Aeka diswar vraj baalaa aeka diss mohan madan

एक दिसवर ब्रज बाला एक दिस मोहन मदन गोपाला ॥ चांचर देत परस्पर छबिसों कही न परत तिहिं काला ॥१॥ कुसुम धूर धूंवर मध्य चांदनी चंद किरण रही छाय ॥ तेसोहि बन्यो गुलाल गगन कछु वरणत वरण्यो न जाय ॥२॥ सुर मंडल डफ बीना झीना बाजत रसके ऐना ॥ चांचर में चाचर सी चितवत छबीली त्रियन के नयना ॥३॥ बन्योहे चटक कठताल तार ओर मृदुल मुरज टंकार ॥ तिन संग रंग रंगीली मुरली बिच अमृत की धार ॥४॥ बढ्योड़े दुहं दिश गुण वितान रस गान सुनत रस मूले ॥ मंद मंद आबन उलट न मानों प्रेम हिंडोरे झुले ॥५॥ लटक लटक आवत छबि पावत भावत नार नवेली ॥ प्रेम पवन बश डोलत मानों रूप अनूपम वेली ॥|६॥ चारु चलन में मणिमय नृपुर किंकिणी कलरबव राजे मानों भेद गति पाछें आछ मधुर मधुर ध्वनि छाजे ॥9॥ चमक चमक दशनावलि द्युति फिर अधरन मांझ समाई ।। दमक दमक दामिनि छबि पावत चंद्रन में दुरजाई ॥८॥ अनेक भांत राग रागिणी अनुराग भरे उपजावें ॥ सुन विथके शिव नारद शारद तेहू पार न पावें ॥९॥ रस कदंब में बोरी गोरी नित उठ खेलन आवे ॥ नंददास जाके भूरि भाग्यजे विमल विमल यश गावें ॥१०॥

Dhamar

Part3-345

Bihaag

Lagyo ray lagyo moson horry khelan lajyo ..

लाग्यो रे लाग्यो मोसों होरी खेलन लाज्यो ॥ जोबन मत्त कहा तू डोलत अबीर डार कित भाग्यो ॥ १॥ नई खिलार खेल ताहीसों जाके प्रेमरस पाग्यो ॥ कृष्ण जीवन लछीराम के प्रभु पिय सदाही रहत अनुराग्यो ॥२॥

Dhamar

Part3-346

Bihaag

Bhalee bhaee vraj horry aaee ghar aaye ghansyam

भली भई ब्रज होरी आई घर आये घनस्याम री ॥ चोवा चंदन ओर अरगजा वे राधा के काम री ॥१॥ धन्य तेरे भाग सुहाग लाडिली ओर न दूजी बाम ॥| कृष्ण जीवन लछीराम के प्रभुसों ज्यो सीता मिली राम ॥श॥।

Dhamar

Part3-346

Bihaag

Varasaane kii gwalini or khelat faag vasant

वरसाने की ग्वालिनी ओर खेलत फाग वसंत हो ॥ शंक न मानें काहूकी मात पिता सुत कंत हो ॥१॥ चंद्रभागा चंद्रावली मध्य नायक राजत राधा ॥ सहज स्वरूप सुहावनो शोभा सिंधु अगाधा ॥५॥ सकल साज संग ले चली आंई बट संकेत ॥ पठई सखी एक आपनी नंद कुंबर के डेत ॥ ३॥ चली सब चतुर सिरोमणि ओर खेलनकों रस फाग ॥ रसिक कुंबरि वृषभान की तुमसों अति अनुराग ॥8॥ रामकृष्ण हंस यो कह्कौ सुनो हो सखा श्रीदाम ॥ हमपें आय सबे जुरीं ओर तिनमें अति से भाम ॥५॥ वेग चलो सब ग्वाल ले दिखाओ अपुने हाथ ॥ जेसें बहोरिन आवहीं छांड आपनों साथ ॥६॥ अनंत अबीर गुलाल ले देहु निसान घुराई ॥ बहुत कलश सोंघे भरे कुंकुम भर पिचकाई ॥७॥ दलवादर ज्यों देख सनन्‍्मुख आई धाई ॥ मेघ घटा ज्यों वरखहीं अद्भुत खेल मचाई ॥८॥ कमलन ले ले नवलासी कुसुम गेंद कर मारी ॥ मुरि भाजे बल मोहना हो हो कहें ब्रजनारी ॥९॥ चंद्रावलि बल जू गहे स्याम गहे श्री श्यामा || सखा गए सब भाज के लियो छिनाय दमामा ॥१०॥ संकरषण सोंधे भरे श्याम भरे सुकुमारी ॥ आनन सीस सवारिकें भेष बनायो नारी ॥ १ १॥ रस वश भई ब्रजसुंदरी लीला कहीय न जाई ॥ चतुर्भुज प्रभु इन वस किये गिरि गोवर्द्धन राई ॥१२॥

