Momen yeh vyaapi pucker mohan penwair lehuun ..

मोमन यह व्यापी पकर मोहन पेंवैर लेहूं ॥ सब सखियनमें छिपजो चलों पाछेते दौरि जाय अंजनदेहूं ॥१॥ कर गहि पीठ गढाय कुचनसों कान पकरकें गुलचा देहूं ॥ कृष्णनीवन लछीराम के प्रभुषें मनभायो हों फगुबा लेहूं ॥२॥

Dhamar

Part3-322

Kalyan

Curr hoe hoe holein ray khelat piya daarat pichkari ..

कर हो हो होलें रे खेलत पिय डारत पिचकारी ॥ बाढ्यो हे राग रंग परण गति सहत गावत नीकी तान देतारी ॥१॥ केसर रंग भर भर जु चलावत आबत सोह़े लाजत नारी ॥ एक भर छिरकत नयनन में भीजत रंग त्तन तन रही रंग सारी ॥२॥

Dhamar

Part3-323

Kalyan

Khelongi piya sanga horry khelongi .. nava nikunj

खेलोंगी पिय संग होरी खेलोंगी ॥ नव निकुंज ठाड़े मोहन के उर गूंथि कुसुम माल मेलोंगी ॥१॥ होरी की पून्यों पूरण शशि प्रेम सिंधु रस झेलोंगी ॥ रस बश ब्हे निधरक ब्रजपति सों आरज पंथपण पेलोंगी ॥२॥

Dhamar

Part3-323

Kalyan

Maaee horry khele kaanh kunjan mein jhundan mein

माई होरी खेले कान्ह कुंजन में झुंडन में या गोकुल के ग्वेंडें ॥ ढीठलबार कह्यो नहिं मानत वह परचो है सबन के पेंडें ॥१॥ कंचन की पिचकाई कर लिये डोलत अपनी ऐंडें ॥ कृष्ण जीवन लछीराम के प्रभु पिय तोरत लाज की मेंडें ॥२॥

Dhamar

Part3-323

Kalyan

Hoe horry key khilar hoe joo chatur sambhar hamari

हो होरी के खिलार हो जु चतुर संभार हमारी वार ॥ रंग सुरंग तुम हम पर डारत सन्मुख ले मुख ते घुंघटटार ॥१॥ डरत न टरत भरतही आवबत नेंक न छांडत मेरे घरको द्वार ॥ कृष्ण जीवन लछीराम टरो किन नातर र्वैहो जार ॥२॥

Dhamar

Part3-323

Kalyan

Khelat faag laal rung bheene .. tesei sakal

खेलत फाग लाल रंग भीने ॥ तेसेई सकल सुघर लरका बने बलदाऊ संग लीने ॥१॥ बाजे बजत विविध बहु भांतन ताल मृदंग झांझ कठताल ॥ आबज रुंज मुरज डफ बीना सुर मंडल मुख बेणु रसाल ॥२॥ दुंदंभी मदन भेरि सहनाई पंच शब्द मिल घुरत निसान ॥ मह॒वर ढोल सहनाई घोरवसु नियत कान ॥३॥ इतनायक ब्रजराज लडेंतो उत्त चंद्रावलि नारी ॥ कोकिल स्वर मिल गावत झुंडन रीझ देत चोंखन सों गारी ॥४॥ सुंदर बनी कनक पिचकाई आरगजा के सर कुंकुमा घोरी ॥ मृगमद मलय कपूर आदि सोंधो जवाद छिरकत मुख मोरी ॥५॥ सुरंग गुलाल उडाबत झोरी ग्वाल सखा समूह इकठोरी ॥ हो हो हो हो होरी बोलत देख देख लालन की ओरी ॥६॥ ब्रज सुंदरी मतो मत्यो आपस में क्‍यों हूं लालन लीजे घेरो ॥ जब दोरी सब मिल एकत्र व्हे सेनन प्यारी के नयनन हेरी ॥७॥ पकरे जाय यसोदा नंदन झकझोरत मोतिन दयो हार ॥ मुरली झटक प्यारी कर पीवत मुखसों मुख मधु धार ॥८।॥ रस वशभये रसिक दोऊजन सुध न रही कछु तिहिं अवसर तन ॥ अंग अंग प्रति अमित माधुरी वे जाने के ऊनहीं को मन ॥९॥ तब चंद्रावलि काजर ले के आंजे पियके नयन संभार || शोभा निरख एक टक व्हे तन मन धन कियो बलहार ॥१०॥ यह भांतन जू सकल ब्रजसुंदरि करत आपने मनको भायो ॥ प्रेम मुदित अखिल गुण पूरण रसिक राय तहां रसही पायो ॥ ६ १॥ फगुवा लियो दियो सर्वस्व तहां प्रफुल्लित मन तहां देहि असीस ।। जसोदा नंदराय व्रजभूषण लाल चिरजीबो कोटि बरीस ॥१२॥ सोंधे सब फब रह्यो मनोहर तेसो ही शोभित सावल अंग ॥ मानो मदगज घस रंग संभारच्ो करिणी यूथ लिये अपने संग ॥१३॥ यह विध खेलत सब मिल ब्रजमें आनंद सिंधु बढ्यो चहुँओर ॥ प्रेम ममन निरखत लालनकों नहीं जानत कीने निस भोर ॥१४॥ अतिही उत्साह भरी ब्रजरानी करत आपही बहु सनमान ॥ मागन देत अमोलिक भूषण पट अंबर कंचन मणिदान ॥ १ ५॥ क्‍यों वरनें मन हीन छीन बल लीला जल निधि परम रसाल ॥ गिरिधर पिया वल्‍लभ श्रीविद्ठल चरण कमल रज प्राण आधार ॥१६॥

Dhamar

Part3-323

Kalyan

Sub vraj key sirtaj nand suta horry khelein ..

