Aaj vrajavadhu vrajnath bundavan mein taal bansuri

आज ब्रजवधु ब्रजनाथ बुंदावन में ताल बांसुरी बजावें हो ॥ सबही को मन हुलास राग कान्हरो गावें हो ॥ १॥ चोवा चंदन ओर अरगजा अबीर गुलाल उडावें ॥ केसर कुंकुमा पिचकाई भर भर छिरके ओर छिरकावें ॥२॥ सूर के प्रभु कों गण गंधर्व जीव जिते सुरनर मुनि सब देखन आवें हो ॥ हरख हरख कें तन मन धन वारत विमाननते पुष्प वृष्टि कराबें हो ॥३॥

Dhamar

Part3-334

Kanharo

Hoe hoe horry vrajmandal mohan khelein shyama syaam

हो हो होरी ब्रजमंडल मोहन खेलें श्यामा स्याम विराजत विविध भांत भुजमे लें ॥१॥ दुहुं दिश दुंदुभी बाजें मुर॒ज डफ मुरली सरस सुहाई ॥ तार तार कठतार कर में छूटी अनंग दुहाई ॥२॥ कोऊ गावे कोऊ नृत्य करें कोऊ देय असीस सुधंग अंग दिखाबे ॥ कोऊ चंचल गति उरपति परले नयनन अंग नचाबे ॥३॥ आसपास युवतिन की माला वीच फिरत बनवारी ॥ मानो जलज कलिन में अलि मिल सुंगध हितकारी ॥७॥ सघन कुंज बुंदाबन अंतर फाग विचित्र बनायो ॥ मानों अखिल लोक को सर्वस्व हरि यह वार जनायो ॥५॥ यह विध छबि सों क्रीडत कान्हर वरसाने की पौरी ॥ मुरारिदास प्रभु की सुंदरता गोप वधू भई बौरी ॥६॥

Dhamar

Part3-334

Kanharo

Moson horry khelan aayo .. latpati paag atpate

मोसों होरी खेलन आयो ॥ लटपटी पाग अटपटे पेचन नयनन वीच सुहायो ॥१॥ डणर डणगर में वगर वगर में सबहि के मन भायो ॥ आनंद घन प्रभु कर दृग मीडत हँस हँस कंठ लगायो ॥२॥

Dhamar

Part3-334

Kanharo

Main jaba jaanoongi sudhar khilaiya horry khelan

मैं जब जानूंगी सुधर खिलैया होरी खेलन मेरें आबोगे ॥ हमरी चुनरीया रंगनिभिजोई अपनी पाग बचाओगे ॥१॥ चोवा चंदन अगर अरगजा मृगमद सोंधो उडाओगे ॥ जाऊं लाल बलिहारी तिहारी अपुनो कीयो पाओगे ॥२॥

Dhamar

Part3-334

Kanharo

Rung bhar khelat hein hari horry .. ratna jateet

रंग भर खेलत हें हरि होरी ॥ रत्न जटीत पिचकाई कर लीये छिरकते नवल किशोरी ॥१॥ ललिता प्रीतम को मुख मांडत केसरसों रंग बोरी ॥ विचित्र विहारि विहारिन परस्पर आनंद सिंधु झकोरी ॥२॥

Dhamar

Part3-334

Kanharo

Horry khelat laal lalana sanga .. vividh bunn

होरी खेलत लाल ललना संग ॥ विविध बन बन आईं जुर ब्रज युवती बहु रंग ॥१॥ प्रथम देख हरि तन विथकित भई मूरतिवंतत अनंग ॥ नयन बाण लागत उर अंतर भई विकल सब अंग ॥२॥ तज कुल लोक लाज तन की सुध कर मयांदा भंग ॥ उमग उमग विलसें प्रीतमसों बांध गुलाल उछंग ॥३॥ कर विचार मति चारू सबे मिल अपने अपने संग ॥ जुरी जाय हरि सुधा सिंधुसों बढी प्रवाह मानों गंग ॥४॥ कोऊ लेकर पकर पिय को कर नृत्य करे थेई थुंग ॥ कोऊ पिय निज भुजसों भुज भर भेटे उरज उतंग ॥५॥ कोऊ बजावत वेणु मधुर स्वर कोऊ सरस उपंग ॥ कोऊ कर कठताल बजाबत कोऊ मृदुल मृदंग ॥६॥ कोऊ ठाडी पिय मुख निरखत गहि भुज लता लवंगण ॥ कोऊ लेन उगमार धरत मुख पीय कपोल पर अंग ॥७॥ कोऊक निकट जाय प्रीतम के मृद्‌ बजाय मुख चंग |॥ कर कटाक्ष हँस हँस उत्त चितवत जीत्यो दृगन कुरंग ॥८।॥ चंचल चपल कहांलों वरणों मेट्यो मान तरंग ॥ अंग नखसिख प्रकट देखियत सिर मुक्ताफल मंग ॥९॥ कबहुंक देख देख पिय को मुख नाचत सकल सुधंग ॥ वीच वीच बचन विविध मुख बोलत कूजत मानों विहंग ॥१०॥ कबहुंक मुख सरसिज पर फेरत अति चंचल द्रग भृंग ॥ कबहंक धाय अधर रस पीवत चित उपज्यो रति रंग ॥११॥ यह विधि पिय संग खेलत मेट्यो डसी मैन भुजंग ॥ अति रसमद कछुहि नहिं जानत भई भाव पर पंग ॥ १ २॥ यह लीला सुमिरत रसिक मन हरि पद रति अति अनिषंग ॥ श्रीवललभ पद कमल विमल मततिि गावत उठत त्तरंग ॥१३॥

