) sbellen koo shyamaju chully giridhar piyapas ..

) स्बेलन को श्यामाजू चली गिरिधर पियपास ॥ नवसत साज सिंगारहीं चंदमुखी मृद्हास ॥ १॥ सखी जुरी चहुंदिशतें लेखेलन को साज ॥ ज्यों करिणी मदमाती ढूंढत मद गजराज ॥|२॥ बीनर बाव किन्नरी वाजत मृदंग सुचंग ॥ ललितादिक मध्य स्यामा गावत सब मिल संग ॥३॥ श्रवण सुनत गिरिधर पिय श्रीस्यामा को राग ॥ अंकभरे प्यारीकों लूटत परम सुहाग ॥४॥ करसों करजोरे बैठे कुंज कुटीर ॥ ललित लता गुच्छन में वोलत मधुकर कीर ॥५।| केसर मृगमद रोरी सुरंग गुलाल अबीर ॥ पियप्यारी मिल खेलत छिरकत चंदननीर ।।६।। बीरी खात खवावत हरखत मुख हसदेत ॥ आलिंगन अति रससों कंठ भुजा भरलेत ॥७॥ कुंज महल में क्रीडत दंपति अति सुखरास ॥ यह लीला नितगावे अतिवड भागीदास ॥ ८॥

Dhamar

Part3-330

Raayaso

Nikse khelan horry haldhar giridharlal | subal

निकसे खेलन होरी हलधर गिरिधरलाल | सुबल सुबाहू श्रीदामा संग सखा व्रजबाल ||१॥ बन ठन बन ठन निकसे चले यमुना के तीर ॥ चोवा चंदन मृगमद फेंटन भरे अबीर ॥२॥| करन कनक॑ पिचकाई केसर भरी कमोर || उडत गुलाल सुरंग रंग मानो उनयो घनघोर ॥३॥ गयो हे गुलाल ऊंचोचढ द्रुमणये सकल सुरंग ॥ वाजत भेरि दमामा आवज ताल मृदंग ॥|४॥ सुन ग्वालिनि कोलाहल निकस चली ब्रजनारि ॥ झुंडन मिल आईं सबदेत भामती गारि ॥५॥ करन पोहडोपन वलासी करत परस्पर मार ॥ अचरा ओट पिचकारन मारत धारसोंधार ॥६॥ सिमिट सकल ब्रज सुंदरी कर गुलाल अंधियारी ॥ घेरले गई लाल को ललिता भर अंकवारी ॥७॥ नयनन अंजन आजकें मृगमद मुख लपटाय ॥ हो हो होरी बोलत हँस कर ताल बजाय ॥८॥ स्यामा के नील वसनसों जोरत गांठ बनाय ॥ दोऊहें अति सुंदर यों कहि लेत बलाय ॥९॥ छीनत मुरली कर तें एक लकुटिया छिनाय | एक कहत तुम फगुवा देहु हमें ब्रजराय ॥ १ ०॥॥ मेवा बहुत मंगाई भूषण वसन अमोल ॥| देत असीस सकल गोपीजन अंचल ओल ॥११॥ चिरजीयो यह जोरी युग युग गोकुल गाम ॥ विलसो सदा यह सुख श्रीवृंदावन ठाम ॥१ २॥ गोवर्धनधर विहरत यह बिधफाग विलास श्रीवल्लभ श्रीविट्टल पदरज गाबत दास ॥१३॥

Dhamar

Part3-330

Raayaso

Oonchau saun gokul gaunm jahain hari khelati horry ..

ऊँचौ सौं गोकुल गॉँम जहैँ हरि खेलति होरी ॥ चलौ सखी देखनि जाई पीया अपने कौं चोरी ॥१॥ बाजति ताल मृदंग और किन्नर की जोरी ॥ इत गोपीन को झुंड उत्ते हरि हलधर जोरी ॥२॥ बूका सुरँग गुलाल उड़ावति भरि भरि झोरी ॥ गाबति दै दै गारि परसपर आऑमिनि भोरी ॥३॥ नबल छबिले लाल तनी चोली की तोरी ॥ राधा जू अली रिसाई ढीठ सौं खेले को होरी ॥४॥। खेलन में कैसी मान सुनौ बृषभानु किसोरी ॥ 'सूर' सखी उर लाई हँसति भुज गहि झकझोरी ॥५॥

Dhamar

Part3-331

Raayaso

Horry kau sukh adbhut mopai baranyau naan jaaee ..