सब ब्रज के सिरताज नंद सुत होरी खेलें ॥ सुबल सुबाह श्रीदामा मधु मंगल युवती दल पेलें ॥१॥ कमलन मारजु होत परस्पर सुख समूह अति झेलें ॥ मधुर सुगंध केतकी ले लें मानो कामकी सेलें ॥२॥ ताल निसान पटह बाजेंबाजें मधुर मृदंग था घिलांग चलें ॥ स्याम बजाय मधुर मुरली रव खणगमृण मुनि मन ठेलें ॥३॥ अबीर गुलाल कुंकुमा चोवा छिरकत करें बहु खेलें ॥ महँक रह्यो सोंधो चहुंदिशतें चली सुगंध की रेलें ॥9॥ अकेले कर पकरे बलदाऊ घिरि आईं सब छेलें ॥ अंग विचित्र बनाय सबनके नयनन काजर मेलें ॥५॥ छुडाय लये फगुवा दे जसोमति मदन नृपति के झेंले ॥ ख्लेलत रंग रह्यो अतिभारी बिशद कीरति फेलें ॥६॥ घोष नृपति सुत श्याम तमाल राधाजू माथवी वेलें ॥ खंजन मीन लजावत रसभरे सुंदर नयन वडेलें ॥७॥ खेलत फाग घरकों चले सब णावत गीत पहेलें ॥ पिय प्यारी दोऊ श्रमित भये कहे गोबिंद माला ले मेलें ॥८॥

Dhamar

Part3-324

Kalyan

Khelat naval vallabh piyhori .. raajat hain

खेलत नवल वल्लभ पियहोरी ॥ राजत हैं सब सभा सहित अरू जुरि आईं नवल किशोरी ॥१॥ रही ढर पाग लाल भाल पर अरू अनुराग रंगसों चोरी ॥ रत्न जटित सिरपेच जगमगे रदह्यो रवि निरख डोर रथ तोरी ॥२॥ चूनी चोली चुपरि चतुराइन चतुर नायक तन पहरे सोरी ॥ विविध भांत सों धोता ऊपर वरन सके एसो कबि कोरी ॥३॥ मृगमद साख जवाद अरगजा ओर कपूर केसर ले घोरी ॥ दामिनिंसी कामिनि प्राण वलल्‍लभकूं आई छिरकत हसत मुख मोरी ॥|४॥ मृदंग तालडफ बीन बजाबत नाचत गावत हैं चडुओरो आओरी ॥ रह्यो अबीर छाय चहुंदिशते लसत हैं कनक वरण तन गोरी ॥५॥ होत प्रसन्न निरख भक्तन तन मृदु मुसकाय लेत चितचोरी ॥ भई रस मणन बदत नहीं काहू हैं अलबेली वेश न थोरी ॥६॥ श्रमित जान जब करत आरती तनमन प्राण न देत अकोरी ॥ मुरली प्रभु बल्‍लभ सुखत्र निरखत रति पति ब्हे गई मति बोरी ॥७॥

Dhamar

Part3-325

Kalyan

Arie maaee hoe horry hoe chhori .. assie chanchal

अरि माई हो होरी हो छोरी ॥ एसी चंचल चाल चोरी काम चली हे मानो रोरा रोरी ॥ १॥ विथुरे वार सारंग ले संभारत भीजत पीठ तरक गई चोरी ॥ वेनीके फुंदना बिराजत सबहीं चली मानो दोरा दोरी ॥२॥ उडत गुलाल अबीर सुरंग स्यामा स्याम भीनी रंगजोरी ॥ कृष्ण जीवन लछीराम के प्रभुसों होय रही झकझोरा झकझोरी ॥३॥

Dhamar

Part3-325

Kalyan

Laal tum khelo horry bhar muthee daar gulal ..

लाल तुम खेलो होरी भर मुठी डार गुलाल ॥ चोबा चंदन ओर अरगजा अबीर लिये भर झोरी ॥१॥ बाजत ताल मृदंग अधोटी वीन बजावत ध्वनि थोरी ॥ सूर श्याम रस वश कर लीने राधा नवल किशोरी ॥ शा

Dhamar

Part3-325

Kalyan

Aavo milli vraj kii naari horry dhoom machaao ..

आवो मिलि ब्रज की नारी होरी धूम मचाओ ॥ चंदन बंदन कुमकुम लै मोहन मुख लगावो तारी दे गारी गाओ ॥|१॥ केसर कनक पिचकारी भरले करन धाओ ॥ 'हरिकिसोरि' सनमुख होय धारसौ धार मिलाओ ॥२॥

Dhamar

Part3-326

Kalyan

Aise naa horry kheliye hoe kanhaiya yeh naheen

ऐसे ना होरी खेलिए हो कन्हैया यह नहीं खेलन कौ ढंग ॥ मैरी आँखिन में गुलाल उड़ावति आप बचावति अंग ॥ १॥ आईं अचानक पकरति पहुँचौ कौन करै तेरी संग 'कृष्णजीबन लछीराम' के प्रभु कैसें पतिये ए छिनु-छिनु औरे रंग ॥२॥

Dhamar

Part3-326

Kalyan