ रत्न जटित पिचकाई भरले ब्रज वधु बनवर धावनों ॥३॥ नवसत साज सिंगार राधिका रूप अनूप दिखावनों ॥ ब्रज नारी सब जोर साथले सन्मुख गुलाल उडावनों ॥|४॥ सौरभ अधिक अबीर सेतसों भरभर मुठी चलावनों ॥ हो हो हो हो बोल सखिन संग लाल गुलाल उडावनों ॥ पटह झांझ झालर आवजडफ ताल मृदंग बजावनों || राग कल्याण जमाय सप्तस्वर तान मान सों गावनों ॥६॥ मधुमंगल बोल्यो हलधरसों अब कहामतो उपावनों ब्रजबनि तनकी सयना आगें केसेंक होय बचावन ॥७॥ तब बल दाऊ मतो रच्यो मन ललितानेंक बुलावनों वदिये चतुरजो दाव विचारे चित्तकों यह सिखावनों ॥८॥ सुन मधु मंगल ललिता टेरी नेंक यहां लों आवनों || मेजिय मांज उपाय बनायो करिये तुम मन भावनों ॥९॥ तब हरि हित ही बोली हसकें यह निश्चय ठहरावनों ॥ तुम सब दूर रहो ठाडे ब्हे हमही स्याम पकरावनों ॥१०॥ छल बल कर पकरेजु अचानक कीनों सकल खिलावनों ॥ सुबल श्रीदामा आदि सखा सब याहा को जो मिलावनों ॥१ ६॥ मनमोहन संभ्रम सन्मुख व्हे बोलत बोल सुहावनों ॥ सखा यूथ में देखी ललिता ठाड़ी करत जनाजनों ॥१२॥ प्रीतम कोंपकरन दोरी राधा गद्यो श्याम सुख छाबनों ॥ नयनन नेन मिलत मुसिकानी रहतन नेडदुराबनों ॥१३॥ युवती सब मिल झुंडन गावत भारी छंद मचावनों ॥ सुर ललना सब देख थकित भई कोन पुन्य ब्रज पावनों ।। १ 9॥ प्रमुदित मनसों अष्टयामजुर राधा पति हिलडाबनों ॥ यह रस तजजे और जो चाहे सोतो जन्म गमावनों ॥ १ ५॥ कोकविवरणिसके या सुखकों देखत दुख विसरावनों || शुकपिक मोर मधुप गण बोलत ऋतु वसंत हडुलसावनों ॥ १ ६॥ सुन बिनती सुत नंदरायके फगुवा बहुत मंगावनों ॥ यह जोरी अब चल चिरजीयो ब्रजनित हो हु बधावनों ॥१७॥ राधा कृष्ण अमृत रस सागर क्‍यों घट होय समावनों ॥ गोकुल चंद चरण पंकजरज निशदिन तन लपटावनों ॥१८॥

Dhamar

Part3-320

Kalyan

Horry khelat madan gopal sanga liye vrajbal ..

होरी खेलत मदन गोपाल संग लिये ब्रजबाल ॥ छिरकत आन परस्पर हरखत किलक देत करताल ॥१॥ बाजत डफ मृदंग ओर ताल विचविच वेणु रसाल ॥ प्यारी लई घन सारकी झोरी पियहि अबीर गुलाल ॥ २॥ ललिता चंद्रावली मतोकर पकरे स्याम तमाल || रामदास प्रभु फगुवा दीनों श्रीगिरिधर मणिलाल ॥|३॥

Dhamar

Part3-321

Kalyan

Argaja gulal chhirkat vallabh laal key sanga ..

अरगजा गुलाल छिरकत वल्लभ लाल के संग ॥ अतर गुलाब ओर चोवा चंदन कुंकुमा भरत पिचकारी लाई ब्रजनारी सब विविधि भांत सों बहुरंग ॥|१॥ वरणवरण अंबर तन पहरे आभूषण अति विचित्र छबि जावत सरस सुरतान मानसों पुलकित अंग ॥ बलल्‍्लभ पिय सन्मुख निरखत हैं सब ज्यों चकोर चंदा तन चितबत्त नयन निरखत उपज्यो प्रेम अनंग ॥२॥

Dhamar

Part3-321

Kalyan

Hari sanga hoe hoe hoe horry khelat radha gori ..

