Khelai-khelai mohan kunj gully .. raing-rangili brishbhanu

खेलै-खेलै मोहन कुंज गली ॥ रैंग-रंगीली बृषभानु सुता सँग राजति बहुत अली ॥१॥ ताल मृदंग बाँसुरी बीना मधुरे मिलि बजावति चली ॥ तैसोही सुर गावति सब सुंदरि रंग-रंग रली ॥२॥ कर गुलाल राधे जब छिरकति सोभित मानों कमल कली ॥ कुंज बिहारी जू अरणजा केसर छिरकी भाँति भली ॥|३॥ सर सरिता खग मृग मुनि मोहें सबहिन अपनी गति बदली ॥ ग्ुन रूप पिय प्यारी को मुखर निरखति हैं सगली ॥४॥

Dhamar

Part3-340

Adano

Khelat hein vraj mein hari horry .. gwal baal lalana

खेलत हें ब्रज में हरी होरी ॥ ग्वाल बाल ललना संग लीने देत कूंक मिलब्रज की खोरी ॥१॥ अरणजा वाद कुंकुमा केसर चंदन बंदन रोरी ॥ सरस फुलेल अबीर अरणजा सुरंग गुलाल लियें भर झोरी ॥|२॥ सुर मंडल मुख चंग परवावज विच मुरली मधुर ध्वनि थोरी ॥ श्रवण सुनत आईं ब्रज सुंदरि संग लियें वृषभान किशोरी ॥ ३॥ गावत फाग राग केदारो नाचत रंग भरे दुहुं ओरी ॥ तिहिं अवसर पकरे श्रीदामा आंजत नयन कह्ठत हो होरी ॥४॥ रत्न जटित आभूषण अंबर और दई हँस पीत पिछोरी ॥ देत असीस चलीं सब गोपी नंद सुबन युग युग जीवोरी ॥५॥ कुसुमन वृष्टि करत इंद्रादिक आये खेल फेर सिंघ पौरी ॥ गोकुल नाथ वारत तन मन धन बल बल बल बल की नोरी ॥६॥

Dhamar

Part3-340

Adano

Horry khelati rung rahyo hoe .. chova chandan aggar

होरी खेलति रंग रह्यो हो ॥ चोवा चंदन अगर कुंमकुमा बिथिनि जात बद्यो हो ॥१॥ आँखिन में जिनि डारोौ मोहन कितनी बेर कहयौ हो।| सखियन सबै सिखाई राधिका तब नंदलाल गहयौ हो ॥२॥ ये बातें अब सुधि करौ मोहन बेचन जात दल्यो हो | अबीर गुलाल अरगजा डारयो, सब नंदलाल सझो हो ॥३॥ अरस-परस पिय के सँग बिहरति तन को ताप गयौ हो ॥ बौहौत कहा अब कहत “गदाधर” लोचन लाख लह्या हो ॥४॥

Dhamar

Part3-341

Adano

) heen aaj horry khelaungi naid-mahar key laal saun ..

) हीं आज होरी खेलौंगी नैद-महर के लाल सौं ॥ चोवा चंदन मृममद केसर भरौंगी अबीर गुलाल सौं ॥ १॥ कंचन की पिचकाई भरि छिरकाबवौंगी मदन गुपाल सौं ॥ 'ब्रजपति' के संग खेलौंगी सब निस विलसौंगी रसिक रसाल सौं ॥२५॥