Dhamar

Part3-346

Bihaag

Jaba hari hoe hoe horry gaaven .. taruni youth tarani

जब हरि हो हो होरी गावें ॥ तरूणी यूथ तरणि तनया तट आरज पथ त्यज आवें ॥९॥ निरख नयन मनमोहन पियको अपने नयन सिरावें ॥| विविध कुसुम की दाम श्याम को रबक जाय पहरावें ॥२॥ अति कमनीय सो कमल वरण की कटि काछनी कछाबें ॥ मंजुल मोर मुकुट मकराकृत मरूबट मुखहि बनावें ॥३॥ ताल मृदंग मुरज डफ महुबर वीना जंन्न सजावें | नव नागर नटे वष धरें मध्य ठाड़े वेणु बजावें ॥४॥ कोऊ झील कोऊ मंद घोर स्वर तान न गाय रिझावें ॥ ललित त्रिभंगी नवल रंगीलो अंग सुधंग नचावें ||५॥ हाव भाव सों निपुण नागरी नाना भांत हँसावें ॥ रीझ रीझ तृण तोर सोर कर युग कपोल परसावें ॥६॥ कोऊ एक सन्मुख बैठ लाल के अंचल अवनि बिछाबे || ताहि आपनो पीतांबर मन मोहन विहस उढावें ॥७॥| कोऊ एक केसर कुसुम वारि घस घोर कलश भर लावें ॥ रत्न जठित पिचकाई भर भर पियकों छिरक छिरकावें ॥८॥ चोवा मेद जवाद साख गोरा घनसार मिलावें आपुस मांझ मतो मिल कर ले मोहन मुख लपटावें ॥९।॥ एक पिया को वेष पलट सिर फेंटा ऐंठ बधावें ॥ बरूहा पिच्छ धर नूतन मंजुरी दक्षण दिश थिरकावें ॥१०॥ कनक कटि पट फेंट बांध के कटि तट वेणु धरावें ॥ सेली वेंत अंस धर ताकों मन्‍्मथ मंत्र पढ़ावें ॥| १ १॥| कोऊ एक मेन महा मदमाती आलिंगन दे आवैं ॥ निरलज भई परिरंभण दे दे अधर सुधारस प्यावें ॥१२५॥ तब ललिता ले मोहनजू को नारी को वेष बनावें ॥ नवसत द्वादश साज लाडिली नवल पियापें पठावें ॥१३॥ अति सुकुमारि सलोनी स्यामा रति गुण ग्राम दृढावें ॥| निरख हरख पुलकित तन दंपति ।। अतुलित प्रेम बढावें | १ ४॥ अद्भुत एक विचित्र माधुरी सो पिय को समझावें ॥ हँसन लसन चितवन मिलवन में सहज उरझ सुरझावें ॥१५॥ एक सखी ले बूका वंदन भर भर मुठी चलावें ॥ सुरंग गुलाल उडाय अधिक सो लोचन लाज नसावें ॥ १ ६॥। नवल कुसुम की ले नवलासी कमलन मार मचावें ॥ प्रेम छकी डोले मन खोले हो हो हो कर धावें ॥ १ ७॥ मगन भई आनंद सिंधु में तन मन सुधि विसरावें ॥ क्रजजन मीन भये रस सागर अपनी तृषा बुझावें ॥ १ ८॥