Dhamar

Part3-335

Kanharo

Khelat faag nand nandan or vrishbhan dulari

खेलत फाग नंद नंदन ओर वृषभान दुलारी इतही गोप गण उत युवतीजन लोक लाज तज देत परस्पर जारी ॥१॥ वाजत सुर मंडल पिनाक बीना स्वर भेरि सरस सहनाई रूचिकारी ॥ अमृत कुंडली मदन भेरि ओर राय गिड गीडी पटह निसान हमारी ॥२॥ सरस फुलेल मेल मिल अंबर एक एक तन रहि न संभारी ॥ सुंदर करन कनक पिचकाई भर भर छिरकत सन्मुख न्हे गिरिधारी ॥३॥ तब ले ले वंसन कर धाई राधा संग सब गोकुल नारी ॥ चह्ंदिशते सब घेर हरि पकरे गोप बालक देत किलकारी ॥७॥ अंचल पकर चंचल दृग पोंछत अंजन ले आंजत आंख ढरारी ॥ गांठ जोर तृण तोर कमल मुख ऊपर सब मिल देत अपन पोवारी ॥५॥ फगुवा को मिस कर आंकों भर क्रीडत कुंजन कुंज बिहारी ॥ तोलों ले भाजी मुरली ललिता करते पुन उलट गदल्यो अचरारी ॥६॥ तब बोली राधा हम फगुवा लियो करत बीच मुकरत कहारी ॥ तोक मंगाय दियो फगुवा हस कहत सबनसों मुरली देहु हमारी |।७॥ उडत गुलाल सुगंध घोख में परम रंग बाढ्यो अति भारी ॥ वरखत फूल देवगण हरखत प्रेम मगन व्हे निरख जात बलहारी ॥८।॥ देत असीस सकल गोषीजन चिर जीयो ब्रजराज सदारी ॥ जाके राज करत निशदिन आनंद घोख मे होहु सकल सुखकारी ॥९॥ यह विध खेल फाग अनुराग बढ्यो आये नंद की पोर जहांरी॥ आये मन भाये सबके रघुवीर देख बल बल जात तहांरी ॥8०॥

Dhamar

Part3-335

Kanharo

Naari jaari dey gaee way maaee hoe hoe horry aaee ..

नारी जारी दे गई वे माई हो हो होरी आई ॥ मदन मोहन पिय बांसुरी बजाई श्रवण सुनत गृह त्तज जुरधाई ॥ १॥ चंद्रावलि अंजन ले आई पकर मोहनजु की आंख अंजाई ॥ फगुवा विन दीयें कैसें जेडो धोंधी के प्रभु कुंवर कन्हाई ॥२॥

Dhamar

Part3-336

Nayaki

Laal gulal kii maar russ bharey radhrelat hari horry ..

लाल गुलाल की मार रस भरे रढ्रेलत हरि होरी ॥ रत्न खचित पिचकाई सोंधे भर छिरकत नवल किशोरी ।। ९॥॥ ललिता मोहन को मुख मांड्यो केसर सोंपट बोरी ॥ विचिन्न बिहारी विहारिण परस्पर आनंद सिंधु झकोरी ॥२॥

Dhamar

Part3-336

Iman

Varaj kheleri dhamaar mohan pyarori nandako ..

वरज खेलेरी धमार मोहन प्यारोरी नंदको ॥ संग बनी रस ओपी गोपी कह्मो न परत कछु बाढ्यो या सुख सिंधु उड्डचंदको ॥१॥ वाजत ताल मृदंग उपंग किन्नरी ऊपर बाढ्यो सुख आनंदको ॥ नंददास प्रभु प्यारे कौतुक देखत ओर शोभा गिरिधर मेन फंदको ॥२॥

Dhamar

Part3-336

Nayaki

Horry rung bhar gaaven soee khilar duff liye bajaaven ..

होरी रंग भर गावें सोई खिलार डफ लिये बजावें ॥ गाय गाय के रंग उपजावे जोई रीझे ताकों फेर सुनावे ॥१॥ सबे अरगजे मरग जे बागे नयन से न दे रस उपजावे ॥ कहियत नायक दक्षण-लक्षण आप गदाधर नाम कहावे ॥२॥

Dhamar

Part3-336

Nayaki

Khele khele mohan kunj gully .. rung rangili vrishbhan

खेले खेले मोहन कुंज गली ॥ रंग रंगीली वृषभान सुता संग राजत बहुत अली ॥६९॥ ताल मृद्दंग बांसुरी वीना मधुरे मिल बजावत चली ॥ तेसोही स्वर गावत सब सुंदरी रंग रंग रली ॥२॥ कर गुलाल राधे जब छिरकत शोभित मानों कमल कली ॥ कुंज विहारी जू अरणगजा केसर छिरकी भांत भली ॥३॥ सर सरिता खग मृज सुन मोहें सबहिन अपनी गति बदली ॥ गुण रूपके पिय प्यारी को मुख निरखत हैं सगली ॥४॥

Dhamar

Part3-337

Iman