Dhamar

Part3-341

Adano

Hari saing chalo kheliye horry | ausar badau

हरि सैंग चलो खेलिए होरी | औसर बड़ौ लाज तजि गावति हो-हो होरी कहौ री ॥१॥ देखे जाई जहाँ हरि स्नेलति लोक बेद कॉनि ढहो री ॥ हास बिलास प्रफुलित कमल मुख इकटक निरखि प्रमोद लहो री ॥२॥ एसे समैं बिना हरि संगम घर रहिबौ लगति विष सौ री ॥ सब ब्रत छाँड़ि अनन्य पुष्टि पथ एकु ब्रत काहे न गहौ री ॥३॥ पिय की प्रीति जानि अपुने जिय आनि एकु रस ले निबहौ री ॥ जा विनु चले इक छिनु नाहीं ता कारन सब क्‍यों न सहौ री ॥४॥ वीतति है छिनु छिनु जोबन सुख अति दरलभ सखी समौ यह होरी ॥ कहा विलंब करत हो पिय ढिग जैवे को ब्रज नारि अहो री ॥५॥ चलो दिखाऊ मोहनी मूरति यह आनँद अनत कित हीरी ॥ अंग अंग की अमित माधुरी पीवति यह गुन धरन चहौ री ॥६॥ अब ही प्रगट भयौ है यह रस भाणिन बह्ढरि नहिं लहौ री ॥ सुंदर श्याम मिलो नीकै करि काहे को तन ताप दहौ री ॥७॥ अब लग यह ब्रज माँहि विलसीवों सपने हूं मैं हुतो न होरी ॥ जाई जूरौ अपुने जीवन सों जीवन कौ फल आजु लही री ॥८।॥| यह बिधि बचन सुनति ब्रजनारी चली बाई खेलनि सुख होरी ॥ श्री बल्‍लभ पद रैनु 'रसिक' ध्यान घरों यह दुरलभ होरी ॥५॥

Dhamar

Part3-341

Adano

Vraj mein horry khelein nand nandan jug bandan .. utahi

ब्रज में होरी खेलें नंद नंदन जग बंदन ॥ उतही गोप मध्य बल मोहन इत शोभित राधा तरुणी गन ॥१॥ तन सुख पाग लाल सिर राजत केसर रंग वागणो पहरें तन ॥ सारी सरस लाल कसूंभी रंग पहरें राधा तन प्रफुल्लित मन ॥२॥ सनन्‍्मुख दीठ जोर दोऊ जन प्रकट करत उरको सनेह घन ॥ अति अनुराग भरे खेलन कों आईं जुर किलकत दुहं टोलन ॥३॥ जब गोपाल बहुले देत सखीन बहुभांत अतोलन ॥ कनक कलश केसर के रंग भर पिचकाई तकत छिरकत सबन ॥४॥ तब राधा चंद्रावलि शोभित ललितादिक बोले तिहि छिन ॥| ले ले कर बंसन धांई मुख मांडत ले केसर सुंदर घन ॥५॥ ताल मृदंग भेरि महुवर डफ ढोल आदि बाजें सब बाजन ॥ चंग उपंग बांसुरी बिच विच बाजत पैरि सुनत ध्वनि न कोऊ कानन ॥ ६॥ चोबा मेद जवाद साख गोरा मृगमद एक करन ॥ अगर अरगजा अंबर घस घस अतर कुंकुमा सों लागे मलन ॥७॥ कर विचार ललितादिक मन में पकरे जाय रबक संकरषण ॥ ले अबीर कीनों गुलाल सम विविध भांत रति लागे करन ॥८॥ एक ओर हलधर ब्रज बालक एक ओर युवती सब यूथन ॥ बीच बीच ध्वनि राख दुह्ं दिश गारी देत गोप गोपीजन ॥| फगुवा के मिस ललितादिक ऐंचत मुरली ओर पीत बसन ॥ मोल मंगाय विविध भूषण पट देत सबन फगुवा नंद नंदन ॥१०॥ नहान चले यमुना सुंदरवर कोटी काम मद लगे दलन ॥ चढ विमान न देखत बरखत कुसुम सुर भूले घरन ॥१ १॥ अंचल वार वार मुख निरखत सुंदर स्याम कमल दल लोचन ॥ तिहिं अबसर रघुवीर धीर पै वार-वार लागे जल पीवन ॥११॥

Dhamar

Part3-342

Kedaro

Khelat mohan radha horry .. itahi gopika jurr

खेलत मोहन राधा होरी ॥ इतही गोपिका जुर जुर आंई उत ग्वाल मंडली चांचर जोरी ॥ १॥ पिय प्यारी पर प्यारी पिय पर अबीर गुलाल की झोरी ॥ कृष्णदास बल जाय इन पर श्यामा स्याम की बनी है जोरी ॥२५॥