Dhamar

Part3-347

Bihaag

Syamaju horry khelan aanee .. lalita chandrabhaga

स्यामाजू होरी खेलन आंई ॥ ललिता चंद्रभगा चंद्रावलि सखी अनेक सुहाई ॥१॥ जब यह बात सुनी जसोदा जु अरध पामड़ें दीनें ॥ लाल भामती जोरी लख मन मांझ बधाई कीनें ॥२॥ फूली फूली फिरत सखी सब पकरन मदन गोपालें ॥| फिर फिर कहत रोहिणी अब जिन भरो नंद के लालें ॥३॥ यह सुन ललिता ओर चंद्रावलि बलदाऊ गहि लीनें ॥ मृगमद आड संवार मांड मुख भौंपै बिंदा दीनें ॥४॥ भीजी नाना विधि के रंगन बोलत हो हो होरी ॥ अब गहि लेह्ु चलो मोहन कों यों दुर कहत किशोरी ॥५॥ चली दौर चहूंदिश तें सुंदर चढ गई अटा अटारी ॥ बैठे हुते जहां मन मोहन घेर लिये चित्र सारी ॥६॥ पकरद्यो प्यारो प्यारी छलकर भेख सखी को कीनो ॥| आंख आंज केसर मुख मांड्यो मृगमद बेंदा दीनों ॥ ७ एक सखी कुसुमन सों कबरी नाना विधि जु संवारी ॥ सिंदूर मांग भरी ता ऊपर मोतिन की लर न्यारी ॥८॥ नीलांबर पहरायो रीझ पहराई मणिमाला ॥ स्यामा याको नाम धर्यो है यों कहत मुदित ब्रजबाला ॥९॥ सब सहचरी मिल लाई त्ाकों नंदरानी के पास॥यह सुंदर हमलाई हैं जु घनस्याम मिलन की आस ॥१०॥ देख रूप ललचाय जसोदा करत बहुत मनुहारी ॥ बार बार नोंछावर कर कें पीवत है जलवारी ॥११॥ जब यह भाव लख्यो सब ही मिल सखत्री भेख हे कीनों || नाना विध पटवार ओर मन मान्यो फगुवा दीनों ॥१२॥ भये दूहुंन के भाये मनके पिय प्यारी रस भीने ॥ जे जे हुती कामनां मन में जैसी विधि सुख दीनें ॥१३॥ छाय रहो अनुराग परस्पर कहा वरनें कवि कोन ॥ देव विमानन फूलन वरखत शोभित हे नंद भोन ॥१७॥ चतुर सखा श्रीदामा तब एक भेष सखी को लायों || सखी यूथ में आय मिल्यों यह भेद न काड्डू पायो ॥१५॥ मिली दौर चंद्रावलि तासों भट्‌ भट्‌ कहि टेरी ॥ आलिंगन दे ढिंग बैठारी मुदित बदन तन हेरी ॥१६॥ जान गई यह भेख कपट को सकुच रही मनही में ॥ विहँस मिली प्यारी प्रीतम सों ज्यों दामिनि घनही में ॥१७॥ स्यामा श्याम दोऊ सुख विलसत प्रेम बुद्धि अरुझने ॥ 'सूरवास' ब्रजवासिन के वश ओर कछू नहिं जानें ॥१८॥

Dhamar

Part3-348

Bihaag

Maanat naahi nabal nabeli naar tou pai adhik

मानत नाहि नबल नबेलि नार तो पै अधिक प्यार श्याम छबीले ने बोली तोय ॥ कब की मनावत आली उतरू न देति कैसैंहु मन न आवत छेल छबीले की होरी को सुख तातैं लैन पठाई मोय ॥१॥ सुनति बतीयाँ प्रीतम की प्रेम मगर क्यों न होत धन तेरी छतीयाँ नींद भरी रहो सोय ॥ इतनौं सुनति प्यारी कर लीए पिचकारी 'रसिक' पीतम सँग मदन बिथा खोय ॥२॥

Basant Dhamar - Maan

Part3-348

Kanharo

Hoe hoe hoe kahee khelat horry abb tou rung machyo

हो हो हो कही खेलत होरी अब तो रंग मच्यो है ॥ कहा कहिये सब सिमिट गईं मनमोहन रंग रच्यो हे ॥१॥ खेलत ही खेलसो कीनों अब कहा कछू बच्यो हे ॥ रस गारी नारी दे गावें अब तो उघर नच्यौ है ॥२॥ चंद्र बदन मांडत गुलालसों दाऊ ने आन खच्यो है ॥ पिचकारी प्यारी की छूटत रंग भर लाल लच्यो हे ॥३॥ रस निधान ब्रजराज लाड़िलो शोभा सिंधु सच्यो हे ॥ “कुंभनदास' प्रभु की छबि निरखत मन्मथ मन हि कच्यो है ॥५॥