हरि संग हो हो हो होरी खेलत राधा गोरी ॥ तरुणी समूह तरणि तनया तट मंडित मोहन जोरी ॥ १॥ नब ऋतुराज समाज सहित बहुरंग लता द्रमफूले || मोर मराल मधुप कोकिल कल कूजत आनंद मूले ॥२॥| बानिक विपिन विलोक युगलवर हर्षित हें हिय मांही ॥ रच्यो खेलन व फाग रसिकवर कल्प तरूवर छांही |।३॥ बाजत वेणु मृदंग चंगमुख चंग अना गततिलावें ॥ नायक निपुण कनक बरणी तरूणा तारी देदे गावें ॥४॥ एक सखी बन वेष स्यामको संग सखा सब सोहें ॥ चेत गीत बहुभांत बेनकल सुनत श्रवण मनमोहें ॥|५॥ अति अद्भुत युगटोल परस्पर बोल वदत मनभाये ॥ कोटि अनंग अंग पावत सुन जेर सग्रंथन गाये ॥६॥ विविध सुंगध अरणजा दुंहुंदिश रंग बढ्यो अति भारी ॥ परम प्रवीण सुघर घातन मोहन बृषभान दुलारी ॥|७॥ रुपे सुभट रणधीर उभयदल छल बल टरत न टारे ॥ छिरकत भरत बचावत विहसत रूप यौवन मदभारे ॥८॥ नयनन सयनन विवश किशोरी लाल गहे भर कोरी || सहचरी गण भरभर पिचकाई हो हो हो कर दोरी ॥९॥ मृगमद साख जवाद कुंकुमा सुभग सीसतें नावे ॥ नायक नाम पलट पिय को प्रभु डांगन वसन बनावे ॥| १ ०॥ मोहि रहे ब्रजराज सांवरे अंग बनी रंगसारी ॥ राजत दीठ बचावत भाजत निजतन निर्खत नारी ॥१ १॥ टेढी पाग पीतपट शोभित ग्रीव गौर भुजदीने ॥ कीरति कुंवर बनी राधापति त्रिय नंद सुत कीने ॥१२॥ ललितादिक सींचत सुख नयनन भूषण पलट बनावे ॥ रीझरीझ तृण तोर मुदित मुख मोर हंसें कछु गावें ॥१३॥ शारद सकुच निरख दंपति सुख वर्णन कों मति थोरी ॥| स्याम निकुंज बिहारिण प्यारी प्रीतम नवल किशोरी ॥१४॥

Dhamar

Part3-321

Kalyan

Liye sakal sonj horry kii naval kishori juu

लिये सकल सोंज होरी की नवल किशोरी जू मयनन में ॥ सेत अबीर स्याम तागर सुत नेह फुलेल सन्‍्यों नयनन में ॥१॥ कुटिल कटाक्ष छूटत पिचकाई प्रीति रंग भरभर नयनन में ॥ लाल गुलाल अरुण अरुणाई मिलवत ललित सख्ली नयनन में ॥२॥ विहंसन फगुवा देतलेतहें सहचरी हूं न लखे नयनन में ॥| रस भीजे रीझे पिय प्यारी जगन्नाथ पूरण नयनन में ॥३॥

Dhamar

Part3-322

Kalyan

Khelat manmohan horry atee russ rung bheene ..

खेलत मनमोहन होरी अति रस रंग भीने ॥ गाय गाय और रीझरीझ मीठी मीठी तानन लीने ॥१॥ काहूको हार तोर काहूकी भुज मरोर काहूकी कंचुकी के बंद छोर दीने ॥ कृष्ण जीवन लछीराम के प्रभु देखे कोटि मदन की छबि छीने ॥२॥

Dhamar

Part3-322

Kalyan

Horry khelat kunj bihaari .. sanga liye kesar

होरी खेलत कुंज बिहारी ॥ संग लिये केसर कुंकुम भर पिय पर प्यारी डारी ॥१॥ चोबा चंदन अगर अरगजा चरचित ब्रज की नारी ॥ तक तक छिरकत मोहन कों किलक देत करतारी ॥२॥ मदन गोपाल गहे श्रीराधा हम हि देहु फगुवारी ॥ श्रीमिरिधर लाल दियो तहां सर्वस्व रामदास बलहारी ॥३॥

Dhamar

Part3-322

Kalyan

Khelat horry laal sanga liyein vrajkulke baal ..

खेलत होरी लाल संग लियें ब्रजकुलके बाल ॥ ब्रजकी पोरी खोरी व्रजराज की दोरी सबहिन कों छिरक कर फेंट गुलाल ॥१॥ ब्रजकी नारी मारी देंदे गावत हँसत गुवाल ॥ यह विध ब्रज रंग छायो सुंदर रसिक रसाल ॥२॥

Dhamar

Part3-322

Kalyan