Dhamar

Part3-342

Kedaro

Rasakon rasilo laal andoi dolai .. vraj kii

रसकों रसीलो लाल एंडोई डोलै ॥ ब्रज की बिथिनि बीच होरी खेलै।। केसर रंग अरगजा घोरै, पिचकाईन रँग रैले ॥१॥ सरब्री समाज झुंडन बीच रैँग रह्मों गुन प्रबीन रस काम को पेले ॥ 'सरस रँग” पिय रस भरी राधे सुघर तान सँग झेले ॥२॥

Dhamar

Part3-343

Kedaro

Rasik govardhan dharan khelat horry sanga liye

रसिक गोवर्धन धरन खेलत होरी संग लिये बृज बालक हरि हलधर की जोरी ॥१॥ चले सूर सुत्ता तीर बूंदावन माई ॥ बाजत मृदंग उपंग चंग बांसुरी सहनाई ॥ झांझि डफ ताल भेरि लागत सुहाए ॥ मानो अनंग द्वार बाजत बधाये ॥|३॥ उड़त गुलाल रंग अबीरन झोरी ॥ तारी दे दे कहेत सब बोलो हो हो होरी ॥|४॥ किलकारी दे दे नाचे ज्वाल रंग भरे ॥ कंचन पिचकाई रंग भरी कर धरे ॥५॥ बरसाने की ग्वालिनी सुनि सब आई ॥ गोरी अति भोरी सब बनी एकदाई ॥६॥ तिनमें दामिनी सो द्वे सोहे सकुमारी ॥ चंद्रावली अरू वृषभान दुलारी ॥७॥ टोलनि टोलनि घेरि चहुँदिसा आई ॥ पकरे सबन मिलि कुमर कन्हाई ॥८॥ चंद्रावली गहेवलि सखा सब भाजे ॥ कुम कुम मुख मीडिवो लोचन आजे ॥९॥ कनिक कलस केसरि भरि सीस नाए ॥ तारी दे कहेत हम तुम भले पाए ॥१०॥ सोंधो मुख लपटाए मन भाए कीने ॥ फगुवा ले मन मान्यो पाछे जान दीने ॥११॥ मोहन की गूथी रचि फूलन सो बेनी, मुरली लई स्यामा मृग नैनी ॥१२॥ ललिता रुचि सो पेहेराई तनसुख सारी लालन को पीत पटू आप लीयो प्यारी ॥१३॥ पिय को प्यारी को गांठि जोरि जु बनायो, निरखि निरखि सखीय सुख पायो ॥१४॥ यह सुख गुढ़ रस कह्ेत न आवे, श्री बलल्‍लभ श्री बिट्वल पद बलि दास गावे ॥१५॥

Dhamar

Part3-343

Kedaro

Rooshi kai khelati mohan radha horry .. ita hii

रूषि कै खेलति मोहन राधा होरी ॥ इत हि गोपिका बनि-बनि आँई उत ग्वाल मंडली चाँचरि जोरी ॥१॥ पिय प्यारी पै प्यारी पिय पै डारति अबीर गुलाल की झोरी ॥ 'कृष्णदास” बलि जाई जुगल पै स्यामा स्याम की बनी हैं जोरी ॥२॥

Dhamar

Part3-343

Kedaro

Horry yaa bugger mein maach rahee ree heen paniya bharani

होरी या बगर में माच रही री हीं पनिया भरनि कैसें जाँऊ री ॥ लाज लिये मेरे घूंघट पट की हों कैंसैक निकसन पाँऊ री ॥१॥ मिसिह्ठि मिसि रँग भरति साँवरों तिन सौं कहा कहाँऊ री ॥ नागरी कान्ह छूबे जिनि मानौं न्‍्याव कहति सब गाँव री ॥२॥