होरी कौ सुख अद्भुत मोपै बरन्यौ न जाई ॥ अति आनंद हलसति मन प्रेम परसपर छाई ॥१॥ प्यारी राधा सँग जुरि जुरि सब ब्रजनारी आई ॥ ग्वाल बाल नैँदलाल जु मन में सबु सुख पाई ॥२॥ अबीर गुलाल अरणजा कुँमकुमा छिरकै रंग ॥ कुंज कुटिर में बैठे राधा गिरिधर सँग ॥३॥ ललिता श्रीमुख माँड़े अंजन नैन बनाई ॥ तारी दे सब नारी मुख सौं होरी गाई ॥४॥ राधा प्यारी दुलहिनि दुल्हे नंदकुमार ॥ सीस सेहरौ सोहै छबि लागति जु अपार ॥५॥ गारी गाबैं हिलिमिलि बरसाने की नारी ॥ बाजे बह बिधिि बाजैं सब मिलि दे कर तारी ॥६॥ कर सौं कर तब जोरे फिरि भाँवर लेति ॥ अँचल ले दोऊन के गाँठि सबै मिलि देति ॥७॥ आरतो कर ललिता जु सुख सौं मंगल गाई ॥ देति असीस सब मिलि “सूरदास” बलि जाई ॥८॥

Dhamar

Part3-331

Raayaso

Maaee aaj tou mohan sanga rangbhari khelongi ..

माई आज तो मोहन संग रंगभरी खेलोंगी ॥ लोकलाज पायनसों पिछोंडी पेलोंगी ॥१॥ निंदरोंगी आरज पंथ नैंकु न डरोंगी ॥ निधरक अंकवार पिया को भरोंगी ॥२॥ केसर के रंग रंगीलो करोंगी ॥ बेसरि मोती काजें फगुवा कों अरोंगी ॥३॥ ललित त्रिभंगी रस ढरन ढरोंगी ॥ रति पति रण ब्रजपति सों लरोंगी ॥४॥

Dhamar

Part3-331

Jejvanti

Faag anurag bharey kheltahen girdhari aeka yuvati

फाग अनुराग भरे खेलतहें गिरधारी एक युवती मध्य राधा सुकुमारी ॥ फेंटन अबीर भरे संग संग रंग करें लिये हाथ रंग भरी कनक पिचकारी ॥१॥ वाजत मृदंग ताल भेरि दुंदुभी रसाल वेना बीन डफ सहनाईं ध्वनि सुखकारी || उत्सव गोपीजन परम मुद्दित मन हँस हँस रसभरी गावत मीठी भारी ॥२॥ आय जुरे दोऊ टोल आनंद हृदे कलोल छिरकत गोपगण देख देख ब्रजनारी ॥ झोरी भरले युलाल उडवत ब्रजबाल मच रही गगन चहूं दिश अंधियारी ॥३॥ ताही समें प्यारी धाय पकरे मोहन जाय गह्टि छल बल आंख आंजत अनियारी ॥ अंग अंग लपटाय लये लाल उरलाय यह छबि निरखत दास जन बलहारी ॥४॥

Dhamar

Part3-332

Jejvanti

Horry khelan aaeen aaj hoe hoe hoe hoe horry

होरी खेलन आईं आज हो हो हो हो होरी सरसानी मधुवन की नारी ॥ अपने पतिन तज तज धांई ॥१॥ घेर लयो गोकुल चहूँओर ते हरि पकरवे की लाह लगाई ॥ ग्वाल बाल सब भये हैं दुचिते ललिता गहि हलघरजू को लाईं ॥२॥ आतुर वश जब भये लालजू भूल गये सबही चतुराई ॥ ऐसी मार परीहे परस्पर नंदपौरि यमुनां ताई ॥३॥ फेंट पकर कोऊ फगु॒वा मांगत कोऊ बंदन रोरी लेधाई ॥ अंचल की ढाल मुख ऊपर नयन थकी सेनन बान चलाई ॥७॥ नवसत साज चली सजनी सब मनो छूटे गज गहे हैं लुगाई ॥ 'सूरदास” हलधर दोऊ रोके लगहु गुहार गोपाल गुसाई ॥५॥