Dhamar

Part3-349

Bihaag

Khlelat rangeele raadhe roop ujiyari .. piya hiye

ख्लेलत रंगीले राधे रूप उजियारी ॥ पिय हिये वसत हो प्राण हूं तें प्यारी ॥ १॥॥ वदन शरद शशि कोटि प्रकाश ॥| नागर नयना चकोर चाहत हें प्यास ॥२॥ आभूषण तारा गण नीलांबर रेनी ॥ बेनी अलि श्रेणी किथों त्रिवलि त्रिवेनी ॥३॥ मृगमद आड़ किधों मेन की ध्वजा को ॥ भृकुटि धनुष वर मानों युग जाकों ॥|8॥ नासिका सुमन तिल स्वांति सुत सोहें ॥ घन तन चतुर चातक चित मोहें ॥५॥ नगन जटित बीरे जगमगताई ॥ कनक मुकुरसे कपोलन में झांई ॥६॥ अरूण अधर लसे दर्शन सुपांती | मानों माणिक मध्य हीरा की कांती ॥|७॥| बोलन मधुर पिक बोलन लजावे ॥ मुद्‌ मुसिकान द्युति दामिनी न पावे ॥८।| सुंदर चिबुक तामें श्याम बिंदु ऐसो ॥ मोहन को मन मानों चुभ रह्यो जैसो ॥९॥ गरें पोत गुंज की उपमा जिय मांही ॥ दीपक सरन मानों सोहे परछांहीं ॥१०॥ सुभग कंचुकी पर वर मोती हारा ॥ जानों युग शिव धरें सुरसरी धारा ॥ १ १॥ वलय मंडित भुज उपमा न आवे ॥ जिनसे सांवरो सर्वस्व दे बधावे ॥१२॥ तनु रुह रेखा नाभि एसी अनुहारी ॥ कुंदन कुंडी सें जानों सुधा की पनारी ॥ १ ३॥ कटि निरखत मृगराज घट लागें ॥ रंभान के खंभा कहा जंघन के आगें ॥१४॥ चरणन नूपुरु नख यावक निकाई ॥ त्रिभुवन छबि जहां छबि आन पाई ॥९१५॥ वरनो कहांलों प्यारी मेरी मति थोरी ॥ स्याम ललिता स्यामा खेलत होरी ॥६६॥

Dhamar

Part3-349

Bihaag

Rasik douu khelan laage horry.. uta taiy nikse

रसिक दोऊ खेलन लागे होरी॥ उत तै निकसे नंदनंदन इत वरसानें की गोरी ॥१॥ बाजत ताल मृदंग झांझ डफ मुरली मधुर ध्वनि थोरी ॥ गोपी ग्वाल सबें जुर आये भवन रह्यों नहीं कोरी ॥२॥ भवन भवन तें भामिनि निकसी छिरकत चंदन रोरी ॥ बाजत बीन रबाव किन्नरी मन्मथ मान लज्यो री ॥३॥ भरत भांमते मदन गोपाले हो हो हो कर दौरी ॥ स्यामा स्याम कीया छबि ऊपर सब डारत तृण तोरी ॥४७॥ तारी दे ललितादिक भाखत भली बनी यह जोरी ॥ केसर और मँगाय विविध संग दियों सीस तें ढोरी ॥।५|| खेल मच्यो ब्रज वीथिन महीयां कुंज- कुंज वर खोरी ॥ “मुरारीदास प्रभु फगुवा दीयो लोचन लगी ठगोरी ॥६॥

Dhamar

Part3-349

Bihaag

Aaj gahwar bunn horry maani .. vrajrani vrajraj

आज गहवर बन होरी मानी ॥ ब्रजरानी ब्रजराज कुंवर जन सुरंग गुलाल उडानी ॥१॥ मानो उदित अनुराग सिंधु कुमुदमुखी हित आनी ॥ “ब्रजाधीश' प्रभु प्रमुदित बधुनि कोटि काम छबि मानी ॥२॥

Dhamar

Part3-350

Bihaag

Horry aaee ray kanhai .. joe kachhu munn mein hii

होरी आई रे कन्हाई ॥ जो कछु मन में ही सोई भई विधि यह बात बनाई ॥ १॥ तब सकुचन हों खेल न सकती अब खेलों तोसों धाय ॥ सखी सहेली तोसों सब खेलेंगी कहा करेगी माय ॥२॥ गुरुजन यत्न करो बहू तेरो कोटिक करो उपाय ॥ अब तोरे तो सों मन लाग्यो तो बिन रत्यो न जाय ॥३॥ केसर ओर जवाद कुंकुमा छिरकूं तोहि बनाय ॥ हों हं भरोंगी तुही भरेगो नयनसो नयन मिलाय ॥४॥ लोक बेद तृण ज्यों तोरी देऊ॑ कुल कान वहाय | निरमल सुत प्रभु नंदनंदन कों राखोगी कंठ लगाय ।।५॥

Dhamar

Part3-350

Bihaag