Dhamar

Part3-344

Kedaro

Rangan rung hoe hoe horry khelein ladillo vrajraj

रंगन रंग हो हो होरी खेलें लाडिलो ब्रजराज को ॥ सांवरे गात कमल दल लोचन नायक प्रेम समाज को ॥१॥ प्रथमहीं ऋतु वसंत बिलसे हुलसे होरी डांडो रोप्थो ॥ मानों फाग प्राण जीवन धन आनंदित सब ब्रज ओप्यो ॥२॥ मृगमद मलय कपूर अगर केसर ब्रजपति बहु घोर धरे ॥ सरस सुगंध संवार संग दीये रंगन कंचन कलश भरे ॥३॥ प्रेम भरी खिलवारन के हित सुख के साज सिंगार कियें ॥ भाग्य अपार जसोदा मैया बार-बार जल वार पियें ॥४॥ भई हे रंगीली भीर द्वारन प्रीतम दरशन कारनें ॥ अब बन ठन निकसे मंदिर तें कोटि मदन कीये वारनें ॥५॥ फेंट भराय लई जननीपें आज्ञा लई ब्रज ईंशतें ॥ नंदराय तब रत्न पेंच रचि बांध्यो गिरिधर शीशतें ॥६॥ तापर मोर चंद्रका सोहे ग्रीव ढरन लहकात हैं | मदन जीत को बानो मानों रूप ध्वजा फहरात हें ॥७॥ तेसेई सखा संग रंग भीने हरख परस्पर मन मोहे ॥ वरण वरण युवतिन के कमल मानों अंबर दिन मणि संग सोह़े ॥८॥ आनंद भर बाजे बाजत हैं नाचन मधु मंगल रंग किये ॥ हरि की हसन दशनन की किरण नयनन की ढरन मन मोहि लिये ॥९॥ कोऊ द्वारे कोई चढ अटा कोऊ खिरकिन वदन सुहाये ॥ गोकुल चंद्रमा देखन कों मानो चंद्र विमानन चढ चढ आये ॥१०|| अबीर गुलाल उडाय चले देखत जेसें सब कोऊ हरखे ॥ छिरकत फिरत छेल नवरंगी कहा कहिये रस नव घन बरखे ॥११॥ राधा दृष्टि परत नहीं मोहन निरख नयन मन घूमें हों ॥ सनन्‍्मुख ह्लै पिय कल्पतरूवर महाभाग्य रस फल झूमेहो ॥१२॥ प्रमदा गण मणि स्यामा रसिक शिरोमणि सों खेलन आई ॥ दुद्दंदिश शोभा उमग रंग मच्यो ॥ मान वेणु ध्वनि लाई ॥१३॥ नयनन बेनन खेलत वधू गेंदुक नवलासिन मार मची ॥ कमल नयन कर ले पिचकाई मृग नयनन सेनन भ्रृंड नची ॥ १ ४॥ छिरकी छेल छबीली भांतन मन हरणी जोबन बारी || सब अंग छींट बनी पिय वसनन फुलीं छबि फुलवारीं ॥१५॥ पहोप पराण उडाय दाव रचि अछन अछन नेरे आंई ॥ दौर दामिनीं घन घेरच्ो पिय बात बनीं सब मन भाई ॥६६॥ कोऊ मुख मांडत दे गल बइयाँ कोऊ पोंछत आछी छबि सों | अलकन आ्रोहन मूल रंग रह्यो शोभा कह्िय न जाय कबि सो ॥१७॥ कोऊ रचि रुचि पान खवावत पुलकित अधरन परस कियें ॥ कोऊ भुज गह्डि डहकाय फगुवा माँगत पिय नयनन चैन दिये ॥१८॥ राधा नामरि श्याम सुंदर पर प्रीत उमंग केसर ढोरी ॥ महा मनोहर ताकों राजा अभिषेक किये कहें हो हो होरी ॥१९॥ सरस्वती सहित महामुनि मोहे यह शोभा दंपति हेरे ॥ कह्टि भगवान छित रामराय प्रभु हँस चितवन वसी मन मेरे ॥२०॥

Dhamar

Part3-344

Bihaag