Dhamar

Part3-332

Jejvanti

Horry kheleri nandako nandan sukhdai .. ragamage

होरी खेलेरी नंदको नंदन सुखदाई ॥ रगमगे ग्वाल बाल सब नाचत कहा कहें सुंदरताई ॥१॥ किन्नरी झांझ ताल डफ बीना मुरली महुबर बाजत माई ॥ चोवा चंदन अरगजा कुंकुम मृगमद केसर नीर मिलाई ॥ २॥ गोपन करन कनक पिचकाई सुरंग गुलालन फेंट भराई ॥ हँस हँस वरखत युवती यूथ पर वंसन लेत तरुणी तब धाई ॥३॥ प्रीतम आन गहे प्यारी तब करते मुरली लई छिनाई |। फणगुवा मगाय दियो सबहिनकों तबही जाय मुरली भें पाई ॥३॥ देत असीस उलट गोपीजन यह ब्रजराज करो व्रजराई ॥| चढ विमान इंद्राविक आये कुसुमन की वरखाजु कराई ॥५॥ गोपबधू तन वारत सब ब्रजजन संग लगाई ॥ तिटष्ठिं अवसर तन मन धन प्रफुल्लित रघुवीर वारनें जाईं ॥६॥

Dhamar

Part3-332

Jejvanti

Arrie horry khelan jaiyen saanware saloneson .. badey

अरी होरी खेलन जैयें सांवरे सलोनेसों ॥ बड़े बडे माट भराय केसरसों पिचकाइन छिरकैयें ॥१॥ खेलत खेलत रंग रद्यो अबीर गुलाल उडैयें ॥ नंददास प्रभु होरी र्लेलत आनंद सिंधु बढैये ॥२॥

Dhamar

Part3-333

Kanharo

Khelat faag raag rung baaje mridang dhaadhi lung

खेलत फाग राग रंग बाजे मृदंग धाधि लंग ओर आन आन बाजे ॥ कंचन की पिचकाई सु केसर भरकें करन लाई वरण वरण बसन साजें ॥१॥ सुन सुन ब्रज वनिता बाहिर निकस निकस आय ठाडी भई लाल भरवेकों तिनसों वचन कहत लाजें ॥ काहूकों पटपीत गहावत काहूकों निरख मन मनावत बुंदावन चंद विराजें ॥२॥

Dhamar

Part3-333

Kanharo

Faag anurag bharey khelati haye giridhari ick

फाग अनुराग भरे खेलति है गिरिधारी इक जुबति मधि राधा सुकुमारी ॥| फैंटन अबीर भरे संग सखा रंग भरै लिये हाथन रँँग भरी कनक पिचकारी ॥ १॥ बाजति मृदंग ताल भेरि दुंदुभि रसाल बीना बैनु ढठफ सहनाई धुनि सुखकारी | उत्त सब गोपी जन परम मुदित मन हँसि-हैँसि रस भरी गावति मीठी गारी ॥२॥ आई जुरे दोऊ टोल आनँद हिये कलोल छिरकति गोप गन देस्व्रि-देस्ि ब्रजनारी | झोरी भरि लै गुलाल उड़वती ब्रजबाल मचि रही गगन चहूं दिस अँधियारी ॥ ३॥ ताही समें प्यारी धाँई पकरे मोहन जाई गहि छल-बल आऑजि अँखियाँ अनियारी ॥ अंग- अंग लपटाई लाल उर लाय लये, यह छबि निरखति 'दासजन' बलिहारी ॥४॥

Dhamar

Part3-333

Jejvanti

Haa haa vraj nagari aakhen jinn aanjo

हा हा ब्रज नागरि आखें जिन आंजो ॥ध्रु०॥ जो आंजो तो आप आंजिये ओर हाथ जिन देहो ॥ हांसि हानि दृईं विध जोखो समझ बूझ किन लेहो ॥१॥ सुन हैं मेरे सखा संग के हस हंस देहें तारी ॥ बडे खिलार कहावत हें हरि आंख कराई कारी ॥२॥ परम प्रवीण जान पिय जिय की मृद्‌ मुसिकाय निहारी || कृष्ण जीवन लछीराम के प्रभुकों रीझ भरत अंकवारी ॥३॥

Dhamar

Part3-333

Kanharo Darbari